جۇڭگو كوممۋنيستىك پارتياسى ورتالىق كوميتەتى
«جۇڭگو كوممۋنيستىك پارتياسىنىڭ ادەتتەگى جوعارى مەكتەپ نەگىزگى ساتى ۇيىمدىق قىزمەتى ەرەجەسىن» باسىپ تاراتتى
شينحۋا اگەنتتىگىنىڭ 4 - ايدىڭ 22 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ ادەتتەگى جوعارى مەكتەپ نەگىزگى ساتى ۇيىمدىق قىزمەتى ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان سول بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيا ۋستاۆىن ءتۇبىرلى نەگىز ەتىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن تياناقتاندىرىپ، جوعارى مەكتەپتەردىڭ نەگىزگى ساتى پارتيا ۇيىمى قىزمەتىن جاپپاي جۇيەلىلەندىردى، ول جاڭا داۋىردەگى جوعارى مەكتەپتەردىڭ پارتيا قۇرىلىسىنىڭ نەگىزگى بويسۇنۋ ولشەمى. «ەرەجەگە» وزگەرىس ەنگىزىلۋى مەن اتقارىلۋى پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ، ادام تاربيەلەۋ ءتۇبىرلى مىندەتىن تياناقتاندىرىپ، جوعارى ساپالى وقۋ - اعارتۋ جۇيەسىن قۇرۋ، وقۋ - اعارتۋدا قۋاتتى ەل قۇرۋ جونىنەن ماڭىزدى مانگە يە.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) پارتيانى جاپپاي قاتاڭ جونگە سالۋداعى نەگىزگى تۇلعالىق جاۋاپكەرشىلىگىن شىن مانىندە اتقارىپ، جوعارى مەكتەپتەردىڭ پارتيا قۇرىلىسىن كورنەكتى ورىنعا قويىپ يگەرىپ، پارتيانىڭ جوعارى مەكتەپتەرگە جالپى بەتتىك باسشىلىعىنا تاباندى بولىپ جانە ونى كۇشەيتىپ، جوعارى مەكتەپتەردىڭ پارتيا ۇيىمى جۇيەسىن، ءتۇزىم جۇيەسىن جانە قىزمەت مەحانيزمىن اقاۋسىزداندىرىپ، جوعارى مەكتەپتەردىڭ پارتيا قۇرىلىسى مەن جوعارى دارەجەلى وقۋ - اعارتۋ ىستەرىنىڭ دامۋىنىڭ تەرەڭ توعىسۋىن ىلگەرىلەتىپ، جوعارى ساپالى پارتيا قۇرىلىسى ارقىلى جوعارى مەكتەپتەردىڭ پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەۋىن، جوعارى ساپالى دامۋدى جۇزەگە اسىرۋىن جەتەكتەۋ، ىلگەرىلەتۋ كەرەك. «ەرەجەنى» مۇقيات ۇيرەنىپ، ۇگىتتەپ جانە دايەكتىلەندىرىپ، جوعارى مەكتەپتەردەگى ءار دارەجەلى پارتيا ۇيىمدارىنىڭ جانە پارتيالى كادرلاردىڭ، وقىتۋشى - وقۋشىلاردىڭ، اسىرەسە، پارتيالى باسشى كادرلاردىڭ «ەرەجە» رۋحىن ىشكەرىلەي تۇسىنۋىنە مۇمكىندىك جاساپ، «ەرەجە» مازمۇنىن جاپپاي يگەرىپ، «ەرەجە» بەلگىلەمەلەرىنە قاتاڭ بويسۇنۋ جانە اتقارۋ كەرەك. ورتالىق كوميتەت ۇيىمداستىرۋ ءبولىمى، وقۋ - اعارتۋ مينيسترلىگى پارتيا باسشىلىق گرۋپپاسى قاتىستى تاراۋلارمەن بىرگە قۋزاۋدى، جەتەكشىلىك ەتۋدى كۇشەيتىپ، «ەرەجەنىڭ» ءونىمدى دايەكتىلەندىرۋىنە، تياناقتاندىرىلۋىنا شىنايى كەپىلدىك ەتۋ كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى احۋالدار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋى كەرەك.
«ەرەجە» 10 تاراۋ، 39 تارماق، جاريالانعان كۇننەن باستاپ اتقارىلادى.
