تيانشان تورى   ›   جاڭالىقتار   ›   شينجياڭ حابارلارى

شينجياڭ ماقتاسىن قارالاۋعا جول بەرمەيمىز

□ لوپ اۋدانىنداعى ماقتا تەرۋشى يمىنتوحتى تۇرسۇنتوحتى

  جۋىقتا شەتەلدىڭ ءىشىنارا كاسىپورىندارى ءبىزدىڭ شينجياڭنىڭ ماقتاسىن تەرۋدە ايتىلمىس ”زورلىقپەن ەڭبەككە سالۋ“ ساقتالىپ وتىر دەدى، بۇعان مەنىڭ قاتتى زىعىردانىم قاينادى، ولاردىڭ ءبىزدىڭ شينجياڭ ماقتاسىن داتتايتىن قانداي قاقىسى بار؟

  مەن لوپ اۋدانىنانمىن، كوپ اعايىندىمىز، ءار جەردە جۇمىس ىستەپ، اقشا تاۋىپ، تۇرمىس دەڭگەيىمىزدى ۇزدىكسىز جوعارىلاتىپ كەلەمىز. ءبىر جولى قاشقارعا بارىپ ماقتا تەرۋدەن كوپ كىرىس كىرەتىندىگىن ويدا جوقتا ۇعىسىپ، سونىمەن بۇرىن قاشقارعا بارىپ ماقتا تەرىپ كەلگەن اۋىلداسىما مەنى بىرگە ەرتىپ بارۋدى ايتتىم. ول جەرگە بارعاننان كەيىن ماقتاشىلار بىزبەن ەڭبەك توقتامىن جاساسىپ، تاماقپەن، جاتىن ورىنمەن تەگىن قامداپ، پالاۋ، لاعىمان سياقتى ءۇي تاعامدارىن جەدىك، جاتىن ورنىمىزدىڭ تۇرمىستىق قۇرىلعىلارى تولىق، ۇيىمىزدەن اۋمايتىن ەدى. باستابىندا ماقتا تەرۋگە جاتىلا قويمادىم، دەسەدە، ءبىر اپتا وتكەننەن كەيىن جىلدامدىعىم تەز ارتىپ، كۇنىنە 200 نەشە يۋان تابا الاتىن بولدىم، بۇل مەنىڭ بۇرىندارى جۇمىس ىستەپ تاپقان كىرىسىمنەن كوپ جوعارى بولدى. ماقتا تەرگەن كەزدە ءبىرسىپىرا جاڭا دوستارمەن دە تانىستىم.

  2 ايدان كەيىن ماقتا تەرۋ جۇمىسى اياقتاپ، 10 مىڭ يۋانعا تاياۋ كىرىس تاپتىم. ۇيگە ورالعاننان كەيىن وسى اقشالارمەن ۇيگە ءۇي جيھازدارىن، ءۇي ەلەكتر جابدىقتارىن جانە تۇرمىستىق بۇيىمدارىن تولىقتاپ، قالعان اقشالاردىڭ بارلىعىن امانات قويدىم.

  قاراڭىزدارشى، ءبىزدىڭ ماقتا تەرۋىمىز تۇگەلدەي ءوز قالاۋىمىزبەن، كىم ”زورلاپتى“؟ ءبىزدىڭ شينجياڭدا ەشكىم دە ”زورلىقپەن ەڭبەككە سالىنعان“ جوق. شەتەلدەگى كاسىپورىندار، سەندەر ءبىزدىڭ شينجياڭنىڭ ناقتى جاعدايىن بىلمەي تۇرىپ، كوزدەرىڭدى جۇمىپ تۇرىپ وتىرىك ايتىپ، كەز كەلگەن جەردە وسەك - اياڭ تاراتىپ پالە شىعارىپ، ءبىزدىڭ شينجياڭنىڭ اپپاق ماقتاسىنا كۇيە جاعۋشى بولماڭدار. اقتى قارالاي المايتىندىقتارىڭدى، قارانى اعارتا المايتىندىقتارىڭدى بىلىڭدەر. سەندەردىڭ اق پەن قارانى شاتاستىرۋلارىڭا، ءبىزدىڭ باقىتتى تۇرمىسىمىزدى بۇلدىرۋلەرىڭە جول بەرمەيمىز!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.