ءتۇيىندى ايقىنداپ، ءمانىن كورنەكتىلەندىرىپ، ءونىمدى توعىستىرىپ، جوعارى مەكتەپتەردە پارتيا تاريحىن ۇيرەنۋ تاربيەسىن تىڭعىلىقتى ورىستەتۋ كەرەك
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 23 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن شينجياڭ اۋىل شارۋاشىلىق داشۋەسىنە بارىپ ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ قيمىلىن وتكىزىپ، جوعارى مەكتەپ وقىتۋشى - وقۋشىلارىمەن بىرگە پارتيا تاريحىن ۇيرەنۋ تاربيەسن ىشكەرىلەي ورىستەتتى.
قيمىل بارىسىندا تيان ۋىن شينجياڭ اۋىل شارۋاشىلىق داشۋەسىنىڭ پارتيا تاريحىن ۇيرەنۋ تاربيەسىن ورىستەتۋدەگى جالپى جاعدايىن ەگجەي - تەگجەيلى ۇعىسىپ، وقىتۋشى - وقۋشىلار ۋاكىلدەرىمەن اڭگىمەلەسىپ، ۇيرەنۋ اسەرلەرىن اۋىستىرىپ، جۇپ قۇراعان وقۋشىلاردىڭ يدەيا، ۇيرەنۋ جانە تۇرمىس جاعدايىن ەگجەي - تەگجەيلى سۇراپ ۇعىسىپ، ولارمەن ءوزارا سىرلاستى ءارى جوعارى مەكتەپتەردە پارتيا تاريحىن ۇيرەنۋ تاربيەسىن ورىستەتۋ جونىندە پىكىر، ۇسىنىستاردى ورتاعا قويدى.
تيان ۋىن مىنالاردى اتاپ كورسەتتى: جاستار مەن ورەندەردىڭ ۇيرەنۋ تاربيەسىن ويداعىداي ۇستاۋ − پارتيا تاريحىن ۇيرەنۋ تاربيەسىنىڭ ماڭىزدى ءبىر مىندەتى. باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن، وتە - موتە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ونەگە كورسەتىپ ادام تاربيەلەۋ ءتۇبىرلى مىندەتىن مىقتى يگەرىپ، جاڭا داۋىردەگى پارتيانىڭ جاسامپاز نازاريالارىن ىشكەرىلەي ۇيرەنىپ، ءتۇسىنىپ، پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ نەگىزگى تاقىرىبىن ارقاۋ ەتە وتىرىپ، ۇيرەنۋ ءتۇيىنىن ايقىنداپ، يدەيالىق ءمانىن كورنەكتىلەندىرىپ، پارتيا تاريحىن ۇيرەنۋ تاربيەسىن وقۋلىققا كىرگىزۋدى، ساباقحاناعا كىرگىزۋدى، وي - ساناعا ۇيالاتۋدى بەلسەنە ىلگەرىلەتۋ؛ پارتيانىڭ 100 جىلدىق كۇرەس تاريحى قامتىعان مول رۋحاني بايلىق پەن وقۋ - اعارتۋ بايلىعىن تولىق اشىپ جانە پايدالانىپ، شينجياڭنىڭ ەرەكشەلىگىمەن بىرلەستىرىپ، جوعارى مەكتەپتەردىڭ ەرەكشەلىگىن كورنەكتىلەندىرىپ، پارتيا تاريحىن ۇيرەنۋ تاربيەسىن كۇندەلىكتى تاربيەلەۋ، وقىتۋ قىزمەتىمەن توعىستىرىپ، پارتيا تاريحى حيكايالارىن جاندى بايانداۋ؛ جاستار مەن ورەندەردىڭ ەرەكشەلىگىن يگەرىپ، جاستار مەن ورەندەردىڭ قاجەتىمەن جاناستىرىپ، تۇعىر، دانەكەردى كەڭەيتىپ، تاسىلگە، ادىسكە جاڭالىق ەنگىزىپ، مەكتەپ ىشىندەگى ۇگىت لەكسيا، كىتاپ وقۋ كۋرسى سياقتى ەرەكشە نەگىزگى تاقىرىپتىق قيمىلداردى زور كۇشپەن ورىستەتىپ، جاس وقۋشىلاردى پارتيا تاريحىن ۇيرەنۋ تاربيەسى بارىسىندا سەنىمدەرىن قاۋلاتۋعا، كۇش - قۋات الۋعا، وتانشىلدىق سۇيىسپەنشىلىكتى ۇزدىكسىز جەتىلدىرۋگە باستاپ، ۇيرەنۋ تاربيەسىنىڭ تابىستارىن جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ەرەن قابىلەتى مەن قۋاتتى كۇشىنە اينالدىرۋعا قۇلشىنۋ كەرەك.
