تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

نۇرلان ءابىلماجىن ءپايزاۋات اۋدانىندا تەكسەرىپ - زەرتتەۋ جۇرگىزدى

كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، زەيىن - زەردەنى، كۇش - قۋاتتى ۇيىستىرىپ، اۋىل - قىستاقتى گۇلدەندىرۋدى ىلگەرىلەتەيىك

  ەرىكتى ءتىلشى جاڭ يىنچۇن 4 - ايدىڭ 23 - كۇنى ءپايزاۋاتتان حابارلايدى. 4 - ايدىڭ 22 - كۇنىنەن 23 - كۇنىنە دەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءپايزاۋات اۋدانىندا كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋ ستراتەگياسىن ىلگەرىلەتۋ جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ”اۋىل شارۋاشىلىعى، اۋىل - قىستاق، شارۋالار“ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ۇزدىكسىز شايقاس جۇرگىزۋ جانە شەگە قاعۋ رۋحىن ساۋلەلەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتتەرىن شىنايى جاقسى ىستەپ، اناعۇرلىم پارمەندى شارالارمەن ءار جاقتىڭ كۇشىن ۇيىستىرىپ، جاپپاي اۋىل - قىستاقتى گۇلدەندىرۋدى ىلگەرىلەتۋدە ناقتى ونىمدىلىككە قول جەتكىزۋ كەرەك.

  نۇرلان ءابىلماجىن مەن سەرىكتەرى ءپايزاۋات اۋدانىنىڭ اۋىل - قىستاقتى گۇلدەندىرۋدەن ۇلگى كورسەتەتىن اۋىلدارىنا، قىستاقتارىنا ىشكەرىلەي بارىپ، شينمەي كاسىپ سالاسىنان ۇلگى كورسەتۋ ءتۇيىنىن، اۋىل - قىستاق بازارىن، جاڭا ءداۋىر وركەنيەتىن امالياتتا ايگىلەۋ پۋنكتى قۇرىلىسىنىڭ جۇرگىزىلۋ جاعدايىن جۇمىس باسىندا تەكسەرىپ، كاسىپ سالاسىنىڭ دامۋى، دارىندىلار قۇرىلىسى، اۋىل - قىستاق وركەنيەت قۇرىلىسى سياقتى قىزمەتتەردى ەگجەي - تەگجەيلى ۇعىستى، سونداي - اق ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتاردا تۇراتىن قىزمەت اترەتتەرىن ارالاپ، ءار ۇلت كادر - بۇقاراسىنىڭ اۋىل - قىستاقتى گۇلدەندىرۋ ستراتەگياسىن اتقارۋ جونىندەگى پىكىر - ۇسىنىستارىن تىڭدادى.

  نۇرلان ءابىلماجىن مەن سەرىكتەرى جاڭاءمالى اۋىلىنداعى سالىنىپ جاتقان شينمەي شاعىن قالاشىعىنا كەلىپ، شينمەي وسىزاماندانعان كاسىپ سالاسى بازا قۇرىلىسى مەن كاسىپ سالاسىنىڭ دامۋ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: قازىر ءپايزاۋات اۋدانىندا شينمەي قاتارلى 5 ءىرى ەرەكشە كاسىپ سالاسىندا بەلگىلى كولەم قالىپتاستى، اناعۇرلىم كەڭەيتە، كۇشەيتە، تاپتەشتەي ىستەپ، جەتەكشى كاسىپورىنداردىڭ باستاماشىلىق رولىن جاقسى ساۋلەلەندىرىپ، كاسىپ سالاسىنىڭ قۇندى ارتتىرۋ، ءونىمدى ارتتىرۋ كەڭىستىگىن كەڭەيتىپ، اۋىل شارۋاشىلىق ونىمدەرىنىڭ زات ينتەرنەتىن، اۋىل - قىستاق ەلەكتروندىق ساۋداسىن، تىكە تاراتۋ ارقىلى زات ساتۋ سياقتى جاڭا كاسىپ كۇيىن، جاڭا كاسىپ ۇلگىسىن جەدەل دامىتىپ، ينتەرنەت جەلىسىندەگى جانە ينتەرنەت جەلىسىنەن تىسقارى ءوندىرىس پەن ساتۋدىڭ تىعىز ءتۇيىلىسۋىن ىلگەرىلەتىپ، وڭىرلىك ەرەكشەلىككە يە ماركا جاراتىپ، ونى شارۋالاردىڭ كىرىس ارتتىرىپ بايۋىنداعى ”ءىرى كاسىپ سالاسىنا“، ”جاقسى كاسىپ سالاسىنا“ اينالدىرۋ كەرەك.

  4 - ايدىڭ 23 - كۇنى تۇستەن بۇرىن قىزىلسۋ اۋىلى گۇلباش قىستاعىنداعى ەگىنشى - مالشىلار تاربيەلەۋ مەكتەبىنەن سامبىرلاي كىتاپ وقىعان داۋىس ەستىلىپ جاتتى. كومەكتەسىپ سۇيەمەلدەۋشى ورىننىڭ قولداۋىندا، مەكتەپ مەملەكەتتە ءبىر تۇتاس قولدانىلاتىن ءتىل - جازۋ، زاڭ، سونداي - اق سۋمەن جىلىتۋ، مونتەرلىك سياقتى تەحنيكالىق باۋلۋلاردى تەگىن جۇرگىزدى. نۇرلان ءابىلماجىن بىلاي دەدى: جۇمىستانۋ قىزمەت ورنىن قۇلشىنا اشىپ، جاڭاشا شارۋالار كاسىپتىك جەتىلدىرۋ ينجەنەرياسىن مىقتاپ يگەرىپ، ەڭبەك قۋاتىنا يە اناعۇرلىم كوپ شارۋانىڭ تەحنيكا يگەرۋىنە، ورنىقتى جۇمىستانۋىنا مۇمكىندىك جاساۋ كەرەك.

  تەكسەرۋ - زەرتتەۋ كەزىندە نۇرلان ءابىلماجىن قاتىستى قىزمەتتەردەن جاسالعان مالىمەتتى تىڭدادى ءارى اڭگىمە ءماجىلىسىن اشتى. ول بىلاي دەپ باسا دارىپتەدى: ءپايزاۋات اۋدانى اۋىل - قىستاقتى گۇلدەندىرۋ ستراتەگياسىن جۇرگىزۋ جاۋاپكەرشىلىك سەزىمىن، كوكەي تەستىلىك سەزىمىن شىن مانىندە كۇشەيتىپ، اۋىل - قىستاقتى گۇلدەندىرۋ ستراتەگيالىق ورنالاستىرۋىن دايەكتىلەندىرۋدەگى، تياناقتاندىرۋداعى يدەيالىق سانالىلىقتى، ساياسي سانالىلىقتى جانە ارەكەت سانالىلىعىن كۇشەيتىپ، ءىس جۇزىندىكپەن تىعىز بىرلەستىرە شارالاردى كەمەلدەندىرىپ، مىقتاپ يگەرە تياناقتاندىرىپ، ناقتى ونىمدىلىككە قول جەتكىزۋ كەرەك. قايتالاي كەدەيلەسۋدەن ساقتانۋدى قاداعالاۋ، ساقتاندىرۋ جانە كومەكتەسۋ - سۇيەمەلدەۋ مەحانيزمىن جاقسى تياناقتاندىرىپ، قايتا كەدەيلەسۋدىڭ تۋىلماۋ تومەنگى شەگىن باتىل ساقتاپ، تانىم، كوزقاراس، جوبا، شارا، ساياسات، كاسىپ سالاسى، مەحانيزم جانە ءتۇزىلىس جاعىنداعى ۇشتاسۋدى تىڭعىلىقتى ىلگەرىلەتىپ، كاسىپ سالاسىن دامىتۋ جانە جۇمىستانۋدى جەبەۋ، اۋىل - قىستاق قۇرىلىسى ارەكەتىن جۇرگىزۋ، قالا، اۋىلداردىڭ توعىسا دامۋىن ىلگەرىلەتۋ، اۋىل - قىستاق دارىندىلار قۇرىلىسىن كۇشەيتۋگە ءمان بەرۋ جاعىندا ۇزدىكسىز كۇش سالۋدى نىق قاداممەن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋ ستراتەگياسىمەن شىن مانىندە ءونىمدى ۇشتاستىرۋ كەرەك. ۇيىمدىق باسشىلىقتى كۇشەيتىپ، تۇلعالىق جاۋاپكەرشىلىكتى جانە كومەكتەسۋ - سۇيەمەلدەۋ جاۋاپكەرشىلىگىن شىنايى تياناقتاندىرىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەپ، پارتيا قۇرىلعاندىعىنىڭ 100 جىلدىعىن سۇبەلى ناتيجەلەرمەن قارسى الۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.