تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، تۇتاس رايونىمىزدىڭ ەكونوميكالىق اينالىم قىزمەتىن اقىلداستى

ۇلتتى گۇلدەندىرۋ كەلەلى مىندەتىن ارقالايتىن ءداۋىردىڭ جاڭا ادامدارىن كۇش سالا باۋلىپ، جاڭا دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك

چىن چۋانگو ءماجىلىستى باسقاردى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 23 - كۇنى ۇرىمجىدەن حابارلايدى. 4 - ايدىڭ 23 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ چيڭحۋا داشۋەسىندە قىزمەت تەكسەرگەندە سويلەگەن ماڭىزدى ءسوزىنىڭ رۋحى جانە كاسىپتىك وقۋ - اعارتۋ قىزمەتى جونىندەگى ماڭىزدى نۇسقاۋىنىڭ رۋحى سياقتىلاردى جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى؛ ءبىرىنشى ماۋسىمداعى تۇتاس رايوننىڭ ەكونوميكالىق اينالىم جاعدايىنان بەرىلگەن مالىمەتتى تىڭداپ، تۇتاس رايوننىڭ ەكونوميكالىق اينالىم قىزمەتىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ چيڭحۋا داشۋەسىندە قىزمەت تەكسەرگەندە سويلەگەن ماڭىزدى ءسوزىنىڭ رۋحىن جانە كاسىپتىك وقۋ - اعارتۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىنە تاباندى بولىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلىپ، مەملەكەتتىڭ بايۋى، قۇدىرەتتەنۋى، ۇلتتىڭ گۇلدەنۋى، حالىقتىڭ باقىتى ءۇشىن قىزمەت ەتۋگە كۇش - قۋاتتى قوسۋ كەرەك. پارتيانىڭ باسشىلىعىنا بۇلجىماي تاباندى بولىپ، ماركسيزمنىڭ جەتەكشىلىك ورنىنا تاباندى بولىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، سوتسياليستىك ءبىلىم بەرۋ بەتالىسىن مىقتى يگەرىپ، ۇلتتى گۇلدەندىرۋ كەلەلى مىندەتىن ارقالايتىن ءداۋىردىڭ جاڭا ادامدارىن كۇش سالا باۋلۋ كەرەك. جوعارى وقۋ - اعارتۋدىڭ ماندىك دامۋىن جەدەلدەتىپ، وقۋ - اعارتۋ جۇيەسىن قۇرىپ، كەمەلدەندىرىپ، دارىندىلاردى باۋلۋ ساپاسىن كوتەرىپ، ءتول جاسامپازدىق قابىلەتىن جوعارىلاتىپ، ءبىرىنشى وندىرگىش كۇش بولعان عىلىم - تەحنيكانى دامىتۋدى، ءبىرىنشى بايلىق بولعان دارىندىلاردى باۋلۋدى، ءبىرىنشى قوزعاۋشى كۇش بولعان جاڭالىق اشۋدى كۇشەيتۋدى اناعۇرلىم ويداعىداي ۇشتاستىرىپ، رەفورما جاساۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا اناعۇرلىم ويداعىداي قىزمەت ەتۋ كەرەك. وسى زامانعى كاسىپتىك وقۋ - اعارتۋ جۇيەسىن جەدەل ورناتىپ، كاسىپتىك وقۋ - اعارتۋدىڭ ءتۇرىن تۇراقتاندىرۋدى ساپالىلاندىرىپ، كاسىپتىك وقۋ - اعارتۋدىڭ باۋلۋ جۇيەسىن ساپالىلاندىرىپ، كاسىپ سالاسى مەن وقىتۋدىڭ توعىسۋىن، مەكتەپ پەن كاسىپورىن سەلبەستىگىن تەرەڭدەتىپ، رەفورما جاساۋدى، جاڭالىق اشۋدى كۇش سالا ىلگەرىلەتىپ، جوعارى ساپالى تەحنيكالىق ونەر دارىندىلارىن، مايتالمان شەبەرلەردى، ءىرى ەل ۇستالارىن باۋلۋ كەرەك. وقىتۋشىلار قوسىنى قۇرىلىسىن شىنايى كۇشەيتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بورىشىنان بۇلجىماي، ساپا قابىلەتىن جان - جاقتى جوعارىلاتىپ، وقۋشىلاردىڭ ۇيرەنۋىنە، ءىس ىستەۋىنە، ادام بولۋىنا ونەگە كورسەتىپ، قالىڭ جاستاردى ۇلى مۇرات ورناتۋعا، ۇلى ءمورالدى ۇعىنۋعا، ۇلكەن دارىندى بولۋعا، ۇلكەن مىندەت ارقالاۋعا جەتەكتەۋ كەرەك.

  ءماجىلىس ءبىرىنشى ماۋسىمداعى تۇتاس رايونىمىزدىڭ ەكونوميكالىق اينالىم جاعدايىنان بەرىلگەن مالىمەتتى تىڭدادى. ءماجىلىس مىنالاردى اتاپ كورسەتتى: بيىل جىل باسىنان بەرى تۇتاس رايوندا ەكونوميكا ورنىقتى ارتقان، كاسىپ سالاسى قۇرىلىمى ساپالىلانعان، ەكونوميكالىق ونىمدىلىك جوعارىلاعان، قارجى قوسۋدىڭ ارتۋى تەبىندى بولعان، تۇتىنۋ بازارى قايتادان جاندانعان، حالىق تۇرمىسى ۇزدىكسىز جاقسارعان تاماشا اۋقىم جارىققا شىعىپ، تاماشا باستاما جۇزەگە استى. ءماجىلىس مىنالاردى باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، حالىق تۇرمىسىنا تىعىز جاناستىرا وتىرىپ جوعارى ساپالى دامۋدى ىلگەرىلەتۋ كەرەك. جاڭا دامۋ ۇستانىمىنا تاباندى بولىپ، جاڭا دامۋ ارناسىن قالىپتاستىرۋعا قىزمەت وتەۋ جانە ونىمەن توعىسۋ بارىسىنداعى ورىندى ءدال تاۋىپ، قامداۋ جاعىنداعى قۇرىلىمدىق رەفورمانى تەرەڭدەتىپ، كاسىپ سالاسى قۇرىلىمىن جاپپاي ساپالىلاندىرىپ، دارەجەسىن جوعارىلاتىپ، ”التىنى ورنىقتىرۋ“ قىزمەتىن تىڭعىلىقتى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكانىڭ ورنىقتى، اقاۋسىز دامۋىن ىلگەرىلەتۋ كەرەك. دامۋدىڭ جاڭا قوزعاۋشى قۋاتىن جەتىلدىرىپ، دامۋعا جاڭالىق اشۋ ارقىلى دەم بەرۋگە تاباندى بولىپ، ۇتىمدى قارجى قوسۋدى بەلسەنە كەڭەيتىپ، ىشكى سۇرانىستى كەڭەيتۋ ستراتەگياسىن تاباندىلىقپەن اتقارىپ، نىسان قۇرىلىستارىن ناقتى، ەگجەي - تەگجەيلى يگەرىپ، ءداستۇرلى كاسىپ سالاسىنىڭ دارەجەسىن جوعارىلاتۋدى جانە جاڭا كاسىپ سالالارىن جەتىلدىرۋدى ءبىر تۇتاس جوسپارلاپ، ەرەكشە باسىم كاسىپ سالالارىن جەتىلدىرىپ، زورايتىپ، 10 ءىرى كاسىپ سالاسىن ساپالىلاندىرىپ، كۇشەيتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن جاڭالاپ، دارەجەسىن ءوسىرۋدى ىلگەرىلەتىپ، كوكتەمگى ەگىس، كوكتەمگى باپتاۋ جۇمىستارىن مىقتى ويداعىداي يگەرىپ، وندىرىستىك قىزمەت وتەۋ كاسىبى مەن تۇرمىستىق قىزمەت وتەۋ كاسىبىن زور كۇشپەن دامىتىپ، 1 -، 2 -، 3 - كاسىپ سالاسىنىڭ توعىسا دامۋىن جەبەپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن تۋىنداتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، ”ءتورتتى توقتاتپاۋ“ تالابىن تياناقتاندىرىپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، اۋىل شارۋاشىلىعىنا تيىمدىلىك جەتكىزۋ ساياساتىن تياناقتاندىرۋدى ۇزدىكسىز كۇشەيتىپ، كاسىپ سالاسىن دامىتۋ ارقىلى جۇمىستانۋعا جەتەكتەۋدى، كىرىستى ارتتىرۋدى كورنەكتىلەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ كەرەك. رەفورمانى جاپپاي تەرەڭدەتۋدى ىلگەرىلەتىپ، ءتۇيىندى سالالارداعى جانە شەشۋشى بۋىندارداعى رەفورمانى ۇزدىكسىز تەرەڭدەتىپ، رەفورمانىڭ جۇيەلى شوعىرلانۋىن جانە تياناقتانىپ ونىمدىلىك كورسەتۋىن كۇشەيتىپ، رەفورمانى جاپپاي تەرەڭدەتۋدىڭ جاڭا دامۋ ارناسىن قالىپتاستىرۋداعى شەشۋشى رولىن شىنايى ساۋلەلەندىرۋ كەرەك. ەسىك اشۋ دەڭگەيىن جاپپاي جوعارىلاتىپ، وڭىرلىك باسىمدىقتى تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعاۋشى ەتىپ، سىرتقا ەسىك اشۋ دانەكەرلەرىن مولايتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتى اشىق ۇستاۋدىڭ جانە شەكارا بويلارىن اشىق ۇستاۋدىڭ بيىك بەلەسىن تۇلعالاۋ كەرەك. حالىق تۇرمىسىن زور كۇشپەن قامتاماسىز ەتىپ، جاقسارتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىڭعى ورىنعا قويۋدى كۇشەيتىپ، ءتۇيىندى قاۋىمنىڭ جۇمىستانۋىن كورنەكتىلەندىرە يگەرىپ، حالىققا تيىمدىلىك جاساۋ ينجەنەريالارىن ىشكەرىلەي اتقارىپ، بۇقارانىڭ ءوندىرىس، تۇرمىس شارت - جاعدايىن جاقسارتىپ، حالىق تۇرمىسىنىڭ ىرىس - قۇتىن ۇزدىكسىز ارتتىرۋ كەرەك. شارۋاشىلىق - ساۋدا ورتاسىن كۇش سالا ساپالىلاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، كاسىپورىندارعا تيىمدىلىك جەتكىزۋ ساياساتىن جان - جاقتى تياناقتاندىرىپ، فاكتور قامتاماسىزدىعىن كۇشەيتىپ، ۇكىمەتتىك قىزمەت وتەۋدى ولشەمدەندىرۋ، جۇيەلىلەندىرۋ، قولايلىلاندىرۋ دەڭگەيىن جوعارىلاتىپ، ءتۇرلى بازار تۇلعالارىنىڭ ومىرشەڭدىك كۇشىن ۇزدىكسىز تاسقىنداتۋ كەرەك. جاسىل، تومەن كومىرتەكتى دامۋدى ىلگەرىلەتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيالىق وركەنيەت قۇرىلىسىن كۇشەيتىپ، تاۋ، سۋ، ورمان، اتىز، كول، جايلىم، قۇمدى جۇيەلى جونگە سالۋدى ءبىر تۇتاس جوسپارلاپ، ەكولوگيانى الدىڭعى ورىنعا قويۋ، جاسىل تومەن كومىرتەكتى دامۋ جولىمەن بۇلجىماي ءجۇرۋ كەرەك. قازىنا - سالىقتىڭ، فينانستىڭ تىرەكتىلىگىن كۇشەيتىپ، سالىقتى ازايتۋ، اقىنى تومەندەتۋ ساياساتىن تياناقتاندىرىپ، قازىنالىق شىعىس قۇرىلىمىن ساپالىلاندىرىپ، قارجىنىڭ پايدالانۋ ونىمدىلىگىن جوعارىلاتىپ، جالپىعا ءتيىمدى فينانستىق قىزمەت وتەۋ جۇيەسىن كەمەلدەندىرىپ، فينانستىڭ ناقتى ەكونوميكاعا قىزمەت وتەۋ قابىلەتىن ۇزدىكسىز كۇشەيتۋ كەرەك. ءوندىرىس حاۋىپسىزدىگىن باتىل، ويداعىداي يگەرىپ، حاۋىپسىزدىككە ساياتىن قاتەرلەردەن ساقتانۋ سىندى ارقاۋدى قاي - قاشان دا مىقتاپ شيراتىپ، ءوندىرىس حاۋىپسىزدىگى قىزمەت جاۋاپكەرشىلىگى ءتۇزىمىن قاتاڭ تياناقتاندىرىپ، كومەسكى كىناراتتاردى جاپپاي اداقتاپ تەكسەرىپ، باقىلاۋ - باسقارۋدى، زاڭ اتقارۋدى كۇشەيتىپ، اۋىر، ەرەكشە، ۇلكەن ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك. ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاستان ويداعىداي يگەرىپ، پارتيا تاريحىن ۇيرەنۋ تاربيەسىن جوعارى ولشەممەن، جوعارى ساپامەن ورىستەتىپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا ازىرلەۋ كەرەك.

  ءماجىلىس باسقا دا ىستەردى اقىلداستى.

  شوكىرات زاكىر، شاۋكەت يمىن، ۋاڭ جۇنجىڭ، شۇي حايرۇڭ، لي يفي، سارقىت اقان، ۋاڭ ميڭشان قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.