تيانشان تورى   ›   جاڭالىقتار   ›   شينجياڭ حابارلارى

ايتىلمىس ”زورلىقپەن ەڭبەككە سالۋ“ مۇلدە بولعان ەمەس

□ كۇيتۇن قالالىق توقىماشىلىق فابريكاسىنىڭ قىزمەتكەرى مامەتابدۇللا ءماماتامار

  جۋىقتا H&M سياقتى شەتەل كاسىپورىندارى ”زورلىقپەن ەڭبەككە سالدى“ دەگەندى جەلەۋ ەتىپ، شينجياڭ ماقتاسىن شەكتەدى. شينجياڭدىق رەتىندە، مەن ولاردىڭ ءبىزدى قارالاعانىنا قاتاڭ تويتارىس جاساۋعا جانە ونى جازعىرۋعا مىندەتتىمىن. H&M سياقتى كاسىپورىندار وسەك - اياڭدى ويدان قيىستىرىپ، شينجياڭ ماقتاسىنا كۇيە جاقتى، بۇل ارسىز قىلىق!

  مەن ءجىپ ءيىرۋ جۇمىسشىسىمىن. 2019 - جىلى توقىماشىلىق فابريكاسىنىڭ اشىق قىزمەتكەر قابىلداۋ قيمىلىندا ءجىپ ءيىرۋ جۇمىسشىسى بولىپ قابىلدانىپ، ءجىپ ءيىرۋ سەحىندا ءجىپ ۇشىن جالعادىم، قىزمەت مازمۇنى قاراپايىم، قىزمەت ۋاقىتى كەڭ بولدى. دەمالعاندا الاڭعا بارىپ دوپ ويناۋدى، جۇگىرۋدى نەمەسە گيتتار شەرتۋدى، ءبي بيلەۋدى ۇناتامىن، تۇرمىسىم باي مازمۇندى. جۇمىسشى - قىزمەتكەرلەر اسحانامىز ءتىپتى دە تاماشا، 2 قاباتتى ەرەن ۇلكەن اسحانادا سيىر ەتى كەسپەسى، لاڭمان، سامسا، پالاۋ سياقتى ەرەكشەلىككە يە ءدامدى تاعامدار بار، باعاسى سىرتتاعى اسحانالاردىكىنەن جارىم ەسەدەن ارتىق ارزان. كوزدى اشىپ - جۇمعانشا فابريكاعا كىرگەنىمە 2 جىلدان استام ۋاقىت بولىپتى. وسى 2 جىلدا ورنىقتى قىزمەتىم جانە كىرىسىم بولۋمەن بىرگە، تاپقان اقشاما ءۇيدى جاڭالاپ، ءۇي جيھازدارىن، ءۇي ەلەكتر جابدىقتارىن تولىقتاپ، وتباسىمىزدىڭ تۇرمىسى كۇن سايىن جاقسارا ءتۇستى. اقشا دا جيىپ جاتىرمىن، كەيىن قالادان عيمارات ءۇي، اۆتوكولىك ساتىپ الماقشىمىن.

  فابريكاداعى باسقا قىزمەتكەرلەر دە مەن سياقتى تۇگەلدەي شاقىرۋ بويىنشا نەمەسە تۋىس - تۋعان، دوس - جاراندارىنىڭ تانىستىرۋىمەن كەلىپ قىزمەت ىستەپ وتىر، فابريكا ءار ۇلت قىزمەتكەرلەرىنە بىردەي جاقسى مامىلە جاسايدى، ءبىز ەشقانداي كەمسىتۋگە ۇشىرامادىق، ”زورلىقپەن ەڭبەككە سالۋ“ مۇلدە ءومىر سۇرگەن ەمەس.

  H&M سياقتى كاسىپورىندار ءبىر جاعىنان، ءبىزدىڭ ەڭبەك ۇقىعىمىزعا سۇعاناقتىق جاساسا، ەندى ءبىر جاعىنان، بەتتەرى قىزارماستان ادامدىق ۇقىقتى قورعاپ وتىرمىز دەپ وتىر، ءبىز وسىنداي وڭاي الدانا سالامىز ما؟ باقىتتى تۇرمىسقا ەندى كەنەلدىك دەگەندە، اسىمىزدى تارتىپ الماقشى بولىپ وتىرسىڭدار، نەتكەن سۇرقيا، ارامزا ەدىڭدەر، ءبىز، استە، كونبەيمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.