تيانشان تورى   ›   جاڭالىقتار   ›   شينجياڭ حابارلارى

كىمدە − كىمنىڭ ءبىزدىڭ تاماشا تۇرمىسىمىزدى بۇلدىرۋىنە بولمايدى

       ياركەن اۋدانى حۋاڭدي قالاشىعى اۋىل شارۋاشىلىق ونىمدەرىن ساتۋ سەلبەستىك كووپەراتيۆىنىڭ ديرەكتورى ءاحات ابدۇۋالي

  جۋىقتا باتىستاعى كەيبىر كاسىپورىندار شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەپ وسەك تاراتىپ، كۇيە جاقتى، مەنىڭ بۇعان زىعىردانىم قاينادى، وسى كاسىپورىندار شىندىقتىڭ جاي - جاپسارىن ەلەڭ قۇرلى كورمەي، جات نيەتپەن وسەك - اياڭ تاراتتى، بارىپ تۇرعان ارسىزدىق، نالەتكە قالۋ دەگەن وسى.

  مەن ياركەندە تۋىپ ءوستىم، ياركەننىڭ شىنايى احۋالىنا ابدەن قانىقپىن. بۇرىن ءبىز ءداستۇرلى ادىسپەن ماقتا ەگۋشى ەدىك، مۋ باسىندىق ءونىم مولشەرى نەبارى 100 كيلوگرام اينالاسىندا عانا بولاتىن. 2013 - جىلى ۇكىمەت اۋداندىق اۋىل شارۋاشىلىعى عىلىم - تەحنيكاسىن جالپىلاستىرۋ مەكەمەسىنىڭ ماماندارى مەن اۋىل - قالاشىق اۋىل شارۋاشىلىعى عىلىم - تەحنيكاسىن جالپىلاستىرۋ پۋنكتىنىڭ تەحنيكتەرىن ۇسىنىس ەتىپ، بىزگە ماقتانى قالاي ەگۋدى، ماقتا اتىزىن قالاي باپتاۋدى، ءونىم مولشەرىن قالاي ارتتىرۋدى ۇيرەتتى. باۋلۋ جانە كومەكتەسۋ - سۇيەمەلدەۋ ارقىلى ءبىز ماقتانى بارعان سايىن جاقسى ەگەتىن بولدىق، كوپ ساندىلارىنىڭ مۋ باسىندىق ءونىم مولشەرى 350 كيلوگرامعا جەتەتىن بولدى، كەيبىرەۋىنىڭ مۋ باسىندىق ءونىم مولشەرى ءتىپتى 450 كيلوگرامعا جەتتى. ءبىزدىڭ قىستاقتا بارلىق وتباسى ماقتا ەگەدى، كوپتەگەن وتباسىلارىنىڭ ماقتا ەگۋدەن كىرىستەرى ارتىپ، تىپتەن تاماشا تۇرمىس كەشىردى، شارۋالاردىڭ ءبارى كوڭىلدى ءجۇر.

  ماقتا تەرۋ تۋرالى ايتالىق. بۇرىن ماقتانى ادام كۇشىمەن تەرۋگە تۋرا كەلەتىن، ءبىز كەيبىر ماقتا تەرۋشىلەردى كومەككە شاقىراتىنبىز، ءار ادام ءار كۇنى 200 − 300 يۋان تابادى، 2 ايدا 10 مىڭ يۋاننان استام اقشا تابادى، ءبىزدىڭ سەلبەستىك كووپەراتيۆتەگى قىزمەتكەرلەردىڭ ەڭبەكاقىسىنان دا جوعارى. سوڭعى جىلدارى ماقتانى ماشينامەن تەرۋدىڭ كەڭ كولەمدە جالپىلاستىرىلۋىنا ىلەسە، ونشا كوپ ادامنىڭ ماقتا تەرۋى قاجەت بولمايتىن بولدى.

  كوپشىلىككە تاعى ءوز اڭگىمەمدى ايتىپ بەرەيىن. 2019 - جىلى 5 - ايدا قىستاق ”ەكى كوميتەتىنىڭ“ كومەگىندە، مەن قىستاقتاعى تۇرعىندارمەن بىرگە ءبىر سەلبەستىك كووپەراتيۆىن قۇردىم، نەگىزىنەن ماقتا، بادام، جاڭعاق سياقتى اۋىل شارۋاشىلىق ونىمدەرىن ساتامىز. ءار جىلى 8 - ايدا ماقتا ساتىپ الۋدىڭ العاشقى دايىندىق قىزمەتتەرىن ىستەيمىز، ماقتا تەرەتىن ماۋسىم جەتكەندە، جۇك كولىگىن ايداپ اتىز باسىنا بارىپ ماقتا ساتىپ الامىز. كووپەراتيۆ قىزمەتكەرلەرىنىڭ قاجىرلى ەڭبەگى ارقىلى سەلبەستىك كووپەراتيۆىمىزدىڭ جىلدىق پايداسى 500 مىڭ يۋاننان ءبىر ميلليون يۋانعا دەيىن جەتتى، كووپەراتيۆ قىزمەتكەرلەرى 12 مىڭ يۋاننان 40 مىڭ يۋانعا دەيىن ەڭبەكاقى الادى. مەيلى ەگىمشى، ماقتا تەرۋشى، الدە ءبىزدىڭ سەلبەستىك كووپەراتيۆى بولسىن، بارلىق قاجىرلى ەڭبەك پەن توككەن تەردىڭ ءبارى ءبىزدىڭ ەركىمىزبەن بولادى، ەجەلدەن ەشكىم بىزگە زورلىق كورسەتكەن ەمەس.

  كىمدە - كىمنىڭ ءبىزدىڭ تاماشا تۇرمىسىمىزدى بۇلدىرەتىن قاقىسى جوق. كەيبىر شەتەل كاسىپورىندارى ءبىزدىڭ تاماشا تۇرمىس كەشىرگەنىمىزدى كورگىسى كەلمەي وتىر، وسەك - اياڭ ارقىلى سۇرقيا ماقساتتارىنا جەتپەكشى، بۇل ارسىزدىق، تيتتەي دە ءمورالدىق ولشەمى جوق ارەكەت. ايتارىمىز تاعى سول: سيلاستىقپەن كەلسەڭدەر، ءبىز سەندەردى كاۋابىمىزبەن جانە جەمىسىمىزبەن كۇتىپ الامىز؛ ەگەر سەندەر وسەك - اياڭ تاراتىپ، جات نيەتپەن كەلسەڭدەر، ابىرويدان، ءسوز جوق، ايرىلىپ قالا بەرەسىڭدەر!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.