تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ ماقتاسىنا داق سالۋعا جول بەرمەيمىز

لوپ اۋدانىنداعى ماقتا تەرەتىن جۇمىسشى مامەتجان زاكىر

  جۋىقتا مەن ءىشىنارا شەتەل كاسىپورىندارىنىڭ شينجياڭعا جات نيەتپەن كۇيە جاعىپ، ءبىزدىڭ شينجياڭدا ماقتا تەرۋ بارىسىندا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاپقانىن ەستىدىم، بۇل بارىپ تۇرعان اۋزىنا كەلگەنىن كوكىگەندىك. ءبىز وسىنداي وڭاي الدانامىز با؟ تومەندە مەن كوپشىلىككە شينجياڭنىڭ شىنايى جاعدايىن ايتايىن.

  ءار جىلى 9 - ايدا مەن ماقتا تەرۋگە بارامىن، كورلا مەن قاشقار ەكەۋىنە دە بارعانمىن، مامىلەسى مەن ەڭبەكاقىسى تۇگەلدەي جاقسى. وسى جىلداردا ماقتا تەرۋگە سۇيەنىپ، وتباسىمنىڭ تۇرمىس شارت - جاعدايى بارعان سايىن جاقساردى. تۇڭعىش رەت كورلاعا بارىپ ماقتا تەرگەنىم ءالى ەسىمدە. ماقتاشىنىڭ ۇيىنە بارعان سوڭ، ءبىز قىسقا مەزگىلدىك توقتامعا قول قويىپ، ماقتا تەرۋدى رەسمي باستاپ كەتتىك. العاشىندا مەن قالاي ىستەۋدى بىلمەي قالدىم، ىقىلاستى ماقتاشى ماعان ماقتا تەرۋ شەبەرلىگىن ۇيرەتىپ، بىرنەشە رەت تەرىپ تە كورسەتتى. ماقتاشىنىڭ كومەگىندە مەن ماقتانى بارعان سايىن تەز تەرىپ، تاپقان اقشام دا بارعان سايىن مولايدى. 2 ايدان كەيىن مەن ماقتا تەرىپ تاپقان اقشامەن كورلادا بالام مەن ايەلىمە ءبىر پار جاڭا كيىم ساتىپ الىپ بەردىم، ماقتاشى تاعى كورلانىڭ ءبىراز ەرەكشە ونىمدەرىن الىپ كەتۋىمە ادەيى دايارلاپ بەردى، بۇل مەنى قاتتى اسەرلەندىردى. سودان كەيىن جىل سايىنعى ماقتا تەرۋ مەزگىلىندە مەن ۇنەمى بارامىن، ادەتتە 2 ايدا 10 مىڭ يۋاننان ارتىق اقشا تابامىن.

  مەن ءار جىلى ىرىقتىلىقپەن ماقتا تەرۋگە بارامىن، قاراپ كورىڭدەرشى، قايداعى ”زورلىق“ بولسىن؟ سوندا ءبىز قوس قولىمىزعا سۇيەنىپ اقشا تاپساق، ونىڭ نەسى ايىپ؟ اناۋ جات نيەتتى شەتەل كاسىپورىندارى اق پەن قارانى شاتاستىرىپ، سۇرقيا تاسىلمەن شينجياڭ ماقتاسىن داتتاپ، شينجياڭعا قيسىنسىز كۇيە جاقتى، بۇل بارىپ تۇرعان سۇرقيالىق! ءبىزدى اقىماق ساناماڭدار، ءبىزدىڭ شينجياڭ ماقتاسى كىرشىكسىز، تازا، ءارقانداي ادامنىڭ داق سالۋىنا، كۇيە جاعۋىنا جول بەرمەيمىز!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.