تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن ۇيرەنىپ ناقتى ءىس ءبىتىردى، ەرىكتى قىزمەت وتەۋ ءتىپتى دە مەيىرگە تولى بولدى

  انار بۇلت / شينجياڭ گازەتىنىڭ ءتىلشىسى

  پارتيا تاريحىن ۇيرەنۋ تاربيەسىن تىڭعىلىقتى ىلگەرىلەتۋ ءۇشىن رايونىمىزداعى ءار دارەجەلى پارتيا ۇيىمدارى ”مەن بۇقارا ءۇشىن ناقتى ءىس ىستەيمىن“ نەگىزگى تاقىرىبىن ارقاۋ ەتىپ، ەرىكتى قىزمەت وتەۋ قيمىلىن كەڭ كولەمدە ورىستەتىپ، ارمان - تىلەگىن ورىنداۋ، ۇيىنە بارىپ قىزمەت وتەۋ، حالىقتىڭ قيىنشىلىعىن شەشۋ سياقتى كوپ ءتۇرلى فورمالار ارقىلى پارتيا تاريحىن ۇيرەنۋ تاربيەسىن ەرىكتى قىزمەت وتەۋمەن ۇشتاستىرىپ، پارتيا مۇشەلەرىنىڭ، كادرلاردىڭ ەرىكتى قىزمەت وتەۋ ساناسىن كۇشەيتىپ، پارتيا تاريحىن ۇيرەنۋ تاربيەسىنىڭ حالىققا جاناسىمدى بولۋىنا، جۇرت جۇرەگىنە ۇيالاۋىنا مۇمكىندىك جاسادى.

  ءبىر توك قازان، ءبىر كورپە، ءبىر سومكە... ءبىر - بىرلەگەن بولماشى تىلەكتەردىڭ ءوزى قيىنشىلىعى بار وتباسىلارىنىڭ، ۇيدە قالعان جالعىز باس قارتتاردىڭ، ۇيدە قالعان بالالاردىڭ ارمانى بولۋى دا مۇمكىن.

  ءدوربىلجىن اۋدانى ءدوربىلجىن قالاشىعى ارشاتى جولى الەۋمەتتىك اۋماعىندا تۇراتىن 4 - جىلدىق وقۋشىسى ايبار دۇيسەنحاننىڭ وتباسى تۇرمىسى شەشەسىنىڭ جالعىز جۇمىس ىستەۋىنە عانا سۇيەنەتىن، ول فۋتبول تەبۋدى ۇناتاتىن، ساباقتان سىرت ۋاقىتىندا جاتتىعاتىن فۋتبول الۋدى ارمانداسا دا وتباسى شارت - جاعدايى شەكتى بولعاندىقتان، تىلەگى ورىندالماي كەلگەن بولاتىن.

  ارشاتى جولى الەۋمەتتىك اۋماعى پارتيا باس ياچەيكاسىنىڭ شۋجيى دۋان لەي جاعدايدان حابار تاپقاننان كەيىن، ايباردىڭ تىلەگىن تۇرعىنداردىڭ شاعىن تىلەگى ەسەبىنە كىرگىزەدى ءارى وسى تىلەكتى قابىلداپ، ەرتەڭىندە فۋتبولدى، ساباقتان سىرت وقۋ كىتاپتارىن، سومكەنى بالاعا تابىس ەتەدى.

      ”اعاي، راقىمەت، تىلەگىمنىڭ ورىندالۋىنا قول ۇشىن بەردىڭىز، مەن، ءسوزسىز، جاقسى وقيمىن“. ۇناتاتىن تارتۋلارىن قولىنا العان ايباردىڭ جۇزىنەن شاتتىق كۇلكىسى ەستى.

  پارتيا تاريحىن ۇيرەنۋ تاربيەسى ورىستەتىلگەننەن بەرى، ارشاتى جولى الەۋمەتتىك اۋماعىنداعى قىزمەتتەگى 44 پارتيا مۇشەسى قاراستى اۋماقتاعى 7 مەكەمە - ورىنداعى قىزمەتتەگى 122 پارتيا مۇشەسىمەن بىرلەسىپ ”قىزمەتتەگى پارتيا مۇشەلەرىنىڭ الەۋمەتتىك اۋماققا كىرۋ، تۇرعىنداردىڭ شاعىن تىلەگىن ورىنداۋ“ قيمىلىن ورىستەتتى. قازىرگە دەيىن، تۇرعىنداردىڭ 65 بولماشى تىلەگىن ورىندادى، مۇنىڭ ىشىندە قيىنشىلىعى بار 20دان استام بالا قۇنى 2000 يۋاننان اساتىن ۇيرەنۋ بۇيىمدارىن تاپسىرىپ الدى.

  ”ۇيىمدە ۇن تۇگەيىن دەدى، مەنىڭ ءجۇرىس - تۇرىسىم قولايسىز، سىرتقا شىعىپ ساتىپ الۋعا شامام جوق، پارتيا مۇشەسى ەرىكتىلەرىنىڭ ماعان ءبىر دوربا ۇن جەتكىزىپ بەرۋىن ءۇمىت ەتەمىن“. 4 - ايدىڭ 18 - كۇنى قارامايلى قالاسى مايتاۋ رايونى 12 - الەۋمەتتىك اۋماعىنداعى قارت يۇي رۇڭشياڭ ءۇنحات شاعىن باعدارلاماسىنداعى ”قىزىل مەكەندە“ ءبىر شاعىن تىلەك جاريالايدى. تەز ارادا پارتيا مۇشەسى ەرىكتىلەرى يۇي رۇڭشياڭعا ۇن جەتكىزىپ بەرەدى.

  پارتيا مۇشەلەرىن بۇقاراعا ”ناقتى ءىس ىستەپ بەرۋگە، جاقسى ءىس ىستەپ بەرۋگە، قيىنشىلىقتارىن شەشۋگە“ جەتەكتەۋ ءۇشىن مايتاۋ رايونى بولماشى تىلەكتەردى قاناعاتتاندىرۋدى، شاعىن قىزمەت وتەۋدى ورىستەتۋدى، شاعىن قامقورلىق جەتكىزۋدى نەگىزگى مازمۇن ەتىپ، ”پارتيا مۇشەلەرىنىڭ نەگىزگى ساتىعا بارۋى. سۇيىسپەنشىلىك جەتكىزىپ، بولماشى ارمانداردى جۇزەگە اسىرۋ“ ەرىكتى قىزمەت وتەۋ قيمىلىن ورىستەتتى.

  ەرىكتى قيمىل ورىستەتىلگەننەن بەرى، مايتاۋ رايونىنداعى قىزمەتتەگى پارتيا مۇشەلەرى، پارتياعا كىرۋ بەلسەندىلەرى، وداق مۇشەسى جاستارى جانە قوعامدىق قايىر - ساحابات ەرىكتىلەر قۇرىلىمى سياقتىلار بەلسەندىلىكپەن قاتىناسىپ، قىزمەت وتەۋ وبيەكتىلەرىن قاجەتتى تۇرمىستىق زاتتىق ماتەريالدارمەن قامداۋ، ساياساتتىق ۇگىت - لەكسيا جاساۋ، ءتۇسىندىرۋ سياقتى ەرىكتى قىزمەت وتەۋمەن قامدادى.

  قازىرگە دەيىن مايتاۋ رايونىندا 5000نان استام قىزمەتتەگى پارتيا مۇشەسى ەرىكتى قيمىلعا قاتىناسىپ، 24 مىڭ 740 ادام - رەت بۇقارانىڭ ينتەرنەت جەلىسىندە جاريالاعان ەرىكتى قىزمەت وتەۋ ىستەرىن ورىنداپ، بۇقاراعا كومەكتەسىپ جيىنى 568 ”بولماشى تىلەكتى“ ورىنداپ، حالىققا قولايلى قىزمەت وتەۋدىڭ ”ەڭ سوڭعى ءبىر كيلومەترىن“ تۇتاستىردى.

  4 - ايدىڭ 14 - كۇنى گۇما اۋدانى چودا اۋىلى الماباق قىستاعىندا وسى اۋىلداعى پارتيا مۇشەلەرى ەرىكتى قىزمەت وتەۋ اترەتىندەگىلەر ”مەن بۇقارا ءۇشىن ناقتى ءىس ىستەيمىن“ قيمىلىن ورىستەتىپ، ساياساتتىق ۇگىت - لەكسيا جاساۋ، قىزىل كينو قويۋ، ءوندىرىس حاۋىپسىزدىگى كومەسكى حاۋىپ - قاتەرىن اداقتاۋ - تەكسەرۋ سياقتى قيمىلدار وتكىزىپ، ەرىكتىلەر اس ۇيگە كىرىپ، اتىز باسىنا بارىپ، ءار ۇلت بۇقاراسىنىڭ استىعىنا، كوجە قاتىعىنا كوڭىل ءبولىپ، بۇقارامەن ەتەنە بولدى.

  كۇيتۇن قالاسىنداعى پارتيالى كادرلار بۇقارا ”شۇعىل، قيىن، ۋايىمدايتىن، كوكەي تەستى“ ماسەلەلەرىن توڭىرەكتەي وتىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن كەڭ كولەمدە ورىستەتىپ، پارتيا مۇشەلەرى، كادرلار ىرىقتىلىقپەن جاۋاپكەرشىلىك ارقالاپ، ءار ۇلت بۇقاراسىنا ناقتى ءىس ىستەپ بەرىپ، قيىنشىلىقتارىن شەشتى.

  ەرىكتى چاي يىنشياننىڭ ءۇيى كۇيتۇن قالاسى يەلينتاۋ شاعىن اۋماعىندا تۇرادى، اسكەري قوسىننان شەگىنگەن قارت اسكەر، كوممۋنيستىك پارتيا مۇشەسى پارتيا تاريحىن ۇيرەنۋ تاربيەسى ورىستەتىلگەننەن بەرى ىرىقتى تۇردە ەرىكتى قىزمەت وتەۋگە قاتىناسىپ، توڭىرەگىندەگى كورشى - قولاڭدارىنىڭ قيىنشىلىقتارىن مۇمكىندىكتىڭ بارىنشا شەشىپ بەردى. سول سەبەپتى، يەليىنتاۋ الەۋمەتتىك اۋماعىندا ”چاي اعاي قىزمەت كەڭسەسى“ قۇرىلدى.

  كۇيتۇن قالاسىنداعى ءار دارەجەلى پارتيا ۇيىمدارى ”مەن بۇقارا ءۇشىن ناقتى ءىس ىستەيمىن“ نەگىزگى تاقىرىبىن توڭىرەكتەي وتىرىپ، قىزمەتتەگى پارتيا مۇشەلەرىنىڭ الەۋمەتتىك اۋماققا كىرۋىن ۇدايىلاندىرۋدى تىڭعىلىقتى ىلگەرىلەتىپ، ەرىكتى قىزمەت وتەۋ قيمىلىنىڭ مازمۇنىن كەڭەيتىپ، ”ەرىكتى قىزمەت ورنىن تاڭداۋ“، ”پارتيانىڭ تاماشا ءۇنىن سان مىڭداعان وتباسىلارىنا جەتكىزۋ“، ”ۇسىنىس قويىپ، سىندارلى اقىل - كەڭەس بەرۋ“، ”شاعىن قىزمەت وتەۋ“ سياقتى قيمىلداردى ورىستەتۋگە ۇيىمداستىرىپ، بۇقارانى كيىم جاماپ - جاسقاۋ، پىشاق قايراۋ، شاش الۋ سياقتى تەگىن قىزمەت وتەۋمەن قامدادى.

  ”قولايلى بولدى، شىنىندا، قولايلى بولدى، بىرنەشە مينۋت وتپەي - اق مەن كۋالىكتى ءبىتىرىپ الدىم“، - دەدى 4 - ايدىڭ 24 - كۇنى سانجى قالاسى جۇڭشان جولى ءمالىسى ديڭشياڭ الەۋمەتتىك اۋماعىنىڭ تۇرعىنى شولپان مۇقامەت تۋۋ رۇقسات كۋالىگىن ءبىتىرىپ العاننان كەيىن اسەرلەنە.

      ديڭشياڭ الەۋمەتتىك اۋماعى ”مەن بۇقارا ءۇشىن ناقتى ءىس ىستەيمىن“ قيمىلىن ورىستەتۋ بارىسىندا پارتيا تاريحىن ۇيرەنۋ تاربيەسىن تاجىريبەلەردى قورىتىندىلاۋمەن، ءىس جۇزىندىكپەن ساناسۋمەن، قىزمەتتەردى ىلگەرىلەتۋمەن ۇشتاستىرىپ، ”حالىققا قولايلى قىزمەت وتەۋدى ورىستەتىپ، جاراسىمدى الەۋمەتتىك اۋماق قۇرايىق“ نەگىزگى تاقىرىبى ارقىلى ”الەۋمەتتىك اۋماعى قىسقا حابارىن“ اشىپ، ءۇنحات شوعىرى، ديڭ - ديڭ شوعىرى سياقتى تاسىلدەر ارقىلى تۇرعىندارعا جەتكىزىپ، تۇرعىنداردىڭ از سارپالداڭعا تۇسۋىنە، جولدى دۇرىس تابۋىنا، بىتىرۋگە ءتيىستى ىستەرىن ءبىر رەتتە - اق بىتىرۋىنە مۇمكىندىك جاسادى.

  سانجى قالاسى جۇڭشان جولى ءمالىسى پارتيا قىزمەت كوميتەتى اماليات بارىسىندا ۇيرەنۋگە، ۇيرەنۋ بارىسىندا امالياتتا ايگىلەۋگە تاباندى بولىپ، ”مەن پارتيا مۇشەسىمىن، مەن بۇقارا ءۇشىن قىزمەت ىستەيمىن“ نەگىزگى تاقىرىبىنداعى ”پارتيا قۇرىلىسى+ “ ەرىكتى قىزمەت وتەۋ قيمىلىن ورىستەتىپ، تىڭعىلىقتى تۇردە بۇقارا ءۇشىن ناقتى ءىس ىستەدى، جاقسى ءىس ىستەدى، ۋايىمنان ارىلتتى. قازىر 60تان استام ناقتى ءىس، جاقسى ءىس ىستەلدى.

  (ءتىلشى شيا چيڭ، جازۋعا قاتىناسقاندار تارباعاتاي تىلشىلەر پۋنكتىنەن ليۋ پىڭ، ەرىكتى تىلشىلەر ۋاڭ ۋىنجيڭ، جاڭ ياۋ، لياڭ حۇڭتاۋ، جاڭ حاۋچۋان، جوۋ يۇڭحۇي، گاۋ چاڭجيە)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.