انار بۇلت / شينجياڭ گازەتىنىڭ ءتىلشىسى رىن جياڭ
4 - ايدىڭ 22 - كۇنى ساعات 10دا ءۇرىمجى قالاسىنىڭ تۇرعىنى چي ۋ شاعىن اۋماقتىڭ كولىك توقتاتۋ الاڭىنان جولعا شىعىپ، ءوز كولىگىمەن 400 كيلومەتر شالعايداعى قارامايلى قالاسىنىڭ ورحى وڭىرىنە اتتاندى. 4 ساعاتتان كەيىن ول ورحىداعى دوستارىمەن بىرگە تۇستەنىپ ۇلگىردى.
”قازىر اۆتوكولىكپەن سىرتقا شىعۋ ەرەكشە وڭايلاستى، جول جاقسى ءارى قولايلى. جوعارى جىلدامدىقتى تاس جول بويىنداعى قىزمەت وتەۋ اۋماعىندا نە كەرەكتىڭ ءبارى بار، ەشتەڭە الماي جۇرە بەرەسىز“، - دەدى ول جۇزىنەن كۇلكى ەسىپ. چي ۋ ءۇرىمجى قالاسىنداعى ۇيشە اۆتوكولىك كلۋبىنىڭ جاۋاپتىسى، 2006 - جىلدان باستاپ ءوز اۆتوكولىگىمەن ساياحاتتاۋ، ەرەكشە ساياحات قاتارلىلارمەن شۇعىلدانعان، ءبىر جىلدىڭ ءتورت ماۋسىمىندا اۆتوكولىگىمەن وڭتۇستىك، سولتۇستىك شينجياڭدى ارالاپ جۇرەدى. تاس جولداعى الۋان وزگەرىستەرگە ول كۋا بولۋشى، سونداي - اق ونىڭ يگىلىگىن كورۋشى. شينجياڭنىڭ ءىشى - سىرتىنان كەلگەن ساياحاتشىلارمەن ۇنەمى قارىم - قاتىناس جاسايتىندىقتان، ساياحات ساپارىنداعى دارەتحانا وزگەرىسىنىڭ وعان اسەرى تەرەڭ بولدى.
”ساياحات قىزمەت وتەۋگە سۇيەنەدى، الايدا بۇرىن جول بويىنداعى دارەتحانالار ادامدى قاتتى ىڭعايسىز كۇيگە تۇسىرەتىن“، - دەدى چي ۋ. ونىڭ ەسىندە قالۋىنشا، ”دارەتحانا قيىنشىلىعى“ بۇرىن ۇيىرمە باستاعاندا ەڭ باس قاتىراتىن ىستەردىڭ ءبىرى ەدى. شينجياڭنىڭ جەرى كەڭ، ادامى از، ساياحاتشىلاردىڭ نەشە ساعاتتاپ، ون نەشە ساعاتتاپ اۆتوكولىكتە وتىرۋى قالىپتى جاعداي، ازىق - تۇلىك، كەرەك - جاراق سياقتى زاتتاردى الدىن الا دايىنداپ الۋعا بولادى، ءبىراق دارەتحانا ماسەلەسىن ولار شەشە المايدى. ۇنەمى نەشە ون كيلومەتر جۇرگەن سوڭ عانا سۋسىز دارەتحانادان بىرەرىن كەزدەستىرە الاسىز، كەي جەرلەردە ونداي دارەتحانانىڭ ءوزى جوق. شوفەر اۆتوكولىگىن لايىقتى ورىنعا توقتاتىپ، ”ەرلەر سولعا، ايەلدەر وڭعا“ دەپ ايعايلاپ دارەتكە وتىرۋ ءتارتىبىن ساقتايتىن.
”قازىر مۇنداي ىستەر وتە از“، - دەدى چي ۋ. ەرەكشە تۇردەگى ساياحاتقا شىققاندا ول ۇنەمى ەلسىز، يەن جەرلەرگە بارعاندا، سول جەرلەردىڭ وزىندە تاس جول بويىندا دا دارەتحانا سەكىلدى قىزمەت وتەۋ قۇرىلعىلارى بار، جوعارى جىلدامدىقتى تاس جول قىزمەت وتەۋ اۋماعىنداعى وزگەرىستەردى چي ۋ تىپتەن القادى.
چي ۋ جانە ونىڭ ساياحاتشىلارى شينجياڭ تاس جول قىزمەت وتەۋ قۇرىلعىلارى دەڭگەيىنىڭ جوعارىلاۋى الا كەلگەن قولايلىلىقتاردان يگىلىكتەنۋدە، جاۋ چۇنرۋ جانە ونىڭ قىزمەتتەستەرى دەن قويا قىزمەت وتەۋ ارقىلى ارى - بەرى وتكەن شوفەرلەر مەن جولاۋشىلارعا تاماشا كەشىرمەلەر سيلادى.
G30 جوعارى جىلدامدىقتى تاس جولى يانحۋ قىزمەت وتەۋ اۋماعىنداعى ”كريستال تۇز“ پىشىنىندەگى شاعىن عيماراتتىڭ تەرەزەلەرى مۇنتازداي تازا، اس - سۋ، زات الۋ، دارەتحانا سياقتى قىزمەت وتەۋ قۇرىلعىلارى تولىق. تۇتاس قىزمەت وتەۋ اۋماعىنىڭ يەلەگەن جەر اۋدانى 118 مىڭ شارشى مەتر، كونە قىزمەت وتەۋ اۋماعىنىڭ 5 − 6 ەسەسىندەي، ارى - بەرى وتكەن شوفەرلەر مەن جولاۋشىلاردى كولىك توقتاتۋ، ماي قۇيۋ، دەمالۋ سياقتى قىزمەت وتەۋلەرمەن قامتاماسىز ەتەدى.
”جايشىلىقتا قىزمەت وتەۋ اۋماعىندا 300 ادامعا قىزمەت وتەيتىن دارەتحانا ازىرلەنگەن. مەرەكە - مەيرام كۇندەرىندەگى ادام ءجيى كەزدە ءبىز زاپاس 2 تازالىق ءۇيىن دە ىسكە قوسامىز“. شينجياڭ جياۋتوۋ شارۋاشىلىق شەكتى جاۋاپكەرشىلىك سەرىكتەستىگى G30 جوعارى جىلدامدىقتى تاس جولى يانحۋ قىزمەت وتەۋ اۋماعىنىڭ ورىنباسار ديرەكتورى جاۋ چۇنرۋ وسىلاي تانىستىردى.
تاس جول تاراۋىندا قىزمەت ىستەگەنىنە 20 جىلدان اسقان جاۋ چۇنرۋ قىزمەت وتەۋ اۋماعىنداعى وزگەرىستەردى تىلگە العاندا، سوزىنەن ماقتانىش لەبى ەستى.
قىزمەت وتەۋ اۋماعىنداعى تازالىق ۇيگە كىرگەندە، جول جەتەك بەلگىسى، ىقىلاستى ەسكەرتپە سياقتىلار ايرىقشا كوزگە ءتۇستى. قول جۋۋ استاۋشاسىنىڭ شۇمەگىن اشساڭىز جىلى سۋ؛ قول جۋۋ سۇيىقتىعى، قول سۇرتەتىن قاعاز، قول قۇرعاتقىش قۇرىلعى سياقتىلار تۇگەل تولىق، قاسىندا بالالاردىڭ قول جۋۋ استاۋشاسى بار؛ تازالىق ءۇيىنىڭ سىرتىندا گۇلتەكشەلى كورىنىستەر، جاسىل وسىمدىكتەر ءتىزىلىپ، مۋزيكا قويىلىپ تۇر. ”ءبىز قارتتار، بالالار، جۇكتى ايەلدەر، مۇگەدەكتەر قاتارلى ەرەكشە شوعىردىڭ دارەتحاناعا وتىرۋ ماسەلەسىنە قاراتا، مۇگەدەكتەر وتكەلىن، مۇگەدەكتەر تازالىق ءۇيىن، 3 - تازالىق ءۇي سياقتى قۇرىلعىلاردى كەمەلدەندىردىك، سونىمەن بىرگە كيىم ىلگىش، ارالىق بولگىش، قۇلىپ سياقتى ادامعا قولايلى قۇرىلعىلاردى كەمەلدەندىردىك؛ دوڭگەلەكتى ورىندىق، اسا تاياق، شۇعىل قۇتقارۋ ءدارى - دارمەك ساندىعى، قولايلى جابدىقتار سياقتى حالىققا قولايلى قۇرالدارمەن اقىسىز قامدايمىز“، - دەدى جاۋ چۇنرۋ.
كوپ ادام كوڭىل بولە بەرمەيتىن وسى نازىك بۋىنداردان جاناسىمدىلىقتىڭ لەبى، ونان دا ماڭىزدىسى، ”دارەتحانا توڭكەرىسى“ الا كەلگەن قيلى - قيلى وزگەرىستەر مەن مۇندالايدى. 20 نەشە جىلدىڭ الدىندا جاۋ چۇنرۋ العاش قىزمەت ىستەگەن كەزدە اقى الۋ پۋنكتىندە ەدى، ول شاقتا قىزمەت وتەۋ قۇرىلعىلارى ونشا كەمەلدى ەمەس، جولدان وتكەن شوفەرلەر اقى الۋ پۋنكتىنىڭ كەڭسە اۋماعىنا كەلىپ دارەتحانادان پايدالاناتىن. ال قازىر تاس جول قىزمەت اۋماعى قىزمەت وتەۋ قۇرىلعىلارىن ۇزدىكسىز كەمەلدەندىرىپ، قىزمەت وتەۋ اۋماعىنىڭ فۋنكتسياسىن ساپالىلاندىرىپ، ادامدارعا قولايلى قىزمەت وتەۋ، ەگجەي - تەگجەيلى جوبالاۋ سياقتىلاردى كۇشەيتتى، يانحۋ قىزمەت وتەۋ اۋماعى وزگەرتىپ - كەڭەيتىپ سالۋ ارقىلى 2020 - جىلى 10 - ايدا قايتادان ىسكە قوسىلىپ پايدالانىلدى.
”قازىر 71 جەردە تاس جول قىزمەت وتەۋ اۋماعىمىز بار، جالپى 317 تازالىق ءۇيى، 203 كەدەرگىسىز تازالىق ءۇيى، 3506 قول جۋۋ استاۋشاسى بار، تازالىق ءۇيىنىڭ جالپى اۋدانى 58 مىڭ شارشى مەترگە جەتەدى. ％90تەن استام قىزمەت وتەۋ اۋماعى قازىرگى جانە بۇدان بىلايعى ءبىر مەزگىلدە شوفەرلەر مەن جولاۋشىلاردىڭ دارەتحانادان پايدالانۋ قاجەتىن نەگىزىنەن قاناعاتتاندىرا الادى“. شينجياڭ قاتىناس قارجى قوسۋ شەكتى جاۋاپكەرشىلىك سەرىكتەستىگىنىڭ ورىنباسار باس ينجەنەرى شۇي يافىڭ وسىلاي تانىستىردى. ”1 - مامىر“، ”1 - قازان“ سياقتى مەرەكە - مەيرام كۇندەرىندەگى جولاۋشى لەگىنىڭ قاۋىرت ارتۋ جاعدايىنا ۇيلەسۋ ءۇشىن شينجياڭ قاتىناس قارجى قوسۋ شەكتى جاۋاپكەرشىلىك سەرىكتەستىگى جىلجىمالى ورتانى قورعاۋ دارەتحاناسىن ساتىپ الىپ سەپتەدى، قاجەتكە قاراي، دەر كەزىندە ىسكە قوسىپ پايدالانۋعا بولادى، سونداي - اق كەيبىر كولىك توقتاتۋ اۋماقتارىندا ورتانى قورعاۋ دارەتحانالارىن قويىپ، شوفەرلەر مەن جولاۋشىلارعا قولايلىلىق جاسادى.
”بيىل ءبىز ’ءبىر اۋماقتا ءبىر ەرەكشەلىك بولۋ‘ بويىنشا يانحۋ، فۋكاڭ، ۋگۇڭتاي سياقتى 5 ورىندا قىزمەت وتەۋ اۋماعىن ءتۇيىندى تۇردە تۇلعالايمىز. قىزمەت وتەۋ اۋماقتارىن ءبىر - بىرلەگەن كورىنىس تۇيىندەرىنە اينالدىرامىز، سونداي - اق اناعۇرلىم مول ساۋدا كاسىپ كۇيىن ەنگىزىپ، شوفەرلەر مەن جولاۋشىلاردىڭ اناعۇرلىم كوپ تۇتىنۋ قاجەتىن قاناعاتتاندىرىپ، وسى قىزمەت وتەۋ اۋماقتارىن بۇكىل ەلگە ايگىلى، جۇرتتى كەلۋگە باۋرايتىن ينتەرنەتتە تانىمالى كورىنىس ءتۇيىنى ۇلگىسىندەگى قىزمەت وتەۋ اۋماعى ەتىپ قۇرىپ شىعامىز“، - دەدى شۇي يافىڭ.
