بۋىرشىن اۋدانى ليدا پەرۋاي ماقتا توقىماشىلىعى قولونەر بۇيىمدارى شەكتى جاۋاپكەرشىلىك سەرىكتەستىگى:
تاماشا تۇرمىسىمىز بەينە ماقتا قاۋاشاعىنداي قۇلپىردى
جۋىقتا امەريكاداعى، باتىستاعى جۇڭگوعا قارسى كۇشتەر شينجياڭ ماقتاسىن ءوندىرۋ بارىسىندا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭدى ويدان قۇراستىردى، ءىشىنارا شەتەل كاسىپورىندارى شينجياڭ ماقتاسىن ىستەتۋدى شەكتەۋ جونىندە مالىمدەمە جاريالادى، مۇنداعى ماقساتى − شينجياڭ ماقتاسىن جەلەۋ ەتىپ ۇلتتار ىنتىماعىن ءبۇلدىرۋ، شينجياڭنىڭ ورنىقتىلىعىن ءبۇلدىرۋ، شينجياڭنىڭ دامۋىنا كەدەرگىلىك جاساۋ. بۇل قيسىنسىز شاتپاقتار بۇكىلدەي اۋزىنا كەلگەندى كوكىگەندىك.
شينجياڭداعى حالىقتىق كاسىپورىن رەتىندە، ءبىز شينجياڭنىڭ قارىشتاپ دامۋى مەن شينجياڭداعى ءار ۇلت بۇقاراسىنىڭ باقىتتى تۇرمىسىنا كۋا بولدىق. ليدا پەرۋاي ماقتا توقىماشىلىق قولونەر بۇيىمدارى شەكتى جاۋاپكەرشىلىك سەرىكتەستىگى 2012 - جىلى قۇرىلعان، نەگىزىنەن ۇلتتىق ەرەكشەلىككە يە قولونەر بۇيىمدارى مەن ساياحات ەستەلىك بۇيىمدارىن وندىرەدى. ءبىزدىڭ سەرىكتەستىگىمىز وندىرگەن قازاق ۇلتىنىڭ كەستەلى بۇيىمدارى ماقتادان جاسالادى، تۇگەلدەي شينجياڭنىڭ جەرگىلىكتى ماقتاسىن ىستەتەمىز، ۇلتتىق ەرەكشەلىكتى ساقتاۋ نەگىزىندە ىشكى ءوڭىردىڭ تاڭداۋلى كەستەشىلىك تەحنولوگياسىن تىنباي قابىلداي وتىرىپ، ءوزىمىزدىڭ دارالىق سلوبىمىزدى بىرتە - بىرتە قالىپتاستىردىق، مەيلى ورنەك بەدەرى نەمەسە بوياۋ بەرۋدە بولسىن، بارلىعىندا قويۋ ۇلتتىق ەرەكشەلىك ارلەنگەن، بۇكىل ەلدىڭ جەر - جەرىنەن كەلگەن ساياحاتشىلار ەرەكشە ۇناتادى.
شينجياڭدا ءار ۇلت بۇقاراسىنىڭ جۇمىستانۋى بۇكىلدەي دەربەس، ءوز ەركىمەن بولادى، ”زورلىقپەن ەڭبەككە سالۋ“ دەگەن مۇلدە بولعان ەمەس. ءبىزدىڭ سەرىكتەستىگىمىزدەگى اپەكە - سىڭلىلەر تۇگەلدەي قوعامنان ۇسىنىسپەن قابىلدانعاندار، بارلىعى دەربەس كاسىپ تاڭداعاندار، سەرىكتەستىكپەن ەڭبەك توقتامىنا قول قويعان، اي سايىن ەڭبەك جالاقىسىن ۋاعىندا تولىعىمەن الا الادى. بىرنەشە جىلدىق دامۋ ارقىلى ءبىزدىڭ سەرىكتەستىگىمىزدىڭ قىزمەتكەرلەرى ەڭ باستاپقى 6 ادامنان 90نان استام ادامعا كوبەيدى. سەرىكتەستىك تاعى بۋىرشىن اۋدانىنىڭ ءارقايسى اۋىل - قالاشىقتارىندا 6 مانەرلەۋ ءتۇيىنىن قۇرىپ، وتباسىندا قيىنشىلىعى بار ءىشىنارا قازاق ايەلدەرىن شيكى ماتەريالمەن، پاتەنتتىك ۇلگى نۇسقامەن اقىسىز قامداپ، ولاردىڭ ۇيىندە وتىرىپ - اق كەستە تىگىپ، ورتاشا ەسەپپەن ءار ادامنىڭ اي سايىن 2000 − 3000 يۋان كىرىس تابۋىنا مۇمكىندىك جاسادى. كەستە تىگۋ ارقىلى اپەكە - سىڭلىلەر ءبىر ونەردىڭ تەتىگىن يگەرۋمەن بىرگە، كىرىستەرىن دە ارتتىردى، كۇندەرى دە بارعان سايىن جاقساردى.
امەريكاداعى، باتىستاعى جۇڭگوعا قارسى كۇشتەر مەيلى شينجياڭعا قانشاما جالا جاۋىپ، كۇيە جاققاندارىمەن، وسەك - اياڭنىڭ اتى ءبارىبىر وسەك - اياڭ، ول شىندىقتىڭ ناقتى جاي - جاپسارىن بۇركەمەلەي المايدى، ءبىز قازىرگى تاماشا تۇرمىسىمىزدى قىزۋ سۇيەمىز، ايتىلمىس ”زورلىقپەن ەڭبەككە سالۋ“ ءبىزدىڭ قازىرگى تۇرمىس جاعدايىمىزعا مۇلدە ۇيلەسپەيدى. شينجياڭنىڭ ماقتاسى كىرشىكسىز، تازا، ءبىزدىڭ تاماشا تۇرمىسىمىز دا بەينە شوق - شوق اپپاق ماقتاداي جايناۋدا!
