قۇمىل قالاسى يجوۋ رايونى راقاتباق اۋىلىنىڭ ماقتاشىسى عالىپ مامەت
جۋىقتا مەن ينتەرنەتتەن كەيبىر شەتەل كاسىپورىندارىنىڭ ءبىزدىڭ شينجياڭنىڭ ماقتاسىنىڭ عايباتىن ايتىپ، وتىرىكتەن شينجياڭدا ”زورلىقپەن ەڭبەككە سالۋ“ ءومىر سۇرىپ وتىر دەگەندىگىن كورىپ، قاتتى اشۋلاندىم. سول كاسىپورىنداردان سۇراعىم كەلەدى، سەندەردىڭ قىزمەتكەرلەرىڭنىڭ قىزمەتكە سۇيەنىپ اقشا تاۋىپ، وتباسىن اسىراۋى دا ”زورلىقپەن ەڭبەككە سالۋ“ بولاما؟ مۇنداي بەتالدى ويدان قيىستىرعاندارىڭمەن، ءبىز شينجياڭدىقتار سەندەرگە پىسقىرىپ تا قارامايمىز.
مەنىڭ باقىتتى وتباسىم بار، ۇلكەن ۇلىم ءوز كۇشىمەن شارۋاشىلىق قۇرىپ، تۇيە فەرماسىن اشتى، ءونىمى وتە جاقسى. كىشى قىزىم كاسىپتىك تەحنيكالىق مەكتەپتە وقيدى. ايەلىم ۇيدە ەلەكتروندىق ساۋدامەن شۇعىلدانادى، ءبىز ءبىر ءۇيلى جان ءمان - ماعىنالى، باقىتتى تۇرمىس كەشۋدەمىز. بىلتىر ءبىزدىڭ ءۇي 1200 مۋ جەرگە ماقتا ەكتى، ءبىر مۋ جەردەن 430 كيلوگرام اينالاسىندا ءونىم الۋعا بولادى، ءتۇسىمى ەرەكشە جاقسى. ءبىزدىڭ ءۇيدىڭ تۇقىمى ساپالى ماقتا تۇقىمى، ماقتا ەگەتىن جۇقا جارعاق توسەۋ، سۋاراتىن تامشىلاتىپ سۋارۋ تۇتىگىن جاتقىزۋ جانە ماقتا تۇقىمىن سەبۋ تۇگەلدەي تۇقىم سەبۋ ءبىرتۇلعالانعان ماشينامەن بىرگە ورىندالادى. سۋاراتىن كەز بولعاندا، قاقپاقشانى اشساق، تامشىلاتىپ سۋارۋ تۇتىگى ارقىلى سۋارىلا بەرەدى. ماقتا تەرۋ دە قولايلى، تۇگەلدەي ماشينامەن تەرىلەدى، اقشانى، كۇشتى، ۋاقىتتى ۇنەمدەيدى، مۇلدە ۋايىمداۋدىڭ قاجەتى جوق. ماشينانى جۇرگىزەتىن ادامنان تىس، نەگىزىنەن ەشقانداي ەڭبەككۇش كەتپەيدى، مۇندا قايداعى ”زورلىپقەن ەڭبەككە سالۋ“ بولسىن؟
ماقتا ەگىپ بايىدىق، قانداي تاماشا، بيىل مەن تاعى ءبىراز جەردى كوتەرمەگە الدىم، 2300 مۋ جەرگە ماقتا ەگەيىن دەپ وتىرمىن. ماقتا ەگۋ ءبىزدىڭ تۇرمىس ورەمىزدى جوعارىلاتادى، تۇرمىسىمىز تابيعي تۇردە بارعان سايىن جاقسارا تۇسەدى.
مەنشە، اناۋ بوتەن نيەتتى ادامدار ءبىزدىڭ قازىرگى تاماشا تۇرمىسىمىزدى قىزعانىپ وتىر، ولار ءبىر جاعىنان جۇڭگودان اقشا تاۋىپ، ەندى ءبىر جاعىنان شينجياڭنىڭ ونىمدەرىن شەكتەۋدە، مۇنداي اسىن ءىشىپ، اياعىن شاققان ارەكەتكە مەن باتىل قارسى تۇرامىن! مەن بيىل ماقتانىڭ ءتۇسىمى توتەنشە جاقسى بولاتىندىعىنا سەنەمىن، سول كەزدە اپپاق ماقتا وسەك - اياڭعا ەڭ تاماشا قايتارما سوققى بولماق.
