انار بۇلت / شينجياڭ گازەتى قاشقار تىلشىلەر پۋنكتىنەن پان يانيۇن، ەرىكتى ءتىلشى مىرزات 4 - ايدىڭ 26 - كۇنى قاشقاردان حابارلايدى. 4 - ايدىڭ 26 - كۇنى ورتالىق كوميتەت ۇگىت ءبولىمى، جۇڭگو عىلىم - تەحنيكا قوعامى جانە اۆتونوميالى رايوندىق عىلىم - تەحنيكا قوعامى سياقتى كوپ تاراۋ بىرلەسىپ ۇيىمداستىرعان مادەنيەتتى، عىلىم - تەحنيكانى، دەنساۋلىق ساقتاۋدى اۋىل - قىستاققا جەتكىزۋ بويىنشا شينجياڭنىڭ شوعىرلى ۇلگى كورسەتۋ قيمىلى قاشقار قالاسى داۋلەتباق اۋىلىنىڭ گۇلباق قىستاعىندا باستالدى.
بۇل رەتكى مادەنيەتتى، عىلىم - تەحنيكانى، دەنساۋلىق ساقتاۋدى اۋىل - قىستاققا جەتكىزۋ قيمىلىنىڭ ماقساتى − 19 - كەزەكتى ورتالىق كوميتەت بەسىنشى جالپى ءماجىلىسىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە ورتالىقتىڭ اۋىل - قىستاق قىزمەتى ءماجىلىسىنىڭ رۋحىن تولىق، دالمە - ءدال دايەكتىلەندىرىپ، مادەنيەتتى، عىلىم - تەحنيكانى، دەنساۋلىق ساقتاۋدى اۋىل - قىستاققا جەتكىزۋ قيمىلىنىڭ ماركالىق رولىن جانە شوعىرلاندىرا قىزمەت وتەۋ يقۋاتىن تولىق ساۋلەلەندىرىپ، قوعامنىڭ ءار جاعىنداعى كۇشتەردى جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنە بەلسەنە ات سالىسۋعا جۇمىلدىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ اۋىل - قىستاقتى گۇلدەندىرۋمەن ءونىمدى توعىسۋىن جۇزەگە اسىرىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋ اياق الىسىن ىلگەرىلەتۋ.
جۇڭگو عىلىم - تەحنيكا قوعامىنىڭ ورىنباسار ءتوراعاسى، شۋجيچۋىنىڭ شۋجيى مىڭ چيڭحاي بىلاي دەدى: مادەنيەتتى، عىلىم - تەحنيكانى، دەنساۋلىق ساقتاۋدى اۋىل - قىستاققا جەتكىزۋ قيمىلى ورىستەتىلگەن 25 جىلدان بەرى، مازمۇنى كۇن سايىن بايىپ، ارناسى ۇزدىكسىز كەڭەيىپ، فورماسى ۇزدىكسىز جاڭالانىپ، شارۋالاردىڭ يدەيا - ءمورال جانە مادەنيەت ساپاسىن جوعارىلاتاتىن عاسىر اتتاعان حالىق قالاۋى ينجەنەرياسىنا اينالىپ، بۇقارانىڭ ايرىقشا قارسى الۋىنا بولەندى. شينجياڭنىڭ ءار سالاسىنىڭ اۆتونوميالى رايوندىق پارتكومنىڭ باسشىلىعىندا ءار جاقتاعى كۇشتەردى ءبىر تۇتاس جوسپارلاپ سايكەستىرىپ، ”ءۇشتى اۋىل - قىستاققا جەتكىزۋ“ قيمىلىن بۇقاراعا ناقتى ءىس ىستەپ بەرۋمەن تىعىز ۇشتاستىرىپ، ءار ۇلت بۇقاراسىنىڭ تۇرمىسىنىڭ ءتىپتى تاماشا بولا تۇسۋىنە، اناعۇرلىم باياندى قىزمەت وتەۋدەن يگىلىكتەنۋىنە مۇمكىندىك جاساۋىن ءۇمىت ەتەمىن.
ۇعىسۋعا قاراعاندا، قاشقار ايماعى وسى رەتكى شوعىرلى تۇردە ۇلگى كورسەتۋ قيمىلىن وراي ەتىپ، ”ءۇشتى اۋىل - قىستاققا جەتكىزۋ“ قيمىلىن تۇتاس جىلعا ءسىڭىرىپ، قىسقى، جازعى دەمالىستارداعى قىزمەت وتەۋ قيمىلى، مەملەكەتتىك عىلىم جالپىلاستىرۋ كۇنى، مەملەكەتتىك عىلىم - تەحنيكا قيمىلى اپتالىعى، جۇڭگو شيپاگەرلەر مەرەكەسى، جۇڭگو شارۋالار مول ءونىم مەرەكەسى سياقتىلاردان پايدالانا وتىرىپ، ءتۇرلى قيمىلداردى ۇيلەسىمدى ۋاقىتتا وتكىزىپ، ”ءۇشتى اۋىل - قىستاققا جەتكىزۋ“ قيمىلىنداعى ماركا نىسانىن تۇتاس جىلعا ءسىڭىرىپ، ءتورت ماۋسىمدى بىردەي قامتىپ، ”ءۇشتى اۋىل - قىستاققا جەتكىزۋ“ قيمىلىنىڭ ۇنەمى اۋىل - قىستاققا جەتكىزىلۋىن، ۇنەمى اۋىل - قىستاقتاردا بولۋىن ىلگەرىلەتەدى ەكەن.
قيمىل باسىندا جۇڭگو عىلىم - تەحنيكا قوعامى جەكە - جەكە قاشقار قالالىق 28 - ورتا مەكتەپتىڭ، قاشقار قالالىق دۇڭچىڭ 8 - ورتالاۋ مەكتەبىنىڭ ”اۋىل - قىستاق ورتا مەكتەبى عىلىم - تەحنيكا سارايىنا“ ماڭدايشالىق ۇسىندى؛ قاشقار قالالىق عىلىم - تەحنيكا قوعامى، دەنساۋلىق ساقتاۋ، سالاماتتىق كوميتەتى، مادەنيەت، راديو - تەلەۆيزيا، ساياحات مەكەمەسى، اۋىل شارۋاشىلىعى، اۋىل - قىستاق مەكەمەسى قاتارلى ورىندار نازاريا جەتكىزۋ، زاڭ جەتكىزۋ، وركەنيەت جەتكىزۋ، قىزمەت وتەۋدى جەتكىزۋ سياقتى شوعىرلى ۇلگى كورسەتۋ قيمىلدارىن ورىستەتتى.
