انار بۇلت / شينجياڭ گازەتىنىڭ ءتىلشىسى ميھىرگۇل ناسىر 4 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، بيىل ءبىرىنشى ماۋسىمدا اۆتونوميالى رايون ءتۇيىندى سالالاردىڭ قارجى شىعىسىن پارمەندى قامتاماسىز ەتكەن، مۇندا قالا، اۋىل الەۋمەتتىك اۋماقتارى، قوعامدىق قامتاماسىزداندىرۋ جانە جۇمىستاندىرۋ سياقتى حالىق تۇرمىسى سالالارىنا جۇمسالعان شىعىستىڭ قازىنالىق شىعىستا يەلەگەن سالىستىرماسى ％76.7كە جەتكەن.
ساندى مالىمەتتە كورسەتىلگەندەي، ءبىرىنشى ماۋسىمدا اۆتونوميالى رايون دارەجەلى قازىنالىق شىعىس 29 ميلليارد 450 ميلليون يۋان بولىپ، ％25.5تى ۇستاعان؛ ءارقايسى ايماقتىڭ (وبلىس، قالا) قازىنالىق شىعىسى 85 ميلليارد 910 ميلليون يۋان بولىپ، ％74.5تى ۇستاعان. مۇندا قالا، اۋىل الەۋمەتتىك اۋماقتارىنىڭ شىعىسى ％42.1، ەنەرگيا ۇنەمدەۋ، قورشاعان ورتانى قورعاۋ شىعىسى ％40.2، قوعامدىق قامتاماسىزداندىرۋ جانە جۇمىستاندىرۋ شىعىسى ％18.8 ارتقان.
اۆتونوميالى رايوندىق قازىنا مەڭگەرمەسى اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، ”نەگىزگى حالىق تۇرمىسىن قامتاماسىز ەتۋ، ەڭبەكاقىنى قامتاماسىز ەتۋ، اينالىمدى قامتاماسىز ەتۋ“ شىعىسىن قازىنالىق شىعىستىڭ ماڭداي الدى ورنىنا قويۋعا تاباندى بولىپ، ”ءۇشتى قامتاماسىز ەتۋگە“ جۇمسالاتىن شىعىس قارجىسىن قامتاماسىز ەتۋدى كۇش سالا جاقسى ىستەدى. اسىرەسە، نەگىزگى ساتىنى قولداۋ سەرپىنىن ۇزدىكسىز ارتتىرىپ، قارجىنى نەگىزگى ساتىعا ۇزدىكسىز بەيىمدەپ، نەگىزگى ساتىنىڭ ورنىقتى اينالىمىن قازىنا قۋاتىمەن قامتاماسىز ەتتى.
اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى مىنالاردى ءبىلدىردى: كەلەسى قادامدا اۆتونوميالى رايون بۇكىل رايوننىڭ قازىنالىق قارجى شىعىسىن حالىق تۇرمىسى سالاسىنا بەيىمدەۋ سەرپىنىن ونان ارى ارتتىرىپ، ءار ۇلت بۇقاراسىن ورنىقتىلىقتىڭ پايداسىنان، دامۋدىڭ ونىمدىلىگىنەن ءتىپتى مول يگىلىكتەندىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ونان ارى كۇشەيتەدى.
