− باس شۋجي شي جينپيڭنىڭ شينجياڭدا قىزمەت تەكسەرگەندىگىنىڭ 7 جىلدىعى بايلانىسىمەن
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي
ءشوپ كوكتەپ، قۇستار سامعادى، جەر ءجۇزى جاسىل ماناتپەن كومكەرىلدى، تاعى ءبىر تاماشا كوكتەم كەلدى. ءار جولى وسى ساتتە ىلعي دا ءبىر سەزىم بويدى بيلەيدى، بۇل شەكسىز تەرەڭ قامقورلىق، ونان دا ماڭىزدىسى، قايراتتانا العا تارتۋدىڭ قوزعاۋشى كۇشى.
2014 - جىلى 4 - ايدىڭ 27 - كۇنىنەن 30 - كۇنىنە دەيىن باس شۋجي شي جينپيڭ شينجياڭداعى ءار ۇلت حالقىنا دەگەن تەرەڭ سۇيىسپەنشىلىكپەن، پارتيا ورتالىق كوميتەتىنىڭ شىنايى قامقورلىعىن الىپ شينجياڭعا كەلىپ قىزمەت تەكسەرىپ، شينجياڭنىڭ بولاشاق دامۋىنا بەتالىس كورسەتىپ، شينجياڭ حالقىنىڭ باقىتىنا شەشۋشى شارا ازىرلەدى، شينجياڭداعى ءار ۇلت كادر - بۇقاراسى ايرىقشا شابىتتانىپ، ەرەكشە مەيىردى سەزىندى.
7 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ءار ۇلت كادر - بۇقاراسىن ىنتىماقتاستىرىپ جانە باستاپ، باس شۋجيدىڭ ىقىلاستى تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق، دامۋ قىزمەتتەرىن تىڭعىلىقتى ىلگەرىلەتتى.
قىسقا ۋاقىتتا بار الاپ، شىت جاڭا تۇسكە ەندى! قاجىماي كۇرەس جۇرگىزۋ ارقىلى شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولىپ كورىلمەگەن تابىستارعا قول جەتىپ، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. باس شۋجي شي جينپيڭنىڭ ”وتانىمىزدىڭ شينجياڭىن بارعان سايىن كورىكتى ەتىپ قۇرۋ“ سىندى تاپسىرماسى رەال بولمىسقا اينالۋدا.
جاڭا تاريحي باستامادا
پارتيا ورتالىق كوميتەتى ەجەلدەن شينجياڭ قىزمەتىنە ايرىقشا ءمان بەرىپ كەلەدى. پارتيا 18 - قۇرىلتايىنان بەرى باس شۋجي شي جينپيڭ باستان - اياق شينجياڭنىڭ بايتاق دالاسى مەن ءار ۇلت حالقىنا سۇيىسپەنشىلىك ارناپ، قىرۋار جۇرەك قانىن سارقا جۇمسادى.
شينجياڭدا قىزمەت تەكسەرگەن 4 كۇن ۋاقىتتا، باس شۋجي شي جينپيڭ قاتتى قاربالاس ءجۇردى. وڭتۇستىك شينجياڭنان سولتۇستىك شينجياڭعا دەيىن، جەرگىلىكتى ورىننان بيڭتۋانعا دەيىن، باس شۋجي قىستاق، الەۋمەتتىك اۋماقتارعا باردى، كاسىپورىنداردى ارالادى، مەكتەپتەردى كوردى، اسكەري بولىمدەرگە كىردى، كادر - بۇقاراعا امانداستى، كوماندير - جاۋىنگەرلەردەن، حالىق ساقشىلارىنان حال سۇرادى، دامۋ مەن وزگەرىستەردى كوردى، ەرتەڭگى بولاشاققا جوسپار جاسادى.
باس شۋجي بىلاي دەپ باسا دارىپتەدى: جاڭا جاعدايدا شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن قوعام ورنىقتىلىعى مەن باياندى تىنىشتىققا قويۋ كەرەك. بۇل كەزەكتەگى شينجياڭ قىزمەتىن ويداعىداي ىستەۋدىڭ باس نىساناسى.
وسىلايشا شينجياڭ جاڭا تاريحي باستامادا تۇرىپ، جاڭا دامۋ پاراقتارىن اشتى.
وسىدان كەيىنگى بىرنەشە جىلدا پارتيا ورتالىق كوميتەتى شينجياڭدى جونگە سالۋ زاڭدىلىعىن تانۋ مەن يگەرۋدى ۇزدىكسىز تەرەڭدەتىپ، ىلگەرىندى - كەيىندى 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، ءبىر قىدىرۋ شەشىم، ورنالاستىرۋ جاساپ، شينجياڭ قىزمەتىن باستان - اياق دۇرىس بەتالىسپەن العا ىلگەرىلەۋگە جەتەكتەدى. تۇتاس شينجياڭدا جوعارىدان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، بارلىق قىزمەتتى باس نىسانانى تىعىز ارقاۋ ەتە وتىرىپ جوسپارلاپ، ىلگەرىلەتىپ، ورنىقتىلىق، دامۋ قىزمەتتەرىنىڭ جاڭا جاعدايىن اشتى.
ءور اسۋدى دەمە بەينە قۇرىش قامال سوعىلعان.
اۆتونوميالى رايوندىق پارتكوم ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ساناۋعا تاباندى بولىپ، ەرتە باستان يگەرۋگە، كىشكەنەسىنەن يگەرۋگە، جىلدام يگەرۋگە، ويداعىداي يگەرۋگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇدايىلانۋىن، ۇزاق ءونىمدى بولۋىن ىلگەرىلەتىپ، قوعامدىق جونگە سالۋدى ۇزدىكسىز كۇشەيتىپ جانە وندا جاڭالىق اشىپ، قوعامدىق كەلەلى جاعدايدىڭ ورنىقتىلىعىن باتىل ساقتادى.
− پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسە قيمىلداۋعا تاباندى بولىپ، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، كەشەندى شارا قولدانىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن تۇرعىزدى؛
− سوققى بەرۋ مەن الدىن الۋدى ۇشتاستىرۋعا تاباندى بولىپ، قاينارىنان باستاپ جونگە سالۋدى ۇزدىكسىز ورىستەتىپ، ”ۇشقارىلىقتى الاستاۋدى“ ىشكەرىلەي ىلگەرىلەتىپ، لاڭكەستىكتىڭ، ۇشقارىلىقتىڭ ءوسىپ - ءوربيتىن توپىراعى مەن شارت - جاعدايىن كۇش سالا جويدى؛
− نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق بولاشاقتىق جوسپارى مەن نەگىزدى بەكەمدەۋ شاراسى ەتۋگە تاباندى بولىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ورىستەتىپ، ءار دارەجەلى كادرلار كوڭىل قويىپ، ورنىعىپ وتىرىپ كىرىسىپ، بۇقارانىڭ وندىرىسپەن شۇعىلدانۋىنا، قيىن ماسەلەلەردى شەشۋىنە، دامۋدى جەبەۋىنە كومەكتەسىپ، ەڭ جوعارى شەكتە جۇرت تىلەگىن جۇمىلدىردى، ۇيىستىردى؛
...
ءبىر قىدىرۋ تىڭعىلىقتى دا ءونىمدى كەشەندى شارالار شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىنىڭ نەگىزىن ۇزدىكسىز بەكەمدەپ، باياندى تىنىشتىقتى جۇزەگە اسىرۋعا بەرىك نەگىز قالادى. قازىرگە دەيىن تۇتاس شينجياڭدا ءۇرتىس 4 جىلدان استام ۋاقىت زورلىقتى كۇش لاڭكەستىك دەلوسى تۋىلعان جوق، قىلمىستىق ىستەر دەلولارى، قوعام اماندىعى دەلولارى، حاۋىپسىزدىككە قاتەر ءتوندىرۋ دەلولارى، الەۋمەتتىك حاۋىپسىزدىك وقيعالارى زور دارەجەدە تومەندەپ، ءار ۇلت بۇقاراسىنىڭ حاۋىپسىزدىك سەزىمى كورنەكتى ارتتى.
ورنىقتى دا جاراسىمدى قوعامدىق ورتا شينجياڭنىڭ ەكونوميكالىق، قوعامدىق دامۋىنا تاماشا ورتا جاراتىپ، پارمەندى تىرەك ازىرلەدى. تۇتاس رايون ەكونوميكاسىنىڭ جوعارى ساپالى دامۋ اياق الىسى اناعۇرلىم پارمەندى بولىپ، حالىق تۇرمىسىن قامتاماسىز ەتۋ جانە جاقسارتۋ سەرپىنى ۇزدىكسىز ارتىپ، ءار ۇلت بۇقاراسىنىڭ ءوندىرىس، تۇرمىس شارت - جاعدايى بارعان سايىن جاقسارىپ، قايراتتارى تاسقىنداپ، تولىق سەنىممەن اناعۇرلىم تاماشا تۇرمىس جاراتۋدا.
ارىقتاعى سۋدىڭ سونشالىقتى تۇنىق بولۋى نەلىكتەن؟ قايىرىلا قاداعالاي قاراساق، باس شۋجي شي جينپيڭنىڭ شينجياڭدا قىزمەت تەكسەرۋىنىڭ جوسپارىنىڭ جۇيەلى، ماڭىزىنىڭ زور، ىقپالىنىڭ تەرەڭ ەكەندىگىن سەزىنە الامىز.
7 جىلدان بەرى شينجياڭنىڭ قول جەتكىزگەن ناتيجەلەرىنىڭ استارىندا باس شۋجيدىڭ وسىناۋ ولكەگە ەرەكشە كوڭىل ءبولۋى مەن ءار ۇلت بۇقاراسىنا دەگەن ايرىقشا قامقورلىعى جاتىر، تۇتاس شينجياڭدا جوعارى مەن تومەندەگىلەردىڭ باس نىسانانى بۇلجىماستان تياناقتاندىرۋ بەكىمى مەن سەنىمى ايشىقتالعان، ءار ۇلت كادر، بۇقاراسىنىڭ جۇدىرىقتاي جۇمىلىپ، كۇش توپتاپ قامال الاتىن كۇرەس جۇرگىزۋ اسقاق سەزىمى تولعان. جاراسىمدى، تىنىش، ءتارتىپتى شينجياڭ كەرەمەت تارتىمدىلىعىمەن ادامدى ايرىقشا باۋرايدى!
جوعارى ساپالى دامۋدى حالىق تۇرمىسىمەن تىعىز جاناستىرىپ ىلگەرىلەتتى
باس شۋجي شي جينپيڭ شينجياڭنىڭ ەكونوميكالىق، قوعامدىق دامۋى مەن ءار ۇلت حالقىنىڭ ىرىس - قۇتىن ويىنان شىعارمادى. شينجياڭدا قىزمەت تەكسەرگەن كەزدە باس شۋجي بارعان جەرلەرىندە، اشقان اڭگىمە ماجىلىستەرىندە تۇگەلدەي دامۋدى سۇرادى، رەفورمانى اڭگىمەلەدى، حالىق تۇرمىسىن تىلگە تيەك ەتتى. ول بىلاي دەپ باسا دارىپتەدى: دامۋ ءالى دە شينجياڭنىڭ بارلىق ماسەلەسىن شەشۋدىڭ تەتىگى، ءسوز جوق، شىن مانىندە جاقسى يگەرۋ كەرەك. دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جاساۋدا تياناقتاندىرۋ، ىنتىماقتى كۇشەيتۋدە تياناقتاندىرۋ كەرەك.
7 جىلدان بەرى شينجياڭ ورنىقتىلىقتىڭ پايداسىنىڭ ۇزدىكسىز جارىققا شىعۋ ورايىن يگەرىپ، ويداعىداي پايدالانىپ، ەكونوميكانىڭ جوعارى ساپالى دامۋىن حالىق تۇرمىسىمەن تىعىز جاناستىرىپ ىلگەرىلەتتى. التاي تاۋىنىڭ باۋرايىنان پامير ۇستىرتىنە دەيىن، ىلە اڭعارىنان تۇرپان ويپاتىنا دەيىن، بار الاپتا ومىرشەڭدىك قاۋلاپ، دامۋدىڭ جارقىن تۇيىندەرى تولاسسىز جارىققا شىقتى.
نەگىزدىك قۇرىلعىلار ۇزدىكسىز كەمەلدەندى − تۇتاس رايوندا پويەز قاتىناعان تەمىر جول 7437 كيلومەترگە جەتتى، كولىك قاتىناعان تاس جول 210 مىڭ كيلومەترگە جەتتى، حالىقتىق اۋەجايلاردىڭ جالپى سانى 22 گە جەتتى، سۋ يگىلىگى، ەلەكتر قۋاتى، حابارلاسۋ سياقتى كەلەلى ينجەنەريا نىسان قۇرىلىسى قاۋىرت جۇرىلۋدە؛
ەسىك اشۋ قادامى بارعان سايىن جەدەلدەدى − ”ءبىر بەلدەۋ، ءبىر جول“ قۇرىلىسىمەن ىشكەرىلەي توعىسىپ، ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى ۇزدىكسىز ومىرشەڭدىك قاۋلاتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ جەتىستىكتەرى مول بولدى؛
كورىكتى شينجياڭدا ساياحاتشىلاردىڭ اياعى ۇزىلمەدى − تۇتاس رايوننىڭ قابىلداعان ساياحاتشى سانى ءۇرتىس 100 ميلليون، 150 ميلليون، 200 ميلليون ادام - رەتتەن استى؛
...
توپ - توپ ساندى مالىمەتتەر − شينجياڭنىڭ جاڭا دامۋ ۇستانىمىن بۇلجىماستان دايەكتىلەندىرۋدەگى نىق قادامى.
تۇتاس رايون ەرەكشە باسىمدىققا يە كاسىپ سالالارىن ۇزدىكسىز جەتىلدىرىپ، زورايتىپ، مۇناي جانە مۇناي حيميا، ەلەكتر قۋاتى، توقىماشىلىق جانە كيىم - كەشەك، اۋىل شارۋاشىلىعى قوسىمشا ونىمدەرىن مانەرلەۋ، نان، ساياحات سياقتى كاسىپ سالالارىن كورنەكتىلەندىرە دامىتىپ، وسىزاماندانعان كاسىپ سالاسى جۇيەسىن جەدەل قالىپتاستىردى؛ ۇزدىكسىز رەفورمانى تەرەڭدەتىپ، ەسىك اشۋدى كەڭەيتىپ، ءتۇيىندى سالالار مەن شەشۋشى بۋىندار رەفورماسىن بەلسەندى ىلگەرىلەتتى؛ جاڭاشا قالا - قالاشىقتاندىرۋ قۇرىلىسىن ۇزدىكسىز ىلگەرىلەتىپ، نەگىزدىك قۇرىلعىلار قۇرىلىسى قارىشتاي دامىدى، قالا مەن اۋىلدىڭ بەت - بەينەسى كۇن سايىن جاڭاردى؛ زور كۇشپەن قۇمدى، سۋدى تىزگىندەدى، ورمان مەن جايلىمدى قورعادى، لاستانۋدان ساقتانۋ - تىزگىندەۋدەن قامال الۋ شايقاسىن ۇزدىكسىز ويداعىداي جۇرگىزىپ، كورىكتى شينجياڭنىڭ اسپانى ءتىپتى دە اشىق، تاۋى ءتىپتى جاسىل، سۋى ءتىپتى تۇنىق بولدى.
7 جىلدا ەكونوميكانىڭ جوعارى ساپالى دامۋى قۋاتتى قوزعاۋشى كۇش شىعارىپ، حالىق تۇرمىسىنىڭ ىرىس - قۇتىن ارتتىرۋعا پارمەندى نەگىز ازىرلەپ، تۋ باستان ومىرشەڭدىك قوستى.
اۆتونوميالى رايون ادەتتەگى الەۋمەتتىك مەجە ەسەپ شىعىسىنىڭ ％70تەن استامىن حالىق تۇرمىسى سالاسىنا جۇمساۋعا تاباندى بولىپ، حالىق تۇرمىسى ينجەنەرياسىن ۇزدىكسىز ىلگەرىلەتتى. ”13 - بەسجىلدىق“ مەزگىلىندە قالا - قالاشىقتاردا جيىنى 2 ميلليون 330 مىڭ ادام جاڭادان جۇمىستانىپ، اۋىل - قىستاقتاعى ارتىق ەڭبەككۇشتەردەن 14 ميلليون 330 مىڭ ادام - رەت باسقا سالاعا ويىستىرىلىپ جۇمىستاندىرىلدى؛ تۇتاس رايوندا ءبىر ميلليون 558 مىڭ مەكتەپكە دەيىنگى جاستاعى بالالاردىڭ بالاباقشاعا ”كىرۋگە تيىستىلەرى تۇگەل كىرگىزىلدى“، 9 جىلدىق مىندەتتى وقۋ - اعارتۋدىڭ بەكەمدەلۋ سالىستىرماسى ％95تەن استى؛ جالپى حالىقتىڭ دەنساۋلىعىن تەگىن تەكسەرۋ اتقارىلىپ، 4 جىلدا جيىنى 70 ميلليون 810 مىڭ ادام - رەت دەنساۋلىق تەكسەرتتى؛ قوعامدىق قامتاماسىزداندىرۋ جۇيەسى كەمەلدەندىرىلىپ، جالپى حالىقتى قامسىزداندىرۋعا قاتىناستىرۋ جوسپارى اتقارىلدى، وڭتۇستىك شينجياڭنىڭ ”كومىردى ەلەكترگە وزگەرتۋ“ ينجەنەرياسى بەلسەندى ىلگەرىلەتىلىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
2020 - جىلدىڭ سوڭىندا ەڭ سوڭعى 165 مىڭ 800 كەدەي حالىقتىڭ ۋاعىندا كەدەيلىكتەن ارىلۋىمەن، 10 كەدەي اۋداننىڭ تۇگەلدەي كەدەيلىك قالپاعىن الىپ تاستاۋىمەن شينجياڭدا 772 مىڭ 500 وتباسىنداعى 3 ميلليون 64 مىڭ 900 ادامدى كەدەيلىكتەن ارىلتۋ نىسانا - مىندەتى جاپپاي ورىندالىپ، مىڭ جىل مازالاپ كەلگەن مۇلدە كەدەيلىك ماسەلەسى تاريحي تۇردە شەشىمىن تاپتى. ءار ۇلت بۇقاراسىنىڭ ءوندىرىس، تۇرمىس شارت - جاعدايى زور مولشەردە جاقسارىپ، اۋىل - قىستاقتى گۇلدەندىرۋ ستراتەگياسىن جاپپاي اتقارۋ جاڭا ساپارىندا اناعۇرلىم تاماشا تۇرمىس جاراتتى.
التىن شايقاۋ جاپالى بولعانىمەن، جارقىرايدى العان سوڭ قۇمنان ەكشەپ.
بۇگىنگى شينجياڭدا دامۋدىڭ تەبىندەي ءتۇسۋى، بۇقارا تۇرمىسىنىڭ كۇن سايىن جاقسارۋى، تيانشان الابىنىڭ بارلىق جەرىندە جارىققا شىققان قۋانارلىق وزگەرىستەر مىنانى تالاسسىز دالەلدەيدى: باس شۋجيدىڭ قويۋ سۇيىسپەنشىلىككە تولى تاپسىرماسى مەن شىنايى ءۇمىتى شينجياڭدا تياناقتانىپ تامىر تارتىپ، مول جەمىس بەردى.
اناردىڭ دانىندەي تىعىز ۇيىستى
ۇلتتار ىنتىماعىن كۇشەيتۋ − باس شۋجي شي جينپيڭ ءار ۋاقىت كوڭىل بولەتىن ماسەلە. شينجياڭدا قىزمەت تەكسەرگەن كەزدە ول: ”ۇلتتار ىنتىماعى − دامۋدىڭ، العا باسۋدىڭ ىرگە تاسى“، ”شينجياڭ ماسەلەسىندە ەڭ قيىنى، ەڭ ۇزاققا سوزىلاتىنى ءالى دە ۇلتتار ىنتىماعى ماسەلەسى“، ”ۇلتتار ىنتىماعىن مىقتاپ يگەرۋ كەرەك“ دەپ قايتا - قايتا باسا دارىپتەدى.
وسىدان كەيىن باس شۋجي شي جينپيڭ شينجياڭنىڭ ۇلتتار ىنتىماعىن كۇشەيتۋ جونىندە تالاي رەت تالاپ قويدى. 2017 - جىلى 1 - ايدا باس شۋجي شي جينپيڭ قۇربان اتايدىڭ ۇرپاقتارىنا جاۋاپ حات جازىپ، قويۋ سۇيىسپەنشىلىك، شىن ىقىلاسپەن ولاردى قۇربان اتاي سياقتى بولىپ، اۋىلداستارمەن بىرگە پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋعا جىگەرلەندىردى؛ 2017 - جىلى 3 - ايدا باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسىنىڭ قاراۋىنا قاتىناسقاندا ۇلتتار ىنتىماعىن كوزىمىزدىڭ قاراشىعىنداي ايالاۋىمىز، ۇلتتار ىنتىماعىن ءومىرىمىزدى قاستەرلەگەندەي قاستەرلەۋىمىز كەرەكتىگىن باسا دارىپتەدى؛ 2020 - جىلى 9 - ايدا باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەكتىگىن باسا دارىپتەدى.
قويۋ سۇيىسپەنشىلىكپەن كوڭىل بولۋدەن جازبادى، شىنايى تاپسىرما ەكپىندەي ىلگەرىلەۋگە جىگەرلەندىردى.
اۆتونوميالى رايوندىق پارتكوم ۇلتتار ىنتىماعىن ەڭ ۇلكەن بۇقارالىق قىزمەت رەتىندە مىقتى، ناقتى يگەرۋگە تاباندى بولىپ، ءبىر قىدىرۋ ءونىمدى شارا قولدانىپ، ءار ۇلت بۇقاراسىنىڭ كەڭ كولەمدە ارالاسۋىن، جاپپاي ىشتەسۋىن، تەرەڭ توعىسۋىن جەبەدى.
2016 - جىلى 10 - ايدا اۆتونوميالى رايون ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن باستاپ، تۇتاس رايونداعى ءار دارەجەلى كادر، جۇمىسشى - قىزمەتشىلەر ءار ۇلت نەگىزگى ساتى بۇقاراسىمەن جۇپ قۇراپ، تۋىس بولدى. نەشە جىلدان بەرى شىنايى سۇيىسپەنشىلىككە تولى ”ۇلتتار ىنتىماعىنىڭ بەرەكەلى شاڭىراعى“ پويەزى وڭتۇستىك، سولتۇستىك شينجياڭدا قايشالىسىپ، ءار ۇلت بۇقاراسى قويان - قولتىق ارالاسىپ، ءبىر - بىرىنە قارايلاسىپ، ءسىز - ءبىز دەسپەيتىن ءبىر ءۇيلى جانعا اينالىپ، ۇلتتار ىنتىماعىنىڭ تىرشىلىك ارقاۋى اناعۇرلىم بەكەمدەلە ءتۇستى.
اۆتونوميالى رايون ۇلتتار ىنتىماعىن ءار دارەجەلى، ءار ءتۇرلى وقۋ - اعارتۋعا ءسىڭىرىپ، ءار ۇلت بالالارى كىشكەنتايلارىنان بىرگە ويناپ، بىرگە وقىپ، بىرگە تۇرمىس كەشىرىپ، بىرگە ەرجەتتى... ۇلتتار ىنتىماعىنىڭ تۇقىمى ءاربىر سۇيەم جەردە تامىر تارتىپ، جۇڭحۋا ۇلتى ورتاق تۇلعا تانىمى ءاربىر ادامنىڭ كوڭىل تۇكپىرىنە تەرەڭ ۇيالادى.
تۇتاس رايوندا ۇلتتار ىنتىماعىنىڭ تيپتىك ۇلگىلەرى مولىنان شىعىپ، تاتۋ - ءتاتتى جاساۋ، قيىندىقتى تىزە قوسا جەڭۋ ىنتا - پەيىلى بارعان سايىن كۇشەيدى. قۇربان نياز ون نەشە جىلدى ءبىر كۇندەي وتكىزىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋعا تاباندى بولىپ، ۇلتتار ىنتىماعىنىڭ تۇقىمىن بالالاردىڭ كوڭىل تۇكپىرىنە سەپتى؛ يوۋ لياڭيىڭ مەن ۇيعۇر باۋىرى ءبىر ءۇيلى جانداي ەتەنە بولىپ، جەرگىلىكتى كەدەي بۇقارانى ءوندىرىستى دامىتۋعا، كەدەيلىكتەن ارىلۋعا باستاپ، شىنايى سۇيىسپەنشىلىك ارقىلى ۇلتتار ىنتىماعىنىڭ ادەمى اڭگىمەسىن جازدى...
تيانشان قاراعايلارى تامىرلاس. 7 جىلدان بەرى ”اناردىڭ دانىندەي تىعىز ۇيىسۋ“ الدەقاشان شينجياڭنىڭ ۇلتتار ىنتىماعىنىڭ جاندى امالياتى مەن شىنايى كۋاسىنا اينالدى. ءار ۇلت كادر - بۇقاراسى باس شۋجيدىڭ تاپسىرماسىن قىمباتتى دوستىق سۇيىسپەنشىلىككە اينالدىرىپ، بىرگە ىنتىماقتاسا ەكپىندەي ىلگەرىلەپ، بىرگە گۇلدەنە دامىپ، وتانىمىزدىڭ شينجياڭىن اناعۇرلىم كورىكتەندىرە ءتۇستى.
اتتان تۇسپە، قامشى باس!
باس شۋجي نۇسقاعان بەتالىستى بويلاعان شينجياڭ پەرزەنتتەرىنىڭ كۇرەس قادامى ەكپىندەپ، ارشىندى قاداممەن اناعۇرلىم شۇعىلالى بولاشاققا تارتىپ بارادى!
