ماناس اۋداندىق حيميا تالشىق زاۆودىنىڭ قىزمەتكەرى ميھىرنيسا الىمجان
ءبىراز ۋاقىتتىڭ الدىندا مەن ادامدى قاتتى رەنجىتەتىن ءبىر حابار كوردىم، ءىشىنارا شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەگەن سىلتاۋمەن شينجياڭ ماقتاسىن جانە ودان جاسالعان ونىمدەردى شەكتەپتى، بۇل ناعىز كورسوقىرلىقپەن ايتىلعان ءسوز، مەن بۇعان قاتاڭ قارسى تۇراتىندىعىمدى بىلدىرەمىن.
مەن قاراقاش اۋدانىندا دۇنيەگە كەلدىم، ول ارا ماقتا ەگۋگە توتەنشە باپ كەلەدى، ماقتا ءبىزدىڭ ەڭبەكشىلدىكپەن بايۋىمىزداعى ەڭ ماڭىزدى كاسىپ سالاسى. بۇرىن ءار جولعى ماقتا تەرۋ مەزگىلى جەتىپ كەلگەندە، قىستاعىمىزداعى وتباسىلاردىڭ بارلىعى ماقتا تەرۋگە شىعاتىن، ماقتا تەرۋدەن كىرىس مول بولاتىندىقتان، قىستاقتان سىرتقا شىعىپ جۇمىس ىستەپ كەتكەن كوپتەگەن ادامدار دا قايتىپ كەلەتىن. ءبىزدىڭ وتباسىمىز جونىنەن العاندا، ەگەتىن جەرىمىز كوپ، ماقتا تەرەتىن ادامىمىز جەتىسپەيدى دە، تۋىس - تۋعانداردى، كورشى - قولاڭداردى جانە ماقتا تەرەتىن جۇمىسكەرلەردى كومەككە شاقىراتىنبىز.
سوڭعى جىلدارى ماقتانى ەگۋدەن تەرۋگە دەيىن بۇكىلدەي ماشينالاندىرۋ جۇزەگە استى، ۇيدە ءبىر - ەكى ادام بولسا بولدى. سوندىقتان جۇبايىم ەكەۋىمىز سىرتقا شىعىپ جۇمىس ىستەپ، كوبىرەك اقشا تاۋىپ وتباسىمىزدىڭ تۇرمىسىن جاقسارتۋعا بەل بايلادىق. ءبىز ماناس اۋداندىق حيميا تالشىق زاۆودىنان قىزمەت تاپتىق، جۇبايىم ەكەۋىمىزدىڭ ءبىر ايلىق ەڭبەكاقىمىزدى قوسساق 8000 يۋاننىڭ اينالاسىندا بولادى. سەرىكتەستىكتىڭ يگىلىك مامىلەسى وتە جاقسى، ءبىزدى تۇرمىستىق بۇيىمدارمەن تەگىن قامدايدى، مەرەكە - مەيرامداردا حال سۇراۋ بۇيىمدارىن تاراتادى. زاۆود تاعى دا ۇنەمى قيمىل ۇيىمداستىرىپ، ءبىزدىڭ كاسىپتەن سىرتقى مادەني تۇرمىسىمىزدى بايىتا ءتۇستى، ءبىز بۇل ارادا وتە كوڭىلدى كۇن كەشىپ جاتىرمىز. سەرىكتەستىك باسشىلارى دا ءبىز از ۇلت قىزمەتكەرلەرىمەن ۇنەمى اڭگىمەلەسىپ، كوپشىلىكتىڭ قىزمەت، تۇرمىس جاعدايىن ۇعىسىپ تۇرادى، قيىنشىلىق بولا قالسا دەرەۋ شەشىپ بەرەدى. ءالى ەسىمدە، سەرىكتەستىككە العاش كەلگەن كەزدە جۇبايىم ەكەۋىمىز دە جاتاقتا جاتاتىنبىز، تۇرمىسىمىزعا قولايسىز ەدى، ءبىز بۇل جاعدايدى سەح باستىعىنا اڭىس ەتكەننەن كەيىن، كەلەسى كۇنى سەرىكتەستىك بىزگە ءبىر اۋىزدى ءۇي دايىنداپ بەردى.
مەنىڭ قىزمەتتەسىم مامەتجان ابىلەمەت قاعىلىق اۋدانىنان كەلگەن، ولار ەرلى - زايىپتى ەكەۋى 2018 - جىلى 9 - ايدا سەرىكتەستىككە قىزمەتكە تۇرعان، ەكەۋىنىڭ ايلىق ەڭبەكاقىسى 9000 يۋان، 2019 - جىلدىڭ اياعىندا جەڭىل اۆتوكولىك ساتىپ الىپ، سەرىكتەستىكتە ۇزاق ۋاقىت قىزمەت ىستەۋگە بەكىندى؛ تاعى ياركەن اۋدانىنان كەلگەن ءمۇتالىپ 2018 - جىلى 11 - ايدا سەرىكتەستىككە قىزمەتكە ورنالاسىپ، 2020 - جىلى 7 - ايدا ول دا جەڭىل اۆتوكولىك ساتىپ الدى... مۇنداي مىسالدار ماڭايىمىزدان كوپتەپ تابىلادى، ءبىز قازىرگى قىزمەتىمىزگە، تۇرمىسىمىزعا توتەنشە ريزامىز.
ءبىزدىڭ سىرتقا شىعىپ ەڭبەك ىستەپ، كاسىپورىنداردا قىزمەت ىستەۋىمىز ءوزىمىز ءۇشىن اقشا تابۋ، بۇكىلدەي ءوز ەركىمىزدەگى ءىس، ”زورلىقپەن ەڭبەككە سالۋ“ دەگەن مۇلدە بولعان ەمەس. مەن بار داۋىسىممەن: شينجياڭنىڭ ماقتاسى ياحشي، شينجياڭ جاقسى جەر، مەن وسى جەردى سۇيەمىن! - دەگىم كەلەدى.
