تيانشان تورى   ›   جاڭالىقتار   ›   شينجياڭ حابارلارى

وسەك - اياڭ ناقتى ءمان - جايدى وزگەرتە المايدى

حىجيڭ اۋدانىنداعى ماقتاشى مامەتجان وشۇر

  تاياۋدا H&M، نايكى سياقتى حالىقارالىق ايگىلى ماركالاردىڭ شينجياڭدا ايتىلمىس ”زورلىقپەن ەڭبەككە سالۋ“ جايتى ءومىر ءسۇرىپ وتىر دەگەندى سىلتاۋراتىپ، شينجياڭنىڭ ماقتاسىن، سونداي - اق ودان وندىرىلگەن ونىمدەردى شەكتەگەندىگىن كوردىم. بۇعان مەن كۇشتى نارازىلىق بىلدىرەمىن جانە باتىل قارسى تۇرامىن.

  مەن حىجيڭ اۋدانىنداعى ءبىر قاراپايىم ەگىنشى وتباسىندا دۇنيەگە كەلدىم. بالا كەزىمدە وتباسىمىز جۇگەرى، ءبيداي سياقتى ەگىس داقىلدارىن ەگەتىن، ول كەزدە وتباسىمىزدا ادام كوپ بولاتىن، 25 مۋ جەردەن تۇسەتىن كىرىسپەن قارنىمىزدى ارەڭ تويعىزاتىنبىز. ورتالاۋ مەكتەپ وقىپ جۇرگەنىمدە مەملەكەتتىڭ ەكونوميكالىق داقىل ەگۋدى بار كۇشپەن جالپىلاستىرعانى ەسىمدە، اۋدان، قالاشىقتاعى اۋىل شارۋاشىلىق تەحنيكالارىن جالپىلاستىرۋ پۋنكتىنىڭ تەحنيكتەرى ۇنەمى اۋىلعا ءتۇسىپ، ەگىنجاي، اتىز باسىنا بارىپ، ماقتا سياقتى ەكونوميكالىق داقىلداردى ەگۋ تەحنيكاسىن جالپىلاستىراتىن، ايتسە دە سول كەزدە سىناق رەتىندە ەگۋدى قالايتىندار از ەدى، اكەم سول كەزدە قىستاقتاعى ”الدىمەن قىسقىش جەۋگە باتىلى بارعان ادام“ ەدى، ول كىسى وتباسىمىزداعى 25 مۋ جەرگە تۇگەلدەي ماقتا ەگىپ قانا قويماي، تاعى 10 مۋ جەردى جاڭادان كوتەرمەگە الىپ ماقتا ەكتى. ماقتا تەرەتىن مەزگىلدە وتباسىمىزدا ەڭبەككۇش جەتىسپەگەندىكتەن، اكەم اۋىلداستاردى كومەككە شاقىرىپ، ەڭبەكاقىلارىن كۇندەلىكتى ەسەپتەپ بەرىپ وتىردى. سول بىرنەشە ايدا وتباسىمىز اسا دۋماندى بولىپ، كوپشىلىك ءبىر نيەتپەن سەلبەسىپ ماقتا تەرىپ، ازىلدەرىن ايتا ءجۇرىپ اتىز باسىندا جۇمىس ىستەيتىن، قورالانا وتىرىپ شەشەم جاساعان تاماقتى جەپ، ءماز - ءمايرام بولىپ قىسىر كەڭەس قۇراتىن شاقتار وتە دۋماندى ەدى. تەحنيكتەر جەتەكشىلىك ەتكەندىكتەن، ونىڭ ۇستىنە دەن قويا باپتالعاندىقتان، سول جىلى وتباسىمىز ەككەن ماقتانىڭ ءونىمى ايتارلىقتاي بولىپ جاقسى باعاعا ساتتىق.

  سودان كەيىنگى كۇندەردە ءار جولى ماقتا تۋرالى ءسوز بولعاندا، اكە - شەشەم ماقتانىشپەن:”ماقتا بولماسا، بۇگىنگى باقىتتى تۇرمىسىمىز دا بولماس ەدى“ دەيتىن. كۇنى بۇگىنگە دەيىن، سول ءبىر جىلى كوپشىلىكتىڭ مارە - سارە بولىپ ماقتا تەرگەن كورىنىسى ەسىمنەن شىقپايدى، اكەمنىڭ ماقتا ساتىپ تاپقان اقشاسىن ساناعانداعى قۋانىشتى بەينەسىن ۇمىتا المايمىن.

  قازىر اكە - شەشەم قارتايدى، مەن دە ۇيلەندىم، وتباسىمىزدىڭ ماقتا ەگۋ ۇتىلامالى تاياعى مەنىڭ قولىما ءوتتى. مەن ەگىمشىلىك قۇرىلىمىن رەتتەپ، ماقتا ەگۋدەن تىس، تاعى بۇرىش، قىزاناق سياقتى كوكونىستەردى ەكتىم، 25 قوي، 15 سيىر باقتىم. قازىر تۇرمىسىمىز كۇن سايىن جاقسارا ءتۇستى.

       H&M، نايكى سياقتى كاسىپورىندار، شينجياڭدا ”زورلىقپەن ەڭبەككە سالۋ“ ماسەلەسى مۇلدە بولعان ەمەس، سەندەر وسىنشاما سوراقى دا كۇلكىلى وسەك - اياڭدى قالاي عانا قۇراستىردىڭدار! وسەك - اياڭ مىڭ رەت قايتالانسا دا ءبارىبىر وسەك - اياڭ، شىندىقتى جانە ناقتى ءمان - جايدى مۇلدە وزگەرتە المايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.