تيانشان تورى   ›   جاڭالىقتار   ›   ماڭىزدى حابارلار

يدەيانى ازات ەتىپ، رەفورمانى تەرەڭدەتىپ، زەيىن - زەردەنى، كۇش - قۋاتتى ۇيىستىرىپ، جاۋاپكەرشىلىك ارقالاپ، ناقتى ىستەپ، جاڭا داۋىردەگى جۇڭگوشا سوتسياليستىك كورىكتى گۋاڭشي قۇرۋ كەرەك

  شي جينپيڭ گۋاڭشيدە قىزمەت تەكسەرگەندە بىلاي دەپ باسا دارىپتەدى

  يدەيانى ازات ەتىپ، رەفورمانى تەرەڭدەتىپ، زەيىن - زەردەنى، كۇش - قۋاتتى ۇيىستىرىپ، جاۋاپكەرشىلىك ارقالاپ، ناقتى ىستەپ، جاڭا داۋىردەگى جۇڭگوشا سوتسياليستىك كورىكتى گۋاڭشي قۇرۋ كەرەك

  4 - ايدىڭ 25 - كۇنىنەن 27 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭشيدە قىزمەت تەكسەردى. سۋرەتتە: 4 - ايدىڭ 27 - كۇنى تۇستەن بۇرىن شي جينپيڭ ناننيڭ قالاسى گۋاڭشي ۇلتتىق مۇراجايى سىرتىندا ەسكىشە ەسەپپەن 3 - ايدىڭ 3 - كۇنى بولاتىن ”گىشۇي مەرەكەسىندەگى“ ۇلتتىق مادەنيەت قيمىلدارىنا قاتىناسقان ءار ۇلت بۇقاراسىمەن شىن ىقىلاسپەن پىكىرلەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  4 - ايدىڭ 25 - كۇنىنەن 27 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭشيدە قىزمەت تەكسەردى. سۋرەتتە: 4 - ايدىڭ 26 - كۇنى تۇستەن كەيىن شي جينپيڭ گۋاڭشي ليۋگۇڭ توبى شەكتى سەرىكتەستىگىندە ونىمدەر كورمەسىن كوردى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 4 - ايدىڭ 27 - كۇنى ناننيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا گۋاڭشيدە قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، يدەيانى ازات ەتىپ، رەفورمانى تەرەڭدەتىپ، زەيىن - زەردەنى، كۇش - قۋاتتى ۇيىستىرىپ، جاۋاپكەرشىلىك ارقالاپ، ناقتى ىستەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، شەكارا ءوڭىردىڭ، ۇلتتىق ءوڭىردىڭ جوعارى ساپالى دامۋىن ىلگەرىلەتۋدە جاڭا جول اشىپ، جاڭا دامۋ ارناسىنا قىزمەت وتەۋ مەن توعىسۋدا تىڭ ىسكەرلىك كورسەتىپ، جاسىل دامۋدى ىلگەرىلەتۋدە تىڭ قادامدار تاستاپ، ۇلتتار ىنتىماعىن، قوعام ورنىقتىلىعىن، شەكارا ءوڭىردىڭ تىنىشتىعىن بەكەمدەۋدە، دامىتۋدا تىڭ جاۋاپكەرشىلىك ارقالاۋدى ايگىلەپ، جاڭا داۋىردەگى جۇڭگوشا سوتسياليستىك كورىكتى گۋاڭشي قۇرۋ كەرەك.

  4 - ايدىڭ 25 - كۇنىنەن 27 - كۇنىنە دەيىن شي جينپيڭ گۋاڭشي جۋاڭزۋ اۆتونوميالى رايوندىق پارتكومنىڭ شۋجيى لۋ شينشى مەن اۆتونوميالى رايوندىق ۇكىمەتتىڭ ءتوراعاسى لان تيانليدىڭ سەرىك بولۋىندا، ىلگەرىندى - كەيىندى گۇيلين، ليۋجوۋ، ناننيڭ قاتارلى جەرلەرگە بارىپ، توڭكەرىستىك ەسكەرتكىش سارايى، اۋىل - قىستاق، كاسىپورىن، ۇلتتىق مۇراجاي سياقتىلاردى ىشكەرىلەي ارالاپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋ، پارتيا تاريحىن ۇيرەنۋ تاربيەسىن ىلگەرىلەتۋ، ”14 - بەسجىلدىقتا“ جاقسى باستاما باستاۋ، جاقسى قادام تاستاۋ سياقتىلار جونىندە تەكسەرۋ - زەرتتەۋ جۇرگىزدى.

  4 - ايدىڭ 25 - كۇنى تۇستەن بۇرىن شي جينپيڭ گۇيلين قالاسى چۋانجوۋ اۋدانى ساي - ۋان قالاشىعىنداعى قىزىل ارميانىڭ ۇزاق جورىعىنداعى شياڭجياڭ شايقاسى ەسكەرتكىش باقشاسىنا بارىپ، شياڭجياڭ شايقاسىنداعى قىزىل ارميا قۇرباندارىنا ىززەتپەن گۇل شارباق قويدى ءارى 3 رەت ءيىلىپ تاعزىم ەتتى، ”قىزىل ارميا رۋحى“ ايكەلىنە قۇرمەتپەن قارادى، ەسكەرتكىش سارايىن ەكسكۋرسيالادى. 1934 - جىلدىڭ اياعىندا جۇڭگو كوممۋنيستىك پارتياسى ورتالىق كوميتەتى مەن ورتالىق قىزىل ارميانىڭ نەگىزگى كۇشىنىڭ شياڭجياڭنان وتۋىنە شىنايى كەپىلدىك ەتىپ، جاۋدىڭ قىزىل ارميانى شياڭجياڭنىڭ شىعىسىندا قورشاپ جويۋ نيەتىن تالقانداۋ ءۇشىن، نەشە ون مىڭداعان قىزىل ارميا قولباسى - جاۋىنگەرلەرى شياڭجياڭنىڭ ەكى جاعالاۋىن قىزىل قاندارىمەن بويادى، بۇل شايقاس جۇڭگو توڭكەرىسىنىڭ ءومىر ءسۇرۋى مەن قۇرىپ - جوعالۋىنا سايعان ماڭىزدى تاريحي وقيعا بولدى. شي جينپيڭ مىنالاردى ءبىلدىردى: مەن گۋاڭشيگە قىزمەت تەكسەرۋگە كەلگەندەگى العاشقى بەكەتىم − وسى اراعا كەلۋدەگى ماقساتىم بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ ساتىندە، توڭكەرىستىك ارداگەر قۇربانداردى ساعىنا ەسكە الىپ، كوممۋنيستەردىڭ رۋحاني قان تامىرىن جالعاستىرىپ، مۇرات - سەنىمدى بەكەمدەپ، توڭكەرىستىك ەرىك - جىگەردى شىڭداۋ ءۇشىن. توڭكەرىستىك مۇرات بارىنەن بيىك، مۇرات - سەنىم ۇشقىنى تۇتانادى ەكەن وراسان زور رۋحاني كۇش تۋدىرادى. قىزىل ارميا قولباسى - جاۋىنگەرلەرىنىڭ ءولىمدى ەلەڭ قۇرلى كورمەيتىن، اجال اسىعىنان كەلمەيتىن، العان بەتتەن قايتپايتىن، بارلىق قيىنشىلىق اتاۋلىنى باسىپ تۇسۋگە باتىل، ەشقانداي قيىنشىلىق جاسىتا المايتىن قاستەرلى رۋحى ءبىزدىڭ ەستە بەرىك ساقتاۋىمىز بەن اسقاقتاتۋىمىزعا ماڭگى تاتيدى. ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ۇزاق جورىق جولىندا، ءبىز، ءسوز جوق، جەڭىسكە جەتۋ سەنىمىنەن تايماي، ەل ءىشى - سىرتىنان كەلگەن ءتۇرلى ەلەۋلى حاۋىپ - قاتەرلەر مەن سىن - سايىستاردى جەڭىپ شىعۋعا باتىل بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىن بەتكە الىپ ەرلىكپەن العا ىلگەرىلەۋىمىز كەرەك.

  وسىدان كەيىن شي جينپيڭ ساي - ۋان قالاشىعى ماۋجۋشان قىستاعىنا باردى. بۇل قىستاق جۋىرداعى جىلداردان بەرى ءجۇزىم ەگىمشىلىگىن بەلسەندىلىكپەن دامىتىپ، شارۋالاردىڭ كىرىسىن ارتتىرۋىن پارمەندى جەبەدى. شي جينپيڭ ءجۇزىم باعىنا كىرىپ، ءجۇزىمنىڭ ءوسۋ جاعدايىن كوردى. اگروتەحنيك قىستاق تۇرعىندارىنىڭ ءجۇزىمنىڭ ساباعىن بايلاۋىنا، ۇشىن بەكەمدەۋىنە جەتەكشىلىك ەتىپ جاتىر ەكەن، باس شۋجيدىڭ كەلگەندىگىن كورىپ، اۋىلداستار جابال جينالا قالدى. شي جينپيڭ ءجۇزىمنىڭ ءونىم مولشەرى، ساپاسى، ساتۋ جولى، باعاسى سياقتى جاعدايلاردى تاپتەشتەي ۇعىستى. ول بىلاي دەپ باسا دارىپتەدى: اۋىل - قىستاقتى گۇلدەندىرۋدى جان - جاقتى ىلگەرىلەتۋدە ەرەكشە بايلىقتى تياناق ەتىپ، عىلىم - تەحنيكا ارقىلى اۋىل شارۋاشىلىعىن گۇلدەندىرۋگە تاباندى بولىپ، جەر جاعدايىنا قاراي ىستەپ، اۋىل - قىستاق ساياحاتى، سەيىل - سەرۋەندىك اۋىل شارۋاشىلىعى سياقتى جاڭا كاسىپ سالالارىن، جاڭا كاسىپ كۇيلەرىن دامىتىپ، ءوندىرۋدى، وڭدەۋدى، ساتۋدى ۇلاستىرىپ، اۋىل شارۋاشىلىعىن، مادەنيەتتى، ساياحاتتى توعىستىرىپ، اۋىل - قىستاق كاسىپ سالالارىنىڭ دامۋىن، گۇلدەنۋىن ىلگەرىلەتىپ، شارۋالاردىڭ كاسىپ سالاسىنىڭ ارتقان قۇن پايداسىنان ءتىپتى دە كوپ يگىلىكتەنۋىنە مۇمكىندىك جاساۋ كەرەك.

  شي جينپيڭ قىستاق كوركىن، قىستاق كەلبەتىن جاياۋ ارالاپ كوردى ءارى قىستاق تۇرعىنى ۋاڭ دىليدىڭ ۇيىنە بارىپ امانداسىپ، ءبىر ءۇيلى جانمەن قورالانا وتىرىپ اڭگىمەلەستى. ۋاڭ دىلي باس شۋجيگە ۇيلەرىندە 12 مۋ جۇزىمدىك جەر بار ەكەندىگىن، ەگىس جۇمىسىنىڭ سايابىر كەزىندە سىرتقا شىعىپ جۇمىس ىستەيتىندىكتەرىن، بىلتىر وتباسىنىڭ كىرىسى 140 مىڭ يۋاننان اسقاندىعىن ايتتى. شي جينپيڭ مۇنى ەستىپ قاباعات قۋاندى. ول بىلاي دەپ اتاپ كورسەتتى: بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق قۇلشىنۋىندا جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الىپ جاتقان ماڭىزدى ساتتە، ەلىمىزدىڭ كەدەيلىكتەن ارىلتۋدان قامال الۋ شايقاسى جالپى بەتتىك جەڭىسكە جەتتى. جاقسى تۇرمىس كۇرەستەن كەلەدى. سىزدەردىڭ ەڭبەكشىلدىكتەرىڭىز بەن اقىل - پاراساتتارىڭىزعا سۇيەنىپ، كۇندەرىڭىزدى ءتىپتى دە ءماندى وتكىزۋلەرىڭىزدى، ءتىپتى دە ۇمىتكەر بولۋلارىڭىزدى ءۇمىت ەتەمىن. عىلىم - تەحنيكا ۇيرەنۋگە ءمان بەرىپ، اۋىل - قىستاقتى گۇلدەندىرۋدە ءبىلىمدى تايانىش ەتۋ كەرەك. قىستاقتان اتتاناردا اۋىلداستار باس شۋجيگە داۋىستاپ سالەم بەردى. شي جينپيڭ كوپشىلىككە قول بۇلعاپ قۇرمەت ءبىلدىردى. ول تەرەڭ سەزىممەن بىلاي دەدى: حالىقتىڭ تۇرمىسىن باقىتقا كەنەلتۋ − ”مەملەكەتتىڭ ءىرى ءىسى“. اۋىل - قىستاقتى گۇلدەندىرۋدى ىلگەرىلەتۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان قالىسپايدى، استە، ەشقانداي تىنىستاپ، دامىلداپ الايىن دەگەن ويدا بولماي، جاڭا باستامادا ۇزدىكسىز كۇرەس جۇرگىزىپ، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەك.

  جۋىرداعى جىلداردان بەرى گۇيلين قالاسى ليجياڭ وزەنىندە ”بىلىقپالىقتى جونگە سالۋدى، سۋدى جونگە سالۋدى، تاۋدى جونگە سالۋدى، ماندىك جونگە سالۋدى“ زور كۇشپەن ىلگەرىلەتىپ، ليجياڭ وزەنىنىڭ ەكولوگيالىق ورتاسىن جاقسارتتى. 4 - ايدىڭ 25 - كۇنى تۇستەن كەيىن شي جينپيڭ گۇيلين قالاسى ياڭشو اۋدانى ليجياڭ وزەنى ياڭتي كەمەجايىنا بارىپ، ليجياڭ وزەنى الابىن كەشەندى وڭاۋ، ەكولوگيانى قورعاۋ سياقتى جاعدايلاردان جاسالعان مالىمەتتى تىڭدادى ءارى كەمەگە وتىرىپ ليجياڭ وزەنىنىڭ ياڭشو بولىگىن كوزدەن كەشىردى. ول بىلاي دەپ باسا دارىپتەدى: تاۋدى، سۋدى، ورماندى، اتىزدى، كولدى، جايلىمدى، قۇمدى جۇيەلى جونگە سالۋعا تاباندى بولىپ، دۇرىس ەكولوگيا كوزقاراسىنا، دامۋ كوزقاراسىنا تاباندى بولىپ، تابيعاتتان يمەنىپ، تابيعاتقا ۇيلەسىپ، تابيعاتتى قورعاپ، جوعارى مەن تومەن ءبىر نيەتتە بولىپ، تەڭ يگەرىپ، بىرگە باسقارىپ، تاۋ، سۋ ەكولوگياسىنىڭ بايىرعىلىعى مەن بۇتىندىگىن ساقتاۋدى ماڭىزدى قىزمەت ەتىپ، ەكولوگيانى قالپىنا كەلتىرۋدى جانە قورشاعان ورتانىڭ لاستانۋىن جونگە سالۋدى ىشكەرىلەي ىلگەرىلەتىپ، شەكتەن تىس اشۋدى، بەتالدى قازۋدى تيىپ، الاپتىڭ ەكولوگيالىق ورتاسىنىڭ ۇزدىكسىز جاقسارۋىن، ەكولوگيالىق جۇيەسىنىڭ ۇزدىكسىز ساپالىلانۋىن، تۇتاس تۇلعالىق يقۋاتىنىڭ ۇزدىكسىز جوعارىلاۋىن ىلگەرىلەتۋ كەرەك.

  4 - ايدىڭ 26 - كۇنى شي جينپيڭ گۇيلين قالاسى شياڭبيشان باقشاسىنا بارىپ، تاۋ - سۋدىڭ كەلبەتىنە كوز جىبەردى، جاياۋلار جولىن بويلاي ءجۇرىپ، ساۋدا، پوچتا سياقتى قىزمەت وتەۋ قۇرىلعىلارىن كوزدەن كەشىردى. ساياحاتشىلار: ”باس شۋجي، سالەمەتسىز بە!“ دەپ الاقايلاي داۋىستادى. شي جينپيڭ كوپشىلىكپەن ىقىلاستى اڭگىمەلەستى. ول بىلاي دەپ اتاپ كورسەتتى: گۇيلين − تاۋ، سۋى الەمگە ايگىلى ساياحات قالاسى. بۇل ۇلى تابيعاتتىڭ جۇڭحۋا ۇلتىنا سيلاعان ىرىستى القابى، ءسوز جوق، جاقسى قورعاۋ كەرەك. حالىقتى وزەك ەتۋگە تاباندى بولىپ، مادەنيەت ارقىلى ساياحاتتى تۇلعالاپ، ساياحات ارقىلى مادەنيەتتى ايگىلەپ، تاتىمدىلىعىن، تارتىمدىلىعىن جوعارىلاتىپ، كاسىپكە جايلى، قونىسقا جايلى، جانعا جايلى، ساياحاتقا جايلى تاماشا ورتانى قۇلشىنا جاراتىپ، دۇنيە جۇزىلىك دەڭگەيدەگى ساياحات قالاسىن تۇلعالاۋ كەرەك.

  سول كۇنى تۇستەن كەيىن شي جينپيڭ ليۋجوۋ قالاسىنا بارىپ قىزمەت تەكسەرىپ، تەكسەرۋ - زەرتتەۋ جۇرگىزدى. گۋاڭشي ليۋگۇڭ توبى شەكتى سەرىكتەستىگىندە شي جينپيڭ ىلگەرىندى - كەيىندى سەرىكتەستىك كورمە زالى، زەرتتەپ اشۋ، تاجىريبە ورتالىعى، توپىراق قازۋ ماشيناسىن قۇراستىرۋ زاۆودى سياقتىلارعا كىرىپ، كاسىپورىننىڭ دامۋ جاعدايى جونىندەگى تانىستىرۋدى تىڭداپ، نەگىزگى ونىمدەر كورمەسىن كورىپ، كاسىپورىننىڭ جۇمىسشى - قىزمەتكەرلەرىمەن جانە تەحنيكالىق زەرتتەپ اشۋ قىزمەتكەرلەرىمەن ىقىلاستى اڭگىمەلەستى. شي جينپيڭ بىلاي دەپ باسا دارىپتەدى: جاساۋ كاسىبىنىڭ جوعارى ساپالى دامۋى ەلىمىز ەكونوميكاسىنىڭ جوعارى ساپالى دامۋىنداعى ماڭىزدىنىڭ ماڭىزدىسى، سوتسياليستىك وسىزاماندانعان قۇدىرەتتى ەل قۇرۋ، ناقتى ەكونوميكانى دامىتۋ، زورايتۋ تۇگەلدەي جاساۋ كاسىبىنەن ايرىلا المايدى، كاسىپ سالاسىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتۋگە ۇزدىكسىز كۇش سالۋ كەرەك. تەك جاڭالىق اشقاندا عانا ءوزىن الۋەتتەندىرۋگە بولادى، وزىق بولۋعا تالپىنۋعا بولادى، ءوز كۇشىنە سۇيەنىپ جاڭالىق اشۋ جولىمەن مىزعىماستان ءجۇرىپ، جاڭالىق اشىپ دامۋدىڭ ىرىقتىلىق ۇقىعىن ءوز قولىمىزدا مىقتاپ ۇستاۋىمىز كەرەك. پارتيانىڭ مەملەكەت مەنشىگىندەگى كاسىپورىندارعا جاپپاي باسشىلىعىنا تاباندى بولىپ، پارتيانىڭ باسشىلىعىن كۇشەيتۋ مەن سەرىكتەستىكتى جونگە سالۋدى كەمەلدەندىرۋدىڭ بىرلىگىنە تاباندى بولىپ، كاسىپورىن رەفورماسىن تەرەڭدەتۋ بارىسىندا پارتيا قۇرىلىسىن جاقسى ىستەپ، پارتيا ۇيىمىنىڭ كاسىپورىننىڭ رەفورماسىنداعى، دامۋىنداعى باسشىلىق ۇيتقى رولىن تولىق ساۋلەلەندىرۋ كەرەك.

  وسىدان كەيىن شي جينپيڭ ليۋجوۋ لوشىفىن ءوندىرۋ شوعىرلى اۋماعىنا بارىپ، لوشىفىن ەرەكشە كاسىپ سالاسىنىڭ جۇمىستانۋدى جەبەۋ، شارۋالاردىڭ كىرىسىن ارتتىرۋعا باستاۋ سياقتى جاعدايلارىن ەگجەي - تەگجەيلى ۇعىستى. شي جينپيڭ بىلاي دەپ اتاپ كورسەتتى: ەرەكشە كاسىپ سالاسىن دامىتۋ − جەرگىلىكتى ورىننىڭ ناقتى ەكونوميكانى نىعايتۋداعى، كۇشەيتۋدەگى، جاقسارتۋداعى ءبىر ءىرى شاراسى، ءوز شارت - جاعدايىمەن جانە ارتىقشىلىعىمەن ۇشتاستىرا وتىرىپ جوعارى ساپالى دامۋدى ىلگەرىلەتۋ كەرەك. ساپا حاۋىپسىزدىگى وتكەلىن مىقتاپ يگەرىپ، ولشەمدەندىرۋدى، ماركالاندىرۋدى ىلگەرىلەتۋ كەرەك. حالىقتىق كاسىپورىنداردىڭ ءىس جۇزىندىك قيىنشىلىقتارىن شەشۋىنە كومەكتەسىپ، حالىقتىق كاسىپورىنداردى دامۋعا، زورايۋعا شابىتتاندىرۋ، قولداۋ، جەتەكتەۋ كەرەك.

  گۋاڭشي ەلىمىزدە از ۇلت حالقى ەڭ كوپ اۆتونوميالى رايون. 4 - ايدىڭ 27 - كۇنى تۇستەن بۇرىن شي جينپيڭ ناننيڭ قالاسى يۇڭجياڭ وزەنى جاعاسىنداعى گۋاڭشي ۇلتتىق مۇراجايىنا كەلىپ، جۋاڭزۋ مادەنيەت كورمەسىن ەكسكۋرسيالادى. مۇراجاي سىرتىندا، ەسكىشە ەسەپپەن 3 - ايدىڭ 3 - كۇنى بولاتىن ”گىشۇي مەرەكەسىندەگى“ جۋاڭزۋدىڭ ايتىسى سياقتى ۇلتتىق مادەنيەت قيمىلدارى وسى جەردە شوعىرلى كورسەتىلىپ جاتىر ەكەن. شي جينپيڭ بىلاي دەپ باسا دارىپتەدى: گۋاڭشي بۇكىل ەل بويىنشا ۇلتتار ىنتىماعى، العاباسارلىعىنىڭ ۇلگىلى رايونى، ۇلگىلىك، جەتەكتەۋ رولىن ۇزدىكسىز جاقسى ساۋلەلەندىرۋ كەرەك. جۇڭحۋا ۇلتىنىڭ جانى، كۇشى، ءۇمىتى ءار ۇلتتىڭ بىرگە ىنتىماقتاسىپ العا باسۋىندا، بىرگە گۇلدەنىپ دامۋىندا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا، بىردە - ءبىر ۇلتتى قاعىس قالدىرۋعا بولمايدى، ءار ۇلت حالقى جۇرەكتەس، بىلەكتەس بولىپ، ىنتىماقتاسا ەرلىكپەن العا باسىپ، جۇڭحۋا ۇلتىنىڭ جارقىن بولاشاعىنا بىرگە جول اشىپ، ۇلتتىڭ گۇلدەنۋىنىڭ ۇلى داڭقى مەن شۇعىلاسىنان بىرگە يگىلىكتەنۋ كەرەك.

  سول كۇنى تۇستەن بۇرىن شي جينپيڭ گۋاڭشي جۋاڭزۋ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، گۋاڭشيدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، گۋاڭشيدەگى ءار ۇلت كادر - بۇقاراسىنىڭ جاپپاي سوتسياليستىك وسىزاماندانعان مەملەكەت قۇرۋداعى گۋاڭشي تاراۋىن قۇلشىنا جازىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋىن ءۇمىت ەتتى.

  شي جينپيڭ بىلاي دەپ اتاپ كورسەتتى: ەكونوميكانىڭ جوعارى ساپالى دامۋىن ىلگەرىلەتۋدە جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىن قالىپتاستىرۋدىڭ جەرگىلىكتى ورىنداردىڭ جوعارى ساپالى دامۋىن ىلگەرىلەتۋگە دەگەن پرينسيپتىك تالابىن جىعا تانۋمەن بىرگە، سول ءوڭىردىڭ جاڭا دامۋ ارناسىنا قىزمەت ەتۋ جانە توعىسۋداعى سالىستىرمالى باسىمدىعىن ءدال يگەرىپ، سول جەردىڭ ءىس جۇزىندىك جاعدايىنا ۇيلەسەتىن جوعارى ساپالى دامۋ جولىن تابۋ كەرەك. ءداستۇرلى كاسىپ سالالارىنىڭ جوعارى دەڭگەيلى، زەردەلى، جاسىل بولۋىن ىلگەرىلەتىپ، تۇتاس كاسىپ سالاسى تىزبەگىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، جاڭا وركەندەگەن كاسىپ سالالارىن بەلسەنە دامىتىپ، سيفردى كاسىپ سالالاندىرۋدى جانە كاسىپ سالاسىن سيفرلاندىرۋدى جەدەلدەتۋ كەرەك. رەفورمانى ۇزدىكسىز تەرەڭدەتىپ، ”ەكىدەن استە اۋىتقىماۋعا“ تاباندى بولىپ، شارۋاشىلىق - ساۋدا ورتاسىن ساپالىلاندىرۋ كەرەك. جاڭالىق اشۋعا قولداۋ كورسەتۋ سەرپىنىن ارتتىرىپ، جاڭالىق اشۋدىڭ ەكولوگيالىق ورتاسىن ساپالىلاندىرىپ، ءتۇرلى جاڭالىق اشۋ فاكتورلارىنىڭ كاسىپورىندارعا شوعىرلانۋىن ىلگەرىلەتىپ، جاڭالىق اشۋدىڭ قوزعاۋشى كۇشىن قاۋلاتىپ، عىلىم - تەحنيكا جەتىستىكتەرىن كادەگە جاراتۋدى ىلگەرىلەتۋ كەرەك. چاڭجياڭ ەكونوميكالىق بەلدەۋىن دامىتۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىك كەلەلى ستراتەگيالارعا ىرىقتىلىقپەن ءتۇيىسىپ، ”ءبىر بەلدەۋ، ءبىر جولدى“ بىرگە قۇرۋعا توعىسىپ، باتىس بولىكتەگى قۇرلىق - تەڭىز جاڭا ارنالارىن جوعارى دەڭگەيدە بىرگە قۇرىپ، تەڭىزگە باعىتتالعان ەكونوميكانى زور كۇشپەن دامىتىپ، جۇڭگو - شىعىس وڭتۇستىك ازيا ەلدەرى وداعىنىڭ اشىق سەلبەستىگىن جەبەپ، ەركىن ساۋدا سىناق رايونىن ويداعىداي جۇرگىزىپ، وزگەشە وڭىرلىك باسىمدىقتى اشىق دامۋدىڭ باسىمدىعىنا اناعۇرلىم ويداعىداي اينالدىرۋ كەرەك.

  شي جينپيڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋدىڭ ۇلى رۋحىن اسقاقتاتىپ، اۋىل - قىستاقتى گۇلدەندىرۋدى جەدەل ىلگەرىلەتىپ، اۋىل - قىستاقتاعى تومەن كىرىستى حالىققا ۇدايىلانعان كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەدەيلىكتەن ارىلعان وڭىرلەردىڭ ەرەكشە كاسىپ سالالارىنىڭ دامۋىنا ۇزدىكسىز قولداۋ كورسەتىپ، قونىس جاڭالاپ كوشىرىلگەننەن كەيىنگى سۇيەمەلدەۋ جۇمىسىن كۇشەيتۋ كەرەك. گۋاڭشيدىڭ ورمان، جەمىس، كوكونىس، مال، قانت سياقتى ەرەكشە بايلىقتارىن تياناق ەتىپ، ەرەكشەلىككە يە ءبىر توپ اۋىل شارۋاشىلىعى كاسىپ سالالارى شوعىرىن قالىپتاستىرۋ كەرەك. استىق حاۋىپسىزدىگىنە پارتيا مەن ۇكىمەت تەڭ جاۋاپتى بولۋدى قاتاڭ اتقارىپ، ءار دارەجەلى پارتكومدار مەن ۇكىمەتتەردىڭ ەگىستىك جەردى قورعاۋ جاۋاپكەرشىلىگىن ناقتىلاپ، استىقتىڭ كەشەندى ءوندىرىس قابىلەتىن ورنىقتى قاداممەن جوعارىلاتۋ كەرەك. لاستانۋدان ساقتانۋدان جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، كومىر قىشقىل گازىنىڭ شىعارىلۋىن ەڭ جوعارعى ماننەن اسىرماۋدى، كومىر قىشقىل گازىن بەيتاراپتاندىرۋدى ەكونوميكالىق، قوعامدىق دامۋدىڭ جانە ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا قامتىپ، جاسىل، تومەن كومىرتەكتى، اينالمالى داميتىن ەكونوميكالىق جۇيە ورناتىپ جانە ونى اقاۋسىزداندىرىپ، ەكونوميكالىق، قوعامدىق دامۋدىڭ جاپپاي جاسىل باعىتقا قاراي تيبىن وزگەرتۋىن ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: حالىقتىڭ تۇرمىس ساپاسىن كوتەرىپ، جۇمىستاندىرۋدى الدىمەن ويلاستىرۋ ستراتەگياسىن جانە بەلسەندى جۇمىستاندىرۋ ساياساتىن تياناقتاندىرىپ، جوعارى مەكتەپتەردەن وقۋ تاۋىسقان وقۋشىلار، قوسىننان بوساعان اسكەريلەر، شارۋا جۇمىسكەرلەر جانە قالا - قالاشىقتاعى قيىنشىلىعى بار ادامدار سياقتى ءتۇيىندى قاۋىمداردى جۇمىستاندىرۋ قىزمەتىن ويداعىداي ىستەۋ كەرەك. كوپ ارنامەن يكەمدى جۇمىستانۋعا قاتىستى قوعامدىق قامتاماسىز ەتۋ ءتۇزىمىن كەمەلدەندىرىپ، جۇك اۆتوموبيل شوفەرلەرى، جەدەل جەتكىزۋشىلەر، تاعام جەتكىزىپ بەرۋشىلەر سياقتىلاردىڭ زاڭدى ۇقىق - مۇددەسىن ويداعىداي قورعاۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ينتەرنەت جەلىسىندەگى جانە ينتەرنەت جەلىسىنەن تىسقارى مەكتەپتەن سىرت باۋلۋ قۇرىلىمدارىن ولشەمگە ءتۇسىرۋدى جانە باسقارۋدى كۇشەيتۋ كەرەك. اۋرۋدىڭ الدىن الۋ جانە ونى تىزگىندەۋ جۇيەسى رەفورماسىن تەرەڭدەتىپ، نەگىزگى الەۋمەتتىك دەنساۋلىق ساقتاۋ جۇيەسىن كۇشەيتىپ، ەمدەۋ مەن الدىن الۋدى سايكەستىرۋ مەحانيزمىندە جاڭالىق اشىپ، نەگىزگى ساتىنىڭ اۋرۋدىڭ الدىن الۋدان، ەمدەۋدەن، كۇتىمدەۋدەن، دەنساۋلىعىن قالپىنا كەلتىرۋدەن قىزمەت وتەۋ دەڭگەيىن جوعارىلاتىپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي ويداعىداي يگەرۋ كەرەك. ءتۇرلى حاۋىپ - قاتەرلەردەن، سىن - سايىستاردان قاتاڭ ساقتانىپ، ەلەۋلى، ەرەكشە، ۇلكەن ءوندىرىس حاۋىپسىزدىگى شىرعالاڭدارىن ءونىمدى تەجەپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتۋ كەرەك.

  شي جينپيڭ بىلاي دەپ باسا دارىپتەدى: ۇلتتار ىنتىماعى، العاباسارلىعى ۇگىت تاربيەسىن ويداعىداي جۇرگىزىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن مىقتاپ ورناتۋعا جەتەكتەپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتىپ، ءار ۇلتتىڭ اناردىڭ دانىندەي تىعىز ۇيىسۋىن جەبەۋ كەرەك.

  شي جينپيڭ بىلاي دەپ اتاپ كورسەتتى: گۋاڭشيدە قىزىل بايلىق مول، پارتيا تاريحىن ۇيرەنۋ تاربيەسىندە وسى قىزىل بايلىقتاردان ويداعىداي پايدالانىپ، تاريحتى ۇيرەنۋ ارقىلى سەنىمدى ارتتىرۋدى ورىنداۋ كەرەك. تاريحتى ۇيرەنۋ ارقىلى سەنىمدى ارتتىرۋدا نانىمدى، سەنىمدى، بەكىمدى كۇشەيتۋ كەرەك. بۇل ءبىزدىڭ بارلىق كۇشتى جاۋدى جەڭىپ شىعاتىن، بارلىق قيىندىقتى ەڭسەرەتىن، بارلىق جەڭىسكە قول جەتكىزەتىن قۋاتتى رۋحاني كۇشىمىز. ماركسيزمگە، كوممۋنيزمگە سەنىمدى كۇشەيتىپ، قالىڭ پارتيا مۇشەلەرىن، كادرلاردى پارتيانىڭ 100 جىلدىق كۇرەس تاريحىنان سەنىمنىڭ كۇشىن سەزىنۋگە تاربيەلەپ، جەتەكتەپ، قايىسپاس ەرىك - جىگەردى ءارقاشان ساقتاپ، ءتۇرلى ەلەۋلى قيىندىقتار مەن قاتاڭ سىن - سايىستاردى جۇرەكتىلىكپەن جەڭىپ شىعۋ كەرەك. جۇڭگوشا سوتسياليزمگە سەنىمدى كۇشەيتىپ، قالىڭ پارتيا مۇشەلەرىن، كادرلاردى جۇڭگوشا سوتسياليزمنىڭ تاريح دامۋىنىڭ تابيعي جەمىسى، جۇڭگونى دامىتۋدا، ءسوزسىز، باسىپ وتەتىن جول، امالياتتىڭ تەكسەرۋىنەن وتكەن عىلمي اقيقات ەكەندىگىن تەرەڭ تانۋعا، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن باستان - اياق بەكەمدەۋگە تاربيەلەۋ، جەتەكتەۋ كەرەك. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا سەنىمدى كۇشەيتىپ، قالىڭ پارتيا مۇشەلەرىن، كادرلاردى اۋەلگى ماقسات پەن بورىشتى ەستە بەرىك ساقتاپ، ءسوزسىز، جەڭۋ سەنىمىن كۇشەيتىپ، پارتيامىزدىڭ حالىقتى ىنتىماقتاستىرىپ، باستاپ، جۇڭگوشا سوتسياليزم جولىندا جۇڭحۋا ۇلتىنىڭ ۇلى گۇلدەنۋىن، ءسوز جوق، جۇزەگە اسىرا الاتىندىعىنا كامىل سەنۋگە، ءبىزدىڭ وسى ءداۋىر ادامدارىنا ءتان، جاڭا ءداۋىردىڭ ءۇمىتىن اقتايتىن تاريحي تابىستاردى جاراتۋعا قۇلشىنۋعا تاربيەلەۋ، جەتەكتەۋ كەرەك. نانىم، سەنىم، بەكىم − شىرىكتەسۋدەن ساقتايتىن ەڭ جاقسى ءدارى. پارتيا ستيلى، پاكتىك قۇرىلىسىن باستان - اياق ويداعىداي يگەرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدىڭ اناعۇرلىم كوپ تۇزىمدىك جەتىستىگى جانە اناعۇرلىم ۇلكەن جونگە سالۋ ناتيجەسى بولۋىنا مۇمكىندىك جاساۋ كەرەك.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.