تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

فۋجيان ولكەسىنىڭ شينجياڭعا باعىتتامالى كومەكتەسۋى بويىنشا بيىلعى تۇڭعىش توپتاعى 30 نىسانى شوعىرلى جۇمىس باستادى

  تيانشان تورى – شينجياڭ گازەتىنىڭ حابارى (ٴتىلشى گاي يۋجۇن، ەرىكتى ٴتىلشى ليۋ چيان حابارلايدى). 4 – ايدىڭ 22 – كۇنى تۇستەن بۇرىن فۋجيان ولكەسىنىڭ شينجياڭعا كومەكتەسىپ سالاتىن 2021 –جىلعى 1 – توپتاعى 30 نىساننىڭ جۇمىس باستاۋ سالتى سانجى قالاسى، ماناس اۋدانى، قۇتىبي اۋدانى، جەمسارى اۋدانى، شونجى اۋدانى، موري اۋداندارىندا ٴبىر ۋاقىتتا وتكىزىلدى. وسى رەتكى شوعىرلى جۇمىس باستاعان 30 نىسان حالىق تۇرمىسى، مادەنيەت، كاسىپ سالاسى سياقتى كوپ سالانى قامتيدى.

  سانجى قالالىق 18 – باستاۋىش مەكتەپ قۇرىلىسى نىسانى — سول كۇنگى شوعىرلى جۇمىس باستاعان نىسانداردىڭ ٴبىرى. وسى نىساننىڭ يەلەگەن جەر اۋماعى شامامەن 74.4 مۋبولىپ، 3 ۆەنيۋەرسال وقىتۋ عيماراتى مەن قوسالقى قۇرىلىس قۇرىلعىلارى سياقتىلار قامتيدى، نىسانعا 80 ميلليون 190 مىڭ يۋان قارجى قوسۋ مەجەلەندى، مۇنىڭ ىشىندە، فۋجيان ولكەسىنىڭ شينجياڭعا كومەكتەسۋ قارجىسى 26 ميلليون 170 مىڭ يۋان. بۇل نىسان مەجەمەن كەلەر جىلى 8 – ايدىڭ سوڭىندا سالىنىپ بولىپ، 1620 وقۋشى قابىلدايدى.

  سانجى وبلىستىق پارتكومنىڭ ورىنباسار شۋجيى، فۋجيان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى ۋاڭ جۇڭ بىلاي دەپ تانىستىردى: شوعىرلى جۇمىس باستاعان نىساندار نازاردى كاسىپ سالاسىن تيپىن وزگەرتۋگە شوعىرلاندىرىپ، وڭىرلىك توعىسۋدى كۇشەيتىپ، دامۋ ورنالاستىرۋىن ساپالىلاندىرىپ، ٴبىرىنشى كاسىپتىڭ دەڭگەيىن جوعارىلاتۋ، ەكىنشى كاسىپتى ٴتۇيىندى تۇردە يگەرۋ، ٴۇشىنشى كاسىپتى قاۋىرت دامىتۋدى ىلگەرىلەتىپ، سانجى وبلىسىنىڭ ەكونوميكالىق، قوعامدىق دامۋىنا تىڭ قوزعاۋشى كۇش قوسادى. ول بىلاي دەدى: جۇمىس باستاۋ تەك ٴبىرىنشى قادام عانا، تۇتاس بارىستاعى نىسان قۇرىلىسىن مىقتى يگەرىپ، شينجياڭعا كومەكتەسۋ ٴاربىر نىساندارىنىڭ جوعارى ولشەمدى، جوعارى ساپالى، جوعارى ٴونىمدى ورىندالۋىنا ٴارى مەجەلى ۋاقىتتا ونىمدىلىككە جەتۋىنە كەپىلدىك ەتىپ، پارتيانىڭ مەيىر – شاپاعاتىن ايگىلەيتىن، ٴار ۇلت حالقىنا باقىت جاراتاتىن حالىق تىلەگى ينجەنەرياسىنا شىنايى اينالدىرىپ، سانجى وبلىسىنىڭ ەكونوميكالىق، قوعامدىق جوعارى ساپالى دامۋىن جەبەيتىن پارمەندى نەگىزگە اينالدىرىپ، ”فۋجيان مەن سانجىنىڭ بەرەكەلى شاڭىراعىنداعى“ كوركەم كورىنىسكە اينالدىرامىز.

   ۋاڭ جۇڭ بىلاي دەپ تانىستىردى: ”13 - بەسجىلدىق“ كەزىندە، فۋجيان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى شينجياڭعا كومەكتەسۋ نىساندارىنىڭ قارقىنىن تەزدەتىپ، قامال الۋدى بار امالدى جۇمساپ ىلگەرىلەتتى، 5 جىل ىشىندە فۋجيان ولكەسى جيىنى 239 شينجياڭعا كومەكتەسۋ نىسانىن اتقارىپ، شينجياڭعا كومەكتەسۋ قارجىسى 2 ميلليارت 163 ميلليون يۋانعا جەتىپ، سانجى وبلىسىنىڭ كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋىنە، حالىق تۇرمىسى ىرىس – قۇتىن ارتتىرۋىنا، ۇلتتار ىنتىماعىن تەرەڭدەتۋگە پارمەندى قولداۋ كورسەتتى . ”14 – بەسجىلدىق“ كەزىندە، فۋجيان ولكەسى جوسپار ىشىندەگى شينجياڭعا كومەكتەسۋ نىسانىنان 150دەن استامىن ورنالاستىرىپ، شينجياڭعا كومەكتەسۋگە 2 ميلليارد 300 ميلليون يۋاننان استام قارجى قوسۋدى جوسپارلادى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە