تيانشان تورى   ›   جاڭالىقتار   ›   شينجياڭ حابارلارى

شىندىقتىڭ ناقتى جاي - جاپسارى ارقىلى وسەك - اياڭعا، جالا جابۋعا قايتارما سوققى بەرەمىز

  حوتان اۋدانى قولعاپ زاۆودىنىڭ باستىعى ءزوھرا روزى

  ماقتا توقىماشىلىعى بۇيىمدارىمەن شۇعىلدانۋشى رەتىندە، مەن كوپشىلىككە ءبىزدىڭ بۇل اراداعى ماقتادان جاسالعان بۇيىمداردىڭ شىنايى ءوندىرىلۋ بارىسىن تانىستىرىپ وتەيىن.

  شينجياڭ ماقتاسىنىڭ ساپالى ەكەندىگى جالپىعا ايان. ءبىزدىڭ زاۆودىمىز 2019 - جىلى وندىرىسكە قوسىلعاننان قازىرگە دەيىن باستان - اياق شينجياڭ ماقتاسىن شيكىزات رەتىندە پايدالانىپ كەلەدى، جاسالعان قولعاپتاردىڭ ساپاسى توتەنشە جاقسى، تۇتىنۋشىلاردىڭ بەرگەن باعاسى دا وتە جوعارى بولىپ، تاپسىرىس باستان - اياق ۇزدىكسىز ارتۋدا. ءوندىرىس كولەمىن كەڭەيتۋ ءۇشىن، زاۆودىمىز قىزمەتكەرلەردى ارتتىرۋدى ۇيعاردى. قابىلداۋ جارناماسى جاريالانعاننان كەيىن، كوپتەگەن از ۇلت بۇقاراسى ىرىقتىلىقپەن تەلەفون سوعىپ، قولعاپ زاۆودىنىڭ ەڭبەكاقىسى، مامىلەسى سياقتى جاعدايلاردى سۇراستىردى، ۇعىسقاننان كەيىن بارلىعى ءبىزدىڭ زاۆودقا كەلىپ قىزمەت ىستەۋدى ءۇمىت ەتتى. ءبىز جاۋاپتى بولۋ پوزيتسياسىن نەگىز ەتىپ، ۇسىنىس بويىنشا شاقىرىلعانداردان بەتپە - بەت ەمتيحان الدىق ءارى بەتپە - بەت ەمتيحانىنان وتكەن جاڭا قىزمەتكەرلەرمەن ەڭبەك توقتامىنا قول قويىستىق، جەتكىلىكتى سوماداعى ەڭبەكاقىسى مەن سيلىق سوماسىن اي سايىن تاراتىپ وتىردىق، سونداي - اق قوعامدىق قامتاماسىزداندىرۋىن تاپسىرىپ، ءار ۇلت قىزمەتكەرلەرىنىڭ زاڭدى ۇقىق - مۇددەسىن تولىق قامتاماسىزداندىرىپ، ءاربىر قىزمەتكەردىڭ الاڭسىز قىزمەت ىستەۋىنە مۇمكىندىك جاسادىق.

  قىزمەتكەرلەرگە جايلى قىزمەت ورتاسىن ازىرلەۋ ءۇشىن، ءبىز بەلگىلى مەرزىم سايىن مادەنيەت قيمىلدارىن ۇيىمداستىرىپ ورىستەتتىك. ءبىز قىزمەتكەرلەردىڭ قىزمەت، تۇرمىس جاعدايىنا توتەنشە كوڭىل ءبولىپ، ءاربىر قىزمەتكەردى ۇلكەن وتباسىنىڭ مۇشەسى ساناپ، ولار ورتاعا قويعان قيىنشىلىقتار مەن وتىنىشتەردى زاۆودتا دەر كەزىندە كومەكتەسىپ شەشىم ەتتىك.

  شينجياڭدا ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ وسەك ايتقان سول ادامدار، سەندەردىڭ وسى اراعا كەلىپ كورۋلەرىڭدى، ءبىزدىڭ قىزمەتكەرلەردىڭ ءسوزىن ەستۋلەرىڭدى ءۇمىت ەتەمىن. ءبىزدىڭ زاۆودىمىزداعى قىزمەتكەرلەر H&M سياقتى سەرىكتەستىكتەردىڭ شينجياڭدا ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ جالا جاپقانىن ەستىگەننەن كەيىن، ولاردىڭ وسەك - اياڭدارىنا جابال تويتارىس بەردى. قىزمەتكەرلەر بىلاي دەدى: ءبىز باقىتقا تالپىنۋ جولىندا جان قيارلىقپەن قۇلشىنىپ كەلەمىز، ايتسە دە، امەريكاداعى، باتىستاعى جۇڭگوعا قارسى كۇشتەر ”زورلىقپەن ەڭبەككە سالدى“ دەپ جالا جاپتى، ولار شينجياڭعا ءتۇستى كوزىلدىرىكپەن قارادى، تاعى قاساقانا ويدان وسەك - اياڭ قۇراستىرىپ كۇيە جاقتى، ءبىز شىندىقتىڭ ناقتى جاي - جاپسارى ارقىلى وسى وسەك - اياڭ تاراتىپ سويقان تۋدىرعاندارعا قايتارما سوققى بەرەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.