انار بۇلت / شينجياڭ گازەتىنىڭ ءتىلشىسى ۋاڭ يۇڭفي، حان چينيان
”7 جىلدان بەرى ءبىز باس شۋجي شي جينپيڭنىڭ تاپسىرماسىن باستان - اياق ەستە بەرىك ساقتاپ، شينجياڭ ىشىندەگى ساتىپ الۋ تورىن، شينجياڭ سىرتىنداعى ساتۋ تورىن (تومەندە قىسقارتىلىپ ’ەكى تور‘ دەلىندى) ۇزدىكسىز ءجيى توقىپ، شينجياڭنىڭ جەمىس - جيدەگىنىڭ حوش ءيىسىن توڭىرەكتىڭ ءتورت بۇرىشىندا اڭقىتىپ، شينجياڭداعى جەمىس باعىباندارىنىڭ كىرىسىن ارتتىرۋعا مۇمكىندىك جاسادىق“، - دەدى 4 - ايدىڭ 28 - كۇنى شينجياڭ جەمىس شارۋاشىلىعى توبى پارتكومىنىڭ شۋجيى جاۋ جۋان.
2014 - جىلى 4 - ايدىڭ سوڭىندا باس شۋجي شي جينپيڭ شينجياڭ جەمىس شارۋاشىلىعى توبى شەكتى سەرىكتەستىگىندە قىزمەت تەكسەرگەندە: ”سىزدەردىڭ ۇزدىكسىز قۇلشىنىپ، شينجياڭنىڭ ەرەكشە بايلىعىن ونان ارى ويداعىداي اشىپ، ەكونوميكانىڭ دامۋىن جانە شارۋالار كىرىسىنىڭ ارتۋىن جەبەۋگە كوبىرەك ۇلەس قوسۋلارىڭىزدى ءۇمىت ەتەمىن“، - دەدى. 7 جىلدان بەرى شينجياڭ جەمىس شارۋاشىلىعى توبى ”سەرىكتەستىك + شارۋالار كاسىپتىك سەلبەستىك كووپەراتيۆى + شارۋا وتباسى“ جانە ”بازا + تاپسىرىس + شارۋا وتباسى“ سياقتىلارعا سۇيەنىپ، اۋىل - قىستاقتاعى 752 مىڭ 400 ادامنىڭ كىرىسىن ارتتىرۋعا تىكەلەي، جانامالاي جەتەكشىلىك ەتىپ، 2014 - جىلى جەتەكشىلىك ەتكەن ادام سانىمەن سالىستىرعاندا ％276 ارتتى؛ 47 مىڭ 300 ادامنىڭ (رەت) جۇمىستانۋىنا تىكەلەي، جانامالاي جەتەكشىلىك ەتىپ، 2014 - جىلداعىدان 10 ەسە ارتتىردى.
قاعىلىق اۋدانى شارباق قالاشىعى ءدوڭشاقار قىستاعىنىڭ تۇرعىنى الىمجان وسمان ”ەكى تور“ قۇرىلىسىنان يگىلىكتەنۋشىلەردىڭ ءبىرى. 4 - ايدىڭ 28 - كۇنى قاعىلىق اۋدانىنداعى ايمين اۆتوكولىك شوفەرلەرىن تاربيەلەۋ مەكتەبىنىڭ اۆتوكولىك جۇرگىزۋگە ماشىقتانۋ الاڭىندا ول اۆتوكولىك جۇرگىزۋگە ماشىقتانىپ جاتتى. ”10 - ايدا اۆتوكولىك ساتىپ الامىن، تاعى قالىڭدىق تاپسام تۇرمىسىم، ءسوز جوق، بارعان سايىن جاقسارادى“، - دەدى.
جەمىس شارۋاشىلىعى توبىمەن سەلبەسكەننەن بەرى ونىڭ ىستەرى ساتىنە باستى: جاڭعاعىن جەمىس شارۋاشىلىعى توبىنا ساتىپ بەرىپ، ءبىر جىلدا كىرىسى 30 −40 مىڭ يۋان ارتتى؛ جەمىس شارۋاشىلىعى توبىندا جۇمىس ىستەپ، جىلىنا 20 − 30 مىڭ يۋان كىرىس كىرگىزدى؛ جۇمىستا ەرەكشە بەلسەندى بولعاندىقتان، ول جەمىس شارۋاشىلىعى توبىنا رەسمي قىزمەتكەر بولىپ قابىلداندى. ”بىلتىر ءۇيىمىزدى اشەكەيلەپ، سافا، توڭازىتقىش، كىرجۋعىش سياقتىلاردىڭ جاڭالاۋعا تيىستىلەرىن تۇگەل جاڭالادىق“، - دەدى ول كۇلىپ.
”بيىل ءبىز ’ەكى تور‘ قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى پارتيا تاريحىن ۇيرەنۋ تاربيەسىنىڭ ماڭىزدى مازمۇنى جانە حالىق ءۇشىن ناقتى ءىس ىستەۋدىڭ ءونىمدى تۇتقاسى ەتىپ،’ ەكى تور‘ قۇرىلىسىنىڭ جۇلگەسىن ونان ارى كەڭەيتىپ، ولشەمدەنگەن جۇيە قۇرىلىسىن كۇشەيتىپ، كاسىپورىندار مەن شارۋالاردىڭ پايداسىن بايلانىستىرۋ مەحانيزم قۇرىلىسىن كۇشەيتىپ، شينجياڭنىڭ جەمىس ورمانى زات اينالىم جۇيەسى قۇرىلىسىندا جاڭا جاعداي اشامىز“، - دەدى جاۋ جۋان.
ءيۇسىپ ابدۇللا كونەءشار اۋدانى توققۇزاق قالاشىعى اياققى مانگان قىستاعىنىڭ ساقا پارتيا مۇشەسى، قىستاقتىڭ 7 جىلدان بەرگى وراسان زور وزگەرىسىن ءوز كوزىمەن كورگەن ول اسەرلەنە بىلاي دەدى: ” قازىر بالالار مەكتەپتە تەگىن وقىپ قانا قويماي، تاعى ءنارلى ازىقتىق قوسىمشا قاراجاتىن دا الادى، قارتتاردىڭ ناۋقاسىن كورسەتۋىنە ەمدەۋ قامسىزداندىرۋى بار... پارتيا مەن ۇكىمەتتىڭ حالىققا تيىمدىلىك جاساۋ ساياساتتارى ساناپ تاۋىسقىسىز“.
بيىل اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ”ۇعىسۋ، تيىمدىلىك جاساۋ، توعىستىرۋ“ بويىنشا اياققى مانگان قىستاعىندا تۇراتىن قىزمەت اترەتى مەن قىستاق ”ەكى كوميتەتى“ پارتيا تاريحىن ۇيرەنۋ تاربيەسىن جاڭالىق اشا ورىستەتىپ، زەيىن - زەردە، كۇش - قۋاتتى شوعىرلاندىرا وتىرىپ، حالىق ءۇشىن ناقتى ءىس ىستەپ، جولدى قاتتىلاندىرۋ، توعان جوندەۋ، كوشە شامدارىن ورناتۋ سياقتى بۇقارا كوڭىل بولگەن ىستەردى كۇش سالا جاقسى ىستەپ، بۇكىل قىستاقتاعى پارتيالى كادرلاردى، بۇقارانى پارتياعا اينىماي ىلەسۋگە تاربيەلەدى، جەتەكتەدى.
ءبىز پارتيا تاريحىن ۇيرەنۋ تاربيەسىن جۇرگىزۋ ارقىلى بۇكىل قىستاقتاعى پارتيا مۇشەلەرىن پارتيامىز قۇرىلعاننان بەرى جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ اۋەلگى ماقساتى مەن بورىشىن قاي - قاشان دا امالياتتا ايگىلەپ كەلە جاتقاندىعىن جەتە تانۋعا جەتەكتەپ، بۇكىل پارتيا مۇشەلەرىنىڭ پارتيا تاريحىن ۇيرەنۋدەگى سانالىلىعى مەن ىرىقتىلىعىن تاسقىنداتتىق“، - دەدى اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ”ۇعىسۋ، تيىمدىلىك جاساۋ، توعىستىرۋ“ بويىنشا اياققى مانگان قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ليۋ حۇڭتاۋ.
كونەءشار اۋدانى توققۇزاق قالاشىعى سەنترلى باستاۋىش مەكتەبىنە كىرگەنىمىزدە داۋىستاپ كىتاپ وقىعان ۇندەر مەكتەپ اۋلاسىنىڭ اسپانىندا جاڭعىرىپ تۇردى، وقىتۋ عيماراتىنىڭ قابىرعاسىنا ىلىنگەن 7 جىلدىڭ الدىنداعى باس شۋجي شي جينپيڭنىڭ بالالارمەن بىرگە تۇسكەن سۋرەتى جىلۋلىق سيلاپ، ادامدى اسەرلەندىرەدى. 2014 - جىلى 4 - ايدىڭ 28 - كۇنى باس شۋجي شي جينپيڭ توققۇزاق قالاشىعى سەنترلى باستاۋىش مەكتەبىندە قىزمەت تەكسەرگەندە، مۇعالىمداردى مەكتەپ دارىپتەگەن ”ءبارى دە وقۋشىلار ءۇشىن، بارلىق وقۋشى ءۇشىن، وقۋشىلاردىڭ بارلىعى ءۇشىن“ دەگەن ۇستانىمدى امالياتتا جاقسى اتقارۋعا ىنتالاندىردى.
7 جىلدان بەرى مەكتەپتىڭ مەملەكەتتە ءبىر تۇتاس قولدانىلاتىن ءتىل - جازۋ تاربيەسى جالپى بەتتىك جالپىلاسىپ، نەگىزدىك قۇرىلعىلار ۇزدىكسىز كەمەلدەنىپ، وقىتۋشىلار قوسىنى ۇزدىكسىز زورايىپ، وقىتۋ جۇرگىزۋ دەڭگەيى ۇزدىكسىز جوعارىلادى. ”وسى بىرنەشە جىلدا بالالار حاتكەرلىك، مۋزيكا، جۇڭگوشا سۋرەت سياقتى جۇڭحۋانىڭ تاڭداۋلى ءداستۇرلى مادەنيەتىنە توتەنشە قىزىعۋشىلىق تانىتتى، مەكتەپ اشقان ونەر كۋرجەكتەرىندە بالالار لىق تولىپ وتىرادى“، - دەدى توققۇزاق قالاشىعى سەنترلى باستاۋىش مەكتەبى پارتيا ياچەيكاسىنىڭ شۋجيى ياۋ حۇڭيۇي.
بىلتىر توققۇزاق قالاشىعى سەنترلى باستاۋىش مەكتەبى ”2 - كەزەكتى مەملەكەتتىك وركەنيەتتى مەكتەپ اۋلاسى“ ، ”مەملەكەتتىك 1 - توپتاعى اۋىل - قىستاق مەكتەپتەرىنىڭ مەيىرگە تولى مەكتەپ اۋلاسى“ سياقتى اتاققا يە بولدى. بيىل مەكتەپ پارتيا تاريحىن ۇيرەنۋ تاربيەسىن جۇرگىزۋ بارىسىندا، پارتيا حيكايالارىن، توڭكەرىستىك حيكايالاردى، قاھارماندار حيكايالارىن بارىنشا جاقسى بايانداپ، قالىڭ وقىتۋشى - وقۋشىلاردى پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ سۇيىسپەنشىلىگىن تەرەڭ ورناتۋعا جەتەكتەپ، قىزىل گەندى، توڭكەرىس الاۋىن ۇرپاقتان - ۇرپاققا جالعاستىرۋعا مۇمكىندىك جاسادى.
”ءبىز باس شۋجيدىڭ قامقورلىعىن ماڭگى ەستە بەرىك ساقتاپ، باس شۋجيدىڭ ىقىلاستى تاپسىرماسىن قاي - قاشان دا ەستە بەرىك ساقتاپ، حالىق ءۇشىن قىزمەت وتەۋ ءىس جۇزىندىك ارەكەتى ارقىلى پارتيانىڭ اۋەلگى ماقساتى مەن بورىشىن امالياتتا ايگىلەپ، وقۋ - اعارتۋدىڭ ساپاسىن ۇزدىكسىز جوعارىلاتىپ، ۇلتتاردىڭ ىنتىماعىن جەبەيمىز“، - دەدى ياۋ حۇڭيۇي.
