اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ گۋاڭشيدە قىزمەت تەكسەرگەندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى
جاڭا دامۋ ارناسىنا بەلسەنە قىزمەت وتەپ جانە توعىسىپ، پارتيا تاريحىن ۇيرەنۋ تاربيەسىن وراي ەتىپ، جوعارى ساپالى دامۋدى ىلگەرىلەتۋ كەرەك
«اۆتونوميالى رايوننىڭ زاڭمەن جونگە سالىناتىن جۇڭگو قۇرىلىسى جوباسىن (2020 − 2025 - جىل) دايەكتىلەندىرۋ، تياناقتاندىرۋ جونىندەگى اتقارۋ جوباسىن» قارادى
چىن چۋانگو ءماجىلىستى باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 28 - كۇنى ۇرىمجىدەن حابارلايدى. 4 - ايدىڭ 28 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ گۋاڭشيدە قىزمەت تەكسەرگەندە سويلەگەن ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنانى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى قىزمەتتەرىن تىڭعىلىقتى تۇردە ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
ءبىرىنشى، ەكونوميكانىڭ جوعارى ساپالى دامۋىن ىلگەرىلەتۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەۋ جانە توعىسۋداعى سالىستىرمالى باسىمدىقتى دالمە - ءدال يگەرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭالىق اشۋ ارقىلى دامۋعا دەم بەرۋدى كورنەكتىلەندىرىپ، ەرەكشە، باسىمدىققا يە كاسىپ سالالارىن ۇلعايتىپ، جاڭادان وركەندەگەن كاسىپ سالالارىن بەلسەنە جەتىلدىرىپ، 1 -، 2 -، 3 - كاسىپ سالالارىنىڭ توعىسا دامۋىن ىلگەرىلەتۋ؛ رەفورمانى ۇزدىكسىز تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، ەسىك اشۋدى ۇزدىكسىز كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ؛ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسىن تەرەڭدەتىپ، حالىقتىق شارۋاشىلىقتىڭ دامۋىن جەدەلدەتىپ، بازار تۇلعالارىنىڭ ومىرشەڭدىگىن قاۋلاتىپ، جوعارى ساپالى دامۋ جولىمەن بۇلجىماي ءجۇرۋ كەرەك.
ەكىنشى، اۋىل - قىستاقتى گۇلدەندىرۋدى شىن مانىندە جەدەل ىلگەرىلەتۋ كەرەك. كەدەيلىكتەن ارىلتۋدان قامال الۋ ۇلى رۋحىن اسقاقتاتىپ، ”ءتورتتى توقتاتپاۋ“ تالابىن قاتاڭ تياناقتاندىرىپ، اۋىل - قىستاقتاعى كىرىسى تومەن حالىقتى ۇدايى سۇيەمەلدەۋ مەحانيزمىن اقاۋسىزداندىرىپ، وسى زامانعى اۋىل شارۋاشىلىق كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن جەدەل ورناتىپ، اۋىل - قىستاق ەرەكشە كاسىپ سالالارىن جەرگىلىكتى جاعدايعا قاراي دامىتىپ، گۇلدەندىرىپ، سول جەردە، جاقىن ماڭدا جۇمىستانۋعا جانە كىرىستى ورنىقتى ارتتىرۋعا ۇزدىكسىز جەتەكتەپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ كەرەك.
ءۇشىنشى، حالىقتىڭ تۇرمىس ساپاسىن كۇش سالا جوعارىلاتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىمەن ويلاستىرۋدى كۇشەيتىپ، ءتۇيىندى قاۋىمدى جۇمىستاندىرۋدى ويداعىداي يگەرىپ، حالىققا تيىمدىلىك جەتكىزۋ ينجەنەريالارىن ىشكەرىلەي اتقارىپ، جوعارى ساپالى وقۋ - اعارتۋ جۇيەسىن قۇرىپ، كوپ ساتىلى قوعامدىق قامتاماسىزداندىرۋ جۇيەسىن كەمەلدەندىرىپ، الەۋمەتتىك دەنساۋلىق ساقتاۋ قىزمەت وتەۋ جۇيەسىن كەمەلدەندىرىپ، قالا مەن اۋىلدىڭ ءوندىرىس، تۇرمىس شارت - جاعدايىن ۇزدىكسىز جاقسارتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
ءتورتىنشى، ۇلتتار ىنتىماعى كەلەلى جاعدايىن بەكەمدەۋ، دامىتۋ كەرەك. ۇلت قىزمەتىن جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ ويداعىداي ىستەۋگە تاباندى بولىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتى كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، ۇلتتار ىنتىماعى، العاباسارلىعى ۇگىت تاربيەسىن جانە ۇلگىلى ورىن قۇرۋدى تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلت بۇقاراسىن ”بەستى شىنايى مويىنداۋدى“ كۇشەيتىپ، اناردىڭ دانىندەي تىعىز ۇيىسۋعا جەتەكتەۋ كەرەك.
بەسىنشى، ەكولوگيالىق وركەنيەتتى قورعاۋ قۇرىلىسىن كۇشەيتۋ كەرەك. دۇرىس ەكولوگيا كوزقاراسىنا، دامۋ كوزقاراسىنا تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، تاۋدى، سۋدى، ورماندى، اتىزدى، كولدى، جايلىمدى، قۇمدى جۇيەلى جونگە سالۋعا تاباندى بولىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، كومىر قىشقىل گازىنىڭ شىعارىلۋىن ەڭ جوعارعى ماننەن اسىرماۋدى، كومىر قىشقىل گازىن بەيتاراپتاندىرۋدى ەكونوميكالىق، قوعامدىق دامۋدىڭ جانە ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا قامتىپ، ەكولوگيانى قالپىنا كەلتىرۋ مەن ورتانىڭ لاستانۋىن جونگە سالۋدى ىشكەرىلەي ىلگەرىلەتىپ، كورىكتى شينجياڭنىڭ اسپانىن اناعۇرلىم اشىق، تاۋىن اناعۇرلىم جاسىل، سۋىن اناعۇرلىم تۇنىق ەتۋ كەرەك.
التىنشى، پارتيا تاريحىن ۇيرەنۋ تاربيەسىن تىڭعىلىقتى ورىستەتۋ كەرەك. تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، قىزىل بايلىقتان ويداعىداي پايدالانىپ، رۋحاني قان تامىردى جالعاستىرىپ، مۇرات - سەنىمدى بەكەمدەپ، توڭكەرىستىك ەرىك - جىگەردى شىڭداپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ويداعىداي ورىستەتىپ، پارتيا تاريحىن ۇيرەنۋ تاربيەسىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
جەتىنشى، ءتۇيىندى قىزمەتتەردى ءبىر تۇتاس جوسپارلاپ ىلگەرىلەتۋ كەرەك. ساقتىق دابىلىن ۇزدىكسىز قاعىپ، قىراعىلىقتى ۇدايى ساقتاپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىماستان ويداعىداي يگەرىپ، اۋىر، ەرەكشە، ۇلكەن ءوندىرىس حاۋىپسىزدىگى شىرعالاڭدارىن باتىل تەجەپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا ازىرلەۋ كەرەك.
ءماجىلىس «اۆتونوميالى رايوننىڭ <زاڭمەن جونگە سالىناتىن جۇڭگو قۇرىلىسى جوباسىن (2020 − 2025 - جىل)> دايەكتىلەندىرۋ، تياناقتاندىرۋ جونىندەگى اتقارۋ جوباسىن» اقىلداستى، قارادى. ءماجىلىس مىنانى اتاپ كورسەتتى: شي جينپيڭنىڭ زاڭمەن جونگە سالۋ يدەياسىن جاپپاي دايەكتىلەندىرىپ، پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، حالىقتى وزەك ەتۋگە تاباندى بولىپ، بۇلجىماستان جۇڭگوشا سوتسياليستىك زاڭمەن جونگە سالۋ جولىمەن ءجۇرىپ، زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جاپپاي زاڭمەن جونگە سالۋ تالابىن شينجياڭ قىزمەتىنىڭ ءارقايسى سالالارىندا تياناقتاندىرىپ، زاڭمەن جونگە سالۋدى اتقارۋدىڭ جوعارى ءونىمدى جۇيەسىن، زاڭمەن جونگە سالۋدى باقىلاۋدىڭ كەمەلدى جۇيەسىن جانە زاڭمەن جونگە سالۋدى قامتاماسىزداندىرۋدىڭ پارمەندى جۇيەسىن جەدەل قۇرىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن زاڭمەن جونگە سالۋ ارناسىمەن ىلگەرىلەتىپ، شينجياڭدى زاڭمەن جونگە سالۋ قابىلەتىن، دەڭگەيىن ۇزدىكسىز جوعارىلاتۋ كەرەك.
ءماجىلىس تاعى باسقا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، تيان ۋىن، لي يفي، سارقىت اقان، ۋاڭ ميڭشان قاتارلىلار ماجىلىسكە قاتىناستى.
