جاڭ بەي
4 - ايدىڭ 25 - كۇنگى «شينجياڭ گازەتىنىڭ» حابارلاۋىنشا، باركول قازاق اۆتونوميالى اۋدانى باركول قالاشىعى ىنتىماق جولى الەۋمەتتىك اۋماعى قۇرعان قىزىل حالاتتى پارتيا مۇشەلەرى قىزمەت وتەۋ اترەتى، جاسىل حالاتتى ەرىكتىلەر قىزمەت وتەۋ اترەتى، اق حالاتتى مەديتسينالىق قىزمەت وتەۋ اترەتى، كوك حالاتتى زاڭدىق كومەك قىزمەت وتەۋ اترەتى ”ءتورت ءتۇستى قىزمەت وتەۋ اترەتى“ اتانىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن كەڭىنەن ورىستەتىپ، پارتيا تاريحىن جەتكىزۋ، مەيىر باعىشتاۋ، قورشاعان ورتانى قورعاۋ، سالاماتتىق جەتكىزۋ، زاڭ جەتكىزۋ سياقتى مەيىر جەتكىزۋ ارەكەتتەرى ارقىلى قاراستى اۋماقتاعى بۇقارا ءۇشىن 800دەن استام ناقتى ءىس، جاقسى ءىس ىستەپ، بۇقارانىڭ القاۋىنا بولەنگەن.
پارتيا تاريحىن ۇيرەنۋدە پارتيانىڭ سيپاتى مەن باستى ماقساتى تۋرالى تانىمدى تەرەڭدەتىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن بىرلەستىرىپ، ناقتى ماسەلەلەردى شەشۋمەن بىرلەستىرىپ، بۇقارا ءۇشىن شىن مانىندە ناقتى ءىس ىستەپ، قيىن ماسەلەلەردى شەشتى. بۇقارا ءۇشىن ناقتى ىستەردى جاقسى ىستەي الۋ - الماۋ ۇيرەنۋدىڭ ناتيجەسىن تەكسەرەتىن ”ەمتيحان“ سانالادى. ناقتى ءىس ىستەۋدە قازىرگى جاعدايدى تياناق ەتىپ، بۇقارانىڭ ”شۇعىل، قيىن، الاڭداعان، كوكەي تەستى“ ناقتى ماسەلەلەرىن شەشۋمەن بىرگە، ۇزاق بولاشاقتى كوزدەپ، حالىق تۇرمىسى ماسەلەلەرىن شەشۋدىڭ ءتۇزىلىس - مەحانيزمدەرىن كەمەلدەندىرگەندە عانا، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋگە بولادى.
قۇلشىنا ۇيرەنىپ، شىنايى اتقارعاندا، ءىس - ارەكەت، ءسوز جوق، باياندى بولادى. ”تاريحتى ۇيرەنۋ ارقىلى ۇمتىلا ىستەۋ“ جانە ”مەن بۇقارا ءۇشىن ناقتى ءىس ىستەيمىن“ تالابى بويىنشا پارتيا تاريحىن ۇيرەنۋ بارىسىندا العا باسۋعا كۇش - قايرات الىپ، حالىقتىڭ ەلپەك وگىزى بولىپ، حالىق ءۇشىن قيىن ماسەلەلەردى اناعۇرلىم ويداعىداي شەشىپ، ناقتى ىستەر ىستەپ، ىرىس - قۇتتى كوزدەسەك، ءسوز جوق، قۋاتتى رۋحاني كۇشپەن العا باسۋ جولىنداعى قيىن وتكەلدەر مەن قاتەرلى اسۋلاردى جەڭىپ، جاڭا ساپاردا تىڭ شۇعىلالى ناتيجە جاراتا الامىز.
(”لەپتى لەبىز“ ماقالا جولداۋ حات ساندىعى: xjrbplb@126.com)
