باي اۋدانى ونباش اۋىلىنداعى ماقتا تەرۋشى گۇلقامار قاۋۇل
جۋىقتا امەريكاداعى، باتىستاعى جۇڭگوعا قارسى كۇشتەر جانە H&M سياقتى شەتەل كاسىپورىندارى شينجياڭعا جات نيەتپەن كۇيە جاعىپ، شينجياڭ ماقتا ەگىمشىلىگى كاسىبىندە ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭدى ويدان قيىستىردى، ولاردىڭ ماقساتى توتەنشە سۇرقيا. ماقتا تەرەتىن جۇمىسشى رەتىندە، مەن ءبىزدىڭ شينجياڭداعى ماقتا تەرۋ جاعدايىن تىلگە تيەك ەتەيىن.
2020 - جىلى 10 - ايدا ءۇيىمنىڭ ەگىس جۇمىستارىن نەگىزىنەن ىستەپ بولىپ، بۇرىنعى جىلدارداعىداي تاعى دا ۋاقىت شىعارىپ شايار اۋدانىنا ماقتا تەرۋگە باردىم. ماقتا تەرىپ جۇرگەن كەزدەردە مەن وزگە 2 سىڭلىممەن بىرگە ماقتاشى دايىنداپ بەرگەن ۇيدە جاتىپ - تۇردىق، ماقتاشىنىڭ قىزىمەن جاقسى دوستاردان بولىپ كەتتىك. تاڭەرتەڭ اتىزعا بارىپ ماقتا تەرەمىز، تۇستە، كەشتە قايتىپ كەلگەندە ىستىق تاماق دايىن تۇرادى. مەن ءار كۇنى كوبىرەك ماقتا تەرىپ، ۇيگە كوبىرەك اقشا تاۋىپ قايتۋدى ويلادىم. قىسقا عانا 2 ايدان استام ۋاقىتتا مەن 13 مىڭ 500 يۋان اقشا تاپتىم. وسى اقشاعا بالاما جاڭا كيىم - كەشەك ساتىپ الدىم، بالاممەن، كۇيەۋىممەن بىرگە ساياحاتتاپ كەلدىك.
قازىر تۇرمىسىمىز بارعان سايىن جاقساردى، پارتيانىڭ حالىققا ءتيىمدى ساياساتتارىنىڭ ارقاسىندا ءبىز بەيقۇت ۇيگە كوشىپ كىردىك، تازا قۇبىر سۋىن ىشتىك. بۇرىن قارىن تويدىرۋدى عانا ويلاساق، قازىر ءنارلى تاماق جەيتىن بولدىق؛ بۇرىن جىلى كيىنىپ ءجۇرۋدى عانا ويلاساق، قازىر جاڭا ۇلگىدە ادەمى كيىنەتىن بولدىق؛ بۇرىن ۇيىمىزدە وتباسى ەلەكتر جابدىقتارى دەرلىك بولمايتىن، ال قازىر توڭازىتقىش، كىرجۋعىش، سۇيىق كريستال ەكراندى تەلەۆيزور بارلىعى بار؛ بۇرىن تەلەفون جوق، قازىر بارلىعىمىز زەردەلى تەلەفون ىستەتەتىن بولدىق. ەمدەلسەك، ەمدەۋ قامسىزداندىرۋىمىز بار، سالماقتى اۋرۋلاردى ەمدەتۋ ءۇشىن اقشانى سارقا جۇمساۋدان ەندىگارى الاڭدامايتىن بولدىق. ونىڭ ۇستىنە ۇكىمەت جىلىنا جالپى حالىقتىق دەنساۋلىق تەكسەرۋ جۇرگىزىپ، ءوزىمىزدىڭ دەنساۋلىق جاعدايىمىزدى ءبىلىپ تۇراتىن بولدىق. ءبىزدىڭ قازىرگى تۇرمىسىمىز بالداي ءتاتتى.
ءبىزدىڭ اۋىل - قىستاقتا مىناداي ءبىر ءتامسىل بار: ”تۇرمىسىڭ جاقسارسا، ءىشى تار ادامداردىڭ قىزعانىشى قوزادى“. مەنىڭشە، بۇل ءسوز جات نيەتتى شەتەل كاسىپورىندارىنا وتە ۇيلەسەدى ەكەن. قازىر ءبىزدىڭ تۇرمىسىمىز جاقسارعاندىقتان، ولاردىڭ قىزعانىشى قوزىپ، بۇلدىرۋگە سۇقتاندى، قاساقانا وسەك - اياڭدى ويدان قيىستىرىپ، شينجياڭعا كۇيە جاقتى. بۇعان ءبىز شينجياڭدىقتار استە جول بەرمەيمىز! ەشقانداي نەگىزى جوق مۇنداي وسەك - اياڭداردى ويدان قيىستىرۋ ەڭ سوڭىندا ءوزىن - ءوزى ماسقارالاۋمەن تىنادى.
