ءىرى ىستەر ەستەلىگى 9
1953 - جىلى
1 - ايدا شينجياڭ 1 - بەسجىلدىق قۇرىلىس جوسپارى باستاپ اتقارىلدى.
2 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى بولىمشە بيۋرو بىرلىكساپ ءبولىمىنىڭ 1953 - جىلعى بىرلىكساپ قىزمەتى جوسپارىن بەكىتتى.
2 - ايدىڭ 7 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى بولىمشە بيۋرو ۇيىمداستىرۋ ءبولىمىنىڭ «اۋىل - قىستاقتىڭ 1 - مەرزىمدىك پارتيا قۇرىلىسى قىزمەتى جونىندەگى بايانداماسىن» بەكىتىپ ءتۇسىرىپ، اۋىل - قىستاق پارتيا نەگىزگى ساتى ۇيىمىن قۇرۋ جانە پارتيا مۇشەلەرىن قابىلداۋ قىزمەتىن ۇزدىكسىز ويداعىداي ىستەۋ جونىندە نۇسقاۋ بەردى.
4 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى تۇراقتى كوميتەت ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ شينجياڭ ۇلتتىق وڭىرلىك اۆتونوميا قىزمەتى جونىندەگى نۇسقاۋىن جەتكىزدى.
4 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى ولكەلىك سايلاۋ كوميسسياسىن جانە ءارقايسى نەگىزگى ساتى سايلاۋ كوميسسياسىن قۇرۋدى ۇيعارىپ، بۇكىل شينجياڭدا جاپپاي سايلاۋ قىزمەتىن ورىستەتتى.
5 - ايدىڭ 17 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنا تەلەگرامما قايتارىپ، شينجياڭنىڭ جارتىلاي ەگىن شارۋاشىلىق، جارتىلاي مال شارۋاشىلىق وڭىرلەرىندە جەر رەفورماسىن اتقارماۋىنا قوسىلدى.
5 - ايدا شينجياڭ اسكەري رايونى ءتوراعا ماۋ زىدۇڭ مەن باتىس سولتۇستىك اسكەري رايونىنىڭ بۇيرىعىنا ساي، قاراستى اسكەري بولىمدەردى جەكە - جەكە مەملەكەت قورعانىسى اسكەري بولىمىنە جانە ءوندىرىس اسكەري بولىمىنە رەتتەدى.
6 - ايدىڭ 1 - كۇنىنەن 9 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى كەڭەيتىلگەن ءماجىلىس اشىپ، سايپيدين ازەزدىڭ «جاپپاي سايلاۋ قىزمەتى جوسپارى» بايانداماسىن، بۇرھان شاھيدىنىڭ «شينجياڭدا ۇلتتىق وڭىرلىك اۆتونوميا جۇرگىزۋ قىزمەتى جونىندەگى جوسپار» بايانداماسىن، سونداي - اق «شينجياڭ ولكەسىنىڭ ۇلتتىق وڭىرلىك اۆتونوميانى اتقارۋ جوسپارىن(جوبا)» ماقۇلدادى.
7 - ايدىڭ 4 - كۇنى شينجياڭنىڭ تۇڭعىش كەزەكتى مال شارۋاشىلىق ءوڭىرى قىزمەتى ءماجىلىسى ديحۋادا اشىلىپ، مال شارۋاشىلىق ءوڭىرى قىزمەتىن قورىتىندىلادى ءارى الداعى باعىت - مىندەتتەرىن ايقىندادى.
11 - ايدىڭ 17 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى 1954 - جىلى 1 - ايدان باستاپ شينجياڭ بولىمشە بيۋروسىنىڭ كادرلار مەكتەبىن شينجياڭ بولىمشە بيۋروسى پارتيا مەكتەبىنە وزگەرتۋدى ۇيعاردى.
12 - ايدىڭ 30 - كۇنى شينجياڭنىڭ تۇڭعىش اۆتوماتتانعان وت ەلەكتر ستانسياسى − ۋيحۋلياڭ ەلەكتر ستانسياسى ەلەكتر تاراتۋدى قۇتتىقتاۋ سالتىن وتكىزدى.
وسى جىلى اۋىل شارۋاشىلىق 1 - شىسى شاجيڭزىدا ۇزىن تالشىقتى ماقتا تۇقىمىن ەنگىزۋ تاجىريبەسىن جۇرگىزىپ، 0.2 مۋ جەرگە سىناق رەتىندە ەكتى، 1954 - جىلى 1.6 مۋ جەرگە سىناق رەتىندە ەكتى، 1955 - جىلى كەڭ كولەمدە سىناق رەتىندە ەگىپ تابىسقا جەتتى.
وسى جىلى شينجياڭ ءوندىرىس - قۇرىلىس اسكەري ءبولىمى 39 ەگىن، مال شارۋاشىلىق تۋان - الاڭىن قۇردى.
اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى قامداعان
انار بۇلت/ شينجياڭ گازەتىنىڭ ءتىلشىسى فان حۇڭي رەتتەگەن
سۋرەتتەردى رەتتەگەن/ جوبالاعان لياڭ ۋي
