ءىرى ىستەر ەستەلىگى 10
1954 - جىلى
1 - ايدىڭ 27 - كۇنى شينجياڭ ولكەلىك حالىق ۇكىمەتى ۇيعارىپ ءارى ورتالىق حالىق ۇكىمەتى جىڭۋيۋاننىڭ بەكىتۋىنەن وتكىزىپ، «تاريحتان قالعان، از ۇلتتاردى كەمسىتۋ نەمەسە قورلاۋ قامتىلعان كەيبىر جەر اتتارىنىڭ اتىن وزگەرتۋ جونىندەگى حابارلاندىرۋدى» رەسمي جاريالادى.
2 - ايدىڭ 10 - كۇنى شينجياڭنىڭ اۋىل شارۋاشىلىق وڭىرلەرى ءبىر جارىم جىلعا جالعاسقان جەر رەفورماسى قوزعالىسىن جەڭىسپەن اياقتاتتى.
3 - ايدىڭ 1 - كۇنى شينجياڭ ولكەلىك حالىق ۇكىمەتى 120 - رەتكى اكىمشىلىك ءماجىلىسىنىڭ ماقۇلداۋىمەن ءارى ورتالىق حالىق ۇكىمەتى جىڭۋيۋاننىڭ بەكىتۋىمەن 3 - ايدىڭ 1 - كۇنىنەن باستاپ شينجياڭداعى سولۇن ۇلتىنىڭ اتى ”داعۇر ۇلتى“ بولىپ وزگەرتىلدى.
6 - ايدىڭ 23 - كۇنى بايىنعولين موڭعۇل اۆتونوميالى رايونى (سول كەزدە جالپىلاي اۆتونوميالى رايون دەپ اتالعان، كەيىن اۆتونوميالى وبلىس بولىپ وزگەرتىلدى) رەسمي قۇرىلدى. وسىدان كەيىن، ىركەس - تىركەس ايماق دارەجەلى بۇراتالا موڭعۇل اۆتونوميالى وبلىسى، قىزىلسۋ قىرعىز اۆتونوميالى وبلىسى جانە سانجى حۇيزۋ اۆتونوميالى وبلىسى قۇرىلدى.
7 - ايدىڭ 20 - كۇنىنەن 31 - كۇنىنە دەيىن شينجياڭ ولكەلىك 1 - كەزەكتى حالىق قۇرىلتايىنىڭ 1 - ءماجىلىسى ءۇرىمجى قالاسىندا سالتاناتپەن اشىلدى.
7 - اي شينجياڭ بولىمشە بيۋروسى 2 - رەتكى مال شارۋاشىلىق ءوڭىرى قىزمەتى ءماجىلىسىن اشىپ، مال شارۋاشىلىق وڭىرلەرىندە ”بايىپتىلىقپەن ورنىقتى ىلگەرىلەتۋ“ باعىتىن جانە ”مال يەسى شارۋاشىلىعىن قامتىعان مال شارۋاشىلىق ەكونوميكاسىن قورعاۋ جانە دامىتۋ“ ساياساتىن ۇزدىكسىز دايەكتىلەندىرىپ، مال شارۋاشىلىق وڭىرلەردەگى مويىنسەرىك ۇيىمدارىن دامىتۋ قىزمەتىن ورنىقتى ىلگەرىلەتۋدى ۇيعاردى.
11 - ايدىڭ 27 - كۇنى ىلە قازاق اۆتونوميالى وبلىستىق حالىق ۇكىمەتى رەسمي قۇرىلدى. اۆتونوميالى وبلىسقا تارباعاتاي، التاي 2 ايماق، سونداي - اق بۇرىنعى ىلە ءۋالي مەكەمەسىنە قاراستى 9 اۋدان، ءبىر قالا قارادى ءارى بۇراتالا موڭعۇل اۆتونوميالى وبلىسىن ۋاقىتشا باسقاردى.
11 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى 1955 - جىلى 1 - ايدىڭ 1 - كۇنىنەن باستاپ، بولىمشە بيۋروعا توتە قاراستى ورگان پارتكومىن ولكە دارەجەلى ورگان پارتكومىنا وزگەرتۋدى ۇيعاردى.
12 - ايدىڭ 5 - كۇنى شينجياڭ اسكەري رايونى ءوندىرىس - قۇرىلىس بيڭتۋانى ءۇرىمجى قالاسىندا سالتاناتتى قۇرىلۋ جينالىسىن وتكىزدى.
12 - اي جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى 1954 - جىلعى قىزمەتتى قورىتىندىلادى. شينجياڭنىڭ قازىنا فينانسى تۇڭعىش رەت كىرىس پەن شىعىس تەڭەسۋدى ءارى ىركىندى قالۋدى جۇزەگە اسىردى.
اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى قامداعان
انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن
سۋرەتتەردى رەتتەگەن / جوبالاعان لياڭ ۋي
