تيانشان تورى   ›   جاڭالىقتار   ›   ماڭىزدى حابارلار

كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى، 3 - رەتكى بۇكىل ەل بويىنشا مەملەكەت جەرىن تەكسەرۋدىڭ نەگىزگى جاعدايى جونىندەگى مالىمەتتى تىڭدادى، «جۇڭگو كوممۋنيستىك پارتياسىنىڭ ۇيىمدىق قىزمەت ەرەجەسىن» قارادى

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى، 3 - رەتكى بۇكىل ەل بويىنشا مەملەكەت جەرىن تەكسەرۋدىڭ نەگىزگى جاعدايى جونىندەگى مالىمەتتى تىڭدادى، «جۇڭگو كوممۋنيستىك پارتياسىنىڭ ۇيىمدىق قىزمەت ەرەجەسىن» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 30 - كۇنى ءماجىلىس اشىپ، كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى؛ 3 - رەتكى بۇكىل ەل بويىنشا مەملەكەت جەرىن تەكسەرۋدىڭ نەگىزگى جاعدايى جونىندەگى مالىمەتتى تىڭدادى؛ «جۇڭگو كوممۋنيستىك پارتياسىنىڭ ۇيىمدىق قىزمەت ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ماكرولىق ساياساتتى پارمەندى اتقارىپ، ەلىمىز ەكونوميكاسىنىڭ قالپىنا كەلۋىن ىلگەرىلەتۋدە كورنەكتى ناتيجەگە قول جەتكىزدى، ەكونوميكالىق اينالىمنىڭ باستاماسى جاقسى بولىپ، جوعارى ساپالى دامۋدا جاڭا ناتيجەگە قول جەتكىزدى.

  ءماجىلىس مىنالاردى اتاپ كورسەتتى: ءبىرىنشى ماۋسىمداعى ەكونوميكالىق ساندى مالىمەتتەرگە ديالەكتيكالىق تۇرعىدان قاراۋ كەرەك، قازىر ەكونوميكانىڭ قالپىنا كەلۋى بىركەلكى ەمەس، نەگىزى ورنىقتى ەمەس. ارتۋدى ورنىقتىرۋ قىسىمى ءبىرشاما تومەن بولۋ سىندى تەرەزەلىك مەزگىلدەن ويداعىداي پايدالانىپ، ەكونوميكانىڭ ورنىقتىلىق بارىسىندا جاقسارۋىن ىلگەرىلەتىپ، قامداۋ جاعىنداعى قۇرىلىمدىق رەفورمانى زەيىن - قۋاتتى شوعىرلاندىرا وتىرىپ تەرەڭدەتىپ، ەل ءىشى ۇلكەن اينالىمىنداعى، ەل ءىشى مەن حالىقارا سىندى قوس اينالىمداعى كەپتەلىس تۇيىندەرىن ارشىپ، ”14 - بەسجىلدىق“ مەزگىلدەگى ەلىمىزدىڭ ەكونوميكالىق دامۋىنا ۇزدىكسىز قوزعاۋشى كۇش ۇستەۋ كەرەك.

  ءماجىلىس مىنالاردى تالاپ ەتتى: ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن ءدال يگەرىپ، جاڭا دامۋ ۇستانىمىن جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، باستان - اياق بايسالدى بولا وتىرىپ ىندەتتەن ساقتانۋ - تىزگىندەۋدى ويداعىداي يگەرۋ كەرەك. ماكرولىق ساياساتتى دالمە - ءدال اتقارىپ، ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاپ، شۇعىل بۇرىلماۋ، ۋاقىتتى، سەرپىندى، ونىمدىلىكتى ويداعىداي يگەرىپ، ارقاۋدى بەكەمدەپ، نەگىزدى جەتىلدىرىپ، مەجەنى ورنىقتىرىپ، ەكونوميكالىق اينالىمدى قالىپتى ارالىقتا ساقتاپ، ەكونوميكانى قالپىنا كەلتىرۋ بارىسىندا اناعۇرلىم جوعارى دەڭگەيدە بىركەلكىلەندىرۋ كەرەك. بەلسەندى قازىنا ساياساتىن ەگجەي - تەگجەيلى تياناقتاندىرىپ، نەگىزگى ساتىداعى ”ءۇشتى قامتاماسىز ەتۋدى“ تومەنگى شەكتەن تۇسىرمەي مىقتاپ ساقتاپ، ەكونوميكالىق قۇرىلىمدى ساپالىلاندىرۋدى ىلگەرىلەتۋ رولىن ساۋلەلەندىرۋ كەرەك. ورنىقتى، اقاۋسىز اقشا ساياساتىندا جىلجىمالىلىقتىڭ ۇيلەسىمدى، جەتكىلىكتى بولۋىن ساقتاپ، ناقتى ەكونوميكاعا، ءتۇيىندى سالالارعا، ءالسىز بۋىندارعا قولداۋ كورسەتۋدى كۇشەيتۋ كەرەك. حالىق اقشاسى باعامىنىڭ ۇيلەسىمدى، تەڭگەرىمدى دەڭگەيدەگى نەگىزىنەن تۇراقتىلىعىن ساقتاۋ كەرەك.

  ءماجىلىس مىنالاردى باسا دارىپتەدى: كاسىپ سالاسىن ساپالىلاندىرۋعا جانە ونىڭ دەڭگەيىن جوعارىلاتۋعا جەتەكشىلىك ەتىپ، مەملەكەتتىڭ ستراتەگيالىق عىلىم - تەحنيكا كۇشتەرىن نىعايتىپ، ونەركاسىپتىك ينتەرنەتتى بەلسەنە دامىتىپ، كاسىپ سالاسىن سيفرلاندىرۋدى جەدەلدەتۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىرتەگىن بەيتاراپتاندىرۋ قىزمەتىن ءتارتىپتى ىلگەرىلەتىپ، جاڭا ەنەرگيانى بەلسەنە دامىتۋ كەرەك. ەل ءىشى سۇرانىسىنىڭ جەدەل قالپىنا كەلۋىن جەبەپ، جاساۋ كاسىبىنە قارجى قوسۋدىڭ جانە حالىقتىق قارجى قوسۋدىڭ جەدەل قالپىنا كەلۋىن جەبەپ، مەملەكەتتىڭ كەلەلى نىساندارىنا پايدالانىلاتىن جەرلەر سياقتى فاكتورلارمەن قامتاماسىز ەتۋدى ويداعىداي ىستەپ، بىرگە بايۋدى جەبەۋ ارەكەت باعدارلاماسىن جاساپ، قالا، اۋىل تۇرعىندارىنىڭ كىرىسىن جاپپاي ارتتىرۋ ارقىلى ىشكى سۇرانىستىڭ ۇزدىكسىز كەڭەيۋىنە دەم بەرۋ كەرەك. رەفورما جاساۋدى، ەسىك اشۋدى ىلگەرىلەتىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن ىشكەرىلەي اتقارىپ، حالىقتىق ەكونوميكانىڭ دامۋ ورتاسىن ساپالىلاندىرىپ، جوعارى دەڭگەيدەگى ءتۇرلى اشىق تۇعىرلاردى جەدەل ورناتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ كەرەك. ەكونوميكا - فينانس قاتەرىنىڭ الدىن الىپ جانە ونى جويىپ، قازىنا - فينانس قاتەرىن ءبىر جاقتى ەتۋدىڭ جەرگىلىكتى پارتيا، ۇكىمەت ورىندارىنداعى نەگىزگى باسشى جولداستار جاۋاپتى بولاتىن مەحانيزمىن ورناتۋ كەرەك. تۇعىر ەكونوميكاسىن باقىلاۋ - باسقارۋدى كۇشەيتىپ جانە جاقسارتىپ، ءادىل باسەكەنى جەبەۋ كەرەك. حالىق تۇرمىسىن قامتاماسىز ەتىپ جانە جاقسارتىپ، جۇمىستاندىرۋدى الدىمەن ويلاستىرۋ ساياساتىن كۇشەيتىپ، جوعارى مەكتەپتەردەن وقۋ تاۋىسقان وقۋشىلار سياقتى ءتۇيىندى قاۋىمداردى جۇمىستاندىرۋدى ويداعىداي ىستەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كەدەيلىكتەن ارىلعان حالىقتىڭ تۇرمىسىن اۋىل - قىستاقتى گۇلدەندىرۋ بارىسىندا ۇزدىكسىز جاقسارتىپ، ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋ، باعاسىن ورنىقتىرۋ جۇمىسىن ويداعىداي ىستەۋ كەرەك. ءۇيدىڭ ساۋدالاۋعا ەمەس، تۇرۋعا ارنالعاندىعى سىندى انىقتاماسىنا تاباندى بولىپ، قامتاماسىز ەتۋ سيپاتتى جالعا بەرىلەتىن تۇرعىن ۇيلەرمەن جانە ورتاق مەنشىكتەگى تۇرعىن ۇيلەرمەن قامداۋدى كوبەيتىپ، وقۋ اۋماعى ءۇيى دەگەن اتپەن ءۇي باعاسىن قىمباتتاتىپ جىبەرۋدەن ساقتانۋ كەرەك. ءوندىرىس حاۋىپسىزدىگىن قاجىماس تاباندىلىقپەن ويداعىداي يگەرۋ كەرەك. ىندەتتەن ساقتانۋ - تىزگىندەۋ سىندى ارقاۋدى ءارقاشان مىقتاپ شيراتىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، ۆاكسينا ەگۋدى ويداعىداي يگەرىپ، ىندەت بويىنشا حالىقارادا بىرلەسىپ ساقتانۋدى، بىرلەسىپ تىزگىندەۋدى ىلگەرىلەتۋ كەرەك.

  ءماجىلىس مىنالاردى اتاپ كورسەتتى: 3 - رەتكى بۇكىل ەل بويىنشا مەملەكەت جەرىن تەكسەرۋ تاياۋ جىلداردان بەرى ورىستەتىلگەن مەملەكەت جاعدايى، مەملەكەت قۋاتى جونىندەگى ءبىر رەتكى ەلەۋلى تەكسەرۋ، سونداي - اق پارتيا مەن مەملەكەت قۇرىلىمدارى رەفورماسىنان كەيىن ءبىر تۇتاس ورىستەتىلگەن جاراتىلىستىق بايلىق نەگىزىن تەكسەرۋ سانالادى، تەكسەرۋدە اڭىس ەتىلگەن ماسەلەلەرگە ايرىقشا ءمان بەرىپ، تەرەڭدەي تالداۋ جاساپ، باعىتتامالى تۇردە شارا قولدانىپ، ونى شىنايى شەشۋ كەرەك.

  ءماجىلىس مىنالاردى باسا دارىپتەدى: ەگىستىك جەردى قورعاۋدىڭ ەڭ قاتاڭ تۇزىمىنە تاباندى بولىپ، اۋىل - قىستاقتاعى جەردەن پايدالانۋدىڭ ورنالاسۋىن ساپالىلاندىرىپ، رەتتەپ، ءار وڭىردەگى ەگىستىك جەردىڭ قولدا بار مولشەرى مەن ماڭگىلىك نەگىزگى ەگىنجايلاردى قورعاۋ مىندەتىن ايقىن تۇراقتاندىرىپ، ەگىستىك جەردى قۇرىلىسقا پايدالانۋ مەن تولىقتاپ بەرۋدىڭ تەڭگەرىمدىلىگىن ارناعا ءتۇسىرىپ، ۇزاق ۋاقىت تۇراقتى پايدالانۋعا بولاتىن ەگىستىك جەردىڭ جالپى كولەمىنىڭ ەندىگارى ازايماۋىنا شىنايى كەپىلدىك ەتۋ كەرەك. جەرگىلىكتى ءار دارەجەلى پارتكومدار مەن ۇكىمەتتەردىڭ جاۋاپكەرشىلىگىن ناقتىلاپ، پارتيا مەن ۇكىمەت بىرگە جاۋاپكەرلىك ارقالاپ، ەگىستىك جەرلەردى زاڭعا قايشى، بەلگىلەمەگە قايشى يەمدەنۋ نەمەسە ەگىستىك جەردىڭ پايدالانىلۋ ماقساتىن وزگەرتۋ ارەكەتتەرىن قاتاڭ تەكسەرىپ، ءبىر جاقتى ەتىپ، ەگىستىك جەردىڭ ”اۋىل شارۋاشىلىعى ماقساتىندا پايدالانىلماۋىن“ تەجەپ، ”استىق ەگۋگە پايدالانىلماۋىن“ قاتاڭ تىزگىندەپ، ەگىستىك جەردى قورعاۋ جاعىندا بۇيرىقتى اتقارماعانداردىڭ، تيىم سالىنعان ىستەردەن تيىلماعانداردىڭ، قىزمەت اتقارماعانداردىڭ، جاۋاپكەرسىزدىك ىستەگەندەردىڭ جاۋاپكەرشىلىگىن قاتاڭ قۋزاستىرۋ كەرەك. جۇيە كوزقاراسىنا تاباندى بولىپ، جوعارى دەڭگەيدە جوبالاۋدى كۇشەيتىپ، جەرگىلىكتى جاعدايعا قاراي ىستەپ، ەكولوگيا قۇرىلىسىن ءبىر تۇتاس جوسپارلاۋ كەرەك. ۇنەمدى، شوعىرلى بولۋعا تاباندى بولىپ، قۇرىلىسقا پايدالانىلاتىن جەرلەردىڭ جاڭادان قوسىلاتىن كولەمىن لايىقتى بەلگىلەپ، جەردى اشۋدىڭ، پايدالانۋدىڭ ونىمدىلىگىن جوعارىلاتۋ كەرەك. قالا مەن اۋىلداعى قۇرىلىسقا پايدالانىلۋ ماقساتىندا قوردا ساقتالعان جەرلەردى اشۋدى، پايدالانۋدى ۇزدىكسىز ىلگەرىلەتىپ، ۇكىمەت جەتەكشى بولاتىن، بازار قاتىناساتىن قالا، قالاشىقتاعى تومەن تيىمدىلىكپەن پايدالانىلعان جەرلەردى قايتالاي اشۋ ساياساتى جۇيەسىن كەمەلدەندىرۋ كەرەك. جەردەن پايدالانۋ ولشەمى مەن جەردى ۇنەمدى، شوعىرلى پايدالانۋدى باعالاۋدى كۇشەيتىپ، جەر ۇنەمدەيتىن ۇلگىلەردى زور كۇشپەن جالپىلاستىرۋ كەرەك. تەكسەرۋ ناتيجەسىن بىرگە يگىلىكتەنۋدى، قولدانۋدى كۇشەيتىپ، وسى نەگىزدە مەملەكەت جەرى كەڭىستىگىن جوبالاۋدى ويداعىداي ىستەپ، ەكولوگيانى قورعاۋدىڭ قىزىل سىزىعىن، قورشاعان ورتا ساپاسىنىڭ تومەنگى شەگىن، بايلىقتان پايدالانۋدىڭ جوعارعى شەگىن رەتتەۋ جانە ونان ارى ايقىنداۋ كەرەك. مەملەكەتتىڭ بايلىق جاعدايى جونىندەگى ۇگىت - تاربيەنى ىشكەرىلەي ورىستەتىپ، بۇكىل قوعامدا بايلىقتى ۇنەمدى پايدالانۋ تانىمىن مىقتاپ ورناتۋدى ىلگەرىلەتۋ كەرەك.

  ءماجىلىس مىنالاردى اتاپ كورسەتتى: ۇيىمدىق قاتاڭدىق − پارتيانىڭ داڭقتى ءداستۇرى جانە دارا ارتىقشىلىعى، «جۇڭگو كوممۋنيستىك پارتياسىنىڭ ۇيىمدىق قىزمەت ەرەجەسىن» جاساۋ، جاريالاۋ پارتيانىڭ ۇيىمدىق قىزمەتكە جاپپاي باسشىلىعىنا تاباندى بولۋدا جانە ونى كۇشەيتۋدە، جاڭا داۋىردەگى پارتيانىڭ ۇيىمدىق لۋشيانىن ىشكەرىلەي دايەكتىلەندىرۋدە، ۇيىمدىق قىزمەتتىڭ تۇزىمدەنۋىن، جۇيەلىلەنۋىن، عىلميلانۋىن ىلگەرىلەتۋدە، ۇيىمدىق قىزمەتتىڭ ساپاسىن جاپپاي جوعارىلاتۋدا كەلەلى ماڭىز الادى.

  ءماجىلىس مىنالاردى باسا دارىپتەدى: جاڭا داۋىردەگى ۇيىمدىق قىزمەتتى ويداعىداي ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ۇيىمدىق لۋشياندى ساياسي لۋشيانعا قىزمەت ەتتىرۋگە تاباندى بولىپ، پارتيانىڭ باسشىلىعىن ۇيىمدىق قىزمەتتىڭ بارلىق جاقتارىندا، جالپى بارىسىندا دايەكتىلەندىرۋ كەرەك. پارتيانىڭ ۇيىمدىق جۇيە قۇرىلىسىن كۇشەيتىپ، پارتيانىڭ ورتالىقتانعان ءبىر تۇتاس ۇيىمدىق ءتۇزىمىن اقاۋسىزداندىرىپ، قورعاپ، جوعارى مەن تومەن ساباقتاساتىن، اتقارۋى پارمەندى ۇيىمدىق جۇيەنى كەمەلدەندىرىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتۋ كەرەك. كادرلاردى پارتيا باسقارۋ پرينسيبىن دايەكتىلەندىرىپ، جاقسى كادر ولشەمىنە تاباندى بولىپ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا، كادرلاردىڭ توڭىرەكتىڭ ءتورت بۇرىشىنان بولۋىنا، قابىلەتتىلەردى عانا مىندەتكە قويۋعا تاباندى بولىپ، ادام تاڭداۋدىڭ، ادام ىستەتۋدىڭ دۇرىس بەتالىسىنا تاباندى بولىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى، ماماندانعان كادرلار قوسىنىن قۇرۋعا كۇش سالۋ كەرەك. دارىندىلاردى پارتيا باسقارۋ پرينسيبىن دايەكتىلەندىرىپ، دارىندىلاردى دامىتۋدىڭ، جونگە سالۋدىڭ عىلمي، ولشەمدى، اشىق، سيىسىمدى، جۇمىس ونىمدىلىگى جوعارى جۇيەسىن ورناتىپ، وتاندى ءسۇيىپ كۇرەس جۇرگىزۋدى مۇرات ەتكەن، جاڭالىق اشۋعا، جاسامپازدىق جاراتۋعا باتىل ۇزدىك دارىندىلار قوسىنىن قۇرۋعا قۇلشىنۋ كەرەك. ءار دارەجەلى پارتكومدار (پارتيا باسشىلىق گرۋپپاسى) ۇيىمدىق قىزمەتتى ويداعىداي يگەرۋدىڭ باسشىلىق جاۋاپكەرشىلىگىن ىرىقتىلىقپەن ارقالاپ، جۇيەلى جوبالاۋدى، ءبىر تۇتاس جوسپارلاپ سايكەستىرۋدى، وتكەلدى يگەرىپ، باعدار بەلگىلەۋدى كۇشەيتىپ، ۇيىمدى كۇشەيتۋ، القانى مىقتى ۇستاۋ، قوسىندى جەتەكتەۋ، دارىندىلاردى تاربيەلەۋ قابىلەتىن ۇزدىكسىز جوعارىلاتىپ، ۇيىمدىق قىزمەتكە تاماشا شارت - جاعداي ازىرلەپ، تاماشا ورتا قالىپتاستىرۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.