جاڭا ساپاردا جاڭا تاريحي ۇلى ىستەر تىندىرايىق"> تيانشان تورى
تيانشان تورى   ›   ۇيرەنۋ   ›   شولۋ

جاڭا ساپاردا جاڭا تاريحي ۇلى ىستەر تىندىرايىق

− ”1 - مامىر“ حالىقارالىق ەڭبەكشىلەر مەرەكەسى بايلانىسىمەن

حالىق گازەتى باسماقالاسى

  ەڭبەك − بارلىق باقىتتىڭ قاينار كوزى، كۇرەس ۇلى ارمانعا جەتكىزەدى. ”1 - مامىر“ سىندى ەڭبەككە ماراپات ايتاتىن، ەڭبەكشىلەرگە قۇرمەت بىلدىرەتىن كۇندە، ءبىز بۇكىل ەلدەگى جۇمىسشى تابى مەن قالىڭ ەڭبەكشى بۇقاراعا شىنايى باقىت تىلەپ، ءارقايسى شايقاس شەبىندەگى ەڭبەك ەرلەرى مەن وزات قىزمەتكەرلەرگە وسكەلەڭ قۇرمەت بىلدىرەمىز!

  حالىق تاريحتى جاراتقان، ەڭبەك بولاشاق اشادى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. ايبىنى كۇشتى 100 جىلدىق ساپارعا قايىرىلا قاراساق، سان ۇرپاق كوممۋنيستەر جۇڭگو حالقىن كۇش جالعاپ كۇرەس جاساۋعا ىنتىماقتاستىرىپ جانە باستاپ، تاريحقا التىن ارىپپەن جازىلاتىن نەبىر ادامزات كەرەمەتىن جاساپ، جەر - كوكتى ءدۇر سىلكىندىرەرلىكتەي ايبىندى داستان جازدى. پارتيا 18 - قۇرىلتايىنان بەرى ەلىمىزدەگى جۇمىسشى تابى مەن قالىڭ ەڭبەكشى بۇقاراسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بىلەك سىبانا ىستەپ، تەر توگە ەڭبەكتەنىپ، جۇڭگو ارمانىن جۇزەگە اسىرۋ ۇلى ۇردىسىندە قايسارلىقپەن كۇرەس جاساپ، ۇزدىك بولۋعا ۇمتىلىپ، ەرلىكپەن شىڭعا شىعىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە نەگىزگى قوسىندىق رولدارىن ساۋلەلەندىرىپ، اقىل - پاراساتتارى مەن ماڭداي تەرلەرى ارقىلى ەڭبەك داڭقتى، ءبىلىم ارداقتى، دارىندىلار باعالى، جاسامپازدىق ۇلى دەيتىن قوعامدىق سالتتى قالىپتاستىرىپ، ”جۇڭگو ارمانى. ەڭبەك ارداقتى“ دەيتىن جاڭا تاراۋدى جازدى. اماليات مىنانى تولىق دالەلدەدى: ەڭبەك قۇن جاراتاتىن بىردەن - ءبىر قاينار كوز، ادامزات قوعامىنىڭ العا باسۋىن ىلگەرىلەتەتىن ءتۇبىرلى كۇش. ءدال وسى ەڭبەك جاسامپازدىعى بولعاندىقتان دا، ءبىز تاريحتىڭ شۇعىلاسىنا بولەندىك؛ ءدال وسى ەڭبەك جاسامپازدىعى بولعاندىقتان دا، بۇگىنگى جەتىستىكتەرگە يە بولىپ وتىرمىز.

  تاپتاپ ءوتىپ تار كەشۋدى، داڭعىل جولعا نىقتاپ قادام تاستادىق، تار جول، تايعاق كەشۋلەردى سىرىپ تاستاپ، جاڭا ساپار باستادىق. ”14 - بەسجىلدىق“ مەزگىلى − قولايلى جاعدايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ ءبىرىنشى 5 جىلى. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، داعدارىس بارىسىندا جاڭا وراي جەتىلدىرۋدە، وزگەرىس بارىسىندا جاڭا جاعداي اشۋدا، ءسوز جوق، جۇمىسشى تابى مەن قالىڭ ەڭبەكشى بۇقاراعا تىعىز ارقا سۇيەپ، جاڭا ساپاردا ەكپىندەي ىلگەرىلەپ، جەلكەن جايىپ قايتا اتتانۋ كەرەك. تەك جۇمىسشى تابى مەن قالىڭ ەڭبەكشى بۇقارانىڭ نەگىزگى قوسىندىق رولىن تولىق ساۋلەلەندىرىپ، ەڭبەكتى ارداقتاپ، ەڭبەكشىلەرگە قۇرمەت ەتىپ، ەڭبەك ىنتاسىن ونان ارى قاۋلاتىپ، جاسامپازدىق كومەسكى كۇشىن اشقاندا عانا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىستەرىنە قول جەتكىزۋگە جويقىن كۇش توپتاي الامىز. جاپپاي سوتسياليستىك وسىزاماندانعان مەملەكەت قۇرۋ، بۇكىل ەلدەگى ءار ۇلت حالقىنىڭ ءتۇبىرلى مۇددەسى مەن ورتاق تىلەگىنە ۇيلەسەدى، ەلىمىزدەگى جۇمىسشى تابى مەن قالىڭ ەڭبەكشى بۇقارا بۇلجىماستان پارتيانىڭ سوزىنە قۇلاق اسۋى، پارتياعا ىلەسۋدەن اينىماۋدى مۇرات تۇتۋى، سانالىلىقپەن جۇڭگوشا سوتسياليزمنىڭ باتىل سەنۋشىلەرى، ادال اتقارۋشىلارى بولۋى، ويداعىداي قوجايىن بولىپ، جاڭا داۋىردە ۇلەس قوسىپ، جاڭا ساپاردا جاڭا تاريحي ۇلى ىستەر تىندىرۋى كەرەك.

  جاڭا ساپاردا جاڭا تاريحي ۇلى ىستەر تىندىرۋ ءۇشىن، ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتۋىمىز كەرەك. ىندەتكە قارسى اتتانۋ كۇرەسىندە كەۋدە كەرە العا شىقتى، جۇمىستى، ءوندىرىستى قالپىنا كەلتىرۋ بارىسىندا باتىلدىقپەن العا تارتتى، عىلىم - تەحنيكادا دەربەس بولۋ، ءوزىن - ءوزى الۋەتتەندىرۋ بارىسىندا ەرلىكپەن شىڭعا شىقتى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ بارىسىندا قامال الىپ، قيىندىقتاردى جەڭدى، كەدەيلىكتەن ارىلتۋدان قامال الۋدىڭ شەشۋشى شايقاسىنا جەتۋ بارىسىندا جاۋاپكەرشىلىك ارقالاپ، ىسكەرلىك كورسەتتى... جاڭا داۋىردەگى ەڭبەك ەرلەرى مەن وزات قىزمەتكەرلەر قاراپايىم جۇمىس ورنىندا كەرەمەت ناتيجەلەر جاراتىپ، ءىس جۇزىندىك ارەكەتتەرى ارقىلى ەڭبەك ەرى رۋحىن، ەڭبەك رۋحىن، ۇستا رۋحىن امالياتتا ايگىلەپ، ايتسا - ايتقانداي جاڭا ءداۋىردىڭ ەڭ ارداقتى كۇرەسكەرلەرى بولدى. جاڭا ساپاردا قىزمەت ورنىن ءسۇيىپ، كاسىپتى قادىرلەۋ، ۇزدىك بولۋعا ۇمتىلۋ، قاجىرلىلىقپەن كۇرەس جۇرگىزۋ، باتىلدىقپەن جاڭالىق اشۋ، اتاق - ابىرويعا بەرىلمەۋ، ۇلەس قوسۋعا پەيىل بولۋ سىندى ەڭبەك ەرى رۋحىن، ەڭبەكتى ارداقتاۋ، ەڭبەكتى ءسۇيۋ، قاجىرلىلىقپەن ەڭبەك ەتۋ، ادالدىقپەن ەڭبەك ىستەۋ سىندى ەڭبەك رۋحىن، دەن قويۋدان جازبايتىن، كەمەلدەندىرۋگە ۇمتىلاتىن، ەرەكشە شوگەل بولاتىن، ەرەن بولۋعا ۇمتىلاتىن ۇستا رۋحىن بار كۇشپەن اسقاقتاتىپ، ەڭبەك ەرلەرىنىڭ ۇلگى بولۋ، باستاماشىلدىق رولىن تولىق ساۋلەلەندىرسەك، ءسوز جوق، قالىڭ حالىق بۇقاراسىن ماڭداي تەرلەرىمەن تابىسقا كەنەلىپ، ناقتى ىستەۋ ارقىلى ورنىقتى العا باسۋعا جىگەرلەندىرىپ، جاڭا داۋىردەگى ەڭبەكشىلەر جىرىن تىنباي جازا الامىز.

  جاڭا ساپاردا جاڭا تاريحي ۇلى ىستەر تىندىرۋ ءۇشىن، جوعارى ساپالى ەڭبەكشىلەر ءىرى قوسىنىن قۇلشىنا قۇرۋىمىز كەرەك. ەڭبەكشىلەردىڭ ساپاسى ءبىر مەملەكەتتىڭ، ءبىر ۇلتتىڭ دامۋى جونىنەن اسا ماڭىزدى. پارتيا 18 - قۇرىلتايىنان بەرى كاسىپ سالاسى جۇمىسشىلار قوسىنى قۇرىلىسى رەفورماسىن جەدەلدەتۋدەن شەبەرلىكتى باعدار ەتكەن شابىتتاندىرۋ مەحانيزمىنە جاڭالىق ەنگىزۋگە دەيىن، زور كولەمدە كاسىپتىك شەبەرلىككە باۋلۋدى ورىستەتۋدەن وسى زامانعى كاسىپتىك وقۋ - اعارتۋ ءتۇزىمىن كەمەلدەندىرۋگە دەيىن، اناعۇرلىم كوپ ەڭبەكشىلەردى، اسىرەسە، جاستاردى شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن جۇرۋگە شابىتتاندىرىپ، اناعۇرلىم كوپ جوعارى دەڭگەيلى شەبەر دارىندىلار مەن ءىرى ەل ۇستالارىن جەتىلدىرىپ، ءبىلىمدى، تەحنيكالى، جاڭاشىل ەڭبەكشىلەر ءىرى قوسىنىن قۇرۋدى پارمەندى ىلگەرىلەتتىك. جاڭا ساپاردا عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جۇمىسشى - قىزمەتكەرلەر قوسىنىنىڭ جالپى تۇلعالىق ساپاسىن جوعارىلاتۋدى ستراتەگيالىق مىندەت رەتىندە مىقتى يگەرىپ، ويداعىداي يگەرىپ، ەڭبەكشىلەردىڭ جاڭا ءبىلىم ۇيرەنۋىنە، جاڭا شەبەرلىك يگەرۋىنە، جاڭا قابىلەت جەتىلدىرۋىنە شارت - جاعداي ازىرلەسەك، ءبىز، ءسوزسىز، جوعارى ساپالى ەڭبەكشىلەر ءىرى قوسىنىن ويداعىداي قۇرىپ، جاڭا داۋىرلىك شۇعىلالى ناتيجە جاراتۋ ءۇشىن بەرىك تىرەك ازىرلەي الامىز.

  جاڭا ساپاردا جاڭا تاريحي ۇلى ىستەر تىندىرۋ ءۇشىن، ءبىز ەڭبەكشىلەردىڭ زاڭدى ۇقىق - مۇددەسىن شىن مانىندە جۇزەگە اسىرىپ، ويداعىداي قورعاپ، ويداعىداي دامىتۋىمىز كەرەك. ەڭبەكشىلەردىڭ تيىمدىلىككە كەنەلۋىنە، داڭقتان يگىلىكتەنۋىنە مۇمكىندىك جاساۋ − ەڭبەك جاسامپازدىعىن قاۋلاتۋدىڭ، ءسوزسىز، باسىپ وتەتىن جولى. كىرىس ءبولىسى ءتۇزىمى رەفورماسىن كۇش سالا تەرەڭدەتىپ، ەڭبەكاقىنىڭ العاشقى بولىستەگى سالماعىن جوعارىلاتۋدان ەڭبەك قاتىناسىن سايكەستىرۋ مەحانيزمىن اقاۋسىزداندىرۋعا، جاراسىمدى ەڭبەك قاتىناسىن قالىپتاستىرۋعا جانە دامىتۋعا دەيىن، ءبىرسىپىرا ساياسات، شارالار ەڭبەكشىلەردىڭ ءار جاقتاعى مۇددەسىن پارمەندى قورعاپ جانە دامىتىپ، ەڭبەكشىلەردىڭ ابىرويىن قورعادى. جاڭا ساپاردا حالىقتى وزەك ەتكەن دامۋ يدەياسىنا تاباندى بولىپ، جۇمىسشى - قىزمەتكەرلەر، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ويداعىداي شەشىپ، جۇمىسشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن قورعاۋعا زاڭ جانە ءتۇزىم قامتاماسىزدىعىن ازىرلەپ، ەڭبەكشىلەردىڭ ابىرويلى ەڭبەك ەتۋىن، جان - جاقتى دامۋىن قۇلشىنا جۇزەگە اسىرساق، ءسوزسىز، قۇلشىنا جۇمىس جۇرگىزۋدى، ىقىلاستى مامىلە جاساۋدى، ەڭبەكشىلدىكپەن بايۋدى بۇكىل قوعامدا سالتقا اينالدىرىپ، بۇكىل قوعامنىڭ جاڭالىق اشۋ، جاسامپازدىق جاراتۋ ومىرشەڭدىك كۇشىن اناعۇرلىم ويداعىداي تاسقىنداتا الامىز.

  داڭق ەڭبەكشىلەرگە ءتان، باقىت ەڭبەكشىلەرگە ءتان. ءبىز جاساپ جاتقان ءداۋىر ادامدى ەكپىندەي ىلگەرىلەۋگە جەبەيتىن ۇلى ءداۋىر، ءبىزدىڭ جۇرگىزىپ وتىرعان ىستەرىمىز بۇرىنعىلار ىستەپ كورمەگەن ۇلى ىستەر، ءبىز شۇعىلدانىپ وتىرعان جۇڭگوشا سوتسياليزم ىستەرى تۇتاس حالىقتىڭ ورتاق ءىسى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەكى كەلەلى جاعدايدى تياناق ەتىپ، ”مەملەكەتتىڭ زور ىستەرىن“ كوكەيدە ساقتاپ، جاسامپازدىق جاراتۋعا ىنتالى، كۇرەس جۇرگىزۋگە باتىل بولىپ، تولقىن جارا العا ۇمتىلىپ، ءورىس اشا العا ىلگەرىلەپ، جاڭا ۇلى ساپاردا تىڭ كۇرەس داستانىن جازىپ، جاڭا ادامزات كەرەمەتىن جاساۋىمىز كەرەك!

  (شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.