تيانشان تورى   ›   جاڭالىقتار   ›   شينجياڭ حابارلارى

سەندەر وزدەرىڭنىڭ ار - ۇجداندارىڭا كۇيە جاعىپ وتىرسىڭدار

كەريا اۋدانىنداعى ماقتا تەرۋشىنىڭ ايەلى ايگۇل ءماتتۇرسىن

  بىرنەشە كۇننىڭ الدىندا ءسىڭلىم ماعان تەلەفون شالىپ، ءىشىنارا شەتەل كاسىپورىندارىنىڭ ءبىزدىڭ شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەپ وسەك - اياڭ تاراتقاندىعىن ايتتى. بۇعان ءسىڭلىم ەكەۋىمىز قاتتى ىزالاندىق، ءبىزدىڭ سىرتقا شىعىپ ماقتا تەرىپ اقشا تاۋىپ، اناعۇرلىم جاقسى تۇرمىس كەشىرۋىمىز قاتە مە؟

  بىلتىر كۇيەۋىم بىرنەشە دوسىمەن بىرگە سىرتقا شىعىپ ماقتا تەرىپ، 40 كۇنگە جەتپەيتىن ۋاقىتتا 7000 يۋاننان استام اقشا تاپتى. كۇيەۋىم وزدەرىنىڭ ول ارادا توتەنشە كوڭىلدى بولعاندىعىن، كۇنىنە قانشا ماقتا تەرەتىندىكتەرىن وزدەرى بەلگىلەيتىندىگىن، كوپ ىستەسە كوپ الاتىندىعىن، تاماق، جاتىن ورىن تۇگەلدەي تەگىن ەكەندىگىن ايتتى. ۋاقىت ۇزارا كەلە كۇيەۋىم ماقتاشىمەن دوس بولىپ تا كەتتى. ول ماقتاشىدان قازىرگى ماقتا ءونىم مولشەرى نەلىكتەن وسىنشاما جوعارى؟ دەپ تاڭدانا سۇراعاندا، ماقتاشى وعان بۇل اۋىل شارۋاشىلىعىن ماشينالاندىرۋدىڭ، وسىزامانداندىرۋدىڭ جەتىستىگى ەكەندىگىن، تۇقىم تاڭداۋدان جارعاق جاۋىپ، تۇقىم سىڭىرۋگە، تىڭايتقىش بەرۋگە، ارام شوپتەردى وتاۋعا دەيىنگى ءار بۋىننىڭ تۇگەلدەي عىلمي باسقارىلاتىندىعىن، سوندىقتان دا ماقتا ءونىم مولشەرىنىڭ جوعارى بولاتىندىعىن ايتادى. ماقتاشى تاعى ماقتانىڭ وسۋىنە ۇيلەسىمدى بىرنەشە ءتۇرلى حيميالىق تىڭايتقىشتى تانىستىرادى، كۇيەۋىم بۇعان ەرەكشە قىزىعادى، قايتىپ كەلگەننەن كەيىن تاعى ۇيرەنگەن تاجىريبەلەرىنەن قىستاقتاعىلارمەن ورتاقتاستى.

  كۇيەۋىم ماقتا تەرىپ اقشا تاۋىپ قايتىپ كەلگەننەن كەيىن، تۇرمىسىمىزدا دا وزگەرىستەر جارىققا شىقتى. وتباسىمىز ۇن، ماي دۇكەنىن اشىپ، ايلىق كىرىسىمىز ايتارلىقتاي بولدى، قازىر وتباسىمىزدىڭ تۇرمىس شارت - جاعدايى بارعان سايىن جاقسارۋدا. ءبىز تاماشا تۇرمىسقا توتەنشە تالپىنامىز، ەڭبەك ارقىلى بايۋ قالايشا ”زورلىقپەن ەڭبەككە سالۋ“ بولماق؟

  مەن اناۋ شەتەل كاسىپورىندارىنا مىناداي سۇراۋ قويامىن: سەندەر شينجياڭدى قانشالىقتى تۇسىنەسىڭدەر؟ سەندەر شينجياڭداعى بۇقارانىڭ شىنايى تۇرمىسىن قانشالىقتى تۇسىنەسىڭدەر؟ ءبىز شارۋالاردىڭ ءوز ەڭبەگىمىز ارقىلى باقىتتى تۇرمىس جاراتۋىمىزدىڭ نەسى قاتە! شينجياڭدا ايتىلمىس ”زورلىقپەن ەڭبەككە سالۋ“ مۇلدە ءومىر سۇرگەن ەمەس، سەندەر شينجياڭ ماقتاسىنا كۇيە جاعا المايسىڭدار، سەندەر وزدەرىڭنىڭ ار - ۇجداندارىڭا كۇيە جاعىپ وتىرسىڭدار!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.