تيانشان تورى   ›   جاڭالىقتار   ›   شينجياڭ حابارلارى

ەڭبەك ەرلەرى رۋحىن اسقاقتاتىپ، ونەگەدەن كۇش - قۋات الدى

انار بۇلت / شينجياڭ گازەتىنىڭ تىلشىلەرى

  ”1 - مامىردىڭ“ الدى - ارتىندا رايونىمىزدىڭ جەر - جەرىندەگى ءار دارەجەلى ەڭبەك ەرلەرى ۇلگىلىك، باستاماشىلىق رولدارىن جەتە ساۋلەلەندىرىپ، نەگىزگى ساتىلارعا ىشكەرىلەي بارىپ پارتيا تاريحىن بايانداپ، پارتياعا العىس ايتۋدى اڭگىمەلەپ، تۇتاس قوعامدا ەڭبەك ەرلەرى رۋحىن اسقاقتاتۋدىڭ، جاڭا داۋىردە ەڭبەك ءسىڭىرۋدىڭ جالىندى رايىن قالىپتاستىرىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.

  5 - ايدىڭ 1 - كۇنى تۇستەن بۇرىن التاي قالاسى ءابيتان قالاشىعى اقتوبە قىستاعى قىستاق تۇرعىندار كوميتەتىنىڭ الدىندا اۆتونوميالى رايوندىق ەڭبەك ەرى، التاي قالاسى بەيتۇن قالاشىعى تايكۇن قۇس شارۋاشىلىعى باعىمشىلىق فەرماسىنىڭ باستىعى تاۋ چي 70 قىستاق تۇرعىنىنا شوجە تاراتىپ قاربالاس ءجۇر.

  ”تاۋ چيعا راقىمەت، بىزگە تاعى دا شوجە اكەلىپ بەرىپتى، ول ءبىزدى جاقسى تۇرمىسقا باستادى“، - دەدى قىستاق تۇرعىنى زاۋكەن ابەنباي. 2010 - جىلى تاۋ چي زاۋكەنگە تاۋىق باعۋدى ۇيرەتىپ، جىل سايىن ونىڭ ۇيىنە كەلىپ تاۋىق باعۋىنا ءجون كورسەتۋمەن بىرگە، وعان تاعى شوجە اكەلىپ بەرەدى، قازىر زاۋكەن قىستاقتاعى تاۋىق باعۋ شەبەرىنە اينالىپ، ءار جىلى تەك جۇمىرتقا ساتۋدىڭ وزىنەن ءبىرتالاي كىرىس تاۋىپ كەلەدى.

  2003 - جىلدان باستاپ، تاۋ چي ىلگەرىندى - كەيىندى 1350دەن استام كەدەي وتباسىنا باعىمشىلىق تەحنيكاسىن تەگىن ۇيرەتىپ، 30 مىڭنان استام جەتىلگەن شوجە تاراتتى. 2014 - جىلى تاۋ چي قوعامنىڭ ءار سالاسىنداعى قامقورشى قايراتكەرلەردى جۇمىلدىرىپ شينچۋان مەيىر قوعامىن قۇرىپ، بەلسەندىلىكپەن اقشا، زات جىلۋ جيناپ كەدەي وتباستارىنا كومەكتەستى.

  4 - ايدىڭ 29 - كۇنى تۇستەن كەيىن قارامايلى قالاسى قارامايلى رايونى يىڭبين ءمالىسى جينسى جيايۋان الەۋمەتتىك اۋماعى ”ماڭگى پارتياعا ىلەسەمىز. جاڭا داۋىردە ەڭبەك سىڭىرەمىز“ دەگەن نەگىزگى تاقىرىپتا ۇگىت - لەكسيا قيمىلىن وتكىزىپ، ءار ۇلت تۇرعىندارىن كەلىپ قاتىناسۋعا باۋرادى.

  قارامايلى قالالىق ەڭبەك ەرى، جينسى جيايۋان الەۋمەتتىك اۋماعى پارتكومىنىڭ شۋجيى حۋاڭ بيڭيان پارتيا تاريحىن ۇيرەنۋ تاربيەسىمەن ۇشتاستىرىپ، تۇرعىندارعا پارتيانىڭ 100 جىلدىق بەلەسى جانە توڭكەرىستىك اعا بۋىنداردىڭ كۇرەس حيكايالارىن ءتۇسىندىرىپ، كوپشىلىكتى وزاتتارعا تۋرالانىپ، جاڭا داۋىردە ەڭبەك سىڭىرۋگە شابىتتاندىردى.

  ”ۇگىت لەكسيانى تىڭداعاننان كەيىن، مەنىڭ پارتيا تاريحى جونىندەگى تانىمىم جانە تۇسىنىگىم ءتىپتى دە تەرەڭدەدى. كوممۋنيستىك پارتيا مۇشەسى رەتىندە، قانداي قىزمەت ورنىندا بولايىق، بۇقارانى كوڭىل تورىنە قويىپ، بۇقاراعا ءتىپتى دە جاقسى قىزمەت وتەۋىمىز كەرەك“، - دەدى وسى الەۋمەتتىك اۋماقتىڭ قىزمەتكەرى ۋ فىڭلان.

  4 - ايدىڭ 28 - كۇنى تۇستەن كەيىن ”ەڭبەك ەرى جانە ۇستا دارىندىلار جاسامپازدىعى قىزمەت كەڭسەسىنىڭ“ يەگەرى، شينجياڭ اۋىل شارۋاشىلىق داشۋەسى حايۋاناتتار مەديتسيناسى شۋەيۋانىنىڭ پروفەسسورى، دوكتور جەتەكشىسى بايىنساعان گالىك پروفەسسور «پارتيانىڭ وقۋ - اعارتۋ ىستەرىن قىزۋ ءسۇيىپ، ۇستا رۋحىمەن ونەگە كورسەتىپ ادام تاربيەلەيىك» دەگەن تاقىرىپتا بايانداما جاساپ، وسى مەكتەپتىڭ جاس وقىتۋشىلارىمەن، اسپيرانتتارىمەن ءوزىنىڭ مال شارۋاشىلىق وڭىرىنەن شىعىپ ءبىلىم جولىن قۋعان، پارتيانىڭ ماپەلەۋىندە ءىلىم تىرەكتىسى بولىپ ەسەيگەن، ءپان باستاماشىسى بولعان كەشىرمەسى جونىندە وي ءبولىسىپ، جاس وقۋشىلاردى قۇلشىنا ۇيرەنۋگە، ۇيرەنگەندى قولدانا بىلۋگە شابىتتاندىردى.

  ”جەتەكشىنىڭ بايانداماسىن تىڭداعاننان كەيىن، ەڭبەك ەرى رۋحى، ەڭبەك رۋحى جانە ۇستا رۋحى جونىندە ءتىپتى دە تەرەڭ تانىمعا يە بولدىم، مۇنان كەيىنگى ۇيرەنۋ بارىسىندا مەن جەتىلۋگە توسەلۋ، قۇنتتىلىقپەن ىزدەنۋ پوزيتسياسىمەن ءار رەتكى تاجىريبەنى جاقسى ىستەپ، ءاربىر زەرتتەۋ بايانداماسىن جاقسى جازامىن“، - دەدى شينجياڭ اۋىل شارۋاشىلىق داشۋەسىنىڭ اسپيرانتى لي مين.

  4 - ايدىڭ 21 - كۇنى اقسۋ كاسىپتىك تەحنيكا شۋەيۋانى ماركسيزم شۋەيۋانىنىڭ باستىعى ساي سۋجىن قاتارلى 4 ەڭبەك ەرى، جۇمىسشى - قىزمەتكەرلەر ۋاكىلى اقسۋ ونەكارسىپ تەحنيكتەرى شۋەيۋانىنا بارىپ، ”ەڭبەكپەن باقىت جاراتۋ“ تاقىرىبىندا ۇگىت لەكسيا جاسادى. اقسۋ ونەركاسىپ تەحنيكتەرى شۋەيۋانىنىڭ وقۋشىسى اينازار ياسىن بىلاي دەدى: ”ەڭبەك ەرلەرى وزدەرىنىڭ باستان كەشكەندەرى ارقىلى بىزگە نەنىڭ قىزمەت ورنىن ءسۇيىپ، كاسىپتى قادىرلەۋ، ءوزىن ارناۋعا پەيىل بولۋ ەكەندىگىن ءتۇسىندىردى، مەن ءوزىمنىڭ شەبەرلىگىمدى قۇلشىنا جوعارىلاتىپ، قوس قولىما سۇيەنىپ تاماشا كەلەشەك جاراتامىن“.

  (ءتىلشى شيا چيڭ، قاتىناسقان تىلشىلەر جاۋ شييا، جاڭ تيڭ، التاي تىلشىلەر پۋنكتىنەن حۋ جۇنشيۋ، ەرىكتى تىلشىلەر ليۋ تيان، گاۋ يۇيفي، ۋ تيڭ)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.