بايىنعولين وبلىستىق فىڭتاييۋان اۋىل شارۋاشىلىعى عىلىم - تەحنيكا شەكتى سەرىكتەستىگى:
”زورلىقپەن ەڭبەككە سالدى“ دەۋ بۇكىلدەي قيسىنسىز شاتپاق
جۋىقتا H&M، نايكى سياقتى كەيبىر شەتەل كاسىپورىندارى ايتىلمىس ”زورلىقپەن ەڭبەككە سالدى“ دەگەن وسەك - اياڭدى ويدان شىعارىپ، شينجياڭ ماقتاسىنا كۇيە جاقتى. بۇعان بايىنعولين وبلىستىق فىڭتاييۋان اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ بارلىق قىزمەتكەرلەرى ەرەكشە كەكتەنەدى!
ءبىزدىڭ سەرىكتەستىگىمىز لوپنۇر اۋدانىندا، ۇزاق ۋاقىتتان بەرى جەرگىلىكتى ورىنداعى شارۋالارعا جانە سەلبەستىك كووپەراتيۆتەرىنە كاسىپتىك سۋ، تىڭايتقىش باسقارۋ، دەرت - دەربەزدەن، زياندى جاندىكتەردەن جالپىلاي ساقتانۋ - تىزگىندەۋ تەحنيكاسىنا جەتەكشىلىك ەتۋ بويىنشا قىزمەت وتەپ، ءوندىرۋ ونىمدىلىگى جوعارى، ءونىمى حاۋىپسىز، بايلىقتى ۇنەمدەيتىن، قورشاعان ورتاسى جايلى وسى زامانعى اۋىل شارۋاشىلىعىن دامىتۋ جولىنا بەلسەنە ىزدەنىس جاسادى. كوكتەمگى ەگىستەن كۇزگى جيىن - تەرىنگە دەيىن سەرىكتەستىك قىزمەتكەرلەرى اتىز باسىنا، ەگىنجايلارعا ىشكەرىلەي كىرىپ، ءار ۇلت شارۋا دوستاردىڭ ەگىمشىلىك بارىسىندا بايقالعان ماسەلەلەرىن شەشىپ، ولاردى ماقتانى عىلمي، ۇيلەسىمدى ەگۋگە جەتەكتەدى.
ءبىزدىڭ بۇل اراداعى كوپتەگەن ەگىمشى وتباسىلارى تەحنيكا بىلەتىن بىرنەشە جۇمىسشىنى ماقتا اتىزىن باپتاۋعا كومەكتەسۋگە جىل سايىن ىستەتەدى، ەگىمشى وتباسىلارى مەن جۇمىسشىلار ەڭبەك توقتامىنا قول قويىسادى ءارى ولارعا جاتاق، تاماق سياقتى نەگىزگى تۇرمىستىق قامتاماسىزدىعىن ازىرلەيدى. ءار جىلى ماقتا تەرۋ ماۋسىمى كەلگەندە، ماقتا تەرۋشى جۇمىسشىلار ىرىقتىلىقپەن كەلىپ جۇمىس ىزدەيدى، ەگىمشى وتباسىلارىمەن جۇمىسشى ىستەتۋ جاعدايى، تەرۋ باعاسى سياقتىلاردى الدىن الا اقىلداسىپ الادى. لوپنۇر اۋدانىنداعى ماقتا تەرەتىن جۇمىسشىلار ورتا ەسەپپەن ءار ماۋسىمدا ءار ادام 10 مىڭ يۋاننان استام اقشا تابادى. وسى جىلداردا اۋىل شارۋاشىلىعى عىلىم - تەحنيكاسى جىلدام دامىپ، ماقتا ەگىمشىلىگىندە ماشينالاسۋ نەگىزىنەن جۇزەگە اسىرىلدى، سۋ مەن تىڭايتقىشتى ءبىر تۇلعالاندىرىپ اۆتوماتتى تۇردە تامشىلاتىپ سۋارۋ، ماقتا تۇقىمىن دالدەپ سەبۋ، حيميالىق شىرپۋ، ماقتا تەرۋ ماشيناسىمەن ماقتا جيناۋ سياقتىلاردىڭ تۇتاس بارىسى تەك از عانا ماشينا جۇرگىزۋشىلەردى قاجەت ەتەدى.
شينجياڭنىڭ ماقتا كاسىبىندە ايتىلمىس ”زورلىقپەن ەڭبەككە سالۋ“ مۇلدە بولعان ەمەس. اناۋ وسەك - اياڭ شىعارۋشىلار بۇكىلدەي ويدان قۇراستىرىپ وتىر.
