تيانشان تورى   ›   جاڭالىقتار   ›   شينجياڭ حابارلارى

3 ءتۇرلى ناقتى ءىس ىستەۋ ارقىلى بۇقارانى مەيىرگە بولەدى

رايونىمىزدىڭ جەر - جەرى، تاراۋلارى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتتى

3 ءتۇرلى ناقتى ءىس ىستەۋ ارقىلى بۇقارانى مەيىرگە بولەدى

 انار بۇلت / شينجياڭ گازەتىنىڭ ءتىلشىسى جاڭ يۇنمەي

  بۇقارانىڭ ويلاعانىن ويلاپ، بۇقارانىڭ اسىققانىنا اسىقتى. پارتيا تاريحىن ۇيرەنۋ تاربيەسى ورىستەتىلگەننەن بەرى رايونىمىزدىڭ جەر - جەرى، تاراۋلارى حالىق بۇقاراسىنىڭ ءتول مۇددەسىنە ساياتىن ماسەلەلەردەن باستاپ ىسكە كىرىسىپ، اماندىق، حالىققا قولايلىلىق، مەيىرىمدىلىك سىندى 3 ءتۇرلى ءىس ىستەۋ ارقىلى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتىپ، پارتيا تاريحىن ۇيرەنۋ تاربيەسىنىڭ تىڭعىلىقتى ونىمدىلىككە قول جەتكىزۋىنە شىنايى كەپىلدىك ەتتى.

اماندىق بۇقارانىڭ باقىتىن قورعادى

  4 - ايدىڭ 17 - كۇنى تۇستەن كەيىن شەريا اۋدانى نۇري اۋىلى اقتاش قىستاعى قىستاق تۇرعىندار كوميتەتىنىڭ اۋلاسى دۋمانعا بولەندى، قىستاق تۇرعىندارى قاتارعا تۇرىپ وتباسىندا قولدانىلاتىن ءورت ءسوندىرۋ، ورتتەن ساقتانۋ جابدىقتارىن الىپ جاتىر. بۇل اۆتونوميالى رايوندىق توتەنشە جاعدايعا توتەپ بەرۋ - باسقارۋ مەڭگەرمەسىنىڭ اقتاش قىستاعىندا تۇرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى تۇراقتاندىرعان ”مەن بۇقارا ءۇشىن ناقتى ءىس ىستەيمىن“ حالىق تۇرمىسىنا تيىمدىلىك جەتكىزۋ 10 امالياتتىق قيمىلىنىڭ ءبىرى. قىستاقتاعى ءار وتباسى 2دەن ءورت ءسوندىرۋ، ورتتەن ساقتانۋ شەلەگىن، 2دەن ءورت ءسوندىرۋ، ورتتەن ساقتانۋ كۇرەگىن، 2دەن قۇم قالتاسىن الدى. قيمىل بۇكىل قىستاقتا جيىنى 240 قىستاق تۇرعىنىن يگىلىككە كەنەلتىپ، ءورت ءسوندىرۋ، ورتتەن ساقتانۋ حاۋىپسىزدىك جابدىقتارىمەن جاپپاي قامتۋدى جۇزەگە اسىردى.

      قىستاقتا تۇرعان قىزمەت اترەتى تاعى ۋيچات توبىن قۇرىپ، ءورت ءسوندىرۋ، ورتتەن ساقتانۋ حاۋىپسىزدىك سايكەستى جابدىقتارىن ورناتۋ، پايدالانۋ ادىستەرىن جانە ءورت اپاتىنان قۇتقارۋ، ءورت ءسوندىرۋدىڭ نەگىزگى جۇمىس باسقىشتارىن زور كۇشپەن ۇگىتتەپ، جالپىلاستىرىپ، قىستاق تۇرعىندارى ءۇشىن وتباسىندا ورتتەن ساقتانۋدىڭ ”قورعانىشىن“ ورناتتى.

  بايىنعولين موڭعۇل اۆتونوميالى وبلىستىق قوعام حاۋىپسىزدىگى مەكەمەسى كورلا ەكونوميكالىق، تەحنيكالىق اشۋ رايونى بولىمشە مەكەمەسى انچىن جولى ساقشى بولىمشەسى پارتيا تاريحىن ۇيرەنۋ تاربيەسى بارىسىندا، ”مەن بۇقارا ءۇشىن ناقتى ءىس ىستەيمىن“ قيمىلىن ارقاۋ ەتە وتىرىپ، وتباسىلارىنا بارىپ ۇگىت جۇرگىزۋ، شارلاۋ بارىسىندا ۇگىت جۇرگىزۋ، قيمىلدا شوعىرلى ۇگىت جۇرگىزۋ سياقتى فورمالاردى قولدانۋ ارقىلى بۇقاراعا الدامكوستىكتەن ساقتانۋ مازمۇندارىن كەڭىنەن ۇگىتتەپ، جيىنى 3000نان استام وتباسىنا بارىپ تەلەگراف الدامشىلىعىنان ساقتانۋ ۇگىتىن جۇرگىزدى، 7 رەت ارناۋلى تاقىرىپتىق ۇگىت قيمىلىن ورىستەتتى، 5000نان استام ۇگىت جارناما قاعازىن جاپسىردى.

حالىققا تيىمدىلىك جاساۋ ارقىلى بۇقاراعا بارىنشا قولايلىلىق جاسادى

  4 - ايدىڭ 10 - كۇنى تۇستەن بۇرىن شونجى اۋدانى ۇكىمەت ىستەرىنەن قىزمەت وتەۋ جانە الەۋمەتتىك بايلىق ايىرباسى ورتالىعى پارتيالى كادرلاردى اپتا سوڭىنداعى ۋاقىتتارىنان پايدالانىپ، اۋدانداعى بالالار الاڭىندا ”تاريحتى ۇيرەنىپ ۇمتىلا ىستەۋ. مەن بۇقارا ءۇشىن ناقتى ءىس ىستەيمىن“ ساياسات ءتۇسىندىرۋ ۇگىت لەكسيا قيمىلىن ورىستەتۋگە ۇيىمداستىرىپ، ىرىقسىز قىزمەت وتەۋدى ىرىقتى قىزمەت وتەۋگە وزگەرتىپ، بۇقارانىڭ ءىس بىتىرۋىنە بارىنشا قولايلىلىق جاسادى.

  قيمىل بارىسىندا اتالعان ورتالىقتىڭ قىزمەتكەرلەرى بۇقارا ەرەكشە نازار اۋدارىپ وتىرعان سالىق اقىسىن جيناۋ، تاۋار ۇيلەردى ساتىپ الۋ، ساتىپ بەرۋ، ءۇيدى جالعا بەرۋ، اشەكەيلەۋ نەسيەسى، كەلىسىم سالىعىن جيناۋ، تۇرعىن ءۇي الەۋمەتتىك قورى قارىز اقشاسى سياقتى جاقتارداعى ماسەلەلەرگە باعىتتاپ تۇسىندىرمە جاسادى. ”ءبىز تۇرلىشە ادامدار شوعىرىنا، تۇرلىشە قاجەتكە قاراتا، قىزمەتكەرلەردى باعىتتامالى تۇردە ۇيىمداستىرىپ وسى تۇردەگى قيمىلداردى ورىستەتىپ، بۇقارانىڭ كۇدىك - كۇمانىنا جاۋاپ بەرىپ، بۇقارانىڭ قيىن ىستەرىن شەشىپ، ۇكىمەت ىستەرىنەن قىزمەت وتەۋدىڭ ساپاسىن جوعارىلاتتىق“، - دەدى وسى ورتالىقتىڭ قاتىستى جاۋاپتىسى.

  قارامايلى قالالىق ءورت ءسوندىرۋ، ورتتەن ساقتانۋ قۇتقارۋ - كومەكتەسۋ تارماق اترەتى ”مەن بۇقارا ءۇشىن ناقتى ءىس ىستەيمىن“ قيمىلىن پارتيا تاريحىن ۇيرەنۋ تاربيەسىمەن باستان - اياق ساباقتاستىردى. بۇل تارماق اترەت قالالىق، رايوندىق ەكى دارەجەلى ۇكىمەتپەن، سونداي - اق فۋنكتسيالىق تاراۋلارمەن بىرلەسىپ نەگىزگى ساتىلارعا ىشكەرىلەي بارىپ حالىقتىڭ تىلەگىن تىڭداپ، حالىق جاعدايىن باقىلاپ، حالىقتىڭ قيىنشىلىعىن شەشىپ، حالىق تۇرمىسىن قامتاماسىز ەتىپ، بۇقارا اڭىس ەتىپ وتىرعان اۆتوكولىك توقتاتۋ قيىن بولۋ سياقتى ءبىر قىدىرۋ ماسەلەلەردى ويداعىداي شەشتى.

  بۇل تارماق اترەت بۇكىل قالاداعى 189 تۇرعىندار شاعىن اۋماعىندا، 499 قوعامدىق ورىندا ءورت ءسوندىرۋ، ورتتەن ساقتانۋ اۆتوكولىك جولى سىزىعىن سىزۋ، بەلگى ورناتۋ جانە كەدەرگىلەردى الاستاۋ قىزمەتىن ورىنداپ، ەلەكترلى ۆەلوسيپەدكە زەردەلى توك تولتىرۋ باعاناسىنان 210ىن جاڭادان ورناتىپ، اۆتوكولىك توقتاتۋ الاڭىنان بەسەۋىن جاڭادان سالىپ، وزگەرتىپ سالىپ، اۆتوكولىك توقتاتۋ بەلگى سىزىعىن عىلمي سىزىپ، جيىنى 22 مىڭ اۆتوكولىك توقتاتۋ ورنىن جاڭادان مولايتىپ، قالانىڭ ”تىرشىلىك ارناسىن“ ىركىلىسسىزدەندىرىپ، اۆتوكولىك توقتاتۋ قيىن بولۋ ماسەلەسىن شەشتى.

مەيىرىمدىلىك ارقىلى بۇقارانىڭ ”شۇعىل، قيىن، الاڭداعان، كوكەي تەستى“ ماسەلەلەرىن شەشتى

  جۋىردا اقسۋ قالاسىنداعى جۇمىستان بوساعان جۇمىسشى - قىزمەتكەردەن، جۇمىس كۇتىپ جۇرگەن جاستاردان، وتباسىندا قيىنشىلىعى بارلاردان، اۋىل - قىستاقتاعى ارتىق ەڭبەككۇشتەردەن 50 ادام اقسۋ قالاسىنداعى 15 كۇندىك ۋاقىتپەن اشىلعان بوبەكتەردى ماپەلەۋ كۋرسىنا بىرگە قاتىناستى.

  كۋرستىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ ءۇشىن، اقسۋ قالالىق باس جۇمىسشى ۇيىمى پارتيا تاريحىن ۇيرەنۋ تاربيەسىمەن ۇشتاستىرىپ، ءۇي جۇمىسىنا قىزمەت وتەۋ سەرىكتەستىكتەرىمەن بەلسەندىلىكپەن سەلبەسىپ، باۋلۋ جانە ەڭبەككۇش شىعارۋ ءوزارا ۇشتاسقان ەكى جاققا دا پايدالى ۇلگى ورناتتى. سونىمەن بىرگە اقسۋ قالالىق باس جۇمىسشى ۇيىمى كۋرسانتتاردىڭ ”كىرۋ وتكەلىن“ قاتاڭ مەڭگەرىپ، ”ينتەرنەت جەلىسىندە، جەلىدەن تىس“ قابىلەت بولىكتەرى قۇراماسىن كەڭەيتىپ، كۋرسانتتاردى باعالاۋدى كۇشەيتتى.

  كۋرسانت اينۇر ابىلا بىلاي دەدى: ”كۋرس ارقىلى مەن شەبەرلىك يگەرىپ قانا قالماستان، كوپتەگەن دوستارمەن دە تانىستىم، ءوزىم رازى بولاتىن قىزمەت تابا الاتىندىعىما سەنەمىن“.

  انچىن جولى ساقشى بولىمشەسى تاعى ”قالىڭ ساقشىنىڭ سان مىڭداعان وتباسىلارىنا بارۋى“ قيمىلىمەن ۇشتاستىرىپ، وتباسىلارىنا بارىپ قاراستى اۋماقتاعى مۇگەدەكتەر، جەتىم - جەسىر قارتتار سياقتى ەرەكشە قيىنشىلىعى بار شوعىرلاردىڭ جاعدايىن اداقتاپ يەلەپ، ەگجەي - تەگجەيلى ەستەلىك تۇرعىزىپ، وتباسىن تۇراقتاندىرىپ، جاۋاپكەرشىلىكتى تۇراقتاندىرىپ بىرلەسىپ كوتەرمەگە الۋ ارقىلى كومەكتەستى - سۇيەمەلدەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.