انار بۇلت / شينجياڭ گازەتىنىڭ تىلشىلەرى
5 - اي انار گۇلى جايقالا اشىلاتىن مەزگىل. ”1 - مامىر“ دەمالىس كەزىندە رايونىمىزداعى ءار ۇلت كادر جۇپ قۇراعان تۋىستارىنىڭ ۇيىنە بارىپ امانداسىپ، قامقورلىقتارىن جەتكىزىپ، ءىس جۇزىندىك ارەكەتتەرى ارقىلى ۇلتتار ىنتىماعىنىڭ گۇلىن ماپەلەدى.
”ءاربىر قىردى ءتۇزۋ تارتىڭدار، قىرلاردىڭ ارالىعى 20 سانتيمەتر بولىسىن، قىزاناق مايساسىن ەككەن سوڭ، قاندىرا سۋارىڭدار...“ 5 - ايدىڭ 1 - كۇنى تاڭەرتەڭ ەرتە كوكتوعاي اۋداندىق پارتكوم ۇگىت ءبولىمىنىڭ كادرى جاڭ زىلۇڭ اۋداننان 10 كيلومەتر قاشىقتىقتاعى كۇرتى اۋىلى دالا اۋز قىستاعىنا كەلىپ، جۇپ قۇراعان تۋىسى قادىلبەك قاۋقانىڭ جىلىجايدا كوكونىس ەگۋىنە كومەكتەستى.
جاڭ زىلۇڭ مەن قادىلبەكتىڭ جۇپ قۇراپ تۋىس بولعانىنا 5 جىل بولدى. ”ءار رەتكى مەرەكە دەمالىسى مەن دەمالىس كۇندەرىندە زىلۇڭ ىنىشەك ۇيىمە كەلىپ، ءوندىرىس، تۇرمىس جاعدايىمدى ۇعىسىپ، جاڭا ءۇيدى اشەكەيلەۋ، سيىر، قوي قورالارىمدى تازالاۋ سياقتى جۇمىستارىما كومەكتەسەدى“، - دەدى قادىلبەك.
”قىستاق تۇرعىندار كوميتەتى تۇتاس قىستاقتاعى 200گە تاياۋ ەگىنشى - مالشى وتباسىنا جاڭادان جىلىجاي سالىپ، بيىل’1 - مامىر‘ كەزىندە پايدالانۋعا بەردى، سوندىقتان مەن كەلىپ قولعانات بولىپ، تۋىسىمنىڭ جىلىجايدا كوكونىس ەگۋىنە كومەكتەستىم“، - دەدى جاڭ زىلۇڭ.
اۋلا ەكونوميكاسىن دامىتۋ كەدەيلىكتەن ارىلتۋدان قامال الۋ تابىستارىن بەكەمدەۋدىڭ، كەڭەيتۋدىڭ، ەگىنشى - مالشىلاردىڭ كىرىسىن ارتتىرۋدى جەبەۋدىڭ ماڭىزدى شارالارىنىڭ ءبىرى. كەزەكتە كوكتوعاي اۋدانىندا 1100 كوكونىس جىلىجايى سالىندى، ”1 - مامىر“ كەزىندە اۋدانعا توتە قاراستى ءارقايسى تاراۋداعى، مەكەمەدەگى مىڭعا جۋىق كادر بۇقارا وتباسىلارىنا بارىپ، جۇپ قۇراعان تۋىستارىنىڭ كوكونىس ەگۋىنە كومەكتەستى.
5 - ايدىڭ 1 - كۇنى بوران سوعىپ، جەمسارى اۋدانى ارگۇڭ قالاشىعى توۋگۇڭجيە شيسۇن قىستاعىندا كوپتەگەن قىستاق تۇرعىندارىنىڭ كوكتەمگى ەگىس كەزىندە توسەگەن سۋلياۋ جارعاقتارى اشىلىپ كەتتى، جەمسارى اۋدانى توعىسپالى اقپارات قۇرالى ورتالىعىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى جانە جۇپ قۇراعان كادرلار دەرەۋ اتتانىسقا كەلىپ، ەگىنشىلەرگە كومەكتەسۋ شاعىن اترەتىن قۇرىپ قىستاق تۇرعىندارىنىڭ سۋلياۋ جارعاقتى قايتا توسەۋىنە كومەكتەستى.
قىستاق تۇرعىنى فىڭ زىجيەنىڭ اتىزىندا كوپشىلىك بىرگە توپىراق قازىپ، سۋلياۋ جارعاق توسەپ، توپىراق جاپتى. كوپ وتپەي سۋلياۋ جارعاقتى قايتادان توسەپ ءبىتىردى. ”جۇپ قۇراعان تۋىسىما جانە قىستاقتا تۇراتىن قىزمەت اترەتىنە ايرىقشا العىس ايتامىن“، - دەدى فىڭ زىجيە اسەرلەنىپ.
سول كۇنى تۇستەن بۇرىن ساعات 11دە جىڭ اۋدانى جىڭ قالاشىعىنىڭ كادرى جاۋ تيان - ى مەن جۇپ قۇراعان تۋىسى گىمىڭقان بالالارىن ەرتىپ جىڭ اۋدانى 4 - كەزەكتى مۇتتار قۇمدى ءشول مادەنيەتى ساياحات مەرەكەسىنىڭ اشىلۋ سالتىنا كەلىپ، كوپشىلىكپەن بىرگە سۋرەتكە ءتۇسىپ، كونسەرت كورىپ، اۆتوكولىك كورمەسىن تاماشالاپ، ”1 - مامىر“ مەرەكەسىن شات - شادىمان وتكىزدى.
”مەن جۇپ قۇراعان تۋىسىم مەن بالالارىن ەرتىپ قۇمدا سىرعاناۋدان ءلاززاتتانىپ، كوڭىلدى قۇمدى ءشول دالا جارىسىن سەزىنىپ، وزگەشە ’1 - مامىر‘ مەرەكەسىن وتكىزدىم“، - دەدى جاۋ تيان - ى.
ساۋدا بۇيىمدارى كورمە اۋماعىندا جاۋ تيان - ى گىمىڭقانعا ءبىر كىلەم ساتىپ الىپ بەردى. گىمىڭقان قۋانىشپەن: ”بۇگىن ءبىر باقىتتى كۇن بولدى، بۇدان كەيىنگى تۇرمىسىمىزدىڭ بارعان سايىن باقىتتى بولۋىن تىلەيمىن“، - دەدى.
(ءتىلشى ۋاڭ شينحۇڭ، قاتىناسقان تىلشىلەر جاڭ تيڭ، گى يوۋجۇن، سۇڭ يا - ۋىن، ەرىكتى تىلشىلەر حى پەيجۋان، رىن دۇڭشىڭ، جا يۋان)
