انار بۇلت / شينجياڭ گازەتىنىڭ ءتىلشىسى جاۋ شييا
سانجى قالالىق 9 - ورتا مەكتەپتىڭ ءبىر ساباقحاناسىنا سارى، جاسىل ءتۇس ارالاس كىلەم توسەلگەن، پارتا - ورىندىقتان باسقا، تاعى قول قارىم اسپابى، نۇكتەلى وقۋ ماشيناسى، گرافيكالىق تانىم تاقتاسى سياقتى قول - اياقتى ساۋىقتىرۋعا جانە زەيىن - زەردەنى اشۋعا پايدالى وقىتۋ قۇرالدارى جابدىقتالعان، بۇل وسى مەكتەپتىڭ جاڭادان قۇرعان ەرەكشە وقۋ - اعارتۋ بايلىعى ساباقحاناسى، كلاسقا ىلەسىپ وقيتىن جەڭىل مۇگەدەك 7 وقۋشى اپتا سايىن وسىندا كەلىپ ساۋىقتىرۋ جاتتىعۋىن جاسايدى.
وقۋ - اعارتۋدىڭ ادىلدىگىن جەبەۋ، دوڭگەلەك داۋلەتتىلىككە بىرگە تالپىنۋ جولىندا، مۇگەدەك بالالاردىڭ، ورەندەردىڭ بىردە - بىرەۋىنىڭ قاعىس قالۋىنا بولمايدى. پارتيا 18 - قۇرىلتايىنان بەرى رايونىمىز وقۋ جاسىنداعى مۇگەدەك بالالاردى، ورەندەردى وقۋعا قابىلداۋ، وقۋعا ءتۇسىرۋ قىزمەتىن بار كۇشپەن ويداعىداي ىستەپ، ەرەكشە وقۋ - اعارتۋدى قارجىمەن قامتاماسىزداندىرۋدى كۇشەيتىپ، مۇگەدەك بالالاردىڭ، ورەندەردىڭ زاڭ بويىنشا ءبىلىم الۋ ۇقىعىن شىن مانىندە قامتاماسىزداندىردى. 2020 - جىلدىڭ سوڭىنا دەيىن رايونىمىز مەكتەپتەرىندەگى وقۋ جاسىنداعى مۇگەدەك بالالاردىڭ، ورەندەردىڭ جالپى سانى 27 مىڭ 337 بولىپ، مىندەتتى وقۋ - اعارتۋ كەزەڭىندەگى وقۋ جاسىنداعى مۇگەدەك بالالاردىڭ، ورەندەردىڭ وقۋعا ءتۇسۋ سالىستىرماسى ％98.5كە جەتىپ، ءۇرتىس 2 جىل بويى مەملەكەتتىڭ جانە اۆتونوميالى رايوننىڭ «2 - مەرزىمدىك ەرەكشە وقۋ - اعارتۋدىڭ دەڭگەيىن كوتەرۋ جوسپارىنىڭ (2017 − 2020 - جىلدار) » نىسانا - مىندەتتەرى اسىرا ورىندالدى.
ەرەكشە وقۋ - اعارتۋ بويىنشا ءبىلىم بەرۋ شارت - جاعدايى كورنەكتى جاقساردى
4 - ايدىڭ 26 - كۇنى اقسۋ ايماعى چيميڭ مەكتەبىنىڭ اسحانا، جاتاقحانا عيماراتى قاربالاس قۇرىلىس جۇرگىزدى، سونداي - اق مەكتەپتىڭ ناقتى جاتتىعۋ بولمەسى مەن ەرەكشە وقۋ - اعارتۋ وقىتۋشىلارىن باۋلۋ ورتالىعىن جاقسارتۋى تەڭ قادامدا ءجۇرىلدى. جاڭادان وزگەرتىپ، كەڭەيتىپ سالۋ نىسانىنا 22 ميلليون 650 مىڭ يۋان قارجى سالىندى، سالىنىپ بولعاننان كەيىن مەكتەپتىڭ جانە اقسۋ ايماعىنىڭ ەرەكشە وقۋ - اعارتۋ وقىتۋشىلارى اۋىس - كۇيىسىنە اناعۇرلىم تاماشا وقۋ - اعارتۋ، وقىتۋ شارت - جاعدايىن ازىرلەيدى.
چيميڭ مەكتەبىنىڭ باستىعى حى زۇڭيۇن بىلاي دەپ تانىستىردى: بىلتىر اقسۋ ايماعى مەكتەپتىڭ جانىنداعى 29 مۋ جەردى ەرەكشە وقۋ - اعارتۋعا پايدالانىلاتىن جەر ەتىپ ءبولىپ بەرىپ، مەكتەپتىڭ يەلەيتىن جەر اۋدانى ءبىر ەسەدەن استام كەڭەيدى، وزگەرتىپ، كەڭەيتىپ سالۋ نىسانى مولشەرمەن بيىل 8 - ايدا قۇرىلىسىن اياقتاتادى، سول كەزدە مەكتەپ مەكتەپكە دەيىنگى تاربيەدەن مىندەتتى وقۋ - اعارتۋ كەزەڭىنە، ونان كاسىپتىك ورتا مەكتەپ وقۋ - اعارتۋىنا دەيىنگى كەمەلدى وقۋ - اعارتۋ جۇيەسىن ورناتىپ، وقۋ جاسىنداعى مۇگەدەك بالالاردىڭ، ورەندەردىڭ تەرەزەسى تەڭ تۇردە ءبىلىم الۋ ۇقىعىن ەڭ زور كولەمدە قامتاماسىزداندىرادى.
وقۋ جاسىنداعى مۇگەدەك بالالاردىڭ، ورەندەردىڭ وقيتىن مەكتەبى بولۋىنا، جاقسى وقي الۋىنا شىنايى كەپىلدىك ەتۋ ءۇشىن، سانجى حۇيزۋ اۆتونوميالى وبلىسى ءبىر ميلليون 400 مىڭ يۋان قارجى قوسىپ، 7 اۋداننىڭ مىندەتتى وقۋ - اعارتۋ كەزەڭىندەگى مەكتەپتەرىندە 7 ەرەكشە وقۋ - اعارتۋ بايلىعى ساباقحاناسىن قۇرىپ، كلاسقا ىلەسىپ وقيتىن جەڭىل مۇگەدەك وقۋشىلاردىڭ ساۋىقتىرۋ جاتتىعۋىن جاساۋىنا كەپىلدىك ەتتى.
ۇعىسۋعا قاراعاندا، 2017 - جىلى وقۋ - اعارتۋ مينيسترلىگى سياقتى 7 تاراۋ «2 - مەرزىمدىك ەرەكشە وقۋ - اعارتۋدىڭ دەڭگەيىن كوتەرۋ جوسپارىن (2017 − 2020 - جىلدار)» ىسكە قوستى. جوسپار اتقارىلعاننان بەرى رايونىمىز ورتالىقتىڭ 53 ميلليون 500 مىڭ يۋان قارجىسىنا قول جەتكىزىپ، اۆتونوميالى رايون، ءارقايسى ايماق، وبلىس، قالالار 97 ميلليون 61 مىڭ 400 يۋان قارجى سالىپ، ەرەكشە وقۋ - اعارتۋ ينجەنەرياسى نىسان قۇرىلىسىن بەلسەنە ىلگەرىلەتىپ، ءبىلىم بەرۋ كولەمىن بىرتىندەپ كەڭەيتىپ، جيىنى 7 ەرەكشە وقۋ - اعارتۋ مەكتەبىن كەڭەيتىپ سالىپ، 45 ەرەكشە وقۋ - اعارتۋ بايلىعى ورتالىعىن جاڭادان وزگەرتىپ، كەڭەيتىپ سالىپ، 25 ەرەكشە وقۋ - اعارتۋ مەكتەپتەرىنە اسپاپ، جابدىق سەپتەپ، 89 ەرەكشە وقۋ - اعارتۋ بايلىعى ساباقحاناسىن قۇرىپ، نەگىزى ءالسىز ەرەكشە وقۋ - اعارتۋ مەكتەپتەرىنىڭ جابدىقتارىن ۇزدىكسىز ساپالىلاندىرىپ، تۇتاس رايوننىڭ ەرەكشە وقۋ - اعارتۋ بويىنشا ءبىلىم بەرۋ شارت - جاعدايىن كورنەكتى جاقسارتتى.
ساۋىقتىرۋ مەن وقىتۋدى، ەمدەۋ مەن وقىتۋدى توعىستىرۋ ۇلگىسىنە ىزدەنىس جاسادى
ءۇرىمجى قالالىق بالالار يگىلىك ورنى ۇكىمەت قۇرعان، ارناۋلى تۇردە جەتىم، مۇگەدەك بالالاردى باعاتىن قوعامدىق يگىلىك قۇرىلىمى. بىلتىر 11 - ايدا ءۇرىمجى قالالىق پارتكومنىڭ قۇرىلىم شتاتى كوميتەتىنىڭ بەكىتۋىمەن ءۇرىمجى قالالىق 120 - ورتا مەكتەپتىڭ ماڭدايشالىعىن اسۋعا قوسىلدى.
”مەكتەپتىڭ قۇرىلۋى بيىل ءبىزدىڭ يگىلىك ورنىنداعى وقۋ جاسىنداعى 85 مۇگەدەك بالانىڭ، ورەننىڭ وقۋ قاراستىلىعى بار بولعاندىعىن، ەرەكشە وقۋ - اعارتۋدىڭ ساۋىقتىرۋ مەن وقىتۋدى، ەمدەۋ مەن وقىتۋدى توعىستىرۋعا قاراي دامۋعا ارشىندى قادام تاستاعاندىعىن اڭعارتادى“، - دەدى ءۇرىمجى قالالىق بالالار يگىلىك ورنىنىڭ (ءۇرىمجى قالالىق 120 - ورتا مەكتەپ) باستىعى ياڭ شياۋيان قۋانىشتى سەزىمىن سوزىنەن اڭعارتا.
ءۇرىمجى قالالىق 120 - ورتا مەكتەپتىڭ ساباق كەستەسىنەن ءتىلشى مەكتەپتىڭ قاتاڭ تۇردە «اقىل - ويدى جەتىلدىرۋ مەكتەپتەرىنىڭ مىندەتتى وقۋ - اعارتۋ ساباقتارىن ورنالاستىرۋ تاجىريبە جوباسى» بويىنشا ساباق ورنالاستىرىپ، تۇرمىستىق ءتىل - ادەبيەت، تۇرمىستىق ماتەماتيكا، تۇرمىستىق ۇيلەسۋ، ەڭبەك شەبەرلىگى، سۋرەت سىزۋ جانە قولونەر، ءان ايتۋ ويىنى جانە ريتىمدى ارەكەت، سپورت جانە دەنساۋلىق قورعاۋ سياقتى ساباقتاردى اشقاندىعىن كوردى. مۇنان تىس، مەكتەپ تاعى بالالاردىڭ ءىس جۇزىندىك جاعدايىنا قاراي تورت جاساۋ، توقىماشىلىق سياقتى كۋرس اشقان. يگىلىك ورنى ”فۋگور تورت شەبەرحاناسىن“ قۇرىپ، بالالاردىڭ بالكۇلشە پىسىرۋ، ساتۋ سياقتىلارعا قاتىناسۋىنا مۇمكىندىك بەرىپ، ولاردىڭ ەرجەتۋىنە، جۇمىستانۋىنا تۇعىر ازىرلەگەن.
ەرەكشە وقۋ - اعارتۋدىڭ مىندەتتى وقۋ - اعارتۋ كەزەڭىندەگى قاجەتىن قامتاماسىزداندىرۋمەن بىرگە، سوڭعى جىلدارى رايونىمىز ەرەكشە وقۋ - اعارتۋدىڭ مەكتەپكە دەيىنگى تاربيەگە، كاسىپتىك ورتا مەكتەپكە قاراي كەڭەيۋىن بىرتىندەپ ىلگەرىلەتتى. قۇمىل قالالىق ەرەكشە وقۋ - اعارتۋ مەكتەبى 2017 - جىلدان باستاپ كاسىپتىك ورتا مەكتەپ كلاسىنا ىزدەنىس جاساپ، سىناپ كورىپ، ”3+9“ ۇلگىسىن (9 جىلدىق مىندەتتى وقۋ - اعارتۋ، 3 جىلدىق كاسىپتىك وقۋ - اعارتۋ) جالپىلاستىرىپ، مەكتەپتىڭ ناقتى جاتتىعۋ بازاسىن سالىپ، وقۋشىلاردىڭ كاسىپتىك پراكتيكاسى، جۇمىستاندىرۋعا باۋلۋ جانە جالپىلىق اماليات تاربيەسى قىزمەتتەرىن ويداعىداي ىستەدى. كەزەكتە 30 مۇگەدەك ورەن ورتالاۋ مەكتەپ بىتىرگەن سوڭ، مەكتەپتىڭ ناقتى جاتتىعۋ بازاسىندا گۇل ونەرى، وتباسىلىق قىزمەت وتەۋ سياقتى شەبەرلىكتەردى ۇيرەنىپ، كەيىن قوعامعا شىققاننان كەيىن ءوز كۇشىنە سۇيەنىپ ءومىر سۇرۋىنە نەگىز قالادى.
كلاسقا ىلەسىپ وقۋدى بەلسەنە ىلگەرىلەتتى
ايىر (جاناما اتى) بالالار سال اۋرۋىنا شالدىققان، ۇيلەرى قۇتىبي اۋدانى تورعايتى قالاشىعىنىڭ قىزىلتاس قىستاعىندا. 2019 - جىلى 9 - ايدا ول قالاشىقتاعى باستاۋىش مەكتەپتە كلاسقا ىلەسىپ وقيدى. ۇيلەرى مەكتەپتەن الىس بولعاندىقتان، مەكتەپ ايىردى مەكتەپتە جاتىپ وقۋعا ورنالاستىرادى، سونىمەن بىرگە اناسىنا تەگىن جاتاقحانا ورنالاستىرىپ، وعان قارايلاسۋىنا مۇمكىندىك جاسايدى.
”بالامنىڭ جاتاق، تاماعى بۇكىلدەي تەگىن، ۇكىمەت تاعى قوسىمشا قاراجات بەرەدى. مۇعالىمىنىڭ قامقورلىق جاساپ، كومەكتەسۋىندە، بالا جىلدام العا باستى، كۇلكىسى دە كوبەيە ءتۇستى بۇرىنعىدان“، - دەدى وزگەرىسىن تىلگە تيەك ەتكەن، ايىردىڭ اناسى العىس تولى سەزىممەن.
مۇگەدەك بالالاردىڭ، ورەندەردىڭ كلاسقا ىلەسىپ وقۋىن بەلسەنە ىلگەرىلەتۋ ءۇشىن، رايونىمىز توعىسپالى وقۋ - اعارتۋ ۇستانىمىن جەتەكشى ەتۋگە تاباندى بولىپ، ادەتتەگى مەكتەپتەر مەن ەرەكشە مەكتەپتەردىڭ وقىتۋ بايلىعىن ءبىر تۇتاس جوسپارلاپ، ادەتتەگى مەكتەپتەردەگى كلاسقا ىلەسىپ وقۋدى نەگىزگى تۇلعا ەتكەن، ەرەكشە وقۋ - اعارتۋ مەكتەپتەرىندە وقۋدى تىرەك ەتكەن، ۇيىنە بارىپ وقىتۋ مەن قاشىقتان وقىتۋدى تولىقتاما ەتكەن ەرەكشە وقۋ - اعارتۋمەن قامتاماسىزداندىرۋ جۇيەسىن ورناتتى. تۇتاس شينجياڭداعى ءارقايسى مەكتەپتەر جەڭىل مۇگەدەك وقۋشىلارعا كلاسقا ىلەستىرە وقىتىپ، ءجۇرىپ - تۇرۋى قولايسىز مۇگەدەك بالالاردى ۇيىنە بارىپ وقىتىپ، كەدەي وتباسىلارىنداعى مۇگەدەك وقۋشىلارعا كومەك قاراجات بەردى. قازىر تۇتاس رايوندا كلاسقا ىلەسىپ وقيتىن وقۋشى 18 مىڭ 645، ۇيىنە بارىپ وقىتىلاتىن وقۋشى 3579.
اۆتونوميالى رايوندىق وقۋ - اعارتۋ مەڭگەرمەسى نەگىزدىك وقۋ - اعارتۋ 2 - باسقارماسىنىڭ باستىعى شياۋ جىگاڭ مىنانى ءبىلدىردى: ”14 - بەسجىلدىق“ مەزگىلىندە اۆتونوميالى رايون مەملەكەتتىڭ تالابى بويىنشا، لايىقتى تۇردە توعىستىرۋدى نىسانا ەتىپ، ەرەكشە وقۋ - اعارتۋدى ۇزدىكسىز ويداعىداي جۇرگىزىپ، 3 - مەرزىمدىك ەرەكشە وقۋ - اعارتۋ دەڭگەيىن كوتەرۋ جوسپارىن اتقارۋعا ۇيىمداستىرىپ، ءار دارەجەلى، ءار ءتۇرلى ەرەكشە وقۋ - اعارتۋدىڭ سايكەستى دامۋىن زور كۇشپەن ىلگەرىلەتەدى.
