ما چين:
بۇقارانىڭ ءىسىن ءوز ىسىندەي ىستەدى
انار بۇلت/شينجياڭ گازەتىنىڭ ءتىلشىسى سۇڭ ۋيگو
”بۇگىن قىستاق كادرلارى مەن قىستاقتا تۇراتىن قىزمەت اترەتىنىڭ مۇشەلەرى حىسۋان تەكسەرتەدى، كوپشىلىك ءدال ۋاعىندا قاتىناسىڭىزدار“. 3 - ايدىڭ 19 - كۇنى تاڭ اتىسىمەن ما چين ۋيچات توبىندا سول كۇنگى ءبىرىنشى ينفورماتسيانى تاراتتى.
شىحاۋچۇي قىستاعىنىڭ تۇرعىندارى اراسىندا ”قيىنشىلىعىڭ بولسا، ما چيندى ىزدە“ دەگەن ءسوز تارالعان. ما چين يانچي حۇيزۋ اۆتونوميالى اۋدانى بەيداچۇي اۋىلى شىحاۋچۇي قىستاعى پارتيا ياچەيكاسىنىڭ مۇشەسى، وداق ياچەيكاسىنىڭ شۋجيى، 2017 - جىلى مىندەت وتەگەننەن باستاپ، ول باستان - اياق بۇقارانى كوكەيىندە ساقتادى.
2020 - جىلدىڭ باسىندا ىندەت تۋىلعان كەزدە، شىحاۋچۇي قىستاعىنداعى تاۋىق باعۋشىلاردا كوپ بولعاندا 4000 − 5000 تاۋىق بار ەدى، از بولعاندا دا نەشە ءجۇزى بار بولاتىن، تاۋىق جەمى جەتكىزىلمەي، جۇمىرتقا سىرتقا شىعارىلماي، ولار قاتتى ابىرجىعان ەدى.
ما چين مۇنى كورىپ، ىشتەي ابىرجىدى، امالىن تاۋىپ شەشۋ كەرەك قوي! ما چين الدىمەن كورشىلەس بىرنەشە قىستاققا حابارلاسىپ، جۇمىرتقا ساتىپ الاتىن قىستاق تۇرعىندارىن بىردەن تىزىمدەپ، ءبىر ءبولىم باعىمشى وتباسىلارى ساقتاعان جۇمىرتقانى ساتىستى. تاعى وسى اۋدانداعى زاتتىق ماتەريالداردى قامداۋ مەن قامتاماسىز ەتەتىن قوسىمشا ازىق - تۇلىك دۇكەنىمەن بايلانىس جاساپ، جۇمىرتقانى دۇكەنگە اپارىپ ساتتى، سونىمەن بىرگە اۋىلدىق ۇكىمەت اسحاناسى جانە ماڭايداعى بىرنەشە قىستاقتىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىمەن حابارلاسىپ، قالعان جۇمىرتقانى ساتۋ جولىن تاپتى.
ىندەتتەن ساقتانۋ - تىزگىندەۋ كەزىندە، جۇمىرتقا، كوكونىس، سيىر ءسۇتى... قىستاقتا ساتىلماي تۇرعان اۋىل شارۋاشىلىق قوسىمشا ونىمدەرىنىڭ بارىنە ما چين دەر كەزىندە ساتۋ جولىن قاراستىرىپ، قىستاق تۇرعىندارىنىڭ ساتۋ قيىن بولۋ ماسەلەسىن شەشتى، ساتىلعان ءار ءتۇرلى اۋىل شارۋاشىلىق قوسىمشا ونىمدەرىنىڭ جالپى قۇنى ءبىر ميلليون يۋانعا تايادى.
ما چين تاعى 26 قىستاق تۇرعىنىن باستاپ ەرىكتى قىزمەت وتەۋ اترەتىن قۇرىپ، قىستاق تۇرعىندارىنىڭ، مال جەمدەۋ سياقتى جاقتارداعى قيىنشىلىقتارىن شەشۋىنە كومەكتەستى.
”ءبىر ءتاۋىرى ما چين بار، ايتپەسە قايتەرىمدى بىلمەي قالعان ەدىم“، - دەدى 80 جاستاعى قىستاق تۇرعىنى حان يۇيحۋا. 2020 - جىلى 7 - ايدا حان يۇيحۋانىڭ ۇلى، نەمەرەسى تۇگەلدەي مەديتسينالىق باقىلاۋدى قابىلداپ، ۇيىندەگى 20 نەشە قويىنا جەم بەرىلمەي قالعاندا، جاسى ەگدەلەگەن حان يۇيحۋا امالسىز ما چيننەن كومەك سۇرادى. ما چين تەلەفون العاننان كەيىن، دەرەۋ ەرىكتى قىزمەت وتەۋ اترەتىن ۇيىمداستىرىپ، دەمالىس ۋاقىتىنان پايدالانىپ ءشوپ ورىپ، جەم تالقانداپ، قويعا جەم بەردى. كەيىن، قاتتى اسەرلەنگەن حان يۇيحۋا ارنايى قىستاق تۇرعىندار كوميتەتىنە كەلىپ ما چينگە العىس ايتتى.
2020 - جىلى ما چين باستاعان ەرىكتى قىزمەت وتەۋ اترەتى بۇقارانىڭ جيىنى 1263 قيىنشىلىعىن، تالاپ - تىلەكتەرىن شەشىم ەتتى. قازىر ول تۋرالى ءسوز بولسا، قىستاق تۇرعىندارىنىڭ ءبارى القاپ، ونى جان اشىرى سانايدى.
ما چيننىڭ بار ىنتا - پەيىلىمەن قىستاق تۇرعىندارىنا قىزمەت وتەۋىن ۇيىندەگىلەرىنىڭ تۇسىنۋىنەن، قولداۋىنان بولە قاراۋعا بولمايدى. ىندەت ەندى تۋىلعان كەزدە، ما چين قاربالاس قىزمەتىن باستاپ كەتتى. قايىن اتاسى وعان: ”بالام، سەن كوممۋنيستىك پارتيا مۇشەسىسىڭ ءارى قىستاق كادرىسىڭ، وسىنداي كەزدە ءبىرىنشى شەپتە اتويلاپ ءجۇرۋىڭ كەرەك، ۇيدەن الاڭداما، قىزمەتىڭدى جاقسى ىستە!“دەدى.
”مەن ەندى عانا شىحاۋچۇي قىستاعىنا كەلىن بولىپ تۇسكەندە، كورشىمىز چاڭ جينلين پارتيا مۇشەسى بولاتىن، ول ءىس جۇزىندىك ارەكەتى ارقىلى ماعان كوممۋنيستىك پارتيا مۇشەسىنىڭ بۇكىل ىنتا - پەيىلىمەن حالىق ءۇشىن قىزمەت ىستەۋى كەرەكتىگىن، بۇقارانىڭ ۇلكەن - كىشى ىستەرىن ءوز ىسىندەي ىستەۋى كەرەكتىگىن ايتتى“، - دەدى ما چين.
چاڭ جينليننىڭ ىقپالىندا، 2017 - جىلى 9 - ايدا ما چين داڭقپەن پارتياعا مۇشە بولدى. ”مەن كوممۋنيستىك پارتيا مۇشەلەرىنىڭ اۋەلگى ماقساتىن ماڭگى ساقتاپ، بۇقارانىڭ ءتىپتى دە كوپ قيىن ماسەلەلەرىن شەشەمىن“، - دەدى ما چين.
