قاراقاش اۋدانىنداعى ماقتا تەرۋشى ابىليتىپ عۇجالىم
تاياۋدا مەن ينتەرنەتتەن ءىشىنارا شەتەل كاسىپورىندارىنىڭ ءبىزدىڭ شينجياڭدى داتتاپ، ءبىزدىڭ ماقتامىزدى شەكتەپ، ءبىزدىڭ شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەگەندىگىن كوردىم، بۇل ناعىز اق پەن قارانى شاتاستىرعاندىق، اۋزىنا كەلگەنىن كوكىگەندىك.
2015 - جىلدان باستاپ مەن اقسۋعا بارىپ 3 رەت ماقتا تەردىم. 2019 - جىلى ايەلىم ەكەۋىمىز اقسۋعا بىرگە بارىپ ماقتا تەردىك، بىزبەن بىرگە حىناننان، گانسۋدان كەلگەن حانزۋ اپايلار دا ماقتا تەردى، ءبىز وتە كوڭىلدى بىرگە وتتىك. دەمالعان كەزدەردە شۇيىركەلەسىپ اڭگىمەلەسەمىز، كەيدە ءبي بيلەيمىز. قوشتاسار ساتتە كوپشىلىك ءبىرىن - ءبىرى قيمادى. 2 ايعا جەتپەيتىن ۋاقىتتا ايەلىم ەكەۋىمىز 20 مىڭ يۋاننان استام اقشا تاپتىق.
ۇيگە قايتقان سوڭ مەن ماقتا تەرىپ تاپقان اقشامەن جەر قازۋ ماشيناسىن جۇرگىزۋ كۋرسىنا قاتىناستىم. قۇلشىنۋىمنىڭ ارقاسىندا كولىك جۇرگىزۋ كۋالىگىن الدىم. قازىر حوتاندا جەر قازۋ ماشيناسىن جۇرگىزىپ، ايىنا 8000 يۋان اينالاسىندا كىرىس كىرگىزەمىن. وسى بىرنەشە جىلدا وتباسىمىزعا جاڭا ءۇي سالدىق، جەڭىل اۆتوكولىك ساتىپ الدىق، تۇرمىسىمىز بارعان سايىن جاقساردى.
ءبىزدىڭ شينجياڭدا ەشقاشان دا ايتىلمىس ”زورلىقپەن ەڭبەككە سالۋ“ ماسەلەسى بولعان ەمەس، ءار ۇلت بۇقاراسى قاجىرلى ەڭبەكتەرىنىڭ ارقاسىندا باقىتتى تۇرمىس كەشىرۋدە، سەندەر اق ماقتانى قارا نيەتتەرىڭمەن داتتاماڭدار!
