رايونىمىزداعى ءار دارەجەلى كوممۋنيستىك جاستار وداعى ۇيىمدارى پارتيا تاريحىن ۇيرەنۋ تاربيەسىمەن ۇشتاستىرىپ 4 - مامىر جاستار مەرەكەسى قيمىلدارىن ورىستەتتى
قىزىل گەندى، توڭكەرىس الاۋىن ۇرپاقتان - ۇرپاققا جالعاستىرامىز
انار بۇلت / شينجياڭ گازەتىنىڭ ءتىلشىسى لياڭ ليحۋا 5 - ايدىڭ 3 - كۇنى ۇرىمجىدەن حابارلايدى. قىزىل ءداستۇردى اسقاقتاتىپ، قىزىل گەندى جالعاستىردى. 4 - مامىر جاستار مەرەكەسى قارساڭىندا، رايونىمىزداعى ءار دارەجەلى كوممۋنيستىك جاستار وداعى ۇيىمدارى پارتيا تاريحىن ۇيرەنۋ تاربيەسىمەن ۇشتاستىرىپ، ءتۇرلى فورماداعى قيمىلداردى بەلسەندىلىكپەن ورىستەتىپ، قالىڭ وداق مۇشەسى جاستاردى پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ سۇيىسپەنشىلىگىن تەرەڭدەتىپ، كوممۋنيستەردىڭ رۋحاني قان تامىرىن جالعاستىرۋعا جەتەكتەدى.
ءبىر مەزگىلدەن بەرى اۆتونوميالى رايوندىق كوممۋنيستىك جاستار وداعى كوميتەتى ”شي جينپيڭ مەن جاس دوستار“ نەگىزگى تاقىرىپتىق جاستار وداعى كۇنى قيمىلىن ورىستەتۋ ارقىلى جاستار مەن ورەندەردى باس شۋجي شي جينپيڭنىڭ چيڭحۋا داشۋەسىندە قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن ۇيرەنىپ، باس شۋجي شي جينپيڭنىڭ جاستارعا ايتقان سالەمىن قايتا ەسكە تۇسىرۋگە ۇيىمداستىردى. سونىمەن بىرگە اۆتونوميالى رايوندىق كوممۋنيستىك جاستار وداعى كوميتەتى ”مەن جاستار ءۇشىن ءىس ىستەيمىن“ امالياتتىق قيمىلىن ارقاۋ ەتە وتىرىپ، ”وداق . ۇيىستىرۋ“ جاستاردىڭ بىرلەسكەن دوستىق جەلىلەس قيمىلدارىن ورىستەتتى، ”وزگەشە جاستىق كوكتەم . شينجياڭ جاستار تۇتىنۋ اپتالىعى“ قيمىلىن ورىستەتتى.
5 - ايدىڭ 2 - كۇنىنەن باستاپ بۇراتالا موڭعۇل اۆتونوميالى وبلىستىق كوممۋنيستىك جاستار وداعى كوميتەتى جاستار وداعى مۇشەلەرىن 4 - مامىر جەلىلەس قيمىلدارىن ورىستەتۋگە ۇيىمداستىرىپ، جاستار مەن ورەندەردىڭ ”شاعىن تىلەگىن“ جيناپ، قيىنشىلىعى بار 400 جاس پەن ورەننىڭ ارمانىن جۇزەگە اسىرۋعا كومەكتەسەتىن ”جاستىق كوكتەمدە ارماندى جۇزەگە اسىرۋ شاعىن تىلەگى“ قيمىلىن جولعا قويىپ، ولارعا پارتيا مەن ۇكىمەتتىڭ قامقورلىعىن، مەيىرىن شىنايى سەزىندىرىپ، پارتياعا دەگەن قاراپايىم قالتقىسىز سۇيىسپەنشىلىكتەرىن ىشكەرىلەي قۇنارلاندىرىپ، پارتيانىڭ سوزىنە قۇلاق استى، پارتياعا العىس ايتتى، پارتياعا ىلەستى، سونىمەن بىرگە جاستاردىڭ پارتيا تاريحىن ۇيرەنۋى جانە ”وداق . ۇيىستىرۋ“ بىرلەسكەن دوستىق قيمىلى، ۇزدىك جاستار وداعى مۇشەلەرى ۋاكىلدەرىنىڭ اڭگىمە ءماجىلىسى سياقتىلاردى ورىستەتتى.
”مەن ءوز ەركىممەن جۇڭگو كوممۋنيستىك جاستار وداعىنا مۇشە بولامىن، جۇڭگو كوممۋنيستىك پارتياسىنىڭ باسشىلىعىن باتىل قولدايمىن...“، 4 - ايدىڭ 30 - كۇنى ءبىر رەتكى جاستار وداعىنا شوعىرلى مۇشە بولۋ سالتى بايىنعولين موڭعۇل اۆتونوميالى وبلىسىنىڭ 3 - ورتا مەكتەبىندە وتكىزىلدى، جاستار وداعىنا جاڭادان مۇشە بولعاندار وڭ جۇدىرىقتارىن ءتۇيىپ، ايبىنمەن سەرت بەرىپ، وزدەرىنىڭ كوممۋنيزم ىستەرى جولىندا كۇرەس جاسايتىن سەنىمدەرى مەن بەكىمدەرىن ءبىلدىردى. بايىنعولين وبلىسىنداعى ءار دارەجەلى جاستار وداعى كوميتەتتەرى 2060 جاستار وداعى جاڭا مۇشەسىن جاستار وداعىنا مۇشە بولۋ سالتىنا شوعىرلى قاتىناسۋعا ۇيىمداستىرىپ، جاستار وداعى مۇشەلەرىنىڭ جاۋاپكەرشىلىك تانىمىن كۇشەيتىپ، جاستار وداعى ۇيىمىنىڭ ۇيىستىرۋ كۇشى مەن سەنترگە تارتۋ كۇشىن جوعارىلاتتى.
4 - مامىر قارساڭىندا ءپايزاۋات اۋداندىق جاستار وداعى كوميتەتى مەكتەپتەگى جاستار وداعى مۇشەلەرىن ۇيىمداستىرىپ، لەكسيا سويلەۋ جارىسى، ولەڭ وقۋ فورمالارىمەن ”پارتياعا جۇرەك ءسوزىمدى ايتامىن“ جەلىلەس نەگىزگى تاقىرىپتىق قيمىلدارىن ورىستەتتى. جاستار وداعىنىڭ مۇشەلەرى پارتيا تاريحى حيكايالارىن، ماڭايىنداعى تيپتەر جانە اۋىل - قىستاقتىڭ وزگەرىسىن توڭىرەكتەي وتىرىپ، قىزىل توڭكەرىس، ۇلتتار ىنتىماعى، كەدەيلىكتەن ارىلتۋدان قامال الۋ سياقتى اڭگىمەلەردى بايانداپ، پارتيا پەن وتانعا دەگەن قىزۋ سۇيىسپەنشىلىكتەرىن ءبىلدىرىپ، جاڭا داۋىردەگى جاڭا جاستاردىڭ بەرىك مۇرات - سەنىمى مەن ءورىس اشا ىلگەرىلەيتىن رۋحاني بەت - بەينەسىن ايگىلەدى.
”ورەندەردىڭ اقىل - پاراساتى وسسە، ەلدىڭ اقىل - پاراساتى وسەدى، ورەندەر بايىسا، ەل باييدى، ورەندەر قۇدىرەتتەنسە، ەل قۇدىرەتتەنەدى...“، 4 - ايدىڭ 29 - كۇنى لوپنۇر اۋدانى تىلەكتەستىك الاڭىندا لوپنۇر اۋدانى 1 - ورتا مەكتەبىندەگى جاستار وداعى مۇشەلەرى «ورەندەردىڭ جۇڭگو ءۇنىن» بىركەلكى ۇنمەن وقىدى، اسقاقتاعان، تەبىندى، سەزىم تاسقىنداعان دەكلاماتسيا ءۇنى مەن ءبي «فاڭحۋا» كورىكتى كورىنىس جەلىسىن قالىپتاستىردى. وسى رەتكى دەكلاماتسيا وقۋ، كۋايشان قيمىلى ”جاستىق كوكتەمدە پارتيامەن تىلەكتەس بولىپ، جاڭا داۋىردە ەكپىندەي ىلگەرىلەيىك“ 4 - مامىر جەلىلەس قيمىلدارىنىڭ ءبىرى، جاس وقۋشىلاردى 4 - مامىر رۋحىن ءتۇسىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جاستىق ورال، كۇش - قۋاتتارىن قوسۋعا جەتەكتەدى.
