تيانشان تورى
تيانشان تورى   ›   جاڭالىقتار   ›   ءۇرىمجى

كوڭىل قويا قىزمەت وتەپ، ساياحاتشىلاردىڭ ساپارعا شىعۋىنا اناعۇرلىم تاماشا جاعداي جاسادى

− ءۇرىمجى ۆوكزالىنىڭ ەرەكشە الەۋمەتتىك قىزمەت وتەۋىنەن ەستەلىك

انار بۇلت / شينجياڭ گازەتىنىڭ ءتىلشىسى لۋ فىڭباۋ

  4 - ايدىڭ 30 - كۇنى تۇستەن بۇرىن ءۇرىمجى ۆوكزالىندا پويەزبەن ساپارعا شىعاتىن ساياحاتشىلاردىڭ قاتارى كورنەكتى مولايىپ، قىزمەتكەرلەر جۇمىس ورىندارىندا قاربالاس جۇمىس ىستەپ ءجۇر.

  ”شىلدىر - شىلدىر“، ءۇرىمجى ۆوكزالى ”جىبەك جولى مەرۋەرتى“ قىزمەت وتەۋ تۇعىرىنداعى جولاۋشى جۇرگىزۋشى جاڭ ۋىنجيڭ تەلەفوندى الىپ، ”جارايدى، ەستەلىككە الدىم، سىزگە ءبىر ساعات بۇرىن حابارلاسامىن، سول كەزدە ءسىزدى ۆوكزالعا الىپ كىرۋگە قىزمەتكەر ورنالاستىرامىن“، - دەدى.

  بۇل ءبىر مۇگەدەك ساياحاتشى شالعان الدىن الا كەلىسۋ تەلەفونى ەدى، جاڭ ۋىنجيڭ ساياحاتشىنىڭ ينفورماتسياسىن ەگجەي - تەگجەيلى ەستەلىككە الدى، ساياحاتشى ۆوكزالعا كىرگەن زامان قىزمەتكەر وعان ءتۇيىندى قىزمەت وتەيدى.

  ”جىبەك جولى مەرۋەرتى“ قىزمەت وتەۋ تۇعىرىندا الدىن الا كەلىسۋ تەلەفونى ورنالاستىرىلعان، قارت، ءسابي، ناۋقاس، مۇگەدەك، جۇكتى ايەل سياقتى ءتۇيىندى ساياحاتشىلاردىڭ تەلەفون شالىپ الدىن الا كەلىسۋىنە بولادى، قىزمەتكەرلەر تىزىمگە العاننان كەيىن، ساياحاتشىلاردىڭ ءىس جۇزىندىك جاعدايىنا نەگىزدەلىپ، سايكەستى قىزمەت وتەيدى.

  ءۇرىمجى ۆوكزالىندا الدىن الا كەلىسۋ قىزمەت وتەۋىنەن سىرت، ءتۇيىندى ساياحاتشىلارعا قىزمەت وتەۋ قۇرىلعىلارى مەن كورىنىستەرىن كەز كەلگەن ۋاقىتتا كورۋگە بولادى.

  سولتۇستىك الاڭداعى ۆوكزالعا كىرەتىن ەسىكتە ءتۇيىندى ساياحاتشىلار وتكەلى جانە قارتتاردىڭ، سونداي - اق ينتەرنەتتەن پايدالانۋدى بىلمەيتىندەردىڭ ۆوكزالعا كىرۋ وتكەلى قۇرىلعان. 77 جاستاعى ساياحاتشى ساي ديڭۋي ۆوكزالعا كىرگەننەن كەيىن جان - جاعىنا جالتاقتاپ، باسقالاردان كەڭەس سۇراماقشى بولىپ تۇرعاندا، قىزمەتكەر ىرىقتى تۇردە ول كىسىنىڭ جانىنا بارىپ جاعداي سۇراستىرعاننان كەيىن، قارتتىڭ پويەز بەلەتىن ساتىپ الماقشى بولعانىن ءبىلىپ، ول كىسىنى بەلەت ساتۋ زالىنا باستاپ باردى.

  بەلەت ساتۋ زالىندا قارتتارعا جانە ينتەرنەتتەن پايدالانۋدى بىلمەيتىندەرگە قىزمەت وتەۋ تەرەزەلەرى ورناتىلعان، قارتتارعا بەلەت ساتىپ الۋ، سونداي - اق قايتارۋ، وزگەرتۋ، قول قويۋ قىزمەت وتەۋىمەن قامداپ، زەردەلىلەنگەن ءجۇرىس - تۇرىسقا سايكەسە المايتىن قارتتار سياقتى شوعىردىڭ بەلەت ساتىپ الۋىن قامتاماسىز ەتەدى.

  ”ەرەكشە وتكەلگە جاۋاپتى قىزمەتكەرلەر قارت ساياحاتشىلاردان بەلەت ساتىپ الاتىن - المايتىندىعىن ىرىقتى تۇردە سۇراستىرادى، بەلەت ساتىپ الماعان قارت ساياحاتشىلاردى بەلەت ساتۋ زالىنا باستاپ اپارىپ، قىزمەتكەرلەرگە ولاردىڭ بەلەت ساتىپ الۋىنا كومەكتەسۋگە تاپسىرادى؛ بەلەت ساتىپ العان، الايدا ءجۇرىس - تۇرىسى قولايسىز قارت ساياحاتشىلاردى ءتۇيىندى ساياحاتشىلارعا قىزمەت وتەۋ ارناۋلى اۋماعىنا باستاپ بارادى“، - دەدى ءۇرىمجى ۆوكزالى جولاۋشى تاسىمالى سەحىنىڭ مەڭگەرۋشىسى چۋ ميڭميڭ.

  80 جاستاعى حى چاڭچۇن قاريا ءتۇيىندى ساياحاتشىلار وتكەلى ارقىلى ۆوكزالعا كىرگەننەن كەيىن، قىزمەتكەر ول كىسىنى دەرەۋ ءتۇيىندى ساياحاتشىلارعا قىزمەت وتەۋ ارناۋلى اۋماعىنا باستاپ اپارىپ، ارناۋلى اۋماقتاعى جولاۋشى جۇرگىزۋشى ءالينۇر ءابدۇماجيت ول كىسىنىڭ بىلەگىنە جاسىل لەنتانى اقىرىن عانا بايلادى.

  ”جاسىل لەنتا“ قىزمەت وتەۋى ءۇرىمجى ۆوكزالى سىلۋميڭجۋىنىڭ قىزمەت وتەۋ ماركاسىنىڭ ەرەكشەلىككە يە قىزمەت وتەۋ شاراسى، قازىرگە دەيىن 5 جىل بولدى. ”قارت، ءسابي، ناۋقاس، مۇگەدەك، جۇكتى ايەل سياقتى ءتۇيىندى ساياحاتشىلاردى ’جاسىل لەنتا‘ قىزمەت وتەۋىمەن قامداپ، بەلەت ساتىپ الۋىنا، ۆوكزالعا كىرۋىنە جەتەكشىلىك ەتۋگە، كومەكتەسۋگە، پويەزعا شىعارىپ تاپسىرىپ الۋ - تاپسىرىپ بەرۋ جۇمىسىن بىتىرگەنگە دەيىن ارناۋلى ادامدى ورنالاستىرىپ، ساياحاتشىلاردىڭ كوزەۋلى جەرگە حاۋىپسىز جەتۋىنە كەپىلدىك ەتەمىز“، - دەدى چۋ ميڭميڭ.

  ءۇرىمجى ۆوكزالىندا ءاربىر بەلەت تەكسەرۋ اۋىزدارىندا بەلەتتى ادام تەكسەرەتىن وتكەلدەر بار، ءتۇيىندى ساياحاتشىلاردىڭ وسى وتكەل ارقىلى بەلەت تەكسەرتىپ، ۆوكزالعا كىرۋلەرىنە بولادى.

  ءالينۇر حى چاڭچۇندى دوڭگەلەكتى ارباسىمەن يتەرىپ ۆاگونعا كەلىپ، سۇيەپ ۆاگونعا الىپ كىرىپ، توسەگىنە وتىرعىزدى. سونان سوڭ ول پويەز باستىعىن ىزدەپ تاۋىپ، حى چاڭچۇننىڭ جاعدايىن ايتىپ، پويەز قىزمەتكەرلەرى ول كىسىگە ۇزدىكسىز قىزمەت وتەدى.

  ”وسى نەگىزدە قىزمەت وتەۋ ساپاسىن ۇزدىكسىز جوعارىلاتىپ، ساياحاتشىلاردىڭ ساپارىنىڭ ءتىپتى دە ءساتتى بولۋىنا مۇمكىندىك جاسايمىز“، - دەدى چۋ ميڭميڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.