جاڭا ءداۋىردىڭ كۇرەسكەرى بولىپ، جاستىق ورالدىڭ ساۋلەتتى كەلبەتىن ايگىلەدى

انار بۇلت / شينجياڭ گازەتىنىڭ ءتىلشىسى فان چيۇڭيان

　　كۇرەس − جاستىق ورالدىڭ ەڭ ساۋلەتتى كەلبەتى.

　　ساياحاتتىڭ قاۋىرت ماۋسىمى كەلىسىمەن، تاڭەرتەڭنەن كەشكە دەيىن اتپال ازامات ايدىنبەك ءابىلقايىر ينتەرنەتتە ساياحاتشىلاردىڭ تۇرار جاي تاپسىرىسىن قابىلداۋمەن قاربالاس بولدى. قوم ەركىن تايپا ساياجايىنىڭ وسى تيجاراتشىسى بىلاي دەدى: ”ءبىزدىڭ حالىقتىق تۇسەلحانامىزدىڭ كولەمى جىل سايىن كەڭەيۋدە، 10 نەشە بولمەلى ۇيدەن قازىرگى 60 نەشە بولمەلى ۇيگە كوبەيىپ، ’ينتەرنەتتە تانىمالى‘ حالىقتىق تۇسەلحاناعا اينالدى“.

　　وسى ساتتە شينجياڭ مەديتسينا داشۋەسىنە قاراستى 5 - شيپاحانا ساراپتاۋ ءبولىمىنىڭ ورىنباسار مەڭگەرۋشىسى گۇڭ حاييان جاس پارتيا مۇشەلەرىنەن ۇيىمداسقان حىسۋان تەكسەرۋ اترەتىن باستاپ ساراپتاۋ بولمەسىندە بەرىلە قىزمەت ىستەۋدە. ”مالىمەتتى دەر كەزىندە شىعارعاندا عانا كوپشىلىكتىڭ ءجۇرىس - تۇرىسى كەشەۋىلدەمەيدى“، - دەيدى ول.

　　1 - مامىر دەمالىسىندا 20 جاستاعى داشۋە وقۋشىسى چىڭ ياڭياڭ كىتاپحانادا كىتاپ وقىدى. ول بىلاي دەدى: ”جاڭا ءداۋىر ستۋدەنتتەرى رەتىندە، نىسانانى جۇزەگە اسىرۋعا ويداعىداي مىعىم دايىندالۋىمىز كەرەك“.

　　قازىرگى كەزدە شينجياڭنىڭ ءار سالا، ءار كاسىپتەرىندەگى جاستار جالىنداعان اسقاق سەزىممەن قاجىماي - تالماي كۇرەس جۇرگىزىپ، جاستىق ورالدىڭ ەڭ جارقىن ەرەكشەلىگىن ايگىلەۋدە.

جاۋاپكەرشىلىك ارقالاي الاتىن كۇرەسكەردەن بولامىز

　　5 - ايدىڭ 2 - كۇنى ءۇرىمجى ەلەكترمەن قامداۋ سەرىكتەستىگى ينفورماتسيا، حابارلاسۋ سەرىكتەستىگى حابارلاسۋ بويىنشا جۇمىس جۇرگىزۋدى تەكسەرۋ 2 - بانىندەگى ”90 - جىلداردىڭ تۇلەگى“ پارتيا مۇشەسى چي شينشۋە ءباز - باياعىسىنداي جۇمىس جۇرگىزۋدى باپتاۋدىڭ ءبىرىنشى شەبىندە قاربالاس بولىپ، حابارلاسۋ وپتيكالىق كابەل جەلىسىن سىناپ كوردى، حابارلاسۋ جابدىقتارىن تەكسەردى، كاسىپتىك زاپاس ارنانى تەكسەردى...

　　ەلەكتر قۋاتى سالاسىنىڭ ”جاڭا اسكەرى“ بولعانىمەن، چي شينشۋە جۇمىس ورنىنا العاش كەلگەندە - اق ىرىقتىلىقپەن ءتۇرلى ماڭىزدى مىندەتتەردى ارقالادى. ”مەملەكەت ەلەكتر تورىنىڭ ءبىرىنشى شەبىندەگى قىزمەتكەر رەتىندە، جۇمىس ورنىنان تاپجىلماي، سان وتباسىنىڭ شام جارىعىن قورعاۋ − ءبىزدىڭ وزگەرمەيتىن اۋەلگى ماقساتىمىز جانە جاۋاپكەرشىلىگىمىز“. چي شينشۋەنىڭ قاراۋىنشا، تەك كۇرەس جۇرگىزگەن جاستىق ورال عانا وكىنىشسىز بولادى، ءومىردىڭ ءمانىن ايگىلەۋگە بولادى، تەك جۇمىس ورنىندا جاۋاپكەرشىلىك ارقالاعاندا عانا ءداۋىر ءۇمىتىن اقتاۋعا بولادى.

　　1 - مامىر دەمالىسى كەزىندە، شينجياڭنىڭ جەر - جەرى ىركەس - تىركەس ساياحاتتىڭ قاۋىرت ماۋسىمىنا ءوتتى. تيانشان بوعدا كولى كورىنىس اۋماعىنا بارعاندا، بارلىق جەردەن قىزىل كۇرمە، قىزىل شاپكى كيگەن كورىنىس اۋماعى قىزمەتكەرلەرىن، ەرىكتىلەردى كورۋگە بولادى. ”ساياحاتشىلارعا جول نۇسقايمىن، كومەك كورسەتەمىن، ساياحاتشىلاردى ارالىق ساقتاۋعا ەسكەرتەمىن ... “، شاعىن ۇزاق دەمالىستاعى ساياحاتتىڭ قاۋىرت كەزىندەگى قامتاماسىز ەتۋدى، قىزمەت كورسەتۋدى ويداعىداي ىستەۋ ءۇشىن، 28 جاستاعى شينجياڭ بوعدا كولىن باسقارۋ كوميتەتى ۇگىت تاربيە، زاڭ - ءتۇزىم باسقارماسىنىڭ قىزمەتشىسى، ءتۇسىندىرۋشى لۋ يۇي گانسۋدەگى اۋىلىنا قايتىپ تۋىسشىلاۋ ورايىنان باز كەشىپ، جۇمىس ورنىندا تاپجىلماي ىستەدى.

　　لۋ يۇي بىلاي دەدى: ”جاستار جاۋاپكەرشىلىك ارقالاي ءبىلۋى، باتىلدىقپەن سىن - سايىستارعا سايلانۋى، كۇرەس جاساۋ بارىسىندا ءوزىنىڭ ءومىر قۇنىن اناعۇرلىم ويداعىداي ايگىلەۋى كەرەك“.

جاپپاي دوڭگەلەك داۋلەتتىلىككە ۇمتىلاتىن كۇرەسكەردەن بولامىز

　　تۇتاس شينجياڭدا جوعارىدان تومەنگە دەيىن ءبىر نيەتپەن دوڭگەلەك داۋلەتتىلىككە ۇمتىلعان ساتتە، جاستار ءتىپتى دە ەلەۋسىز قالدىرۋعا كەلمەيتىن كۇش - قۋات سانالادى.

　　5 - ايدىڭ 1 - كۇنى تاڭ اتىسىمەن، ”85 - جىلدىڭ تۇلەگى“ سانالاتىن ءۇشتۇرپان اۋداندىق پارتكوم كەڭسەسىنىڭ مەڭگەرۋشىسى، ارحيۆ مەكەمەسىنىڭ باستىعى ليۋ ۋي كەڭسەگە كەلدى، ول قىزمەتتەستەرىمەن بىرگە الدا وتكىزىلەتىن ءۇشتۇرپان اۋدانىنىڭ ”بيڭتۋان مەن جەرگىلىكتى ورىن توعىسۋ − پارتيا قۇرىلعاندىعىنىڭ 100 جىلدىعىن قۇتتىقتاۋ“ جانە 1 - مامىر اۋىل - قىستاق مادەنيەتى ساياحات مەرەكەسىنىڭ ەڭ سوڭعى دايىندىعىن ىستەدى.

　　الاڭ - ورىندى ورنالاستىرۋدان نومىرلەردىڭ سوڭعى جاتتىعۋىنا دەيىن، ءاربىر بۋىندى ليۋ ۋي ۇقىپتىلىقپەن ءبىر - بىرلەپ تۇراقتاندىردى. ”ءبىر جاس كادر رەتىندە، تەك باتىلدىقپەن جاۋاپكەرشىلىك ارقالاعاندا عانا قامال الىپ، قيىندىقتاردى جەڭۋگە بولادى. جاۋاپكەرشىلىك بولۋ، ۇلەس قوسۋعا پەيىل بولۋ، باتىلدىقپەن ىسكەرلىك كورسەتۋ كەرەك“، - دەدى ليۋ ۋي.

　　5 - ايدىڭ 2 - كۇنى جاڭاءشار اۋدانى توعىسپالى اقپارات قۇرالدارى ورتالىعىنىڭ باعچي اۋىلى وستەڭبويى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ۋ دۇڭسان قىستاق تۇرعىنى يميت سالەيدىڭ ۇيىنە كەلىپ، ونىڭ اۋلاعا كومىلگەن ءجۇزىم ساباقتارىن قازىپ الۋىنا ءارى ءجۇزىم سورەسىن قۇرۋىنا كومەكتەستى. تۇستەن كەيىن ۋ دۇڭسان تاعى كومپيۋتەر ارقىلى قىستاقتاعى قايتا كەدەيلەسۋدەن ساقتانۋدى باقىلاۋ - ولشەۋ ساندى مالىمەتتەرىن كوردى، حاۋىپ - قاتەردەن ساقتاندىرۋ دارابولشەگىن ءتۇيىندى تەكسەردى.

　　25 جاستاعى ۋ دۇڭساننىڭ قىستاققا كەلىپ قىزمەت ىستەگەنىنە ءبىر جىل بولدى، ول قىستاق تۇرعىندارىنىڭ كەدەيلىكتەن ارىلۋ بارىسىنا جانە قىستاق قورشاعان ورتاسىنىڭ، قىستاق تۇرعىندارى تۇرمىسىنىڭ وزگەرىسىنە كۋا بولدى. ول بىلاي دەدى: ”مەن قىستاقتا تۇرۋ قىزمەتىن كۇش جالعاپ ويداعىداي ىستەپ، ۋاقىتىم مەن زەيىن - زەردەمدى جاپپاي دوڭگەلەك داۋلەتتى قوعام ورناتۋعا جۇمسايمىن“.

قوردالانعان بىلىممەن جالىندى كۇرەسكەر بولامىز

　　باقىت اسپاننان تۇسپەيدى، ارمان وزدىگىنەن جۇزەگە اسپايدى، تابىس قاي - قاشان دا دايىندىعى بار ادامدارعا ءتان.

　　”1 - مامىر“ شاعىن ۇزاق دەمالىسى كەزىندە اقسۋ شەكارا باسقارۋ تارماق اترەتى اقشىڭ شەكارا ساقشى بولىمشەسىنىڭ حالىق ساقشىسى تايىرجان مۇحتار تۇسكى دەمالىس ۋاقىتىنان پايدالانىپ، كىتاپ وقۋ ۇيىنە كەلىپ ايگىلى شىعارمالاردى وقىپ، كلاسسيكالىق شىعارمالاردى ءتۇسىنىپ، كىتاپتان ءنار الىپ، وزىندىك ءبىلىم قورىن مولايتتى.

　　تايىرجان ۇنەمى قىزمەتتەستەرىنە بىلاي دەيدى: ”جاس كەزدە كوبىرەك كىتاپ وقۋ كەرەك. كىتاپ وقۋ ادامدى كەمەلدەندىرەدى، قىزمەتتە جانە تۇرمىستا ايقىن بەتالىس بولۋعا كومەكتەسەدى“. كىتاپتى كوپ وقىعاندا قىزمەت قابىلەتىنىڭ كورنەكتى جوعارىلايتىندىعىن ول ءوز باسىنان سەزىندى.

　　”سازداعى تىرنالار قيقۋلاسا، ءۇنى ءتورت توڭىرەككە تارايدى“، ”سازداعى تىرنالار تىراۋلاسا، داۋىسى اسپاندى جاڭعىرتادى“. 1 - مامىر دەمالىسى كەزىندە شينجياڭ ىلە شىفان داشۋەسى جۇڭگو ءتىل - ادەبيەتى شۋەيۋانىنىڭ وقۋشىسى يان فىڭحى ”جىرنامانى“ تاعى دا قۇنتتاي وقىپ، وقي وتىرىپ مۇقياتتىلىقپەن ىقشامداپ كوشىردى، ول وسى ەكى ءسوزدى كوشىرىپ، ءوزىن جىگەرلەندىرمەك.

　　يان فىڭحى كىتاپ وقۋعا اۋەس، مەكتەپ ءبىتىرۋ الدىندا تۇرعان ول بىلاي دەدى: ”ءبىز جاستار جاڭا كوتەرىلگەن كۇن سياقتىمىز، كۇش - قايراتىمىز تاسقىنداپ تۇرادى. تەك بىلىممەن وي - سانامىزدى قارۋلاندىرىپ، وي ءورىسىمىزدى كەڭەيتىپ جانە كۇش - قۋات توپتاعانىمىزدا، قاجىرلىلىقپەن ۇيرەنۋدى جاستىق ساپاردىڭ قوزعاۋشى كۇشىنە اينالدىرعانىمىزدا، شەبەرلىكتى ارتتىرۋدى جاستىق ورالدىڭ كۇش - قۋاتىنا اينالدىرعانىمىزدا عانا، ارمانعا قانات قاعۋ جولىندا توسقاۋىلداردى تالقانداپ، ەرلىكپەن العا تارتا بەرەتىن بولامىز.