تيانشان تورى   ›   جاڭالىقتار   ›   شينجياڭ حابارلارى

تاماشا تۇرمىسىمىزدى ەشكىم دە بۇلدىرە المايدى

قۇمىل قالالىق اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىنىڭ ورىنباسار مەڭگەرۋشىسى ماحمۇت سىمايىل

  پومپەو، جىڭ گو - ىن شينجياڭعا ساياتىن وسەك - اياڭ تاراتىپ، حالىقارالىق زاڭ مەن حالىقارالىق قارىم - قاتىناستىڭ نەگىزگى ولشەمىن اۋىر دارەجەدە اياققا تاپتادى، جۇڭگونىڭ ىشكى ىسىنە اۋىر دارەجەدە كيلىكتى، شينجياڭداعى ءار ۇلت حالقىنىڭ سەزىمىن اۋىر جارالادى. مۇنى مەن قاتاڭ ايىپتايمىن جانە باتىل قارسى تۇرامىن.

  مەن ديقان وتباسىندا دۇنيەگە كەلىپ، كىشكەنتايىمنان ءار ۇلت حالقىنىڭ اناردىڭ دانىندەي تىعىز ۇيىسقان دوستىق سۇيىسپەنشىلىگىن سەزىنىپ ءوستىم. 1993 - جىلى قىزمەتكە قاتىناسقاننان بەرى، مەن جانە ءار ۇلت قىزمەتتەستەرىم ءبىر - بىرىمىزدەن ۇيرەنىپ، ءبىر - بىرىمىزگە كومەكتەسىپ، جاراسىمدى، تاتۋ - ءتاتتى بولدىق، كوپشىلىك بىرگە تۋعان اعا - باۋىرداي، اپەكە - قارىنداستارداي ءبىر - بىرىمىزگە سۇيەنىش، ءبىر - بىرىمىزگە سەرىك بولىپ كەلدىك.

  شينجياڭدا، قاز - قاتار، رەتتى تۇرعىن ءۇي عيماراتتارى كوپتەپ بوي كوتەردى، ادامدار كەڭ دە جارىق، جىلى دا جايلى عيماراتتارعا كوشىپ كىردى؛ بۇگىنگى كۇندە بالىق، تاۋىق، قوي ەتتەرى كۇندەلىكتى تاماعىمىزعا اينالىپ، ءتۇرلى - تۇستەگى ءدامدى تاعامدار ساناپ تاۋىسقىسىز بولىپ، ادامدار تاماقتانۋعا بارعان سايىن ءمان بەرەتىن، ۇيگە جەتكىزىپ بەرەتىن تاعامدارعا ۇيدە جاتىپ زاكاز بەرە سالاتىن بولدى؛ ۇيعۇردىڭ مۇقامى، ءماشىرابى دۇنيە جۇزىلىك بەيزاتتىق مادەنيەت مۇرالارى تىزىمىنە ەنگىزىلىپ، شينجياڭنىڭ مادەنيەت - كوركەمونەرى بۇكىل مەملەكەتكە، دۇنيە جۇزىنە بەت الىپ، جاپپاي ماداقتاۋعا يە بولدى.

  وسەك - اياڭ شىندىقتىڭ ورنىن باسا المايدى، ادىلدىك ادامداردىڭ جۇرەگىندە. پومپەو، جىڭ گو - ىننىڭ وسەك - اياڭى، ساندىراقتارى شينجياڭداعى ءار ۇلت حالقىنىڭ تاماشا تۇرمىسىن مۇلدە بۇلدىرە المايدى، شينجياڭنىڭ دامۋ اياق الىسىنا دا مۇلدە بوگەت بولا المايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.