تيانشان تورى   ›   جاڭالىقتار   ›   وقۋ-اعارتۋ

4 - مامىر رۋحىن ۇزدىكسىز جالعاستىرىپ، ەكپىندەي ىلگەرىلەيتىن جاڭا جاستاردان بولۋعا ۇمتىلايىق

رايونىمىزدىڭ وقۋ - اعارتۋ جۇيەسى نەگىزگى تاقىرىپتىق جەلىلەس قيمىل ورىستەتتى

4 - مامىر رۋحىن ۇزدىكسىز جالعاستىرىپ، ەكپىندەي ىلگەرىلەيتىن جاڭا جاستاردان بولۋعا ۇمتىلايىق

  انار بۇلت/ شينجياڭ گازەتىنىڭ ءتىلشىسى جاۋ شييا 5 - ايدىڭ 4 - كۇنى ۇرىمجىدەن حابارلايدى. جاستىق شاقتا پارتياعا تالپىنامىز، پارتياعا تاباندىلىقپەن ىلەسەمىز. بىرنەشە كۇننەن بەرى رايونىمىزدىڭ وقۋ - اعارتۋ جۇيەسى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جانە ”جاستىق شاقتا پارتياعا تالپىنۋ . جاڭا ساپاردا شايقاس جاساۋ“ نەگىزگى تاقىرىپتىق جەلىلەس قيمىل ورىستەتىپ، ادەبيەت - كوركەمونەر ويىندارىن قويۋ، ۇگىت لەكسيا جاساۋ، كۋايشان وتكىزۋ سياقتى جاندى دا جالىندى فورمالارمەن 4 - مامىر وتانشىلدىق رۋحىن جالعاستىرىپ جانە ونى اسقاقتاتىپ، ”پارتيا تاريحىن ۇيرەنۋ، سەنىمدى كۇشەيتۋ، پارتياعا ىلەسۋ“ ۇيرەنۋ تاربيەسىن ىشكەرىلەي ىلگەرىلەتىپ، جاستاردى پارتيانىڭ مەيىرىن قاي - قاشان دا جادىندا ساقتاۋعا، ماڭگى پارتياعا ىلەسۋگە شابىتتاندىردى.

  شينجياڭ داشۋەسىندە قىزىل كينو كورمەسى، قىزىل مادەنيەت تاپقىرلىق جوبالاۋ جارىسى، ”ماركستى حۇڭحۋدا ويعا الۋ“ يدەيا - ساياسي ساباعىن وقىتۋ امالياتتىق قيمىلى جەتىستىكتەرى كورمەسى، ”جاستىق كوكتەمىمدى ارنايمىن“ اتىنداعى كولەمدى مەكتەپ اۋلاسىنداعى قىزىل ساحنالىق تەاتر قويۋ سياقتى باي مازمۇندى قيمىلدار جاستاردىڭ كەلبەتىن ايگىلەپ، پارتيانىڭ شۇعىلالى تاريحىن جىرلاپ، 4 - مامىر رۋحىن ۇزدىكسىز جالعاستىردى.

  شينجياڭ جاراتىلىستىق عىلىمدار شۋەيۋانىنىڭ وقىتۋشى - وقۋشىلارى جازعان ءان «كوكيار» ءىس جۇزىندىكپەن تىعىز جاناسقان، اۋەنى جاعىمدى بولىپ، كورەرمەندەردى تەرەڭ اسەرلەندىردى. جوعارى مەكتەپ وقۋشىسى تاڭ يۇيجۋ بىلاي دەدى: ”ءبىز كوكياردى انگە قوسىپ، ونان دا ماڭىزدىسى، توڭكەرىستىك اعا - بۋىنداردىڭ قىزىل جالاۋىن وتكىزىپ الىپ، قۇلشىنا ۇيرەنىپ، قاجىرلىلىقپەن ىزدەنىپ، جاستىق كوكتەمنىڭ جىگەرىمەن جۇڭگونىڭ جاستىق ورال جىرىن جازامىز“.

  قارامايلى قالاسى جايرانبۇلاق رايونى (قارامايلى جوعارى، جاڭا تەحنيكانى اشۋ رايونى) رايوندىق كوميتەتى وقۋ - اعارتۋ قىزمەتى كوميتەتى ”ۇمىتىلماس جىلداردى ەسكە الىپ، ءجۇز جىلدىق اۋەلگى ماقساتتان اينىماۋدى“ مىقتاپ ارقاۋ ەتىپ پارتيا تاريحىن ۇيرەنۋ تاربيەسىن جاڭالىق اشا ورىستەتىپ، جاس وقۋشىلاردى پارتيا تاريحىن ۇيرەنۋ بارىسىندا ەكپىندەي ىلگەرىلەيتىن كۇش - قۋات قابىلداۋعا تاربيەلەدى، جەتەلەدى. قارامايلى قالالىق 10 - ورتا مەكتەپتىڭ مەلودراماسى «4 - مامىر كوكتەمگى تاسقىندا» ساباقتاستار سومداعان جىگەرلى جاستاردىڭ وبرازى قالىڭ وقىتۋشى - وقۋشىلاردى سوعىس ءورتى جالىنداعان داۋىرگە باستاپ، جاس وقۋشىلاردىڭ كۇشتى وتانشىلدىق سۇيىسپەنشىلىگىن قاۋلاتتى. ”جاستىق ورالىمىزدى قاستەرلەپ، قۇلشىنا ۇيرەنىپ، قاجىرلىلىقپەن ىزدەنىپ، بولاشاقتا قوعامعا ەسە قوساتىن ءداۋىردىڭ جاڭا ادامدارىنان بولامىز“، - دەدى قويىلىمعا قاتىناسقان ورتالاۋ 2 - جىلدىقتىڭ وقۋشىسى ابدۇجەلەل اسەرلەنىپ.

  شينجياڭ شىفان داشۋەسىندە ”جاستىق ورالدا پارتياعا تالپىنىپ، جۇرەكتىلىكپەن ارمانعا قانات قاعايىق“ اتتى وقۋشىلاردىڭ وزات كوللەكتيۆتەرىنە جانە جەكەلەرگە جىلدىق سيلىق تاراتۋ سالتىندا «ارمانعا قانات قاققاندار»، «ءار ۇلت جاستارى پارتيامەن تىلەكتەس» سياقتى ويىن نومىرلەرى بىرىنەن - ءبىرى تارتىمدى بولىپ، وداق مۇشەسى اۆانگاردتارى، 4 - مامىر قىزىلتۋشىسى وداق ياچەيكاسى جانە تاڭداۋلى كوممۋنيستىك جاستار وداعى مۇشەلەرى جاڭا ءداۋىر وقۋشىلارىنىڭ جاستىق ورالىمەن، كۇرەسكەرلىكپەن جۇڭگونىڭ كوركەم بولاشاعىن جاراتاتىندىقتارىن تەرەڭ سۇيىسپەنشىلىكپەن جەتكىزدى.

  سانجى قالالىق وقۋ - اعارتۋ جۇيەسى تاقىرىپتىق كلاس جيىنىندا پارتيا تاريحىن ۇيرەنۋ، ساقا پارتيا مۇشەلەرىن ساباقحاناعا كەلىپ قىزىل حيكايالار ايتۋعا ۇسىنىس ەتىپ پارتيا تاريحىن ۇيرەنۋ، قىزىل ءىزدى باسىپ پارتيا تاريحىن ۇيرەنۋ، وداق ۇيىمىنا كىرگەن كەزدەگى سەرتىن ەسكە الىپ پارتيا تاريحىن ۇيرەنۋ سىندى تاقىرىپتىق قيمىلداردى ورىستەتۋ ارقىلى قىزىل تاريح ارقىلى جاستار مەن ورەندەردى ومىردەگى ءبىرىنشى تۇيمەسىن جاقسى تۇيمەلەۋگە جەتەكتەپ، سوتسياليستىك وزەكتى قۇن كوزقاراسىن ورناتىپ، مۇرات - سەنىمدەرىن بەكەمدەدى.

  قيمىل بارىسىندا قالىڭ جاس وقۋشىلار تۇس - تۇستان مىنانى ءبىلدىردى: پارتيانىڭ تاريحىن ۇمىتپاي، پارتيانىڭ تاپسىرماسىن ورىنداپ، جاستىق ورالىمىزدى وتانعا ارناپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ەسىمىزدە ساقتاپ، جاس بۋىندارعا ءتان جورىق جولىن ويداعىداي باسامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.