انار بۇلت / شينجياڭ گازەتىنىڭ ءتىلشىسى شى شين 5 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، تاياۋدا مەملەكەتتىك دامۋ جانە رەفورما كوميتەتى ورتالىقتىڭ مەجە ەسەبىنەن 500 ميلليون يۋان قارجى قوسىپ، رايونىمىزدىڭ اۋىل - قىستاق ەلەكتر تورىن بەكەمدەۋ، دەڭگەيىن جوعارىلاتۋ ينجەنەرياسىن قولداعان.
اۋىل - قىستاقتىڭ ەلەكتر قۋاتىن قامتاماسىز ەتۋ دەڭگەيىن جاپپاي بەكەمدەۋ، جوعارىلاتۋ، قالا، اۋىلداردى ەلەكترمەن قامداۋعا قىزمەت وتەۋدى بىركەلكىلەندىرۋ اياق الىسىن جەدەلدەتۋ، اۋىل - قىستاقتىڭ ەكونوميكاسىنىڭ، قوعامىنىڭ دامۋىن جانە اۋىل - قىستاقتى گۇلدەندىرۋ ستراتەگياسىنىڭ اتقارىلۋىن جەبەۋ ءۇشىن، مەملەكەتتىك دامۋ جانە رەفورما كوميتەتى تاياۋدا اۋىل - قىستاق ەلەكتر تورىن بەكەمدەۋ، دارەجەسىن جوعارىلاتۋ ينجەنەرياسىنا 2021 - جىلى ورتالىقتىڭ مەجە ەسەبىنەن قارجى قوسۋ جوسپارىن جەتكىزۋ جونىندەگى ۇقتىرۋىن تاراتىپ، رايونىمىزدىڭ 2021 - جىلعى اۋىل - قىستاق ەلەكتر تورىن بەكەمدەۋ، دارەجەسىن جوعارىلاتۋ ينجەنەرياسىنا قارجى قوسۋ جوسپارىنداعى ءبىر ميلليارد يۋاندى (ورتالىقتىڭ مەجە ەسەبىنەن قارجى قوسۋ جوسپارى بويىنشا 500 ميلليون يۋان، بانكەدەن قارىز الىنعان 500 ميلليون يۋان) ءتۇسىرىپ بەردى، بۇل 10 كيلوۆولتتىق جەلىدەن 632 كيلومەترىن، ەلەكتر بولەتىن كەرنەۋ وزگەرتكىشتەن 713 داناسىن، تومەن كەرنەۋلى جەلىدەن 972 كيلومەترىن، وتباسى ەلەكتر ساعاتىنان 271 مىڭىن جاڭادان سالۋعا جانە وزگەرتىپ سالۋعا جۇمسالادى.
كەلەسى قادامدا اۆتونوميالى رايوندىق دامۋ جانە رەفورما كوميتەتى مەملەكەتتىڭ قاتىستى تالاپتارىن قاتاڭ تياناقتاندىرىپ، قارجى قوسۋ جوسپارىن ءبولىپ ناقتى نىساندارعا جەدەل تياناقتاندىرادى ءارى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ قارجى قوسۋ جوسپارىن قاتاڭ اتقارىپ، ينجەنەريانىڭ ۇيىمدىق اتقارىلۋىن ويداعىداي يگەرۋدى، نىسانداردى ورنالاستىرۋدى كۇشەيتۋدى قۋزاستىرىپ، نىساننىڭ ساپاسىنا، سانىنا كەپىلدىك ەتىپ، ۋاعىندا بىتىرۋگە شىنايى كەپىلدىك ەتىپ، اۋىل - قىستاق وڭىرلەرىن ەلەكترمەن قامداۋ سەنىمدىلىگىن اناعۇرلىم جوعارىلاتادى.
