تيانشان تورى   ›   جاڭالىقتار

جاڭا ءداۋىردىڭ ءتارتىپ تەكسەرۋ، باقىلاۋ - تەكسەرۋ ۇلگىسى بولۋعا قۇلشىنامىن

ءدىلمۇرات يمىت:

جاڭا ءداۋىردىڭ ءتارتىپ تەكسەرۋ، باقىلاۋ - تەكسەرۋ ۇلگىسى بولۋعا قۇلشىنامىن

انار بۇلت / شينجياڭ گازەتىنىڭ ءتىلشىسى لياڭ ليحۋا

  3 - ايدىڭ 22 - كۇنى ءتىلشى اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ 5 - باقىلاۋ - تەكسەرۋ كەڭسەسىنىڭ كادرى ءدىلمۇرات يمىتكە كەزدەستى، شۇعىل مىندەتتى ورىنداۋ ءۇشىن، الدىڭعى ءبىر كۇن ول ءتۇنى بويى كوز ىلمەپتى.

       ءدىلمۇراتتىڭ تىلشىگە ايتۋىنشا، قىزمەتنىڭ سيپاتى ەرەكشە بولعاندىقتان، ىلعي مىندەت كەلىسىمەن، ول جانە قىزمەتتەستەرى ۇيلەرىنە دە قاراي المايتىن كورىنەدى، ءبىر جىلدىڭ كوپ ساندى ۋاقىتتارىندا نە سىرتتا قۋزاۋ - جەتەكشىلىك ەتۋدە، تەكسەرۋدە، نە تاپجىلماي دەلو ىستەۋدىڭ ءبىرىنشى شەبىندە بولادى ەكەن.

  90 - جىلداردىڭ تۇلەگى ءدىلمۇرات ءوز قىزمەتىن قىزۋ سۇيەدى، ءوزىنىڭ جاستىق ورالىن وسى ىسكە ارناۋعا بەكىگەن.

  ساقشى مەكتەبىن بىتىرگەننەن كەيىن، ءدىلمۇرات قاشقار ايماقتىق قوعام حاۋىپسىزدىگى مەكەمەسىنە قابىلدانادى، بەينەسى كورنەكتى بولعاندىقتان، 2017 - جىلى اۆتونوميالى رايوندىق ءتارتىپ تەكسەرۋ كوميتەتىنە قىزمەت ىستەۋگە اۋىستىرىلادى. 4 جىلدىق قىزمەت كەشىرمەسى ءتارتىپ تەكسەرۋ كادرى جونىنەن ونشا ۇزاق ەمەس، ايتسە دە ول مول تاجىريبە جيناپ، دەلو ءبىتىرۋدىڭ مايتالمانىنا اينالدى.

  ءدىلمۇرات اۆتونوميالى رايوننىڭ بەلگىلى ورنىنداعى ءبىر مەڭگەرمە دارەجەلى كادرعا تەكتەۋ، تەكسەرۋ جۇرگىزگەن كەزدەگى كەشىرمەسىن الىگە دەيىن ۇمىتپايدى. باستابىندا تەكتەۋ وبيەكتىسى تەكتەۋگە، تەكسەرۋگە ءتىل قاتپاي قاسارىسىپ وتىرىپ الادى، ءدىلمۇرات پەن قىزمەتتەستەرى وعان ىشكەرىلەي، تىڭعىلىقتى يدەيالىق - ساياسي قىزمەت جۇرگىزەدى، ەڭ سوڭىندا ءبىرتالاي فاكت، ىسپات الدىندا، تەكتەۋ وبيەكتىسىنىڭ پسيحيكالىق قورعانىسى تالقاندالىپ، قىنجىلا وتىرىپ قىلمىسىن مويىندايدى.

  2020 - جىلى كوكتەم مەرەكەسىندە تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتىنە مەڭزەس، اۆتونوميالى رايوندىق پارتكومنىڭ ورنالاستىرۋى، جايعاستىرۋى بويىنشا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى شۇعىل كادر ۇيىمداستىرىپ، ءبىرىنشى شەپتىڭ ىندەتكە قارسى اتتانۋىن باقىلاۋعا جىبەرەدى.

  سول كەزدە ءدىلمۇراتتىڭ قارىنداسى ەندى عانا وپەراتسيادان شىعىپ، ۇيدە كۇتىنىپ جاتقاندىقتان، ءار كۇنى ونىڭ شيپاحاناعا ەرتىپ بارىپ، ءدارى اۋىستىرۋىنا تۋرا كەلەدى. حابارلاندىرۋدى العان سوڭ، ول قارىنداسىن تۋىسىنىڭ قاراۋىنا تاپسىرىپ، تاباندا قىزمەتكە كىرىسەدى.

  ”قولىمنان كەلەدى!“، بۇل ءدىلمۇراتتىڭ ۇنەمى اۋزىنان تاستامايتىن ءسوزى، شۇعىل مىندەتكە كەزدەسكەندە ول ىلعي تالاسا ىستەيدى.

  ىندەت كەزىندە ءدىلمۇرات 3 شوعىرلى مەديتسينالىق باقىلاۋ ءتۇيىنى مەن ءبىر اۋماقتىڭ باسقارۋ كوميتەتىنىڭ ىندەت جاعدايىن باقىلاۋ قىزمەتىنە جاۋاپتى بولادى، جاۋاپتى ورىنعا ءار كۇنى ون نەشە رەت بارىپ كەلەدى، تاماق ىشۋگە دە، دەمالۋعا دا مۇرساسى تيمەي قالادى، ءار كۇنى نەبارى 3 −4 ساعات قانا ۇيىقتاپ جۇرەدى.

  جورىققا قاسقايا قارسى اتتاندى، 120 نەشە كۇن جالعاستىردى، 4 ايماق - وبلىستى ارالادى، ءدىلمۇرات پەن قىزمەتتەستەرى 10 نەشە اۋدانعا، رايونعا، قالاعا باقىلاۋ - تەكسەرۋ جۇرگىزدى. ىندەتتەن ساقتانۋ - تىزگىندەۋدى باقىلاۋ بارىسىندا ءدىلمۇرات ىندەتتەن ساقتانۋ - تىزگىندەۋگە قاتىستى كومەسكى قاتەردەن جيىنى 60 نەشەسىن بايقادى ءارى دەر كەزىندە قاتىستى تاراۋلارعا، ورىندارعا رەتتەۋ - تۇزەتۋ پىكىرىن ايتتى.

  بيىل ءدىلمۇراتقا اۆتونوميالى رايوندىق تاڭداۋلى كوممۋنيستىك پارتيا مۇشەسى اتاعى بەرىلدى، ول بىلاي دەدى: پارتيا مۇشەسى رەتىندە، جاڭا ساپاردا، ءسوزسىز، پارتياعا شارتسىز ادال بولۋ سىندى داڭقتى ءداستۇردى ۇزدىكسىز جالعاستىرىپ، ادال، كىرشىكسىز جاۋاپكەرشىلىك ارقالايتىن، كۇرەس جاساۋعا باتىل، شەبەر بولعان جاڭا داۋىردەگى ءتارتىپ تەكسەرۋ، باقىلاۋ - تەكسەرۋ ۇلگىسى بولۋعا قۇلشىنامىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.