تيانشان تورى   ›   جاڭالىقتار   ›   ساياحات

جوعارى جىلدامدىقتى تاس جول سانجى وبلىسىنىڭ تۇتاس وڭىرلىك ساياحاتىنىڭ جاڭا قوزعاۋشى قۋاتىن قاۋلاتتى

انار بۇلت/ شينجياڭ گازەتىنىڭ تىلشىلەرى ليۋ شياڭ، ۋاڭ نا

  سۋ قۇستارى ماناس مەملەكەتتىك سازدىق باقشاسىندا قالىقتاي ۇشۋدا (5 - ايدىڭ 4 - كۇنى ۇشقىش اپپاراتپەن تۇسىرىلگەن).  انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  ليانيۇنگاڭ - قورعاس جوعارى جىلدامدىقتى تاس جولىن (G30) بويلاي ءجۇرىپ، 5 - ايدىڭ 4 - كۇنى ”جوعارى جىلدامدىقتى تاس جولدى بويلاپ، شينجياڭعا نازار سالۋ“ انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى سانجى قالاسىنا جەتتى.

  سانجى قالاسى ىرليۋگۇڭ قالاشىعىندا جاپ - جاسىل اعاشتارمەن كومكەرىلگەن، ورتاسى كوركەم دە تىپ - تىنىش ەلەۋسىز ءبىر اۋلا بار، شينجياڭ شينحۇي قىزىل ەستەلىكتەر مۇراجايى وسى اراعا جايعاسقان.

  1000 شارشى مەترلىك كورمە سارايىنا قىزىل ارميا ىستەتكەن قىلىش، ءشوپ جاڭبىرلىق، مادەنيەت قۇرالدارى سياقتىلار قويىلعان، ءبىر - بىرلەگەن قىزىل ساقتاما بۇيىمدار، ءبىر - بىرلەگەن كەسكىن ماتەريالدارى وسىندا ەكسكۋرسيالاۋعا كەلگەن ادامدارعا سوعىس ءورتى لاۋلاعان ۇمىتىلماس جىلداردى ەلەستەتەدى.

  شينجياڭ شينحۇي قىزىل ەستەلىكتەر مۇراجايى − سانجى حۇيزۋ اۆتونوميالى وبلىسىنداعى ماڭىزدى قىزىل ساياحات كورىنىس تۇيىندەرىنىڭ ءبىرى. 2013 - جىلى 8 - ايدا اشىلعاننان قازىرگە دەيىن ناقتى ورىندا ەكسكۋرسيالاۋ جانە تىكە تاراتۋدان كورۋ ءتاسىلى ارقىلى مۇراجايدى ەكسكۋرسيالاعان ادام (رەت) ءبىر ميلليونعا جەتتى.

  قىزىل ساياحاتقا ىشكەرىلەي كوز جىبەرۋ ارقىلى سانجى وبلىسىنىڭ ساياحات كاسىبىنىڭ قاۋىرت دامىعان تۇتاس بەينەسىن كورۋگە بولادى. سوڭعى جىلدارى سانجى وبلىسى ساياحات كاسىبىن ستراتەگيالىق تىرەكتى كاسىپ سالاسى رەتىندە تۇلعالاۋعا تاباندى بولىپ، ەرەكشە ساياحات بايلىعىنىڭ كومەسكى كۇشىن ۇزدىكسىز اشىپ، ”ساياحات بايلىعىنداعى ءىرى وبلىستان“ ”ساياحات ەكونوميكاسىنداعى مىعىم وبلىسقا“ بۇرىلىس جاساۋدى جەدەلدەتتى.

  ”قاتىناس - تاسىمال − ساياحات كاسىبى دامۋىنىڭ نەگىزگى تىرەگى جانە شەشۋشى شارتى. سانجى وبلىسىنىڭ ساياحات كاسىبىنىڭ قاۋىرت دامۋى قاتىناس قۇرىلىسىنىڭ پارمەندى قامتاماسىزدىعىنان ايرىلا المايدى“، - دەدى سانجى وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى جاڭ زىبين.

  سانجى وبلىسى بۇكىل شينجياڭداعى ماڭىزدى قاتىناس تورابى. 2000 - جىلى شينجياڭداعى ءبىرىنشى جوعارى جىلدامدىقتى تاس جول ءۇرىمجى - كۇيتۇن جوعارى جىلدامدىقتى تاس جولى (ليانيۇنگاڭ - قورعاس جوعارى جىلدامدىقتى تاس جولىنىڭ ماڭىزدى قۇرامداس بولىگى) سالىنىپ بولىپ، كولىك قاتىناپ، سانجى قالاسىن، قۇتىبي اۋدانىن، ماناس اۋدانىن، شىحىزى قالاسىن، ءۇرىمجى قالاسىن تۇتاستىردى. 2013 - جىلى سانجى وبلىسى بۇكىل شينجياڭدا ەڭ الدىمەن اۋدانداردىڭ بارىنە جوعارى جىلدامدىقتى تاس جول تۇتاستىرۋدى جۇزەگە اسىردى.

  جوعارى جىلدامدىقتى تاس جول سانجى وبلىسىنىڭ ساياحات كاسىبىنىڭ جىلدام دامۋىن جەبەدى. 2018 - جىلى سانجى وبلىسى ”ساياحات + قاتىناس“ توعىسپالى دامۋ جوباسىن جاساپ، ساياحات جولدارى قۇرىلىسىن ەڭ الدىمەن جۇرگىزدى. بۇل كۇندەرى جوعارى جىلدامدىقتى تاس جولدى نەگىزگى قاڭقا، مەملەكەت، ولكە باستى جەلىلەرىن كۇرە جول ەتىپ، شىعىستى، باتىستى، وڭتۇستىكتى، سولتۇستىكتى تۇتاستىرعان، بۇكىل وبلىستى شارپىعان ”التى ەندىك، ون بويلىق“ تاس جول تورى جۇيەسىن قالىپتاستىرىپ، بۇكىل وبلىستىڭ ساياحاتتىق دەمالىس اۋماقتارى، ساياحاتتىق كورىنىس وڭىرلەرى، كورىنىس تۇيىندەرى، اۋىل - قىستاق حالىقتىق تۇسەلحانالارى، ”ساياحات +“ ۇلگى كورسەتۋ تۇيىندەرى سياقتىلاردى تىعىز تۇتاستىردى.

  سانجى قالاسىنىڭ ليۋگۇڭ قالاشىعىنا ورنالاسقان دۋشى ساياحاتتىق كورىنىس اۋماعى − شينجياڭداعى ەڭ ەرتەدە اۋىل - قىستاق مادەنيەتىن، ساياحاتىن دامىتقان كاسىپورىنداردىڭ ءبىرى، تالاي جىلدىق دامۋ ارقىلى قازىر ەكولوگيا، ساياحات، مادەنيەت، كوڭىل اشۋ، كۇتىنۋ ءبىر تۇلعالاندىرىلعان ساياحاتتاۋ، كوڭىل اشۋ، دەمالۋ ورنىنا اينالدى.

  ”كەزىندە قاتىناس قولايسىز كەزدە جىلدىق ساياحاتشى قابىلداۋ نەبارى 20 − 30 مىڭ ادام - رەت قانا بولاتىن، سوڭعى جىلدارى 10 ەسەدەن استى“. دۋشى ساياحاتتىق كورىنىس اۋماعى كادرلار ءىسى، اكىمشىلىك ءبولىمىنىڭ باستىعى ما شياۋياننىڭ ايتۋىنشا، ءبىرىنشى ماۋسىمداعى جانە ”1 - مامىر“ دەمالىسىنداعى سانجى وبلىسى ساياحاتىنىڭ ۇزدىكسىز جاقسارۋ تاماشا جاعدايىنا قاراعاندا، مولشەرمەن بيىل كورىنىس اۋماعىنىڭ ساياحاتشى قابىلداۋى 350 مىڭ ادام - رەتتەن اسادى ەكەن.

  جوعارى جىلدامدىقتى تاس جول ساياحاتشىلاردىڭ ءجۇرىس - تۇرىسىنا قولايلىلىق اكەلۋمەن بىرگە، جەلى بويىنداعى كورىنىس اۋماقتارىن، حالىقتىق تۇسەلحانالاردى جانە قاتىستى كاسىپ سالالارىن دا جىلدام دامۋعا جەتەكتەدى. موري قازاق اۆتونوميالى اۋدانى يگەنبۇلاق اۋىلى يۋەلياڭدي قىستاعى كەزىندە تاۋ جىلعاسىنا ورنالاسقان شەتكەرى كەدەي قىستاق، سونداي - اق ءبىرشاما تولىق ساقتالعان ءداستۇرلى قىستاق بولاتىن. جوعارى جىلدامدىقتى تاس جولدىڭ سالىنۋى، سونداي - اق اۋىل - قىستاق جولدارىنىڭ جاقسارىپ، دەڭگەيىنىڭ جوعارىلاۋىمەن يۋەلياڭدي قىستاعى بىرتىندەپ الىس - جاقىنعا تانىلىپ، توپ - توپ ساياحاتشىلار اتاعىن ەستىپ كەلىپ، كورىكتى اۋىلعا ىنتىزارلىق شارۋالاردى بايىتۋدىڭ جاڭا باستاماسىنا اينالدى.

  يان شياڭبين − سول جەردەگى ءبىرىنشى توپتا باستاماشىلدىقپەن حالىقتىق تۇسەلحانا اشقان قىستاق تۇرعىندارىنىڭ ءبىرى، بىلتىر ىندەتتىڭ ىقپالىنا ۇشىراعانىمەن، ول ءباز - باياعىسىنداي ساياحاتقا سۇيەنىپ 100 مىڭ يۋاننان استام اقشا تاپتى.

  ”قاتىناس قولايلى، جول جاقسى بولىپ، كولىك تەز قاتىناسا، ساياحاتشى تابيعي تۇردە مولايادى. قازىر كوپتەگەن ادامدا اۆتوكولىك بار، بارام دەگەن جەرىنە ءوز كولىگىمەن ساياحاتتاپ بارۋ قيىن شارۋا ەمەس“. يان شياڭبيننىڭ ايتۋىنشا، 4 جىلدان استام ۋاقىتتا قىستاقتاعى حالىقتىق تۇسەلحانالاردىڭ سانى 3تەن 30 نەشەگە مولايىپتى.

  كۇن سايىن كەمەلدەنگەن قاتىناس جەلىلەرى ءوز كولىگىمەن ساياحاتتاۋ سياقتى ساياحاتتىڭ جاڭا كاسىپ كۇيىن، جاڭا ۇلگىسىن ۇزدىكسىز جارىققا شىعارىپ، ساياحات كاسىبىنىڭ دامۋىنا جاڭا ومىرشەڭدىك ۇستەدى. جاڭ زىبيننىڭ تانىستىرۋىنشا، قازىر سانجى وبلىسى قابىلدايتىن ءوز كولىگىمەن ساياحاتتايتىن ساياحاتشى سانى ساياحاتشىلار جالپى سانىنىڭ %80تەن استامىن يەلەيدى ەكەن.

  ەندىگى جەردە سانجى وبلىسى شار تاراپقا تۇتاسقان جوعارى جىلدامدىقتى قاتىناس جەلىسى ارقىلى ەكولوگيالىق مادەنيەتتى، حالىقتىق تۇسەلحانا مادەنيەتىن، قىزىل مادەنيەتتى بىرىكتىرىپ، مادەنيەت ساياحاتىنىڭ سارا ماركاسىن تۇلعالايدى. ”ءبىز 3 جىل ۋاقىت جۇمساپ، جالپى ۇزىندىعى 1260 كيلومەتر كەلەتىن تيانشان 1 - ءنومىرلى كورىنىس جولىن، 100 شاقىرىمدىق دانشيا كورىنىس جولىن، كاسي كونە سورابى كورىنىس جولىن، موري - ماناس قۇمدى ءشول كورىنىس جولىن تۇلعالايمىز“. جاڭ زىبيننىڭ ايتۋىنشا، سانجى وبلىسى ”ساياحات + قاتىناس“ ءتۇيىندى نىسانىنا سۇيەنىپ، 4 ساياحات كورىنىس جولىن سالۋ ورايىنان پايدالانىپ، ”تەز جەتىپ، اسىقپاي ساياحاتتاۋ“ سىندى قاتىناس، ساياحات جۇيەسىن قۇرىپ، سانجى وبلىسى ساياحات كاسىپ سالاسىنىڭ قارقىنىنىڭ ۇدەپ، دەڭگەيىنىڭ جوعارىلاۋىن جەدەلدەتەدى.

  ساپار ەستەلىگى

  جوعارى جىلدامدىقتى تاس جول ”كورىكتى ەكونوميكانى“ بايلانىستىردى

  5 - ايدىڭ 4 - كۇنى، سەيسەنبى، كۇن اشىق

  توڭكەرىستىك اڭگىمەلەردى ەسكە الىپ، ەكپىندەي ىلگەرىلەۋگە كۇش - قۋات الدى؛ تۇنىق سۋ، جاسىل تاۋدى ارالاپ، جايلى، قاراپايىم تۇرمىستى سەزىندى؛ اۋىل - قىستاقتاعى حالىقتىق تۇسەلحانالارعا تۇنەپ، تاڭەرتەڭ اتەشتىڭ شاقىرعان داۋىسىمەن وياندى... سانجىدا كوپ نەگىزدى كورىنىستەر ساياحاتشىلارعا مول ساياحات اسەرىن بەردى.

  جوعارى جىلدامدىقتى تاس جول سانجى وبلىسىنىڭ جاعراپيالىق، گۋمانيتارلىق، تابيعي كورىنىسىن تۇتاستىردى، كولىك كوركەم كارتينا قۇشاعىندا جۇرگەندەي بولىپ، بارلىق جەردەن كوركەم كورىنىس مەن مۇندالايدى؛ ونان دا ماڭىزدىسى، سانجى وبلىسىنىڭ تۇتاس وڭىرلىك ساياحاتىنىڭ دامۋىنا قان جۇگىرتىپ، ساياحات كاسىبىنىڭ جىلدام دامۋىن جەبەي ءتۇستى.

  ءبىر كاسىپ سان الۋان كاسىپتى كوركەيۋگە جەتەكتەيدى، ءبىر جاقتىڭ ەكونوميكاسى جاندانسا، سول جاقتىڭ بۇقاراسى باييدى. جول بويىنان بارعان سايىن كوپ ادامنىڭ ”ساياحاتتىڭ يگىلىگىن“ كورىپ، ”ساياحاتتىڭ تابىسىن“ تاپقاندىعىن كوردىك، ولار قاربالاس بولسا دا، جۇزدەرىنەن شاتتىق كۇلكىسى ەسەدى.

  جوعارى جىلدامدىقتى تاس جول ”كورىكتى ەكونوميكانى“ تۇتاستىرىپ، سانجى وبلىسىنىڭ تۇتاس وڭىرلىك ساياحاتىنىڭ جاڭا قوزعاۋشى قۋاتىن قاۋلاتۋدا. كوزىمىز كورگەندەي، جول جەلىلەرى ىركىلىسسىزدەنىپ، قالا - اۋىلدىڭ بەت - بەينەسى كۇن سايىن جاڭارىپ، جەر - جەردە ساياحاتتىڭ جاڭا ءتۇيىنى، جاڭا تاسىلدەرى تولاسسىز جارىققا شىعىپ، وسى ارادان وتكەن ءاربىر ساياحاتشى سانجى وبلىسى ايگىلەگەن تىڭ تارتىمدىلىقتى بايقايدى.

  (ليۋ شياڭ)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.