بايىنعولين موڭعۇل اۆتونوميالى وبلىستىق حالىق ىستەرى مەكەمەسىنىڭ 2 - دارەجەلى تەكسەرىپ - زەرتتەۋشىسى ءانۋار سۇلەيمەن
پومپەو، جىڭ گو - ىندار شينجياڭعا ساياتىن ساندىراقتارىن جاريالاپ، شينجياڭداعى ءار ۇلت حالقىنىڭ باقىتتى تۇرمىسىنا قاساقانا كۇيە جاقتى، ولاردىڭ سۇرقيا كەيىپ - كەسپىرى مەن سۇمپايى نيەتتەرى تاعى دا ايپاراداي اشكەرەلەندى. مەنىڭ مۇنداي وسەك - اياڭعا زىعىردانىم قاينايدى، باتىل قارسى تۇرامىن.
مەن نەگىزگى ساتىدا 30 جىل قىزمەت ىستەدىم، وسى جىلدارى بايىنعولين موڭعۇل اۆتونوميالى وبلىسىندا تۋىلعان زور وزگەرىستەرگە ءوز كوزىممەن كۋا بولدىم. مەن ءار ۇلت حالقىنىڭ ءبىر وتباسىنىڭ ادامدارىنداي ىنتىماقتى دا تاتۋ بولىپ، وسىناۋ قۇنارلى توپىراقتا باقىتتى تۇرمىس كەشىرىپ جاتقانىن تەرەڭ سەزىندىم. مەنىڭ وتباسىم دا ەرەكشە باقىتتى، شات - شادىمان، ۇلكەن ۇلىم اسپيرانتتىقتى بىتىرگەننەن كەيىن حالىقتىڭ ءبىر كومپىس قىزمەتكەرى بولدى، كىشى ۇلىم اسپيرانتتىقتى وقۋدا، بولاشاقتا شيپاگەر بولماق. مۇنداي باقىتتى تۇرمىستى بۇرىندارى مۇلدە ويلاۋعا كەلمەيتىن. جۋىق جىلدارى شينجياڭداعى ۇيعۇر ۇلتى جان سانى ۇزدىكسىز ارتتى، ارتۋ مولشەرى حانزۋ ۇلتى جان سانىنىڭ ارتۋ مولشەرىنەن كورنەكتى جوعارى بولدى، پومپەونىڭ ايتىلمىس ”ءناسىل جويۋ“ دەگەنى بارىپ تۇرعان ارسىزدىققا تولى وسەك - اياڭ.
مەن كەدەيلەردى دالمە - ءدال سۇيەمەلدەۋدىڭ شينجياڭنىڭ كەڭ - بايتاق اۋىل - قىستاق وڭىرلەرىندە جەر مەن كوكتەي وزگەرىستەر تۋدىرعانىنا كۋا بولدىم. ءبىزدىڭ حالىق ىستەرى مەكەمەسىنىڭ حوشۇت اۋدانى نارىنكەر اۋىلى بورتۋ قىستاعىنا كومەكتەسىپ سۇيەمەلدەۋىن الىپ ايتار بولساق، مالشىلاردىڭ اۋداندا جانە سول ماڭداعى اۋدان - قالالاردا تۇرار ءۇيى بار، تۇتاس قىستاق كەدەي قىستاق قالپاعىن الىپ تاستادى. بۇل پارتيانىڭ كەدەيلىكتەن ارىلتۋدان قامال الۋ ساياساتىنىڭ ەگىنشى - مالشىلارعا جەتكىزگەن كوزبەن كورۋگە، قولمەن ۇستاۋعا بولاتىن ناقتى تيىمدىلىگى. شينجياڭداعى ءار ۇلت حالقىن كەدەيلىكتەن ارىلتىپ، بايىتتى، مىنە بۇل دا ”ادامزاتقا قارسى قىلمىس“ ەسەپتەلە مە؟
شىندىققا تالاس جۇرمەيدى، ادىلەت جۇرت جۇرەگىندە. پومپەو تەكتەستەردىڭ جۇڭگونى بولشەكتەۋ جانە شينجياڭداعى ۇلتتاردىڭ ىنتىماعىن ءبۇلدىرۋ ارەكەتىنە شينجياڭداعى ءار ۇلت حالقى قاتاڭ قارسى تۇرادى، ول، ءسوزسىز، ماسقارالىقپەن جەڭىلىس تابادى. شينجياڭ − جۇڭگونىڭ شينجياڭى، وتاننىڭ مەيىرلى قۇشاعىندا شينجياڭنىڭ ەرتەڭى، ءسوزسىز، ءتىپتى دە كوركەم بولادى!
