لوپنۇر اۋدانى شيڭپيڭ قالاشىعى داشي قىستاعىنىڭ تۇرعىنى ميھرىگۇل سىمايىل
مەن اۋىلىمداعى ماقتا كاسىپ سالاسىنىڭ دامۋى مەن وزگەرىسىنە كۋا بولدىم.ءبىزدىڭ وتباسىمىز ەگىنشىلىككە سۇيەنىپ تىرشىلىك ەتەدى، باستى ەگەتىن داقىلىمىز ماقتا. ءار جولعى تۇقىم ءسىڭىرۋ مەزگىلىندە ءبىز ەرەكشە دەن قويامىز، جەر جىرتۋ، تۇقىم ءسىڭىرۋ، سۋارۋ، ارام ءشوپ وتاۋ، ءدارى شاشۋ، تەرۋ سىندى ءاربىر بۋىندى مەزگىل بويىنشا قاتاڭ جۇرگىزەمىز. اكەم ۇنەمى ماقتا ەگۋ ءبىزدىڭ باستى ەكونوميكالىق قاينارىمىز، وندا تيتتەي دە نەمقۇرايدىلىق ىستەۋگە بولمايدى دەپ وتىرادى.
وسى بىرنەشە جىلدا ماشينالانعان، كولەمدەنگەن، زەردەلىلەنگەن ەگۋ ۇلگىسىنىڭ جاپپاي جالپىلاسۋىنا ىلەسە، شاعىن وتباسىلىق ەگۋ ۇلگىسى ماقتا ەگىمشىلىگى قاجەتىن قاناعاتتاندىرا المايتىن بولدى. 2019 - جىلى مەن وتباسىمداعى 60 مۋ ماقتا اتىزىن جىلىنا ءار مۋىن 700 يۋاندىق باعامەن كاسىپتىك ەگىمشىلىك سەرىكتەستىگىنىڭ كولەمدەندىرە ەگۋىنە جالعا بەردىم. سودان كەيىن مەن دەربەس شارۋاشىلىق قۇرا باستادىم، ەنەم ەكەۋىمىز دە ۇلتتىق ەرەكشە تاعامداردى جاساۋعا شەبەرمىز، سونىمەن ۇيىمىزدەن شارۋالار شاتتىعى ساياجايىن اشتىق، ۇيىمىزدەگى شاعىن كوكونىس باقشاسىنا ءتۇرلى ورگانيكالىق كوكونىستەر ەكتىك، قوي، تاۋىق، ۇيرەك، قاز باقتىق، بۇل تابيعي تاعامدىق شيكىزاتتارىمىز ساياجايىمىزدىڭ بەتكە باسار ءدامدى تاعامىنا اينالدى. سوڭعى 2 جىلدا اۋىلىمىزدا ساياحات كاسىبى تەز قارقىنمەن دامىپ، شارۋالار شاتتىعى ساياجايىمىزدىڭ ساۋداسى بارعان سايىن كۇسەتتەندى. تاعامجايدان سىرت، ءبىز تاعى ۇيىمىزدەگى بوس تۇرعان ۇيلەردەن پايدالانىپ حالىقتىق تۇسەلحانا اشتىق، ساياحاتتىڭ قاۋىرت مەزگىلىندە ايىنا 20 مىڭ يۋاننان استام كىرىس كىرگىزدىك، جەتىسە الماي قالعاندا، كومەككە ادام دا ۇسىنىس ەتەمىز.
جۋىقتا H&M قاتارلى حالىقارالىق كيىم - كەشەك كاسىپورىندارى ايتىلمىس ”زورلىقپەن ەڭبەككە سالۋ“ دەگەندى سىلتاۋ ەتىپ، شينجياڭنىڭ ماقتاسىنا جالا جاۋىپ، كۇيە جاقتى، ونى شەكتەدى. مۇنداي ورىنسىز، جۇيەسىز ارەكەتكە مەن قاتتى كەكتەنەمىن. شينجياڭدا مەيلى ءبىز ماقتا ەگەيىك، الدە شارۋالار شاتتىعى ساياجايىن اشايىق، ءبىزدىڭ ەڭبەگىمىزدىڭ ءبارى ەركىن، ايتىلمىس ”زورلىقپەن ەڭبەككە سالۋ“ ەش ۋاقىتتا بولعان ەمەس، كوپشىلىكتىڭ ولاردىڭ وسەك - اياڭىنا سەنبەۋىن ءۇمىت ەتەمىن.
