انار بۇلت / شينجياڭ گازەتىنىڭ ءتىلشىسى لي شيڭ
قىزىل ىزدەر ⑨
4 - ايدىڭ 7 - كۇنى ءۇرىمجى قالالىق 13 - ورتا مەكتەپ ورتالاۋ 1 - جىلدىق (1) كلاسىنىڭ وقۋشىسى ساۋ شينياۋ ساباقتاستارىنا جۇڭگو كوممۋنيستەرىنىڭ شينجياڭ حالىق بۇقاراسىن باستاپ جاپون شاپقىنشىلارىنا قارسى تۇرۋعا جىلۋ اتاعان اڭگىمەسىن بايانداۋدا. سۋرەتتى انار بۇلت / شينجياڭ گازەتىنىڭ ءتىلشىسى زوۋ ي تۇسىرگەن
”رابيحان جاپون شاپقىنشىلارىنا قارسى تۇرىپ، وتاندى قۇتقارۋدىڭ ءمانىن تۇسىنگەندىكتەن بارىنشا شاتتانىپ، شىن نيەتىمەن كومەكتەسىپ، جاپون شاپقىنشىلارىنا قارسى تۇرىپ، وتاندى قۇتقارۋعا باستاماشىلدىقپەن 750 مىڭ ءسارى كۇمىس جاردەم اقشا اتادى“. كۇن شۇلەن شۇعىلاسىن شاشىپ تۇرعان 4 - ايدىڭ ءبىر كۇنى ءتىلشى اۆتونوميالى رايوندىق ارحيۆ سارايىنداعى جاپون شاپقىنشىلارىنا قارسى تۇرۋ ارحيۆىنەن وسى جازۋدى وقىعاندا، جاپون شاپقىنشىلارىنا قارسى تۇرىپ، وتاندى قۇتقارۋ جولىندا ادىلەتتەن جازباي مال - مۇلكىن جىلۋعا اتاعان ۇيعۇر ايەلى قارسى الدىندا تۇرعانداي سەزىندى.
پارتيا قۇرىلعاندىعىنىڭ 100 جىلدىعى قارساڭىندا، ءتىلشى اۆتونوميالى رايوندىق ارحيۆ سارايىنا بارىپ، سارعايعان ارحيۆتەردى اقتارىپ، جومارتتىق اسقاقتاعان سول جىلداردى قايتالاي ەسكە الدى. جاپون شاپقىنشىلارىنا قارسى سوعىس مەزگىلىندە جۇڭحۋا ۇلتى ءومىر ءسۇرۋ مەن قۇرىپ - جوعالۋ الدىندا تۇرعان قىسىلتاياڭ ساتتە، جۇڭحۋا ۇلتىنىڭ ۇيىسۋ قۋاتى بۇرىن بولىپ كورمەگەن دارەجەدە نىعايدى. جۇڭگو كوممۋنيستەرىنىڭ زور كۇشپەن ىلگەرىلەتۋىندە شينجياڭداعى ءار ۇلت حالىق بۇقاراسى جاپون شاپقىنشىلارىنا قارسى تۇرىپ، وتاندى جويىلۋدان قۇتقارۋ قيمىلىنا بەلسەندىلىكپەن ات سالىسىپ، اقشاسى بارى اقشاسىن، كۇشى بارى كۇشىن شىعارىپ، بۇكىل ەل حالقىمەن ءبىر نيەتپەن ىنتىماقتاسىپ، دۇشپانعا تەگىس كەكتەنىپ، جاپون شاپقىنشىلارىنا قارسى تۇرۋ سوعىسىنىڭ جەڭىسكە جەتۋىنە وشپەس ۇلەس قوستى.
ءبىر نيەتپەن ىنتىماقتاسىپ، ەل باسىنا تۇسكەن اۋىرتپالىققا تىزە قوسا بىرگە قارسى اتتاندى
جاپون شاپقىنشىلارىنا قارسى سوعىس مەزگىلىندە شينجياڭ ۇلكەن ارتقى شەپتەن الىستا بولعانىمەن، شينجياڭداعى ءار ۇلت حالىق بۇقاراسى جاپون شاپقىنشىلارىنا قارسى تۇرۋ قيمىلىنان ەشقاشان قاعىس قالعان جوق. جۇڭگو كوممۋنيستەرىنىڭ ىلگەرىلەتۋىندە بۇقارالىق ۇيىمدار بۇكىل ەلگە تەلەگرامما جولداپ: ”شينجياڭ شالعاي شەكارادا بولعانىمەن، جاپون شاپقىنشىلارىنا قارسى تۇرىپ، وتاندى قۇتقارۋ ءبىزدىڭ ەرەكشە مۇراتىمىز، ساقاداي ساي تۇرىپ، وتانداستارمەن بىرگە كۇرەس جۇرگىزۋگە انت ەتەمىز“، - دەدى.
”ىلە ءوڭىرى سۇييۋانعا كومەك بەرىپ، جاپون شاپقىنشىلارىنا قارسى تۇرۋعا جىلۋ اتاۋ كوميتەتى بۇقارالىق ۇيىمى قۇرىلدى، بارلىعىمىز حۋ شانيىندى كوميتەت باستىعى ەتىپ سايلادىق“. بۇل اۆتونوميالى رايوندىق ارحيۆ سارايىندا ساقتالعان رايونىمىزداعى جاپون شاپقىنشىلارىنا قارسى تۇرۋعا جىلۋ اتاۋ جونىندەگى ەڭ ەرتەدەگى تاريحي ماتەريال، وندا 1936 - جىلى 12 - ايدا ىلە وڭىرىندە جاپون شاپقىنشىلارىنا قارسى تۇرۋعا جىلۋ اتاۋ كوميتەتىنىڭ قۇرىلعانى، سونداي - اق ونىڭ قۇرامىنداعىلار، ادام سانى جازىلعان.
جاپون شاپقىنشىلارىنا قارسى تۇرۋ الدىڭعى شەبىنە كومەكتەسىپ جىلۋ اتاۋعا اتتانىسقا كەلۋ شينجياڭداعى ءار ۇلت حالقىنىڭ جاپون شاپقىنشىلارىنا قارسى سوعىسقا قوسقان زور ۇلەسى. 1936 - جىلى 11 - ايدا سۇييۋاندا جاپون شاپقىنشىلارىنا قارسى سوعىس تۋىلعاننان كەيىن، شينجياڭ حالقىنىڭ يمپەرياليزمگە قارسى تۇرۋ بىرلەستىگى 1 - رەتكى جاپون شاپقىنشىلارىنا قارسى تۇرۋعا جىلۋ اتاۋ قيمىلىن باستادى. 1937 - جىلى جاپون شاپقىنشىلارىنا قارسى سوعىس جالپى بەتتىك باستالعاننان 1938 - جىلعى قىستىق كيىم جىلۋعا اتاۋعا، 1942 - جىلعى مادەنيەت ارقىلى ارميادان حال سۇراۋعا، ونان 1943 - جىلعى ارمياعا اياق كيىم، بايپاق سيلاۋعا، ”ءبىر اۋدان ءبىر ۇشاق“ ۇشاق سيلاۋ قيمىلدارىنا دەيىن شينجياڭ حالىق بۇقاراسىنىڭ جاپون شاپقىنشىلارىنا قارسى تۇرۋعا جىلۋ اتاۋ قيمىلدارى جاپون شاپقىنشىلارىنا قارسى سوعىسپەن باستان - اياق بىرگە جالعاستى.
اۆتونوميالى رايوندىق ارحيۆ سارايىندا ساقتالعان باي اۋدانىنىڭ ءبىر تەلەگرامماسىندا بىلاي دەپ جازىلعان: ”ءار ۇلت بۇقاراسى جاپون قاراقشىلارى جاۋ كۇشتەرىنە تەگىس كەكتەنىپ، قىستىق كيىمدەرىن جىلۋعا اتاۋعا شىن نيەتپەن بەلسەندىلىك كورسەتتى. سول جەردە اقشاسى بارلار اقشاسىن، زاتى بارلار زاتىن اتاپ، ەرەكشە بەلسەندىلىكپەن ات سالىستى“. بۇل تەلەگراممادا 1938 - جىلى 10 - ايدا بۇكىل ەلدە قىستىق كيىم جىلۋعا اتاۋ قيمىلى باستالعان كەزدەگى شينجياڭ حالىق بۇقاراسىنىڭ جىلۋ اتاۋعا جابال ات سالىسقان كورىنىسى جازىلعان.
قيمىل باستالا سالا شينجياڭداعى ءار ۇلت حالىق بۇقاراسى مەن ۇيىمداردىڭ قولداۋىنا يە بولىپ، اۋداندار جابال جىلۋ اتاۋ قيمىلدارىن وزدىكتەرىنەن ۇيىمداستىردى. قۇلجا اۋدانى ولكەلىك كۇمىس بەلەتتەن 70 ميلليون ءسارى جىلۋ جينادى، جىنشي اۋدانى ولكەلىك كۇمىس بەلەتتەن 3 ميلليون 504 مىڭ ءسارى جىلۋ جينادى، چياندى اۋدانى ولكەلىك كۇمىس بەلەتتەن 22 ميلليون 375 مىڭ 200 ءسارى جىلۋ جينادى... قىسقا عانا ۋاقىتتا بۇكىل ولكەدەگى اۋدانداردىڭ جىلۋعا اتاعان كۇمىس بەلەتتەرى الدىڭعى شەپكە قاراي اعىلدى.
جۇڭگو كوممۋنيستەرى العا قويعان ”بارلىعى جاپون شاپقىنشىلارىنا قارسى سوعىستىڭ جەڭىسى ءۇشىن“، ”اقشاسى بارلار اقشاسىن، كۇشى بارلار كۇشىن شىعارسىن“ ۇندەۋىنە ءۇن قوسىپ، شينجياڭداعى ءار ۇلت حالىق بۇقاراسى جومارتتىقپەن جىلۋ اتاپ، الدىڭعى شەپتەگى قولباسشىلارى مەن جاۋىنگەرلەرگە قىستىق كيىم، اياق كيىم، بايپاق جيناپ، ۋلى گازدان ساقتانۋ بەتقالقاسىن، جىلقى اتاپ، ۇشاق ساتىپ الىپ بەرىپ، مادەنيەت ارقىلى ارميادان حال سۇراۋ قيمىلىن ورىستەتىپ، ەرەكشە كۇشتى وتانشىلدىق ىنتاسىن ايگىلەدى.
ماتەريالدا كورسەتىلۋىنشە، 1940 - جىلى يمپەرياليزمگە قارسى تۇرۋ باس بىرلەستىگىنىڭ ساناعىندا، 1937 - جىلى 9 - ايدان 1940 - جىلى 5 - ايعا دەيىن بۇكىل شينجياڭداعى ءار ۇلت حالىق بۇقاراسى سول كەزدەگى تەڭگەگە شاققاندا 3 ميلليون 220 مىڭ يۋاننان استام اقشا جىلۋ اتاعان. مەيلى كولەمى، الدە جىلۋعا جينالعان اقشا مەن زاتتىڭ سانى جاعىنان بولسىن، شينجياڭ بارلىعىندا بۇكىل ەلدىڭ الدىڭعى لەگىندە جۇرگەن. اسىرەسە، 1938 - جىلى شينجياڭ قىسقا عانا ءبىر جىلدا ءبىر ميلليون 500 مىڭ يۋاننان استام جىلۋ اقشا جيناپ، 10 سوعىس ۇشاعىن ساتىپ الىپ، ولاردى ”شينجياڭ ءنومىرلى“ دەپ اتاپ، جاپون شاپقىنشىلارىنا قارسى سوعىستىڭ الدىڭعى شەبىنە ۋحاندى قورعاۋ شايقاسىنا قاتىناسۋعا جونەلتكەن.
اۆتونوميالى رايوندىق ساياسي كەڭەستە ۇزاق جىلدار بويى شينجياڭنىڭ مادەني، تاريحي ماتەريالدارىن جيناۋ، رەداكسيالاۋ قىزمەتىمەن شۇعىلدانعان، بيىل 89 جاسقا كەلگەن تاڭ يۇڭساي قاريا وسى تاريحتى تىلگە العاندا الىگە دەيىن قاتتى تەبىرەنەدى: ”شينجياڭداعى ءار ۇلت حالىق بۇقاراسى ءبىر نيەتپەن ىنتىماقتاسىپ ەل باسىنا تۇسكەن اۋىرتپالىققا تىزە قوسا قارسى اتتاندى، وتاندى سۇيگەن قالتقىسىز سەزىمگە جەر مەن كوك كۋا. كەيىنگى ۇرپاق اۋەلگى ماقساتتى ۇمىتپاي، بۇگىنگى وڭاي - وسپاق قولعا كەلمەگەن، بەرەكەلى دە ىنتىماقتى باقىتتى تۇرمىستى قادىرلەۋى ءتيىس“.
جاپون شاپقىنشىلارىنا قارسى سوعىس اياقتالمايىنشا، جىلۋ اتاۋدى توقتاتپادى
2015 - جىل ءدال جاپون شاپقىنشىلارىنا قارسى سوعىس جەڭىسكە جەتكەندىگىنىڭ 70 جىلدىعى، وسى جىلى 8 - ايدىڭ 18 - كۇنى «شينجياڭ گازەتىنىڭ» 10 - بەتىنە جاپون شاپقىنشىلارىنا قارسى تۇرۋعا جىلۋ اتاۋعا قاتىستى ماقالالار جاريالاندى، ولاردىڭ اراسىندا ۇيعۇر كەدەي تۇرعىن ايسانىڭ بالاسىن جاپون شاپقىنشىلارىنا قارسى تۇرۋ سوعىسىنىڭ الدىڭعى شەبىنە جىبەرگەن اسا اسەرلى اڭگىمەسى باياندالدى.
ۇيعۇر كەدەي تۇرعىن ايسانىڭ ءۇيى كەدەي بولىپ جىلۋعا اقشا، زات اتاي الماعاندىقتان، 18 جاستاعى ۇلىن الدىڭعى شەپكە جاۋمەن ايقاسۋعا جىبەرەدى. ول: ۇلىم ەگەر شايقاس مايدانىندا ەرلىكپەن جاۋدى جويماسا، وپاسىز بولعانى، ولسەم دە كورمەيمىن، - دەيدى. ايسانىڭ ءوز ۇلىن الدىڭعى شەپكە جىبەرۋىنە قاتىستى ارتقى شەپ كومەك بىرلەستىگىنىڭ ولكەلىك ۇكىمەتكە جولداعان ءبىر مالىمەتىندە: ”ەگەر ۇلىم ادالدىقپەن جاپون شاپقىنشىلارىنا قارسى سوعىسىپ، جاپون قاراقشىلارىن جويماسا، وندا وپاسىز بولعانى، مۇنداي بالا مەندە جوق، ونى ولسەم دە كورمەيمىن“ دەلىنگەن. ايسانىڭ جاپون شاپقىنشىلارىنا قارسى تۇرۋداعى تاماشا ايبارلى نيەتى ارادا تالاي جىل وتسە دە، ءار ءسوزى قۇلاقتى جاڭعىرتارداي.
جۇڭگو كوممۋنيستىك پارتياسىنىڭ باسشىلىعىندا شينجياڭدا جاپون شاپقىنشىلارىنا قارسى تۇرۋعا جىلۋ اتاۋ قيمىلى ۇزاق ۋاقىتقا جالعاسىپ قانا قالماستان، كولەمى دە كەڭ بولدى. ەل باسىنا اۋىرتپالىق تۇسكەن كەزدە، ۇلت قاتەرگە ۇشىراعان شاقتا ءار ۇلت حالىق بۇقاراسى ”جاپون شاپقىنشىلارىنا قارسى سوعىس ءبىر كۇن اياقتاماسا، ءبىزدىڭ جىلۋ اتاۋ قيمىلىمىز ءبىر كۇن دە توقتامايدى“ دەگەن ءداۋىردىڭ كۇشتى ءۇنىن اسقاقتاتتى.
اۆتونوميالى رايوندىق ارحيۆ مەكەمەسى اشىپ پايدالانۋ باسقارماسىنىڭ باستىعى گو حۇڭشيا ارحيۆ قىزمەتىمەن ۇزاق ۋاقىت شۇعىلدانىپ، جاپون شاپقىنشىلارىنا قارسى سوعىس مەزگىلىندەگى ارحيۆ تاريحي ماتەريالدارىن جيناۋ، كورمەگە قويۋ، رەداكسيالاپ قۇراستىرۋ قىزمەتىنە تالاي رەت قاتىناسقان. ”بۇل تاريحي ماتەريالداردى ءار رەت رەتتەۋ مەن جونىنەن ايتقاندا، ءبىر رەتكى كوڭىل تازارتۋ ەسەپتەلەدى“. گو حۇڭشيا بىلاي دەدى: بۇل ارحيۆتەردى اقتارعاندا، ءار ۇلت حالىق بۇقاراسىنىڭ جاپون شاپقىنشىلارىنا قارسى تۇرۋ بەكىمى مەن وتانشىلدىق ىنتاسى قاعاز بەتتەرىنەن قاز - قالپىندا كورىنەدى، كوپشىلىكتىڭ جاۋعا تەگىس كەكتەنىپ، جىلۋ اتاۋ قيمىلىن دابىرالى ورىستەتكەن كورىنىسى كوز الدىعا كەلەدى.
”قىستىق كيىم اتاۋ قيمىلىندا يمپەرياليزمگە قارسى تۇرۋ بىرلەستىگى بۇكىل شينجياڭدا 3 كۇندىك اقشا اتاۋ قيمىلىن باستاپ، بۇقارانىڭ وتانشىلدىق ىنتاسىن جوعارى ورلەۋگە كوتەردى“. گو حۇڭشيا بىلاي دەدى: ديحۋاداعى (ءۇرىمجىنىڭ بۇرىنعى اتاۋى) 70 نەشە جاستاعى ءبىر قاريا ءوزىنىڭ بىردەن - ءبىر اقشاعا جارايتىن التىن سىرعاسىن قۇلاعىنان الىپ بەردى؛ قازاق جەسىر ايەل جايىق ءوزىنىڭ سۇيەنىپ تىرشىلىك ەتىپ وتىرعان بار مال - مۇلكى − 50 ءسارى اۋىرلىقتاعى التىن تايتۇياعىن جىلۋعا بەردى؛ تاقيا تىگەتىن 7 ۇيعۇر ۇستا وزدەرىنىڭ ءبىر كۇنگى تابىستارىن اتادى؛ ءبىر باستاۋىش مەكتەپ وقۋشىسى شينجياڭ گازەتى مەكەمەسىنە حات جازىپ، ءتاتتى الۋدان ۇنەمدەپ جيناعان اقشاسىن الىپ شىعىپ، جاپون شاپقىنشىلارىنا قارسى تۇرۋعا 9000 ءسارى ولكەلىك بەلەتتى جىلۋعا اتادى؛ كەيبىر از ۇلت باۋىرلاستار وزدەرىنىڭ اتا - بابالارىنان قالعان نەمەسە ىشەر اس، كيەر كيىمنەن ۇنەمدەپ جيناعان اقشالارىنا العان اسپا كىلەم، تورعىن كيىمدەرىن، سيىر - قويلارىن، ەسەك، كۇرىش، ءبيداي سياقتىلارىن جىلۋعا اتادى...
”شينجياڭداعى ءار ۇلت حالىق بۇقاراسى وزدەرى جاپون شاپقىنشىلارىنا قارسى تۇرۋ سوعىسىنىڭ الدىڭعى شەبىنەن الىس بولسا دا جاپون شاپقىنشىلارىنا قارسى تۇرۋ سوعىسىمەن قاتىسىمىز جوق دەپ سەزىنبەدى، جۇڭگو كوممۋنيستەرىنىڭ ىقپالى مەن باستاۋىندا، ءار ۇلت حالىق بۇقاراسى ىشەر اس، كيەر كيىمنەن ۇنەمدەپ، ءوز كۇشتەرى ارقىلى جاپون شاپقىنشىلارىنا قارسى تۇرۋ سوعىسىنا ۇلەس قوستى“، - دەدى گو حۇڭشيا.
تاريحتى ۇلگى ەتىپ، ءداستۇردى ساۋلەلەندىردى
ءتىلسىز ارحيۆ تاريحتى اڭگىمەلەپ، وشپەس رۋح كەيىنگىلەردى شابىتتاندىردى.
وسى تاريحتى ەستە بەرىك ساقتاۋ ءۇشىن، اۆتونوميالى رايوندىق ارحيۆ سارايى جاپون شاپقىنشىلارىنا قارسى سوعىس جەڭىسكە جەتكەندىگىنىڭ 60 جىلدىعىن ەسكە الۋ قارساڭىندا، سارايدا ساقتالعان ارحيۆتەردەن 670 تاريحي ماتەريالدى تاڭداپ شىعىپ، «جاپون شاپقىنشىلارىنا قارسى سوعىس مەزگىلىندەگى شينجياڭداعى ءار ۇلتتىڭ جاپون شاپقىنشىلارىنا قارسى تۇرۋعا جىلۋ اتاۋ ارحيۆ تاريحي ماتەريالدارى» اتتى كىتاپتى رەداكسيالاپ باسپادان شىعاردى. كىتاپتىڭ العى سوزىندە بىلاي دەپ جازىلدى: ”بۇل كەزەڭدەگى تاريح بىزگە شينجياڭداعى ءار ۇلت حالىق بۇقاراسىنىڭ جۇڭحۋا ۇلتىنىڭ ءومىر ءسۇرۋى مەن قۇرىپ - جوعالۋى سىنعا تۇسكەن ساتتە ايگىلەگەن وتاننىڭ مۇددەسىن بارلىعىنان جوعارى قويعان، ءار ۇلت ءبىر نيەتپەن ىنتىماقتاسىپ، سىرتقى جاۋدىڭ قورلاۋىنا بىرگە قارسى تۇرعان وسكەلەڭ وتانشىلدىق رۋحىن شوعىرلى كورسەتىپ قانا قالماستان، شينجياڭنىڭ بۇكىل ەل حالقىمەن تىنىستاس، تاعدىرلاس بولىپ، تاۋقىمەتتى باستان بىرگە كەشكەن، ءومىر مەن ولىمدە بىرگە بولعان داڭقتى ءداستۇرىن دە تولىق ايگىلەدى. مۇنداي رۋح پەن ءداستۇر بۇگىنگى كۇن ءۇشىن ايتقاندا دا ءالى اسا قاستەرلى رۋحاني بايلىق، ءبىزدىڭ جاڭا تاريحي شارت - جاعدايدا ۇزدىكسىز اسقاقتاتا ءتۇسۋىمىزدى قاجەت ەتەدى“.
4 - ايدىڭ 7 - كۇنى تۇستەن بۇرىن ءۇرىمجى قالالىق 13 - ورتا مەكتەپ ورتالاۋ 1 - جىلدىق (1) كلاسىنىڭ يدەيا ساياسي ساباعى. ”ءبىر سىلاقشى ارتقى شەپ كومەكتەسۋ بىرلەستىگىنە جازعان حاتىندا ’وتاندى ءسۇيۋ تىلەگىم ناق، اقشا جىلۋ اتۋعا دارمەنىم جەتپەي وتىر. بۇگىن بىرەۋگە جالدانىپ ىستەۋدەن تاپقان ولكەلىك بەلەتىم 3500 ءسارىنىڭ 500 ءسارىسىن 2 نان ساتىپ الىپ جەۋگە قالتىرىپ، قالعانىن تۇگەلدەي جىلۋعا اتادىم‘ دەگەن“. وسى كلاستىڭ وقۋشىسى ساۋ شينياۋ ساباقتاستارىنا جاپون شاپقىنشىلارىنا قارسى سوعىس مەزگىلىندەگى جۇڭگو كوممۋنيستەرىنىڭ شينجياڭ حالقىن باستاپ جاپون شاپقىنشىلارىنا قارسى تۇرۋعا جىلۋ اتاعان اڭگىمەسىن جاندى بايانداپ بەردى.
وسى مەكتەپتىڭ ورتالاۋ 1 - جىلدىعى ءار رەتكى يدەيا ساياسي ساباقتان بۇرىن وقۋشىلارعا 3 مينۋتتىق پارتيا تاريحى جونىندە شاعىن اڭگىمە ايتقىزادى، وقۋشىلار تاقىرىپتى، دايىندىق ساباق دەتالىن وزدەرى تاڭدايدى، بۇل قيمىلدى وقۋشىلار قاتتى ۇناتادى.
ورتالاۋ 1 - جىلدىق يدەيا ساياسي ساباق وقىتۋشىسى شى ياننان بىلاي دەدى: وقۋشىلارعا پارتيا تاريحى جونىندە شاعىن اڭگىمەلەر ايتقىزۋ ارقىلى ولاردىڭ پارتيا جونىندەگى تانىمدارىن تەرەڭدەتۋىنە كومەكتەسىپ، بالالاردىڭ جۇرەگىنە وتان ءۇمىتىن اقتاۋدىڭ، حالىققا قىزمەت ەتۋ تۇقىمىن سىڭىردىك. سونىمەن بىرگە قالىڭ وقۋشىلاردى تاريحتان ۇلگى الىپ، وتانشىلدىق جانە ۇلتتار ىنتىماعى داڭقتى ءداستۇرىن اسقاقتاتىپ، بۇگىنگى باقىتتى تۇرمىستى بارىنشا قاستەرلەپ، قۇلشىنا ۇيرەنىپ، تالاپتانا ەسەيىپ، تاڭداۋلى قۇرىلىسشى جانە ءىزباسار بولۋعا تاربيەلەدىك.
