تيانشان تورى   ›   جاڭالىقتار   ›   شينجياڭ حابارلارى

ءىرى ىستەر ەستەلىگى 11

ءىرى ىستەر ەستەلىگى 11

  1955-جىلى

  1 - ايدىڭ 4 - كۇنىنەن 10 - كۇنىنە دەيىن شينجياڭ ولكەسىنىڭ 1 - كەزەكتى سەرىكتەسۋ - سەلبەسۋ ۋاكىلدەرى جانە 2 - كەزەكتى ەڭبەك ەرلەرى ۋاكىلدەرى ءماجىلىسى ۇرىمجىدە وتكىزىلدى.

  2 - ايدىڭ 22 - كۇنىنەن 26 - كۇنىنە دەيىن جۇڭگو حالىق ساياسي ءماسليحات كەڭەسى شينجياڭ ولكەلىك 1 - كەزەكتى كوميتەتىنىڭ ءبىرىنشى جالپى ءماجىلىسى ۇرىمجىدە اشىلدى. ماجىلىستە شينجياڭ ولكەلىك ساياسي كەڭەستىڭ باسشىلىق قۇرىلىمى سايلانىپ، جۇڭگو حالىق ساياسي ءماسليحات كەڭەسى شينجياڭ ولكەلىك 1 - كەزەكتى كوميتەتى رەسمي قۇرىلدى.

  2 - اي شينجياڭ جاس وقۋشىلاردى قىزمەتكە قابىلداۋ دادۇيى گۋاڭدۇڭعا، سوڭىنان تاعى جياڭسۋ، جىجياڭ، انحۇي، حۋبەي، شانشي سياقتى ولكەلەرگە بارىپ جاس وقۋشىلاردان جيىنى 3000 ادامدى شينجياڭعا كەلۋگە قابىلداپ، جەر - جەردىڭ، تاراۋلاردىڭ كادرلار قوسىنىن تولىقتىردى.

  8 - ايدىڭ 25 - كۇنىنەن 9 - ايدىڭ 11 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ 3 - كەزەكتى ۋاكىلدەر ءماجىلىسى اشىلدى، ماجىلىستە «شينجياڭ ءوڭىرىنىڭ حالىق شارۋاشىلىعىن دامىتۋ 1 - بەسجىلدىق جوسپار جوباسى جونىندەگى قاۋلى» جاسالدى.

  9 - ايدىڭ 13 - كۇنى مەملەكەتتىك 1 - كەزەكتى حالىق قۇرىلتايى تۇراقتى كوميتەتىنىڭ 21 - رەتكى ماجىلىسىندە شينجياڭ ۇيعۇر اۆتونوميالى رايونىن قۇرۋ بەكىتىلىپ، شينجياڭنىڭ ولكەلىك قۇرىلىمى كۇشىنەن قالدىرىلدى. «حالىق گازەتىندە» 9 - ايدىڭ 15 - كۇنىنە دەيىن شينجياڭ اۋماعىندا ءارقايسى ۇلتتىق اۆتونوميالى وبلىستار، اۆتونوميالى اۋداندار تۇگەلدەي قۇرىلىپ بولعاندىعى حابارلاندى.

  9 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىن كۇشىنەن قالدىرۋدى ۇيعارىپ، ورنىنا جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىن قۇردى. شينجياڭ بولىمشە بيۋروسى ءار دارەجەلى پارتكومدارعا 10 - ايدىڭ 1 - كۇنىنەن باستاپ جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ رەسمي كۇشىنەن قالدىرىلىپ، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى قۇرىلاتىندىعىن حابارلاندىردى.

  9 - اي ورتالىق حالىق ازاتتىق ارمياسىندا اسكەري شەن ءتۇزىمىن اتقارۋدى ۇيعاردى، شينجياڭنان سايپيدەن ازەزگە جۇڭجياڭ اسكەري شەنى بەرىلدى، ءمامتىمىن يمىنوۆ قاتارلىلارعا شاۋجياڭ اسكەري شەنى بەرىلدى، ولار جاڭا جۇڭگونىڭ ءبىرىنشى توپتاعى شينجياڭ از ۇلت گەنەرالدارى بولدى.

  10 - ايدىڭ 1 - كۇنى شينجياڭ ۇيعۇر اۆتونوميالى رايونى قۇرىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ەڭ جوعارى حالىق سوتى مەكەمەسىنىڭ باستىعى، مەملەكەتتىك ساياسي كەڭەستىڭ ورىنباسار ءتوراعاسى دۇڭ بي - ۋ ورتالىق ۋاكىلدەر ۇيىرمەسىن باستاپ قۇتتىقتاۋعا كەلدى.

  10 - اي قارامايلى تاۋى 1 - ءنومىرلى قۇدىعىنان مۇناي شىعىپ، جاڭا جۇڭگونىڭ ءبىرىنشى ءىرى مۇناي الابى − قارامايلى مۇناي الابى بايقالدى. 1956 - جىلى 9 - ايدىڭ 5 - كۇنى «حالىق گازەتى» «قارامايلى جانە سايدام مۇنايلى وڭىرىنە كومەك بەرەيىك» اتتى باسماقالا جاريالادى. وسىدان سوڭ، كوپتەگەن ادامدار بۇكىل ەلدىڭ جەر - جەرىنەن شينجياڭعا كەلىپ، قارامايلى مۇناي الابىنىڭ قۇرىلىسىنا ات سالىستى.

  12 - اي بيڭتۋاننىڭ 1 - رەتكى نەگىزگى قۇرىلىس ءماجىلىسى ۇرىمجىدە اشىلدى، ماجىلىستە سۋ يگىلىگى قۇرىلىسىن بار كۇشپەن سالىپ، بەلسەندى تۇردە جەر اشىپ، تىڭ يگەرىپ، ەگىستىك جەر كولەمىن كەڭەيتىپ، جاڭا ەگىس الاڭدارىن قۇرۋ سىندى الداعى قىزمەت باعىتى مەن مىندەتى اتاپ كورسەتىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.