تيانشان تورى   ›   جاڭالىقتار   ›   شينجياڭ حابارلارى

ءىرى ىستەر ەستەلىگى 12

ءىرى ىستەر ەستەلىگى 12

  1956-جىلى

  3 - ايدا شينجياڭ - شيزاڭ تاس جول قۇرىلىسى باستالدى. 1957 - جىلى 10 - ايدا قۇرىلىس اياقتاپ، اۆتوكولىك قاتىنادى.

  4 - ايدا مەملەكەتتىك كەڭەس بۇكىل مەملەكەتتى ءبىر تۇتاس 11 تۇردەگى وڭىرگە ءبولىپ ەڭبەكاقى ولشەمىن اتقارۋدى ۇيعاردى، شينجياڭنىڭ شارت - جاعدايىنىڭ جاپالى، شەت - شالعاي ورنالاسقاندىعىن ەسكەرىپ، شينجياڭدى 11 - تۇردەگى ەڭبەكاقى رايونىنا ەنگىزدى. سونىمەن بىرگە، تۇرمىس قوسىمشا قاراجاتى مەن شەكارا ءوڭىر جاردەم اقشاسىن قوسىپ تاراتتى.

  5 - ايدا اۆتونوميالى رايوندىق پارتكوم 3 - رەتكى مال شارۋاشىلىق وڭىرلەر قىزمەتى ءماجىلىسىن اشىپ، «شينجياڭ ۇيعۇر اۆتونوميالى رايونىنىڭ مال شارۋاشىلىعىن دامىتۋ جوباسىن (جوبا نۇسقا)» جاساپ، مال شارۋاشىلىعىنا سوتسياليستىك وزگەرىس جاساۋ باعىت - ساياساتىن ورتاعا قويدى.

  6 - ايدىڭ 21 - كۇنى اۆتونوميالى رايوندىق پارتكوم شينجياڭدا قۇربان بولعان جۇڭگو كوممۋنيستىك پارتياسىنىڭ مۇشەلەرى چىن تانچيۋ، ماۋ زىمين، لين جيلۋ، چياۋ گوجىن، ۋ ماۋلين 5 توڭكەرىستىك قۇرباننىڭ سۇيەگىن ءۇرىمجىنىڭ وڭتۇستىك قالا ماڭىنداعى قۇرباندار قابىرستاندىعىنا اپارىپ جەرلەۋدى ۇيعاردى.

  7 - ايدىڭ 9 - كۇنىنەن 24 - كۇنىنە دەيىن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايونىنىڭ 1 - قۇرىلتايى ۇرىمجىدە اشىلدى. 7 - ايدىڭ 26 - كۇنى 1 - كەزەكتى كوميتەتى 1 - رەتكى ءماجىلىسىن وتكىزدى، ۋاڭ ىنماۋ اۆتونوميالى رايوندىق پارتكومنىڭ 1 - شۋجيى بولىپ سايلاندى.

  7 - ايدا اۆتونوميالى رايوندىق پارتكومنىڭ باسقارۋىندا، «اۆتونوميالى رايوننىڭ بۇكىل ەل بويىنشا اۋىل شارۋاشىلىعىن دامىتۋ باعدارلاماسىن (جوبا نۇسقا) دايەكتىلەندىرۋ، اتقارۋ جونىندەگى ناقتى جوباسى» جاسالدى.

  9 - ايدىڭ 15 - كۇنىنەن 27 - كۇنىنە دەيىن جۇڭگو كوممۋنيستىك پارتياسىنىڭ مەملەكەتتىك 8 - قۇرىلتايى بەيجيڭدە وتكىزىلدى. قۇرىلتايدا «حالىق شارۋاشىلىعىن دامىتۋدىڭ 2 - بەسجىلدىق جوسپارى جونىندەگى ۇسىنىس» ماقۇلداندى. مەملەكەتتىڭ ”2 - بەسجىلدىق“ جوسپارى شينجياڭدى كەڭ كولەمدە ونەركاسىپ قۇرىلىسىن جۇرگىزەتىن بازالاردىڭ قاتارىنا قوستى.

  9 - ايدىڭ 25 - كۇنىنەن 10 - ايدىڭ 2 - كۇنىنە دەيىن شينجياڭ ۇيعۇر اۆتونوميالى رايونىنىڭ تۇڭعىش كەزەكتى جاستار قۇرىلتايى ۇرىمجىدە اشىلىپ، شينجياڭ ۇيعۇر اۆتونوميالى رايوندىق دەموكراتيالىق جاستار بىرلەستىگى رەسمي قۇرىلدى.

  11 - ايدا بيڭتۋان ءۇرىمجى - كورلا تاس جولىن جاساۋعا قولباسشىلىق ەتۋ شتابى قۇرىلىپ، باستىسى ءۇرىمجى - كورلا تاس جولىنىڭ 2 - مەرزىمدىك قۇرىلىسىن سالۋ مىندەتىن ارقالادى.

  12 - ايدا شينجياڭ 2 جىل 8 اي ۋاقىتپەن جەكەلەر باسقارۋىنداعى ساۋدا - ونەركاسىپ سالاسىنا سوتسياليستىك وزگەرىس جاساۋدى ورىندادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.