گاۋۋا
حوتان اۋدانىنداعى ۇيعۇر ۇل بالا شياۋمايدىڭ (جاناما اتى) جاراقاتىنىڭ كوپ جاقسارعانى، راسىندا، ادامدى قۋانتادى. سۇيىسپەنشىلىك ارقىلى تىرشىلىك تىنىسىن جالعاۋدىڭ حيكاياسىندا كوپتەگەن تاراۋ، كوپتەگەن بۋىن سايكەسە وتىرىپ سەلبەسىپ، قاپىسىز ۇشتاسىپ، اقىرىندا وپەراتسيانى ءساتتى جاسادى، بۇل شياۋمايدىڭ ءومىرى جونىنەن العاندا، كەرەمەت ءىس.
نە نارسە ءومىردىڭ كەرەمەتىنە كۇشتى تىرەك بولدى؟
كەرەمەتتىڭ ارقا سۇيەرى ءتۇزىم. ءىس جۇزىندە، مۇنداي كوپ جاق بىرلەسىپ ارەكەتتەنگەن شۇعىل قۇتقارۋ، كومەكتەسۋ شينجياڭدا تەك وسى عانا ەمەس، ومىرگە ساياتىن تالاي - تالاي ”كۇش جالعاۋ جارىسىندا“ ءارقايسى تاراۋلاردىڭ ۇدايىلانعان، تۇزىمدەنگەن توتەنشە جاعدايعا توتەپ بەرۋ شارالارى تۇتاس قۇتقارۋ، كومەكتەسۋ بارىسىنىڭ ءساتتى ىلگەرىلەۋىندە اسا ماڭىزدى رول اتقاردى. ءتۇزىمنىڭ اقاۋسىزدىعى مەن ونىمدىلىگىنىڭ ساۋلەلەندىرەتىنى − رول مەن قامتاماسىزدىق، تەكسەرەتىنى − جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيى، ايگىلەيتىنى − حالىق ءۇشىن قىزمەت ىستەۋ باس ماقساتى.
كەرەمەتتىڭ سۇيەنىشى حالىق تۇرمىسى. جۋىق جىلداردان بەرى شينجياڭ ءار ۇلت بۇقاراسىنىڭ تۇرمىس قاجەتىن مىقتاپ ارقاۋ ەتىپ، كوپتەگەن نىسانداردى سالىپ، كوپتەگەن ناقتى ىستەردى تىندىرىپ، كوپتەگەن ماسەلەلەردى شەشتى، اسىرەسە، نەگىزدىك قۇرىلعى قۇرىلىسى ۇزدىكسىز كەمەلدەنىپ، ەمدەۋمەن قامتاماسىز ەتۋ دەڭگەيى ۇزدىكسىز جوعارىلادى... ساندىق توپتالۋدان ساپالىق سەكىرۋگە دەيىن؛ تۇيىندەردە ناتيجە شىعارۋدان جۇيەلىك قابىلەتتىڭ وسۋىنە دەيىن حالىقتىڭ ىرىس - قۇتى ۇزدىكسىز ارتىپ، ءومىردى، سالاماتتىقتى قورعاۋعا كۇشتى قاتتى بولشەك تىرەگىن ازىرلەدى، ونان دا ماڭىزدىسى، ءار ۇلت بۇقاراسىنا اناعۇرلىم مول تابىس سەزىمىن، باقىت سەزىمىن، حاۋىپسىزدىك سەزىمىن سيلادى.
بۇگىنگى كۇنى شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋى بۇرىن بولماعان تابىسقا قول جەتكىزدى، ءبىز تەك بۇلجىماستان دامۋدى حالىق تۇرمىسىن جاقسارتۋدا تياناقتاندىرساق، جەرگىلىكتى ورىنعا تيىمدىلىك جەتكىزۋدە تياناقتاندىرساق، ىنتىماقتى جەبەۋدە تياناقتاندىرساق عانا، شينجياڭداعى ءار ۇلت حالقىنىڭ ەرتەڭى، ءسوز جوق، ءتىپتى دە باقىتتى، كوركەم بولادى.
(”لەپتى لەبىز“ ماقالا جولداۋ پوچتا ساندىعى: xjrbplb@126.net)
